nicxnine的个人专页

今日因要喺朗豪坊睇戲，見呢間食評吾錯就試下。2個人叫左豬頸肉（味道一般，但個醬同平時嘅吾同，吾好味），油酥餅，蒜蓉包（蒜蓉得薄薄一層），細火山排骨（個汁得個酸字吾辣，好怪，完全吾match）及青檸荔枝沙冰。正體食物質素一般，職員好無禮貌， 吾會再幫襯。…查看更多

今晚食$1188二人餐，獅子頭好淋，完全無口感，白飯凍嘅；片皮鴨好肥膩，份量好少；係個鮑魚幾好味，其餘食物都好一般，服務亦吾好。埋單減左5張$100海港城coupon都要$851，完全不值一試。…查看更多

疫情下受限聚令及6pm後無堂食嘅影響，最近喺呢度搞左個簡單嘅wedding party。呢度環境寬敞舒適，所有staff都好nice同pro，嘢食同飲品都好有水準。事前經過溝通，幫我準備左我想播嘅background music同decoration, 所以大家都影左好多靚相留念。聽聞cafe黎緊會有酒牌，希望疫情後再黎試下massage同飲下cocktail。…查看更多

6月曾到新都會分店叫榴槤沙冰，榴槤味超重，溫度亦吾係超凍，相信落左好少冰，真材實料，令我一直回味。今次黎呢間分店再飲，一飲已經覺得落左好多冰，榴槤成分好少，而且仲不斷咬到一粒粒冰，完全吾smooth，飲到最尾仍然有好大粒冰，完全吾掂；相反個燒牛肉法包就熱辣辣好脆，好味。…查看更多

見食評吾錯，加上名人效應，今日下午去試。叫左一碗紅燒牛肉刀削麵及玫瑰檸檬冰茶。前者蔥及酸菜太多，令湯很酸甜，完全蓋過原先湯味，加上麵太厚，碗細湯少，完全索吾到湯汁，好膩，食左一半就食吾落了，唯一讚嘅係牛真係好腍，但得3舊；後者真係估吾到，原來檸檬、玫瑰加綠茶會變成香精味，好難飲。總括：好一般，無下次。…查看更多

10年吾去西貢一次，行過見有人排隊，又傳來新鮮出爐嘅麵包香味，就買左1個菠蘿包($11)同1個菠蘿油($17)試下。過程中職員好惡死同無禮貌。食完菠蘿油後，覺得無特別，因包太熱令牛油溶哂，個人不喜歡此口感，較喜歡食到一舊牛油嘅軟滑質感；加上多片牛油就貴$6，覺得不值。所以試一次就夠了。…查看更多

睇openrice見呢間食評吾錯，食物又幾特別，就去試下。去到坐2人檯好逼好嘈，因檯與檯嘅距離超窄。由於吾太肚餓，只叫了冬陰冬湯飯及小食拼盤。前者其實吾錯，但太辣，無法食完；後者味道ok。但最扣分嘅係個個職員都好無水準，落單、斟水、連埋單都要等好耐，d食物未食完問都吾問就想收走，見到客人走又吾會講bye bye......所以試一次就夠了。…查看更多

今次係第3次食，記得過往2次經驗麻麻，但琴日閒日6pm喺元朗想食點心同千層糕，所以就諗起老馮。一去到門口，一檯客都無，心想時間尚早而已。入到去一個後生、長頭髮、箍牙嘅waitress態度極差，個樣勁不屑，加上最愛嘅千層糕刪除左無得叫，已經想起身走人，但無奈開左茶無得走。唯有叫另一最愛芋角，點知職員又話要逢星期六、日先有......最終求其叫左4籠點心，再轉戰勝利牛丸，咁岩遇上貌似老闆娘嘅人，所以招呼好好多囉！！！…查看更多

上次第一次weekend黎食lunch buffet，覺得選擇好多，又有生蠔，但麵包蟹蓋就得幾個，比人夾哂就吾會refill。最無奈係食食下有機構帶幾十個長者黎包大半個場食buffet，人生第一次遇到呢個情況，基於衛生原因，搞到甜品都無乜點夾，只拎雪糕。今次黎食dinner buffet，事前已對比mira同紅磡都會海逸，呢間係最貴同用膳時間只得3小時。今次安排坐近燒味果邊，愛食海鮮的我每次都要行好遠，加上生蠔條隊每次都成十幾人，洗蠔職員真的好姿悠＝＝" 開邊龍蝦就肉向下殼向上咁放，等人睇吾到有無膏，仲要2次想拎職員見到都特登吾refill, 麵包蟹蓋都係頭一round比人夾哂就吾refill。總括，建議閒日試下lunch buffet都ok，dinner buffet就免了，因呢個價錢仲有好多選擇。…查看更多

之前都有幫襯過幾次花膠撈粗外賣，都ok。但上次去荃灣分店堂食已經瀨嘢，坐近廁所位，廁所又吾關門，勁大陣臭味，同d侍應講叫佢哋一係關廁所門一係開大d冷氣，但都不被理會，簡直好似食緊x咁。今日外賣左一碗花膠撈粗及一碗碗仔翅，撈粗d冬菇好鹹，碗仔翅超稀，從未見過有碗仔翅咁稀，仲落左超多麻油，飲左2啖完全好似飲緊麻油咁，根本吾可能再飲落去。想打去投訴連電話都無，永久blacklist!!!!!!!!!!!…查看更多

之前經過荃灣分店，但無食過。見旺角呢間入選，又話有2層，又有西餐同甜品，就一行3人去試。伏位1:寫旺角地鐵站行7分鐘，結果行左好耐，原來近火車站。伏位2: 門口餐廳名燈牌好多字母都壞左無著燈，加上坐樓下好細好殘舊，d吊燈低到不尋常，行過就撞頭。3. 叫左豬肋骨拼薯條、蜆肉意粉及海鮮意大利飯，意大利飯正常好味，薯條脆 ; 但意粉好苦，豬肋骨個心係凍嘅。埋單$336，總括食物質素好差，價錢貴，份量好少，完全吾飽。我哋要再去新世紀食第2餐。…查看更多

今晚2個人去食，我哋2個之前都分別去過1次。叫左每人1碗烏冬，2串串燒及牛油焗金菇。首先，無哂卡位，要搭4人檯，檯與檯之間完全無距離; 有個長髮女職員態度好差; 最離譜係$45叫金菇，分量同去超市買一包一樣!!!完全吾值呢個價錢。…查看更多