miss.為食的个人专页

本人好鍾意幫襯小店，因為唔單止有人情味，仲有時會食到驚喜既美食！士林棧喺旺角同大角咀嘅中間，大熱天時行過去都幾辛苦，我就係大角咀站出口行過去，行左10分鐘左右💦💦芝心雞扒番茄汁飯: 醃過嘅雞扒入邊包住塊芝士，見到都流晒口水✨雞扒皮脆肉嫩，美中不足嘅係芝士未完全熔得晒南乳雞球蔥油伴麵: 雞球夾雜着濃郁嘅南乳味，唔需要點仼何嘅醬汁已經夠晒味！肉質鬆軟，可口！👍🏻👍🏻伴麵既麵質唔算特別，但係醬汁搭夠！…查看更多

突如其來的假期，令我想找一件充實的事辦！就係食lunch buffet，平時好難抽時間坐喺度食幾個鐘頭嘅lunch ， 放假就可以滿足我嘅願望！好似外國人咁嘆番幾個鐘 Buffet嘅位置距離地鐵站大約十分鐘來可到達，但係地理位置係內街，比較隱蔽都有啲難搵🤔但係一入到去就覺得座位非常之寬敞，同隔離位唔會手碰手，座位舒適而且景觀望海，以落地玻璃設計，陽光打入餐廳，令食客更富心情品嚐自助餐海鮮冷盤: 款式有長腳蟹、青口、大蝦、龍蝦仔、即開生蠔、螺等等。但係本人對冷盤興趣不大，淨係食咗長腳蟹、龍蝦仔同生蠔，生蠔新鮮但頗為細隻，長腳蟹同龍蝦仔啖啖肉，隻隻新鮮，唔會有梅肉！日本刺身、壽司: 當嘅刺身款式有三文魚、吞拿魚、八爪魚、玉子等等。可以叫師傅比三文魚腩，因為主動問先會比腩位啊即切牛: 呢樣係令我最喜出望外! 因為一般都覺得酒店烤牛肉會比較乾，但係佢烤完十分之juicy ，而且肉質非常嫩口、鬆化！完全冇咬唔開嘅情況仲有牛扒非常有牛香，脂肪比例均勻，忍唔住食咗幾塊此外，餐廳有提供即煮意粉、生滾粥、即煮中式粉麵，能夠照顧唔同客人嘅口味，午餐自助餐都提供晒三款即煮美食，抵讚！甜品大的有15-20款選擇，當一款款式食完之後會用另外款式甜品代替，無論係蛋糕、泡芙鬆餅， 每一款都十分有水準！而且甜度適中，忍唔住差唔多每一款都試左而呢度一大亮點就係有Movenpick 雪糕，仲一次過提供12款口味， 保證一款口味啱食現場仲有即製窩夫同班cake 送雪糕…查看更多

入到黎荃灣想食泰國嘢就入咗去呢間泰式餐廳，門口見到佢嘅餐牌有好多唔同嘅選擇，而且價錢仲平民價， 全日免收加一。入到去叫左兩個午餐，一個係鮮蝦炒金邊粉，另一個係菠蘿雞絲炒飯。每個套餐都會送飲品同埋泰式湯，有椰奶雞湯、冬陰公、冬瓜湯選擇，價錢都係＄42本人覺得呢個最值得讚嘅地方係每一碟野都好大碟，相當抵食！而且味道仲係好味，並唔係揸流攤！但係呢間餐廳嘅服務就真係麻麻地，侍應多數都冇禮貌， 確實有待改進！菠蘿雞絲炒飯: 味道就好似菠蘿炒飯咁，十分足了好多餸，而且炒得粒粒均勻鮮蝦炒金邊粉: 炒得相當有鑊氣，夠濕唔會好乾，而且相當夠味！仲十分之大碟，一個人都食唔晒…查看更多

本人十分之鍾意食譚仔三哥米線，其一係因為佢有糊辣湯底，其二係因為三哥會接受新嘗試出多啲新野，例如佢出番茄湯底、喇沙湯底等等比較特別嘅口味其實已經食過呢間譚仔好多次，但係成日總覺得呢間譚仔特別好味，第一佢嘅米線煮得較煙韌、第二最主要係呢度嘅米線係即刻煮湯底特別熱，成日食到最後嗰啖個湯都仲係好熱、第三係呢度嘅湯底特別濃味所以本人特別鍾意去呢間三哥譚仔…查看更多

今日特登入到去赤柱慶祝紀念日，上openrice 就揀咗呢間西餐廳！因為我預早訂位所以去到都唔使等！服務: 8/10分呢度嘅侍應十分有禮貌，分別有外國人同香港人侍應，所以語言唔會成為障礙，而且佢哋服務周到，了解顧客所需！環境: 9/10 分呢間餐廳有兩層樓，地下係酒吧，2樓係西餐廳，本人極力推介要坐2樓，因為坐得舒服啲之餘2樓裝修仲具有英國古典風格整體食物質素: 8/10 分安格斯牛肉漢堡拼薯條 7/10分落單時侍應會問安格斯牛想要幾成熟，我就揀咗五成，但其實出到嚟都差唔多成七成熟，好彩嘅係牛肉唔會太韌。值得一讚嘅係佢嘅薯條，炸得好脆口，十分新鮮， 食到停唔到口！龍蝦汁虎蝦扁意粉 8/10分虎蝦十分爽口、分量有成六七隻，而且仲好細心已經去掉左蝦殻！龍蝦汁味夠搶，配埋少許蕃茄汁味，十分之夾！維也納雞扒: 9/10 分呢個係最意外驚喜嘅主菜，本身以為雞扒係香煎，但係佢係用咗麵包糠去炸！最欣賞係佢嘅炸粉一啲都唔厚，而且面層仲有芝士味，十分可口！…查看更多

平時麵包就買得到，但今次係第一次幫襯A1嘅生日蛋糕芒果蛋糕: 8.5/10分雖然佢嘅賣相唔係特別有造型同埋好靚，但係蛋糕好啱一家大細食！首先甜度唔係好甜老人家都啱食！而且芒果蛋糕入邊有少許流心， 小朋友特別喜愛加上配上新鮮既芒果同杏仁碎片，幾清新，好味…查看更多

觀塘近排開咗係工廠大廈上邊嘅餐廳，今次揀咗一間西班牙菜嘅餐廳😙可能成日都覺得因為工廠大廈嘅環境關係， 對餐廳都唔會抱住十分之大嘅期望🙈但係食完呢間餐廳之後確實感到驚喜，幾出色！環境: 7.5/10 分 一上到去見到環境舒適，位子闊落，兩個人都係比四人枱，可以同朋友坐幾個鐘佢都傾計都唔會俾人趕走但裝修比較簡約，唔係咁似西班牙餐廳嘅格局服務: 8/10 分服務員照顧周到，關注到客人嘅需要，提供協助！而且服務員禮貌十足食物: 8.5 /10 分食物質素喜出望外，每一樣都有水準！ 1. 前菜: 新鮮，清新！2. 餐湯: 南瓜湯味濃，杰度足夠，唯麵包沒有什麼特色！3. 西班牙煮蜆: 蜆肉十分新鮮，絕對冇沙，配上秘製醬汁，更加搶出鮮味4. 西班牙海鮮飯: 米飯口感獨特，軟硬度適中！5. 牛扒: 最令我喜出望外的主菜！廚師控制火候得十分有功架，牛扒肉質鬆軟，有牛香味，而且脂肪位少！正！…查看更多

睇open rice都見到有間新開嘅韓國餐廳， 而且有幾多好評所以就去試吓！由於冇訂位嘅關係，所以就等左20分鐘左右。我等位既時間大概係夜晚七點鐘，但係已經企滿左唔少人等位👀👀見到咁多人等令我更加期待！芝士豬肋骨伴泡菜炒飯: 芝士味唔夠濃而且飯好爛，冇咩口感黑松露野菌刀切麵: 呢碟意粉真係十分失望，意粉過晒火，咬落去一Pat野咁，而且醬汁無黑松露味、淨係有好多七彩椒既味道柚子雞翼伴年糕: 呢個係最好味嘅一碟，柚子味濃而且雞翼夠入味，感覺好清新！年糕柚子汁又幾夾其實睇佢餐牌嘅時候每一款都好吸引！但係食落去真係兩回事佢嘅未到一啲都唔韓式，感覺到佢好想將餐廳嘅食物香港化，令到香港人啱食，但係佢而家就好似唔三唔四咁！期望佢嘅食物可以改善！ …查看更多

上個月鋪頭做優惠，焦糖燉蛋買一送一，但係冇得即時食，係買禮券咁既形式，＄45有兩張焦糖燉蛋禮券！值得一讚係佢嘅安排，個人覺得佢嘅買一送一推廣做得好妥貼！買嗰陣又唔洗大排長龍，而且禮券有效期為1個月，可以隨時食！之前食過佢嘅馬卡龍，都係覺得有d甜，可能係因為馬卡龍本身偏甜為主既甜品，今次試到佢嘅招牌甜品: 焦糖燉蛋每一個焦糖燉蛋都係落單之後，由職員即場係燉蛋上邊烤一層焦糖，我等左大約三分鐘之後就有得食！店員好窩心咁準備咗紙巾，見我哋兩個人就比左兩隻匙羹，而且服務態度好好，非常友善雖然焦糖燉蛋比我想像中細個，但係呢個甜品真係好味而不漏口😋😋😋上面一層脆口嘅焦糖，下面有蛋香味而且好滑又凍凍地嘅燉蛋☺️一個完全唔夠喉😆！食完之後裝住焦糖燉蛋嘅砵仔可以拎走， 店員仲好貼心咁幫我包起佢！…查看更多

係尖沙咀食一個午餐閑閑地都要$50-＄60，今日發現左呢間抵食嘅泰國菜午餐😇一上到去見到座無虛席，十分受上班一族嘅歡迎！價錢有＄36至＄48不等，每個午餐仲送一杯泰式特飲，而且不設加一！但係呢度嘅服務就麻麻地，好難先會叫到侍應落單！我叫左泰式鮮蝦金邊粉，呢碟金邊粉炒得好有鍋氣、唔會好乾、仲好夠味、色澤均勻而且都有成六隻蝦，可惜蝦就冇咩味餐飲我揀左椰汁西米冰，味道正常發揮，西米足料！…查看更多

住係西貢區既我，去元朗既車程對我來講已經可以返到大陸。難得今日放假去元朗，梗係要去B仔去試吓！平時聽身邊嘅人就聽得多元朗B仔，但係食就係第一次食，好想知道究竟呢度有咩吸引之處！可能係我晏晝嘅時間去， 大約四點左右所以唔使等位，仲好好彩叫到呢度嘅榴槤班戟， 因為平時聽朋友講榴槤班戟好快就會賣晒，好難有機會食到！榴槤班戟：size差唔多有成個拳頭咁大，好新鮮、榴槤肉偏多， 啖啖都食到榴槤肉，正！芒果河粉: 河粉椰汁味濃、有咬口，同埋佢都幾大碗，抵食！B仔雞翼尖: 雞翼尖好滑、味道夠辣， 但係個人認為辣得黎未夠香，唔夠濃，比想像中遜色。同埋發現到呢間鋪頭好多人鍾意食佢嘅小食多個甜品，例如咖喱魚蛋豬皮牛柏葉，如果下次再有機會去元朗我都會一試！…查看更多

食左無數次但食極都唔會厭！香港真係好少台灣芋圓糖水，而且木子價錢中肯，又大碗，所以經過都會食翻碗！黎到多數會食佢既抹茶雪泥芋圓，本身我好鍾意食芋圓，呢到芋圓好有咬口，夠煙靱，唔會太淋。但芋圓既size有時會因來貨而有大有細，有時會比手指公咁大粒既size ，但有時會比手指尾size 既芋圓！今次試埋佢既奶茶奶凍同抹茶奶凍，兩款奶凍都好濃味，撈埋落芋圓到，正！…查看更多

其實一直幾鍾意呢到，因為又有甜品又有主食，雖然佢餐牌上嘅選擇唔算多，但係每一款食品都有驚喜！最鍾意呢度嘅墨魚汁魷魚意大利麵，因為好欣賞佢將魷魚炒香過先加落意粉度，更加可口！而且意粉有小小辣，惹味得嚟又唔會辣到食唔到！啱晒我呢啲食唔到辣嘅人！另外叫咗一個燒春雞意大利飯，燒春雞係兩隻雞髀，幾入味唔錯，而且雞肉嫩口，比預期中好。但係呢個飯製作需時，都等左差唔多15分鐘先有。最後叫咗佢兩個甜品: 1. 綠茶心太軟，綠茶味幾濃，但係略嫌份量太少， 唔係好夠喉。2. 香蕉窩夫，窩夫脆口，同埋佢好有心機咁係香蕉上邊燒左一層焦糖，令到平平無奇嘅香蕉更具特色！整體上來講食物唔錯，服務質素可以！但係餐廳座位比較逼，坐得唔係好舒服， 如果想坐得耐傾吓計嘅就要諗清楚！…查看更多

經過大角咀諗緊食咩下午茶時 偶爾見到韓國媽媽！同周圍既餐廳比佢比較突出 就入左去了！叫左兩個下午茶餐$28 紫菜包飯+罐裝忌廉溝鮮奶$28什菜炒粉絲+罐裝咸檸七紫菜包飯：味道適中 平時食個d紫菜表面好多油 佢竟然吾油！什菜炒粉絲：都不錯！但什菜較少 如果佢系熱既就好d值得一提既系佢既服務態度好好呀，好親切，好好笑容！加分…查看更多

成日去九龍城見到好多人 所以都無食。今次星期二去無人排隊，即刻去試下！牛脷蕃茄濃湯年糕：呢個真系無得輸！蕃茄湯夠曬濃好開有胃 個湯仲好有牛味嫩雞煨麫：麫質好幼 無咩囗感。我好怕有雪味既雞肉 但佢完全無！牛肉餅：呢個真系最正！個餅既皮好香脆！個餡又夠味 去到真系必食…查看更多