個人覺得幾抵食 味道方面 👍🏼非常推介脆皮雞 外脆內軟 好好食😶龍躉兩味就味道不過不失炒龍躉九成熟 有幾舊咬唔到炆龍躉食咗一嚿 佢炸完再拎去煮咬落仲係脆口 不過都幾多骨 味道不過不失 所以還好下次試吓蒸
最尾都食唔晒 打包
總結覺得幾好 其實呢個份量都夠三個人食價錢性價比中上 keep住水準就值得推介🫡…查看更多
日式咖喱味道偏酸甜幾開胃 唔錯滑蛋都整得幾好食 軟殼蟹就普通不過不失唔夠脆 不過外皮唔會太厚 咬落都食到蟹肉
主要係個米飯有少少失望 偏硬口 唔夠軟糯可能係唔夠水 或者係電飯煲嘅問題 煮唔出日式珍珠米嘅口感(申利唔鍾意食太硬或者太淋嘅飯)
另外仲叫咗個芝士大啡菇手打牛肉漢堡$68包飲品🥤厚切薯條好食 而且擺左半個鐘都仲係脆但係個漢堡就麻麻 牛肉同個麵包體都鬆散毫無口感可言 味道亦一般 個麵包一食落就知道係現成貨 又乾又鬆散個牛肉都唔夠厚實 老實講，唔太值呢個價
兩個餐加埋人均消費$74連嘢飲喺荔枝角工廠區嚟講價錢小貴 但勝在地點方便環境空曠 坐得幾舒服樓上就係戲院 但食物質素真係有待改善…查看更多
幾差同影響心情既一餐飯話說今日同朋友book枱慶生點知一開波食食吓飯坐喺度就跌低冇錯，係坐住跌低第一次員工冇任何反應然後我自行起身再坐一開頭冇為意 以為係自己問題點知再坐低又跌多一次
先發現係其中一條凳腳壞咗導致跌低兩次有多名員工見到依舊冇任何反應包括張凳都係我朋友拎過嚟幫我換老實講 我好尷尬又好無奈完全無任何員工同我解釋或道歉係事後我再叫番佢哋請經理出嚟講佢先話會請我哋食甜品補償老實講萬一跌低嗰個係老人家就好大獲仲要兩次 而且冇任何員主動解救…另外 除咗呢個意外之外我哋嗌嘢飲，最尾嗰杯差唔多等咗一個鐘先到漏單提示左兩三次都係唔齊導致無奈最後有一杯嘢飲都係要取消因為大家已經食完飯 效率不理想最後最後叫佢哋上蛋糕都叫咗兩次先至有人安排無奈的一餐飯 人均接近$400 不值叫咗杯椰汁紅豆冰 等左成餐飯完先上仲要成杯8成都係四方型既大粒冰唔係碎冰 飲幾啖就冇晒…補償俾我哋嘅甜品 椰汁膏味道不錯芒果幾甜 但糯米飯有啲硬 唔夠軟糯…查看更多
餐廳雖然地方細細 但係裝修乾淨企理唔會坐得太過迫 感覺都幾舒服餐廳標榜着五星級廚師料理本來都以為只係個噱頭點知一試都真係啖啖美味
而且每款菜式造型由配多士嘅玫瑰花牛油到每一款主菜嘅擺設都好精緻 
不論味道定係菜式擺設都絕不馬虎名副其實睇得又食得
前菜係每人一粒西瓜開胃解渴
多士質感偏脆口 口感吾錯再配埋玫瑰造型牛油同多士醬都仲有巨大洋蔥圈每個洋蔥圈都有手掌咁大由於影相關係我地擺咗差唔多成5-10分鐘先食但外皮都依然十分脆口叫咗主菜再加呢個自家製洋蔥圈先係加$38 抵！由於咩都想試吓嘅關係所以就叫咗1987s海陸空套餐有龍蝦有牛柳仲有法國春雞啖啖肉之餘再配埋佢特製嘅醬汁真係好惹味龍蝦新鮮 入口彈牙
春雞唔會太過鞋 連雞胸肉都好嫩滑
牛柳大約係五至到六成熟 有入口即溶嘅感覺叫多咗兩個意粉分別係橄欖油辣椒蒜片意粉平時都有食開辣 但係呢個意粉食落都真係幾辣下 
橄欖油味比較重
而呢個就係什菌卡邦尼意粉比較creamy 奶油味加上鹹鹹地我同朋友都覺得超好味…查看更多
我哋兩個人分別叫咗兩個份主食同兩杯野飲我哋分別叫咗溫泉蛋煙肉芝士汁意粉我本身係一個好鍾意食蛋嘅人所以有溫泉蛋真係啱晒我！雖然唔係太好芝士 但係佢嘅芝士唔會太漏 蛋黃漿再加鹹鹹地嘅煙肉芝士汁融入意粉入邊 又真係幾好味道姣婆粉紅豬呢杯嘢飲一睇個名本身都唔知係乜嘢嚟膽粗粗見到有粉紅就叫咗杯黎試吓果然不出我所料 粉紅色就係士多啤梨呢杯類似係士多啤梨奶昔酸酸甜甜好開胃英式啤酒炸魚第一次食真正嘅啤酒炸魚平時系出邊食嘅都係好普通嘅炸魚味道一般 所以好少叫~不過今次見佢廚師推介又大大份一於就決定試吓~果然呢個啤酒炸魚真係有驚喜外脆內軟 脆皮吾會太厚 食落脆搏搏 魚肉亦好嫩滑 
純情雪球呢杯係咖啡加雪糕 味道唔錯又凍又熱嘅配搭都幾新鮮
本身以為係下午茶時段啲嘢應該都唔會好大份 但係結果份份都好足料 食完結果晚飯都唔使食 堅抵食！！所有嘅食物及飲品都係即叫即整仲見到佢哋好用心咁幫我整杯飲品添價錢中等 勝在份量夠大 味道好 推薦！仲有好多款其他唔同嘅嘢食 但啲名都係奇奇怪怪 幾搞笑下🤣🤣🤣…查看更多
黑豚拉麵嘅豬骨湯底好濃厚 淨係飲湯已經覺得有好多豬骨精華係入邊黑松露拉麵嘅黑松露味就好重 吾錯拉麵底仲有得俾你揀適中 硬 或者 軟身貼心到好似真係去咗日本食咁我哋兩個都揀咗適中麵嘅質感唔錯 口感幾好 少少彈牙食落肚都吾會覺得太擠叉燒同豚肉都幾好味肉質唔會太鞋 而且厚薄亦適中一啖拉麵加湯再一啖肉 完美配合
真心推介！我地仲叫咗一碟餃子 個人認為餃子味道都唔錯不過佢唔係脆底既 相對就冇咁熱氣 除咗以上呢啲食物之外另外佢仲有一啲免費嘅菜莆同酸薑比我哋配落碗拉麵同一齊食個人唔係太鍾意食薑所以揀咗菜莆個菜莆辣辣地加落碗拉麵度仲另有一番風味 大愛！…查看更多
跟住叫左碟皮蛋浸莧菜 不過佢哋賣晒轉左用菠菜 所以我覺得麻麻地 可能食慣咗 所以覺得道餸配菠菜唔太好味跟住就係豉汁蒸倉魚條魚蒸到啱啱好熟但係個人認為可以蒸多5分鐘因為夾到中間嘅時候 仲見到有啲啲血紅色同埋中間啲肉有啲難起 豉油嘅話佢有少少偏甜但係整體上都係唔錯 好味最後就叫咗個翡翠中式牛柳條但其實係牛柳粒 底層搭西蘭花有肉又有菜 味道酸酸甜甜 幾開胃整體黎講呢間啲小菜係幾抵食嘅不過份量真係唔多 一分錢一分貨啦我哋四個人係旺角食人均先係＄80 所以性價比都算唔錯㗎啦
…查看更多
重點係價錢都唔平 所又下次一定唔會叫呢個由於唔太好其他刺身既關係所以其他壽司我就覺得不過不失不過我朋友就覺得幾好食…查看更多
佢嘅燒肉本身已經帶咗啲黑椒同埋鹽味再加上佢哋特製嘅醬汁 酸酸地 好食又開胃然後又叫咗個龍蝦 蝦肉大大份都勁厚下 而且仲有蝦膏 點完蝦膏再點少少鹽食 (少少鹽可以吊出蝦嘅鮮味)我覺得鍾意食海鮮嘅朋友一定會愛上因為都真幾好味！最後仲帶咗碗扎肉粉呢碗越南扎肉粉嘅味道真係好傳統同出邊食嘅差唔多不過佢嘅湯底就冇味精味 唔錯！…查看更多
聽人講呢間啲嘢好似幾唔錯所以就約咗班朋友去試吓！我哋叫咗兩個湯底第一個係花膠雞第二個係麻辣首先講吓個花膠雞 佢真係原隻雞上上到嚟佢再幫我剪開入面再加埋啲菌類 睇落已經覺得好滋陰養顏 成煲湯未食之前已經飲咗兩碗 好鮮甜至於麻辣嗰個湯 辣味啱啱好唔會話太過重味食到口乾乾所以攞黎烚肉食 唔使點豉油都夠味 幾惹味下火鍋配料唔多講啦 啲牛肉真係勁正個人認為真係比出邊新鮮 食落口感鮮嫩今次除咗食火鍋之外仲叫咗個海膽刺身 唔使多講一到就已經被秒殺 而且個海膽刺身原隻即開 真係超級好食 入口即溶！…查看更多
旺角嘅鋪頭面積唔大 但係入邊嘅款式卻係連綿不絕 所以大家絕對唔使擔心唔啱心水！尋晚同朋友都食咗好多款唔同嘅菜式 所有菜式都係即叫即整 而且款款色香美完 睇見都令人垂涎三尺 真係睇得又食得！一啲都唔馬夫！而我自己最鍾意食嘅就係炸軟殼蟹 佢比一般餐廳大隻啲 雖然佢係油炸 但入口肉嫩多汁 一啲都唔乾爭爭 而且重點係佢有蟹膏 係每一舊都有所以大家下次黎一定要試吓！而佢其他嘅款式有越南風味得黎呢 佢又加入咗一啲老闆自己嘅元素入去 例如係啲紙卷上邊加上新鮮海膽 同三文魚 十分鮮味 啱晒香港人嘅口味！另外佢係飲品方面 有越南啤酒 同埋數款以上唔同味道嘅梳打 尋晚我就試咗利賓納梳打 甜度唔會太濃啱啱好 冰冰涼涼 正所以整體黎講呢間餐廳嘅菜式都比較新鮮 同多元化 味道good得黎外表都好精緻 ！值得推介！…查看更多
