panda.lai的个人专页

落雨的晚上，不想走太遠吃飯，就近近地吃個田記牛三寶面 而 男友就叫了 牛坑腩河、另外叫多左個腐乳通菜 同 兩支玻璃樽裝 汽水，承為$141。本身冇諗過寫OpenRice ，所以冇相…味道係好味既，通菜都係嫩既。但最難忘唔係佢個味道，而係佢個收銀呀姐既服務態度！我地兩個由坐低食野到走前後半個鐘都冇（唔係食完坐係度吹水），去比錢… 收銀個位標明 可以支付寶、微信支付、八達通… 於是我同收銀姐姐A講要 支付寶比錢，講完我都開左個支付寶 嘟 比錢個板，A都收左錢； 之後另一個姐姐B衝出黎話A冇收到錢，話佢地個系統係收左錢會彈另一板（我心諗咁關我咩事）B一路望住我眼神都似我食霸王餐咁，我再向B從申係比左錢 已經彈埋去成功個版 亦比佢睇，B之後影我電話畫面仲問埋我電話號碼，話收唔到錢打比我🤔（我比左錢、扣左數、你收唔到錢唔係應該搵客服處理咩？咁關我咩事？！）成世人咁大個女未食過餐飯咁委屈⋯⋯ 咁既服務態度同質素，我會將佢永世列入黑名單。…查看更多

位於屋企附近嘅添好運，一直都的唔起心肝過嚟（始終都係人龍店）今日終於有機會趁佢啱啱開門唔係好耐(未夠10點）走過來食，希望唔使點排隊啦果然早起嘅蟲仔有點心食一去到唔使等就入得去（（🫢見其他人好多post都有門面相睇，咁我就慳返啲相位唔post門面樣啦））一嚟叫咗個我想飲嘅冷泡茶茶錢都要$12位，而且仲要+1 添坦白講$12一個人話貴唔貴話平唔平，普普通通啦，而呢個冷泡茶就未必做到我對冷泡茶既期望*不過佢做到茶樓少有嘅可以揀唔同嘅茶有傳統熱茶、特色熱茶同冷泡茶其實都難得嘅（要加分加分…）好快就嚟咗「古法糯米雞」一打開糯米雞特別在係好乾身嘅，唔似平時酒樓嗰啲油冧冧勁濕嘅糯米雞，都好夠味嘅， 但係我就略嫌佢太乾身而且佢雖然乾但係都唔係少油㗎😱跟住嚟咗呢個「百花釀油條配香辣蟹膏」$35嘅價錢得三條，但係功夫嘅價錢已經抵返晒啦！一咬落去；油炸鬼鬆化，入邊係彈牙嘅蝦滑配埋（應該係）滿滿嘅豆瓣醬，蝦膏仲有啲蛋絲添有樣睇係靚仔嘅嘅🤭不過個辣醬就鹹左D（仲要我都算係一個重口味嘅人🫣食得淡嗰啲人 應該會覺得佢好鹹）***但好得意嘅係（抱住唔好嘥嘅心態）我將認為係伴碟嘅芫荽🌿同埋個釀油條一齊食，竟然有另一番風味，我覺得仲好食啲添🤭哇呢個不得了「酥皮焗叉燒包」$30蚊3件嘅價錢，但我真係覺得好好食（有時遇着好食嘅嘢，真係唔需要睇價錢）一咬落去入邊係空氣包嗰種質地好鬆化但係鬆化嘅內裏係滿滿嘅叉燒佢嗰個叉燒就係平時我哋食開茶樓叉燒包嗰種叉燒醬嘅叉燒但係佢又冇咗傳統叉燒包嗰啲黐牙嘅白色包換咗係似菠蘿包嗰啲包食落去暖暖地，甜甜地 唔會太甜之後嚟到嘅就係我好鍾意食嘅「炸兩」腸粉皮唔薄唔厚啱啱好入邊嘅油炸鬼又係非常之鬆脆就算擺耐咗先食都油炸鬼未話去到腍啤啤食得出佢嘅油炸鬼真係做得非常之好之後又點少得飲茶必要嘅「燒賣」燒賣雖然入邊睇唔到有滿滿嘅肥豬肉但係口感卻係有好油潤嘅感覺，入邊充滿咗冬菇嘅味道，同埋大大粒嘅蝦咬落鬆軟唔會死實實有排吉～～～🤭🤭🤭蒸嘢果然係耐啲，終於到咗男人發辦嘅「豉汁蒸排骨」上場講真排骨我麻麻哋😅同埋一上嚟嘅感覺有少少失望因為真係得嗰幾粒，數都數得出但係味道👅外貌，佢都係做得到應有嘅水準個樣望落都幾「清秀」（唔會話有一大舊肥膏當一粒）內裡既排骨都係形狀靚仔又半肥瘦而且蒜蓉豆豉味都做得好足，係一疊好味嘅豉汁蒸排骨最後黎到既係我之前經過門口已經想嗌嘅「豉油王炒麵」豉油王炒麵好乾身有鑊氣好香口滿滿既材料、麵係分開嘅唔會黐埋晒一齊佢好夠味😋跟埋一齊有辣醬（應該係余均益）但其實因為佢嘅味道本身做得好足，基本上都唔需要點辣醬- - - - - - - - - - - - 店員唔算好勤力收碟就算放到成枱都係嘢都可能會疊到有小山咁高，佢先至會幫你收一收- - - - - - - - - - - - 當時咁啱做緊一個活動就係like and share會有桂花糕送但店員完全冇提過，碰巧聽到隔離遊客問店員最初頭店員仲話落左單唔可以取消就算送嗰個桂花糕，只可以送多一個對待遊客嘅態度都唔算友善但係喺一間不停做嘢嘅人龍店度返工其實都係一件難事Keep到服務態度真係唔容易始終服務業都唔係咁簡單～ ～ ～ ～ ～ ～ ～ ～ ～ 經過食一食係可以但如果要排隊山長水遠走過來食就咪啦味道係好食嘅，但係唔值得要排隊或者其實可能係我嘅字典裏面冇嘢係值得排隊最少我覺得佢唔值😅…查看更多

放左工好肚餓，去到啟田商場本來想食壽司郎，但係已經開始咗要排隊攞飛就打消左呢個念頭轉戰去左格離《家啡館》個門面光光猛猛幾靚仔，當時仲有下午茶餐，咁就入去食個靚茶餐先座位方面 竟然有 少有的二人卡位（如果不用搭枱）其實枱面都算闊落除左四人卡位有櫃桶放餐具外， 其他枱都是 未有客人已經放了餐具籃…下午茶餐選擇了咖哩吉列豬扒飯及熱華田很快熱飲已經到了其實熱華田都幾難有奇怪味道吧？🫢都是正正常常的華田味唔會太濃 唔會太淡 就是正常吧繼續默默等待我的咖哩吉豬時望到，才突然認真想想，《家啡館》 咖啡 會否特別出色呢？！🤔早知就熱飲要咖啡☕️好了😅終於等到我的主角塊吉列豬排好大塊可惜咖哩汁小左D🐖🐖🐖吉列豬排外面係 薄薄脆脆的炸皮佢厲害之處係我食到尾，個塊吉列豬扒都仲係脆既但真是有著有唔著點解keep到脆卜卜？就係因為佢啲咖喱汁比得太少喇在我而言啊，咖喱汁其實咁應該係其中一個主角嚟㗎嘛但係佢比咖喱汁嘅份量就似伴碟一樣太小啦😿但佢嘅咖喱汁係有薯仔底食到粉粉嘅薯仔味，但係見唔到一粒粒嘅薯仔亦都有淡淡的椰香味😌冇錯，佢就係平時茶記食嘅港式咖喱🍛係唔辣嘅就算小朋友食都冇問題呀👌🏻👌🏻👌🏻咁其實呢…我都幾中意個咖哩汁味既睇下🐖塊豬排都唔係薄架—————————————-其實個質素真是對得住個價錢，只不過係 在我而言一個下午茶 ☕️去左50蚊既價錢真是有點貴====================味算是好味，但唔算係好味到非吃不可價錢、環境、食物🥘味道、質素算正常我覺得係中等偏上啦！# # # # # # # # # #最緊要係…差不多幾時去都唔使點等位😂藍田老街坊字————————以上食評全屬自費…查看更多

正所謂一日之計在於晨，是日特意早起同男友食早餐去，去左人氣茶記-金華冰廳，食番個靚早餐先😌（其實冇食咁多野，因為我地連續去食左兩個朝早😆）話說平時晏晝打後經過親金華條隊都長到乜咁…早上的金華冇左人龍，小左遊客；多左人情味、街坊（仲可以唔使搭枱添）分別叫左沙嗲牛麵同雪菜肉絲米、菠蘿油同西多沙嗲牛麵同雪菜肉絲米 係早餐，早餐必配 腸仔、蛋仲有片火腿，以38蚊連熱飲既價錢，我覺得係超值。西多 早餐就已經有得叫，係有小小喜出望外（仲以為係下午茶先有）西多外邊炸得金黃鬆脆，食落有滿滿嘅蛋味；配埋內裏鬆軟嘅口感；仲有淡淡的檸檬🍋香味（《—-男友話）加上滿滿的糖漿（完全就是細個對西多美好的印象😌）至於菠蘿油，真係覺得好驚喜！食落，又係有淡淡的檸檬香味🍋軟熟嘅麵包內涵有淡淡的甜味；外皮脆脆而且暖暖地；中間夾著厚厚凍凍的牛油片😍我中意個口感同味道👅整體就是傳統好味的茶記味道🥰%話說第一日幫襯，落單姐姐都是廣東話；第二日幫襯嘅時候，落單姐姐都操流利的普通話加歪歪哋嘅廣東話😅可能而家香港真係冇乜人肯做啲咁辛苦嘅工，就業機會俾晒啲冇咁純正既香港人🧐—————————-以上食評 完全自費 沒有任何資助…查看更多

之前在小店新開時經過，店員姐姐特意從店裡走出來介紹，可惜當時吃飽飽不餓，但都在心底留下小小足跡👣⋯⋯下次放假肚餓過黎先～🤭又到星期日，等到我餓到打鼓的時候，終於可出發黎幫襯下啦內裡都是舒服的，整潔明亮的，星期日的下午 沒有什麼客人，大概大家都像我之前錯過了這店🫣店中播著聽不懂的泰文歌是流行曲的泰文歌，店員姐姐看著似是一家人有媽媽有大女兒有小女兒，感覺溫馨餐具的顏色配搭不錯👍🏻叫了小朋友至愛…F. 菠蘿炒飯同埋 比較少見的 A. 泰北咖哩麵先上了兩款跟餐飲品分別係 青檸梳打 同 +8蚊的 泰式奶茶味道是正常的泰式奶茶味，而另一杯 青檸梳打 則是 滿滿 酸酸的 「清新感覺」（清新感覺係男人話既，佢仲話飲完好舒服添甜味愛好者的我表示不理解🤷🏻‍♀️）同場加映… 送的小沙律🥗#跟餐係唔包既，不過店員姐姐送比我地，一點也不遜色哦⋯⋯#蕃茄仔反對協會的我見到沙律🥗的賣相都好支持咁食左半舊蕃茄仔…拿…小沙律比我的感覺就是 新鮮沙律上的泰式酸辣汁配上新鮮的蕃茄仔同（似係）輕輕烚過下既洋蔥（因為食落冇生洋蔥既草青同辣喉嚨味）變左係甜酸辣的交響曲坦白講 我其實本身好麻麻沙律🥗，但這個豬頸肉沙津的確比到我驚喜之後上菜的就是我揀嘅菠蘿炒飯賣相唔算好靚仔但是好有內涵啵用上新鮮菠蘿粒，配上提子乾、脆脆的腰果粒粒、滿滿的肉鬆，仲有雖然唔係好多但好嫩口入味既雞粒，加上滿滿的鑊氣（一𢳂起係出晒煙架）就是出場的菠蘿炒飯這位佳麗啦⋯⋯簡單來說 就是 好味😋⋯⋯各個小角色的發揮都相得益彰，新鮮既菠蘿粒粒配上提子乾增添了水果的香甜味；腰果就加左脆脆嘅口感～第二道的泰北咖啡麵好靚仔啵（女人都是中意靚仔的）上面一條條既係炸麵，口感就似炸雲吞個皮，當佢浸落個咖喱湯既時候就會索晒D湯但係個湯入面既湯麵🍜係一餅麵 比較一舊野😅 要自己撩番散佢😅咖喱湯杰身，味道似白咖喱，入面中包含一隻大雞脾、酸菜、洋蔥隻大雞髀好軟滑雖然好似唔係好多餸，但係嗰隻大雞髀令到成個麵生色不少食左正餐緊係食埋個甜品啦（唔係唔食呀嘛？！）芒果糯米飯好似真是太普遍啦⋯⋯搵D特別小小先😌我就要左個香蕉煎餅🫓男人要左個泰式奶茶布甸［佢D出品 個碟同匙羹叉既顏色 我真是好中意］黎左個泰式奶茶布甸先果然係泰式奶茶布甸，完全係冇揸流攤，布甸嘅泰式奶茶味係仲濃過我個杯泰式奶茶仲有滿滿的淡奶濃濃的奶茶 滿滿的滑淡奶仲有甜蜜煙靭嘅小麻糬🥰（食甜品就是幸福☺️）之後到香蕉煎餅出場啦⋯⋯作為最後登場嘅甜品，佢真係有啲飽肚😅味道方面係正正常常，個樣都係幾靚嘅😌煎餅入面有滿滿嘅香蕉，上面淋上小小煉奶，花生碎小山伴碟其實色香味都做得唔錯只係其實我都飽啦————————————整體嚟講小店有家庭嘅感覺可能因為佢哋店員都似係全家人咁去做有媽媽有大女又細女咁佢個大女就似係中學生左右大細女呢就一個BB周圍走來走去～～～～～～～～～～～～～成件事就好似去咗人哋屋企作客咁而佢哋都好客氣，好有禮貌味道其實都好味，而且令人感覺好休閒好舒服今次午餐來由本身得我一台到我走嘅時候有兩三台希望佢夜晚會多啲客啦希望會多啲人識得欣賞佢啦==================#題外話，係我食緊甜品嘅時候聽到佢廚房用風爐既聲音😍唔怪得知咁有鑊氣啦#…查看更多

途經門面已經比門口的漢堡包仔吸引其實星期一至日都有午市套餐；分別在於有加一同冇加一（好似係六、日先有加一）比門口的漢堡包吸引入黎，當然叫番漢堡包黎食啦 另外男人就叫🐖豬排食其實內裡格局同音樂都幾Chill音樂係播好輕柔舒服的先上一個足料冇味精西湯有滿滿的蕃茄味仲有微微的辣椒味雖然唔係滿滿一碗 但對於唔係好like紅湯既我就剛剛好之後黎左男人個餐先哩個豬排飯真是不得了（次次男人都係簡d我諗都冇諗過叫既野但最後結果都係佢係好識簡既）豬排juicy有彈性，菠蘿加埋個白酒蘋果醬又係好夾飯係連八爪魚一齊整唔係平時hea煲白飯成個配搭都係好夾（最少我真心係覺得好食🤤）到我心心念念的漢堡出場啦佢係大份到一啖塞唔晒入口所以都將佢分開食（雖然我都真心覺得burger係要一整個成個咬，不過咬唔到都冇法🤷🏻‍♀️佢太高身）分開上下part 食醬、生菜 even連個蕃茄片 夾包我都覺得好好食最後件 厚身手打牛 就比左男人食反而件牛可能真是厚但係圓身唔係好夾到落包度一整舊 咬 好似仲爽D最後兩人分別一杯凍奶茶同熱0茶正正常常所以冇特別影啦⋯⋯整體來說味道👅環境都係高質既價錢亦唔算貴不過應該係小店人手唔多關係出餐時間係真係要等既同一入去未必會有人即刻招呼你但作為放假時，想輕鬆享受的選擇佢絕對係可以考慮的小店…查看更多

外賣極差，由15:37落單 企定門口開始等， 等左廿幾分鐘，全程當睇唔到你，企埋去佢包餐個度先出到個外賣比我， 全日餐其實一d都唔平，下午茶時間叫，出個外賣仲要比漏個牛角包我！無下次為左一定要提醒人地提醒自己 ， 固特意打lee篇百字文防止有他人受害，真是覺得好過分，遲過我入去堂食既人都上埋餐食緊，我個時個餐都仲未有，最後我等左廿幾分鐘企正包餐個人面前時，有另一個女侍應仲話我終於黎？！！！！ 佢個同事一直見到我！！！ lee間野真係唔值得有下次，外賣已經唔使你額外服務仲要人等咁耐！差差差…查看更多

由於係開反見到lee 間野個介紹, 個時又唔知點解睇唔到其他人的食評, 於是就book 左位20:00去食啦~打電話去book 位個時, 聽電話個個同我講: "你book 8點就8點好黎到啦, 你遲一分中我地都會從新編位嫁, 我地要比d walk-in 入黎的客嫁"個下我聽完, 講真我覺得佢好冇禮貌, 不過就諗,佢可能岩岩開, 好旺場呢, 好多人排... 所以都算啦, 不過已經叫定男友趕唔切就唔好去, 使事book 左位反而去到要等番轉頭, 咁我會覺得不如唔好打電話去book 啦...但係我地又唔知好彩唔好彩趕得切去...一去到, 門口一個(客)人都冇,根本冇所謂的walk-in 客...好啦,行到入去,咁又真係有張枱留左位ge... (lee 樣都抵讚ge)入面其實真係都幾細同迫,(但比起吉x算闊落),因為用citibank 有得另外點多3個野食,咁就點左個d先啦....出黎可以冇咩期望,所以都冇咩失望~選擇的種類好似好多...其實真係普通...咁開始叫啦...2-5人每次每張只可以叫得3款....有d就住就住咁....d刺身其實好小種類,除左大路d的3文魚,甜蝦,其他都係d奇奇怪怪的野...咩希0魚子, 針魚, 醋青魚, 榮螺.... 好搞笑地連 吞拿魚都冇...明知係放題我冇睇到壽司...另外 食左d熟食呀, 炸野呀咁...佢個d "一份份" 的計法好搞笑...有時一份的定義係好大份, 一時就得一條...食左一個佢寫推介的炸薯仔....一d都唔好食,,, = =一開始叫野飲,一直都冇黎,反而d 野食仲黎得快,愈食愈口渴,等左好奈,吹左2次先黎杯野...點知仲係熱ge....但係張紙好似冇寫嫁~= =不過算啦...如果再等就水都冇得飲了....= =之後都係麻麻......比較有印象係個牛舌, 但係以一間放題黎講得個牛舌好食....我相信我唔會有下次去食....by the way///最後叫甜品成日都唔黎,叫3樣得1樣, 比3,4張紙,黎得1,2張紙...埋單每人180,都唔算好飽,我同男友又唔係食得多野...平時食得飽飽仲平d...服務麻麻,食物麻麻,座位闊落度麻麻.... 咩都麻麻...…查看更多