SoC9的个人专页

3月尾，趁天氣重未好熱，到沙田這間有露天座位的餐廳happy hour。餐廳位於2樓，先要經過1條長樓梯。reception設在地面。很奇怪，那位女仕用對講機通知樓上有2位客人，但係我地等咗2～3分鐘，佢又問咗好幾次都無人應佢，唔通上面好忙？星期四下晝5點幾，全場得1檯外籍人仕。室外空間很大，我地被安排到最外邊位置。 今日唔想飲啤酒，雖然happy hour的紅酒價錢只係比normal hour平＄10倒，大概＄4x／杯，也就來2杯囉！又要咗1份香腸拼盤。紅酒當然係平價貨色，勝在份量也多。香腸拼盤味道ok，最好笑係其中1條竟然係你同我都好熟識嘅廚師牌雞肉腸！洋蔥汁能為白烚無煎過嘅香腸加1點香氣。薯蓉不滑溜，唔香，份量屬微型。伴碟嘅什菜份量亦奇小，可幸混合似係桃汁嘅沙律汁，都幾好味。 坐咗半個鐘倒，才有一對男女到來。又奇怪，全場得2檯人，竟然安排他們2人坐喺我地隔離張檯！唔通驚我地悶？坐2個鐘傾吓計，每人都係幾廿蚊，環境都唔錯。但始終比人感覺係，食物可以做得更用心，服務可以更顧及客人所想，例如想要煙灰缸、黑椒同後來追加1杯紅酒，每次都要等待服務員出現。加上座位的奇怪安排，實在係令人覺得不足。希望此處能自我圓善，始終沙田的露天餐廳酒吧唔多，其實呢度有好大優勢啊。…查看更多

因為老人家嘅原因要入屯門，對上一次係十年前喇。黃金海岸都重係咁靚，充滿度假感覺。此行目的雖然同天色一樣灰暗，連綿細雨，但我地都把握老人家最後一次帶比我地嘅旅程，到黃金海岸散散悶氣。行咗一個圈，又落雨，匆匆坐下哩間Kebab店。Corona做特價，來一round。又叫咗Lamb Kebab同Prawn Curry with rice。Kebab夠味、多汁、羊肉淋，唔錯！但如果份量大D會感覺抵D。Prawn Curry with rice，汁稀、唔夠香、蝦太細、飯偏少，咖喱中加番茄係日式同港式嘅混合體，與個人口味不符。如果再嚟Ebeneezer's都係叫Kebab好D。不停落雨，小孩還是不顧一切玩到哈哈大笑。…查看更多

同媽咪喺沙田shopping，搵位下午茶，經過哩度唔洗等位，望落都幾靚就坐低喇。餐廳卡位舒適，尤其左邊樓底好高，下午時份陽光喺天窗透入，好好坐呀！望望餐牌，係最唔喜愛嘅中西fusion (即係例如叉燒湯意或豉椒焗三文魚飯)。無緊要，選擇都幾多，揀最正常嘅先。叫咗椰香海鮮湯豬扒髮絲麵同埋炸魚柳香檳汁蛋包飯。椰香海鮮湯好香呀，豬扒淋，髮絲麵似極幼米線，還附上幾片生菜，比想像中好味。炸魚柳都唔錯，無雪味又唔會好乾，所謂香檳汁即係忌廉汁？飯略嫌唔夠汁，香檳汁變成名存實’忘’。侍應服務好好，很有禮貌。加上寬闊座位同充沛陽光，要tea一tea係幾好選擇。…查看更多

過了Happy Hour，食飯時間，為傾計同飲啤酒，喺沙田新城市無選擇，唯有去和民等位。7：15pm 攞飛，侍應姐姐話要等over一個鐘。8：20pm 番去重有10幾個先到，再行15分鐘番去，點知突然間跳咗好多張檯，過咗成10個。唉！咁你咪罰我地囉！唔洗由頭再排過下嗎？此時係8：35pm，侍應姐姐要我地再攞飛，同依家先嚟嘅人一樣再排過？！最終我地等到9：30pm 先有位，total2個鐘頭15分鐘！我諗哩次係我地最後一次幫襯嚕！其實食店當然可以有自己嘅等位規則，關鍵係食物質素又或價錢係咪值得等囉。。。2人叫咗：和風一口牛 ＄59~ 無牛味，可能忘記落鹽，加蘿蔔蓉原本係一番好意，但係與牛同吃，淡上加淡，要加大量附送醬汁，可選燒汁或柚子汁。三文魚刺身 ＄53~ 普通過普通，唔肥美，唔係厚切，無魚味。海老蟹肉丸子 ＄36~ 一口咬下三份一個，居然無食到任何餡料，莫講蟹肉，連忌廉都少得可憐，索價連加一＄40/4個，十蚊一粒，哩刻真係有被騙感覺。天婦羅烏冬＄53~ 烏冬、天婦羅分開擺，唔會淋。烏冬彈牙，湯好味，係唯一讚好食物，可惜天婦羅份量奇少，製法亦只係脆漿絕對唔係天婦羅。蝦連脆漿只有中指咁大，小型冬菇重要1分為2，小型青椒又要1分為2，加珍貴矮瓜一片。早知通脹壓力大，哩刻感受至深。Asahi啤酒（大）$39~ 一坐低即叫，但係全部嘢食嚟齊後10分鐘都未到，問咗兩次先出現！檯同檯距離甚近，說話內容一清二楚，但係環境乾淨，燈光適中，10點後鄰檯走咗，其實都幾好坐嘅。可惜洗手間喺商場另一邊十分遠，有D唔方便。…查看更多

去深圳做衫，朋友提議到此吃晚飯。原來東門樂園路成條街都係海鮮飯店，因為好少去東門，見倒咁情況都有少少期望。星期日晚8時，店外路邊坐滿人，好似好熱鬧，但係我地覺得太大塵，因為檯凳貼近馬路邊，都係坐室內好D。店外一排排魚缸，魚蝦蟹貝殼類任揀，同香港嘅海鮮飯店一樣。此店有兩層，我地被安排坐下層樓梯傍。嘩！個地好油呀！衛生環境唔理想，既然嚟到唯有希望D嘢食無問題囉！否則幾平都無用。叫咗幾樣嘢: 睇落價錢平，但全部迷你版，加上煮法超Hea，基本上係全部白烚，然後加'料頭'落鑊抄5秒，無味、無鑊氣。豉椒落得唔夠，辣酒煮花螺最奇，睇落好多辣椒，實情係唔辣、無酒味，食落似油水煮熟嘅螺。比較好嘅係白切雞，雖然係冰鮮雞起碼唔un同無雪味。薑蔥蟹都新鮮，西蘭花抄鮮尤雖無味，但係西蘭花軟硬度剛好，唯有加辣椒油同吃！好在係超肚餓時到達飯店，感覺上有飯有餸，食得飽嘅！加2枝啤酒，又一餐！溫馨提示：分別2檯國內中年男人都同秤海鮮嘅員工爭執，揀海鮮時小心確認講掂數啊！個地好油呀！小心跣親 !僅記食飽、臨走或必要時先好去廁所。。。…查看更多

上次試過Dan Ryan’s嘅 T-bone未如理想，今次要向澳洲連鎖餐廳進發。星期四的黃昏，本來只係喺TST行街，Happy Hour 時間又想坐低飲番杯，去The One同isquare 嘅 Bar都滿座，又唔想去諾士佛臺，又再行多陣，都肚餓喇，不如食飯。嘩！嚟到門口比佢嚇親。星期四夜晚都有20人等位，拿飛後行街15分鐘，回來5分鐘後有位，但係是路口位，檯係迷你型，而且同隔離檯只有8吋距離，所以情願先到bar檯邊飲邊等窗口位。 叫咗份porterhouse share，menu 寫明20oz，以我地嘅食量。。。唔叫其他嘢喇！先送來黑糖麵包＆餐湯，麵包夠熱，甜甜地好味。是日餐湯係洋蔥忌廉湯，稀杰適中，忌廉味頗濃。 牛扒肉味算唔錯，叫4成熟效果滿意，size比想像中大，相信足20oz。side dish揀咗薯茸同菜絲沙律，薯茸份量太少，有點孤寒，感覺上叫焗薯抵好多。菜絲沙律份量亦偏少，但酸酸甜甜又爽口，好味開胃。附送嘅黑椒汁較像燒汁，唔夠黑椒味，不過都幾好食，食晒再refill。 睇見鄰檯叫嘅意粉同Aussie Cheese Fries勁吸引，但份量驚人，未敢挑戰，相信要搞多人飯局先可以再試。8時前Happy Hour，啤酒買一送一，抵！這裡食物質素好，服務好，要求等窗口位無黑面，又有求必應，無當你透明。唯一係餐廳幾大，但係檯排得密密，full house時幾嘈，好多食客大伙兒喺到慶祝生日呢！…查看更多

本人是牛魔王，一向鍾情西冷，前陣子不知何故對porterhouse突感興趣，決定向美式餐廳出發。到九龍塘睇戲前先到下面Dan Ryan’s食飯。燈光昏暗，美式裝修幾特別，卡位舒適好坐。先開一支紅酒，老實講純粹要點酒精助興，已忘記產地及味道，記憶中係唔難飲ok嘅。唔洗考慮，一份T-bone steak share，原來這裡無porterhouse，只有T-bone，既然來到都試下囉。邊食麵包邊等，大約10幾、20分鐘上檯，好在我地一路飲酒一路等，唔係會覺得幾奈。至於牛扒質素真係一般，menu上無寫明係邊到嘅牛，應該係澳牛吧。我地叫4成熟，但係近骨位置係超生，我諗只有兩成熟，對我地嚟講生唔係問題，但係佢生得嚟唔好話`趙’，切都切唔開，近骨位好多肉都食唔倒，有D浪費囉。其實我覺得舊牛肉味都幾好嘅，只係肉質唔夠鬆化，另外最大問題係由麵包到牛扒、串燒蔬菜＆薯茸都係凍嘅，隻碟又無加熱，這恐怕連基本也未達標。反而後來到此happy hour，叫咗份cheese burger share，真係好得，有幾種cheese比我地揀，要咗blue cheese，勁夾！平時我唔係好食blue cheese，但係加埋哩個burger真係好好食呀！另外又加＄加咗蘑菇（Total大約＄120）。最重要係夠熱！Burger set配粗薯條、紅洋蔥、少少沙律菜＆酸瓜。幾大份㗎，女生應該食唔晒。…查看更多

心大心細…去唔去試試好呢?好似好抵…卒之都係去咗!8點到達 已有幾十人在門口等入座如樓下食家說幾十人在門口等 但望入去D位係吉嘅各人3番4次查問才開始叫名情况奇怪很可能餐廳東主或經理是新手需要時間同經驗改善…座下不用order已有一碟牛、一碟豬、一碟海鮮、一碟三文魚刺身比你試鐘意咩再encore三文魚刺身ok 其他刺身淡而無味……個人認為浪費Quota各款牛 無咩牛味…而且不知是否我唔識燒? 定係D肉切得太薄來來去都chi住晒個網 除咗厚如一口牛、羊鞍其他薄肉來來去都住晒個網攪到D濃嘢chi住D肉 食落苦苦哋我本身是牛魔王但這餐卻認為豬最正! 蝦及螺都唔錯D嘢全部大大碟 完全唔’沽寒’亦都新鮮最後share一個冷烏冬…彈牙!Service好好喎! 雖然只有一次換網機會…但都算合理追加醬汁每格加五蚊我哋追加一格waitress卻捧來一大碗 讚!D單係亂D幾次落完單來到嘅食物或數量唔啱waitress都禮貌回應 睇得出餐廳有heart想做好件事不過佢哋真係好忙喎! 可能要請多幾個人了總括感覺上抵食但不要與貴價燒肉店或刺身店相題並論這樣的聯想只會令人失望…查看更多

第一次去….嘢食唔多3款processed沙律no good…. 另有salad base自己加sauce…好過無!點心 ( 牛肉, 素餃, 珍珠雞 )無特別刺身有2種三文魚&章紅魚三文魚ok 章紅魚勁多筋最得係燒豬肋骨Curry魚蛋羅白豬皮味濃香hambuger勁難食什麼甘荀湯 無味甜品亦唔得tea buffet甜品都難食好難幫倒你hagen dazs杯裝雪糕除外 有賣飛佛cookies n cream雖然我唔飲coffee…coffee maker 都唔錯 有Cappuccino… Expresso…etcservice好好環境開揚十分精神埋單HSBC card有8折不過食物真係麻麻唔會encore lu…查看更多

Ok wor三文魚 鰻魚 赤貝 都新鮮雖然機啤飯硬咗D 三文魚無咩三文魚味豉油同WASABI都完全無味但98蚊2位任食 重想點 !?…查看更多

今日去開荃灣 想食魚蛋粉見“味皇魚蛋粉” 咪試下囉點知離晒譜首先間嘢叫 “味皇魚蛋粉”但係無魚蛋 =.=”咁咪叫4寶河 友人叫5寶河D丸不值一提 普通打邊爐貨色最攪笑係D湯原來係滾水可以肯定係 一粒鹽都無落lor咩事呀!? 好嬲lor“滾水河”都得!?隔離枱3位啊姐已忍唔住問其中一個樓面 :『係咪唔記得落味? 一D味都無喎!』樓面答 : 『無味? 係咁架喎!』哦 ! 明白 ! 收到晒 !相信很快自然被OUT…查看更多

Inexpensive, fresh foods with good service! Will go again!…查看更多

Very very salty with the Spaghetti Bolognese! Never purchase again.…查看更多

I had 'Seafood Rice Burger' set in Mega box branch. Very disappointed. Not as you expected. Maybe i prefer U.S. style rather than Jap. Seats?.....HKD 40.00/set(10 French Fries & a drink)?....? Talking about the fast food...maybe we should stick with the oldies, at least to feed you from starve. Personal opinion, Mac it is!…查看更多