gwailam的个人专页

好耐冇去鴨脷洲西邨，喺海怡半島四期對面，原來街市已經裝修得好，乾淨企理。樓上有間蟹點，Menu有泰國料理，中式小炒。今日好想食蟹，嚟到鴨脷洲冇理由唔食海鮮，蟹都有六款選擇包括咖喱，辣椒膏炒蟹，粉絲煲，白胡椒等等。為咗可以送飯揀咗咖喱炒蟹。上碟金黃色好吸引，肉蟹大約一斤半左右，足夠二人份量，蟹鉗都大大隻。咖喱汁仲落咗蛋花，濃郁咖喱送咗兩碗飯。西蘭花炒龍躉球，魚皮好有膠質，好厚的都有八塊魚片。啫啫生生菜煲份量好大，滾住上枱，香味由廚房傳到過嚟。食完仲有得洗手，食到捧住個肚。…查看更多

最近先知道，原來太古城中心係有間天天海南雞，因為唔係咁易搵到間餐廳😓。但佢既裝修係幾得👍🏻，座位又闊落👍🏻。雖然佢出名係食雞，但我試下其他，叫左個原條酸菜魚，賣相都唔錯，仲要係微微㷫住熱熱地👍🏻，魚都好大片，幾滑，幾好味😋。小食有黃金雞脆骨，幾有咬口，鹹蛋黃都係邪惡，但又會好食到停唔到口🤤，今晚我最鍾意係這個火焰石燒豬頸肉，上枱時店員係會幫你再燒一燒佢，好香，又有少少脆口的。再來一碟脆口野黃金蠔餅，點一點甜酸醬汁，夾到爆。最後來碗油飯，飽飽又好味，都幾抵食👍🏻唔錯，可以當家常便飯，得閒就黎🤣。…查看更多

假日去尖沙咀美麗華廣場嘆下 winter brunch。餐廳座位寬闊，有好多植物，好似去左泰國亞熱帶地區🌲🌷🌻。仲有outdoor area, 兩間大房可以坐十幾人。brunch menu 有starter，appetizer包括泰色鮑魚，紅磚豆腐。豆腐值得一食，夠鬆脆。七款小食任食例如泰式生蝦，蝦餅， 馬拉盞炒菜 ，肉碎生菜包。最喜愛炒肉碎有鑊氣再包生菜，朋友食生蝦，兩分鐘內清碟。第一次waiter 會將所有小食送上，之後encore邊款再任order。 主菜任選一款，揀左咖哩蝦配薄餅，食到肚full 哂。甜品叫個芒果糯米飯，芒果睇落幾生，但加埋椰汁原來都算甜。…查看更多

位於九如坊，地方比較偏僻，但入到店入又係另一個世界，木系簡約日本風味，感覺很特別的omakase。隱世大廚先附上靜岡縣小番茄🍅等我地開下胃先😉，再有比較名貴的伊勢海老 + 海老頭內的膏配岩鹽，嘩！係正🫰🏻食到舔舔脷😋。下一道菜是日本生蠔🦪赤穗，size不算大，但好新鮮好甜😍。鰹魚配生洋蔥🧅，魚比較重味，口感又幾特別👍🏻。黎緊的一道菜又係未試過，魚喜 ，將條魚千切（切到魚骨都都唔見，食左骨都無問題） 配試梅汁，又真係幾好食🤤。壽司方面：日本賴尿蝦壽司🍣，賴尿蝦本身外殼都比較難拆，而家師父可以完整一舊上枱，係勁。日本北寄貝壽司🍣，食前師傅拍打一下，睇到都知新鮮👍🏻。伊豆金目鯛壽司🍣油份多，但不油膩，飽滿口感😋。中拖羅壽司🍣入口溶化，我致愛😋。赤陸壽司🍣好彈牙油份 豐富口感。海膽手卷🤓好甜好鮮好好味，好想再食多份🤤。整體嚟講，都係無得輸，期待下一次😉😉😉…查看更多

從維園行過去天后方向，5至7分鐘到達火鍋舖。餓着個肚今晚可以開大餐。餐牌都幾多款式，有椒鹽炸魷魚，新鮮即炸紫菜響鈴，即炸魚皮等等。海鮮類仲有龍蝦，魚，蟶子，扇貝。見到有個魚缸入邊龍蝦生生猛猛，order一份椒鹽龍蝦，上枱熱辣辣，肉質厚實，味道亦會過鹹。湯底係椰子雞鍋，湯底淨係睇顏色都知道真材實料，淡淡黃色有濃郁雞味。另外仲有半隻新鮮雞另上，幾抵食。桂花魚起肉，完全冇骨，都幾嫩口。手打丸系列一定要試，q 彈牙墨魚丸，見到屋企人食到舔舔脷。…查看更多

北角蜆殼街晚上人流唔多，但有間食日本菜，就上比較多人。今晚我約咗朋友去食，睇下你係咪咁正。有個梅酒menu，來杯先（易入口、微甜、好香、飲完感覺順口）。小食有蟹膏豆腐鱈魚乾，估唔到豆腐同蟹膏會咁夾，墊底有鱈魚乾，脆口夠味，呢個小食可以再encore👍🏻。醬燒三文魚炸蝦卷都唔錯，加了醬燒係幾好。究極丼上場😋可以話係豐盛，好新鮮，而且大部份魚生都係厚切，仲有隻蛋黃比你撈飯，食落口感豐富、有層次感，真係好好食。再來有炸串海苔墨魚他他，又幾彈牙，幾好咬口，少少脆，又有紫菜👍🏻另外還有日本雞柳配牛油果蓉，這個食法幾特別，但又真係幾好食😂。甜品有Frozen士多啤梨🍓配煉奶。效果幾好😋。非常滿足，而且價錢大眾化😊可以成日黎食都唔怕👍🏻。…查看更多

今晚去了皇室堡3/F一個間西餐廳，估唔到咁大間，如果搞party最適合，而且入門口附近有個噴水池，非常啱打卡的我😆。另一邊窗可以望住維園，景觀幾遼闊。先來個前菜：香草牛油焗田螺配有蒜蓉包，有香草🌿又真係幾香又可口，田螺的汁流晒落底部，被薯蓉吸收晒，超正超好味😋。手工牛油煎蟹餅賣相不錯👍🏻蟹餅表面煎到金黃色，咬落去蟹肉一絲絲，加上有椒絲碎粒伴蟹餅，增添不少色彩👍🏻👍🏻。再來有香煎北海道帶子紅花意大利飯🇮🇹，帶子煎香表面，帶有少少脆口，而且非常香口，僅僅熟，所以帶子內裡好柔軟👍🏻非常有口感。最後當然要叫返個甜品：自家製藍莓醬士多啤梨班戟，賣相真係吸引你打卡的😆，mixedberry醬加軟熟的班戟，再有糖霜甜甜地，好好味😋。下次要再約一大班朋友encore先得👍🏻👍🏻👍🏻。…查看更多

喺中環中心上九如坊方向，有間隱世嘅omakase。座位10幾個，裝修好寬闊。Dinner menu 有Sashimi五款，蒸和炸物，煮物，sushi五款等。頭盤係熟嘅牡丹蝦同鯛魚湯，fresh。sashimi 係牡丹花海膽，赤貝，燻青魚，金目鯛，最有印象係令立立及爽口嘅赤貝。炸希靈魚子，加上一串黑豆當作日本過年食材。香相蟹條好有印象，菊花做汁，賣相夠靚，蟹蓋上係炸牛蒡絲。sushi 有池魚，厚厚的松皮鰈，帶子，池魚嘅魚身反晒光，似喺北海道魚市場嘅新鮮度。金鯛鱗燒，有大黑本菇配紫菜汁。魚鱗燒到脆卜卜，好似薯片。燒春魚加入皇帝菜椰菜花 sauce，味道夾。sushi 有好厚肉北寄貝，肥而不膩大拖羅，昆布海膽同江戶前做法既海鰻。無論喺食材口感，醬汁，整體廚師落咗好多心機。…查看更多

油麻地地鐵出口行數分鐘，餐廳大約可以坐30幾人，入門口有好多功夫熊貓圖案。Menu有水煮菜式，酸菜魚，麻辣小龍蝦，炸串，煮食包括蔥油拌麵，炒飯，同埋我必點嘅紅糖糍粑。酸菜魚顏色同香味都值高分，有蒜頭椒香，冇乜油份，魚片份量都好足夠二至三人。魚完全冇骨，加上寬粉吸晒上湯，不到10分鐘已經清晒。水煮牛肉香氣撲鼻，order小辣都係輕而易舉，牛肉滑嘟嘟，睇見都流口水。串燒魷魚鬚，每個order十串，加入孜然粉，好在食物份量唔算太大，否則食唔晒。…查看更多

黃埔食肆都算好多，地鐵站出口幾分鐘路程有間幾大嘅coffee shop。裝修用warm嘅格調，深色木傢俬配上黃燈，感覺舒服。地方都有二十幾張枱，大家仲好有距離。夜晚有live band, 可以慢慢坐傾偈。食物方面有沙律，pasta，Pizza。appertizer 當然唔少得鹹蛋黃芝士炸雞翼，炸完都算Juicy。Caesar Salad 芝士粉鋪滿romaine 菜，pesto蘑菇spaghetti 有炒過嘅意粉香味。pizza喺脆薄皮，賣相睇落似章魚小丸子，因為材料差唔多包括鰹魚絲，紫菜，沙律醬。甜品有雪糕士多啤梨同拿破崙放落一個酒杯入面，賣相唔錯。…查看更多

大角咀打邊爐都有十幾間，喺奧運站行10分鐘有間粥底火鍋。平日都幾多熟客幫襯，坐位主要卡位。海鮮餐有龍蝦餐包括七款即劏海鮮，六款自選火鍋配料，蔬菜同海鮮粥。份量都好足夠，每款海鮮都有教煮幾多分鐘，例如鮑魚係3分鐘，入口剛剛好，鮑魚質感軟身。聖子都新鮮，彈牙。肉蟹同海蝦晶凝通透，對於小店處理海鮮油這種新鮮嘅程度，實在驚喜。食咗海鮮同火鍋配料之後，waiter 會幫你煮粥，充滿着海鮮精華，再加入南瓜粒，芋頭粒，蔥花，香噴噴。…查看更多

銅鑼灣Times Square後面，木球會對面嘅omakase 都幾有印象。座位大約八個，洗手間喺後面有個小花園。頭盤係碟魚，鴨，粟子再配柚子菇湯，清口腔。富山白蝦 sashimi 好新鮮黏口高鰺魚係爽口有油脂分布北海道水八爪魚好回味，白色質感好jelly有少少趙口，喜歡北奇貝，見貝清甜爽脆炸白蝦丸，加入蛋漿，外脆內軟sushi 有金目鯛，大分關鯖，槍魷魚，岩手北寄貝，北海道秋刀魚 in season，中toro，大 toro (蛇腹位置)，天身 tuna。三重縣tuna睇個樣都fresh，完全冇筋，滿足的一餐。…查看更多

Thailand King尖沙咀加連威老道近科學館方向，有間看似酒吧，但有提供泰國菜嘅餐廳。menu好多choices選擇，串燒，沙律，冬陰功，咖喱，薄餅。平日晚餐時段都座無虛席，有幾張梳化位係對外，有街景望吓。有happy hour時段最開心。三文魚柚子沙律夠清甜，三文魚切咗粒粒都足夠三人份量。燒菠蘿有焦糖喺面，燒到吹卜卜，菠蘿水潤。紅咖喱牛腩配薄餅唔算辣，薄餅大大塊。椰青drinks都好清甜解渴。…查看更多

昨晚有朋友請去尖沙咀鮨石在寶勒巷1號地下，廚師發辦日本菜omakase，室內座位和燈光舒服， 我們選神石餐，有九款 菜式，這位廚師是個幾好傾，清楚和詳細介紹每款菜式所用材料👏👏，頭盤蝦上面有少許醃製 tuna內臟醬料與蝦是絕配😋😋 ，配極濃味靜岡蕃茄，杯內赤水母十分爽脆，白魚中排首位的伊左木sashimi，非常之鮮甜，北海道北寄貝，12頭帆立貝，青心魚子上面磨上柚子皮，食後令口腔感覺清新，我本來對魚子麻麻地，但是這魚子要比個讚👏👏 ，安鮟魚肝側邊加二片自家醃日本西瓜bb超好味， 熟食慢煮八爪魚，燒獅魚， 中日fusion蚧肉燒賣有新意。七件壽司 ，地金目，北海道赤貝切像蝴蝶賣相👍👍，墨魚，Toro, 紫菜包著 一片生和一片熟tuna，味道與別不同，還有紫菜湯及甜品，這餐真是滿足。食材新鮮加廚師用心做，是大家值得來一試。…查看更多

天天喺正維園對面，從百德新街行過去幾分鐘，franc franc 對面就是了。座位有室外，每張枱仲有電視，好適合秋天時候。室內都有大約20張枱，天花有好多綠色擺設。可能今晚七點前已入座，座位未坐滿，都幾有空間感。招牌推介係雞油飯，墨魚蝦多士，賽螃蟹西蘭花。賽螃蟹上面仲有重份量蟹肉，蟹子，配上雞油飯一流。南洋黃咖喱雞肉用石鍋上，夠熱辣辣，咖喱只係微辣，洋蔥薯仔煎過好香口。墨魚蝦多士嘅墨魚滑好彈牙，有趙口。雖然炸過，但唔算油膩。飲品叫咗檸檬Mojito，夠 refreshing 。份量都唔細。…查看更多