Estherp的个人专页

正如前面有其他Foodie所講啲客返大陸唔係冇原因呢度啲員工服務態度非常差明明冇位 就話門口張枱個阿婆就走但其實阿婆都未開始食我絕對唔係介意同阿婆搭枱但我介意你唔問我介唔介意搭枱就呃左我入黎我話：阿婆食都未開始食，可唔可以轉枱帶位：唔得喎，我叫左飛家人：你即係呃我入嚟啫帶位：唔係～而家咪轉俾你（因為佢態度差，家人都開始發火佢先轉枱）之後個帶位幫手舖枱個態度勁晦氣差啲同佢開火 本身呢度價錢唔平 食物其實唔差 店內員工服務還好係個帶位服務態度對唔住食物嘅價錢食到咁上下無啦啦走黎話夠鐘仲要入黎果時都冇講限時90分鐘唔怪得啲客去哂第二間食啦下次唔再黎…查看更多

今日放假同家人黎左呢度食晚餐呢度嘅食物唔錯 海鮮蟹蓋炒飯幾特別 蟹蓋上有隻生嘅鵪鶉蛋同蟹膏撈埋一齊食幾好味仲有泡菜豚肉鍋都好味整體食物質素都滿意環境舒服 枱與枱之間唔迫店員親切細心有禮價錢都Ok 我地兩個人叫左五樣野（唔記得影支豆😂）計埋加一 總數$374 可以下次再黎食❤️…查看更多

已經唔記得第幾次黎喇，呢度係嘅裝修幾有情調，試過約朋友黎呢度慶祝生日，約朋友食飯傾計😃呢度嘅食物質素尚算不錯，賣相同味道都吸引，不過可能呢日係Happy Friday，坐滿人真係好嘈，坐位比較迫，亦要限時1.5小時，所以都係平日時間黎會好好多😐…查看更多

黎到土瓜灣一定要試下譽麵坊每次黎呢度食野都總係好多人，原因為除左係好味之外，仲好抵食，呢度嘅南乳雞球米線，我黎親都一定會食，炸雞香趣可口得黎，又唔會覺得一口都係粉，而且呢度嘅南乳醬同辣椒油，相信喺出面係食唔到。呢度除左南乳雞球麵，其實仲有好多野都好好味，而且仲有台式飲品，今次就叫左杯香芋珍珠，好好飲😋每次有朋友黎探我，我都會帶朋友黎食😚呢度環境比較窄，但都尚算舒服，黎開土瓜灣嘅朋友一定要黎試下😋😋…查看更多

星期日下午，18:00上到黎，本來店員話要打烊，但都俾我地坐到19:00，好好😍入到黎環境好森林系，好多乾花，仲好多貓咪🥰如果冇數錯，應該都有六隻貓一隻狗，好舒服，仲有望海嘅窗口位😍我地上黎果陣其實都冇哂野食咁滯，我同朋友就揀左牛油果太陽蛋飽，望落個樣好簡單，但加埋醬汁好好味，不過呢度要收坐位費，加埋有少少偏貴，但如果係上黎玩貓、飲下野傾下計，呢度都係唔錯嘅選擇😄…查看更多

一般黎和喜都係叫麻辣米線，今日試下叫蕃茄湯😍呢度環境唔錯，企理舒適，所以間中都會黎食，一般我會叫麻辣米線同香草雞翼，真係好好味😋😋😋今日就試下叫蕃茄薯仔湯，係清清地幾好味，仲加左我最鍾意食嘅魚腐，呢度嘅魚腐真係要試下，同我以往食嘅係有唔同，識食嘅你一定要試下喇😍…查看更多

今日約左客人喺金鐘等，點知早左成個鐘唔知可以去邊，最好係去快餐店，因為食完可以坐一陣，唔怕俾人趕😃呢度環境不錯，不過人流真係好多，早上11:30都好多人黎食野🙈我叫左個燒味飯同熱奶茶，好味！一向都覺得大家樂嘅燒味同熱奶茶好好味，所以叫呢兩樣實冇錯🥳…查看更多

正所謂擇日不如撞日，同朋友嘅時間太難就，食餐生日飯都改兩次期，突然咁啱大家都得閒，不如就今晚啦😍 不過，即興嘅飯局，想搵地方食嘢都唔係咁易，度度都咁多人，又想打邊爐又想放題，突然諗起呢間食店😋呢度環境舒適，枱與枱之間有塊板隔住，感覺有多一點私人空間😃食物質素亦不錯，湯底好好味，食物亦新鮮，款式亦算多，仲有雪糕食😍下次會再黎❤️…查看更多

今日係第二次黎，第一次只係黎飲杯野，今次係黎晚飯😋呢度嘅地點都算易搵，樓底高，都坐得舒服😚呢度嘅食物質素同飲品都唔錯，我叫左牛油果雞肉意大利飯，其實味道好好又唔太漏，只係雞肉多返dd就更好，之後見到有食客推介竹炭咖啡，所以都叫左一杯，係真係唔錯，而且拉花好靚🥰最後不得不讚嘅係店員嘅服務，有禮貌之餘仲好熱心，見到我地冇蠟燭，好貼心咁幫我地安排埋，所以整體都好滿意🥰…查看更多

今晚約左朋友仔食飯，諗左陣佢話想食呢間嘅車仔麵，開頭都麻麻地想試，但最後都陪朋友入左黎😮呢度嘅裝修好有懷舊風味，點餐寫嘅紙係過膠的，非常環保👍🏻坐位亦算舒服，整體環境都滿意😃今次點左白蘿蔔、豬大腸、菜肉燕餃、牛舌米粉，味道不錯，下次要黎試埋樽裝咖啡同奶茶先😚…查看更多

珠記係我地經常黎嘅餐廳，主要係因為近同方便😙呢度嘅環境都算不錯、企理，只係服務一般。今次我點嘅係雞扒蛋出錢一丁麵，雞扒都煎得好香脆，出錢一丁麵就林左少少。今日可能太多單，其他同事都差唔多食完，我同另一個同事嘅餐，最後要催兩次先到😪…查看更多

今朝朋友仔提議黎呢度食早餐，其實敏華出名嘅暗然銷魂飯食過唔只一次，但早餐就第一次黎食😚呢度嘅環境都幾舒服，唔算好迫，企理乾淨。食物質素亦不錯，我點嘅係炒蛋多士、沙嗲牛肉米，我最鍾意係炒蛋，真係好滑好好味，沙嗲牛肉米湯底都不錯，下次會再黎食😋😋…查看更多

呢次晚飯黎呢度，主要係因為有一位朋友係素食者，一人一鍋，自己想揀咩食同咩湯底都得，而且仲可以電話訂枱，好方便🥰呢度環境好舒服，枱與枱之間唔會好迫，感覺有返少少私穩度，今晚仲可以坐到卡位，自成一角，可以暢所欲言😚呢度嘅野食除左賣相不錯，而且份量都按返人頭數目，食物新鮮，味道亦不錯，我叫左個骨膠原柚子鹽湯，湯底好好味，飲左好多啖湯😂因為湯底夠清新，食左肉都唔會好漏，菜亦都好新鮮，唔老，好好味下次會再黎食架❤️…查看更多

今日朋友仔叫我陪佢食飯，諗唔到食咩嘅情況下跳左入黎太興，以往對太興嘅印象都係食燒味，但今次我地嗌送食飯😋我地叫左個蝦仁洋蔥蕃茄炒蛋同炸菜蒸雞肉，蝦仁洋蔥蕃茄炒蛋就略為多左啲洋蔥，如果多少少蛋會比較好，炸菜蒸雞真係好好味，雞肉好滑，好好送飯😋😋坐位非常舒適，下次會再黎😋…查看更多

今晚朋友帶我黎呢度補足生日，黎到果刻記得兩年前黎過呢間食店，雖然呢度地方有少少窄，不過都可接受。呢度嘅食物種類算多，加$30仲可以任食刺身，刺身嘅質素都唔錯，其他嘅食物都有驚喜，我地叫左個椰子雞鍋，雞肉非常嫩滑，豬潤都新鮮，叫左嘅幾款丸都相當彈牙，非常滿意！朋友覺得飲品嘅種類唔多，不過對我冇咩影響，因為我淨係飲茶😂…查看更多