飯飯之輩的个人专页

看見樓下有幾個差評，我心裏確實疑惑。因為我吃過深水埗店，生煎包是出色的，皮脆肉汁多。今次到銅鑼灣店🤗，生煎包一樣美味，勁多汁💦💦💦😋😋😋😋😋，因為都是即叫即煎，所以一定要堂食。上海粗炒中上😋😋糖醋排骨很嫩滑😋😋😋，個菜飯的菜太細粒了，應該要切大粒一些小龍包😋😋一樣多汁💦💦💦，但生煎包皮脆，首選生煎包😋😋😋😋😋雞翼美味😋😋👍。總括來說10分我會比8分。真係唔明點解樓下咁多負評。…查看更多

呢間茶餐廳係朋友介紹，最喜歡食呢個雞扒腸仔頹飯。因為細個窮，好恨出街食，返學時試過成日食什扒飯，所以而家都想回味吓。講返個飯，有雞扒、腸仔、椰菜、炸薯角、洋蔥汁。經典頹飯組合，加埋凍零茶，正。…查看更多

係度食左好多次腸粉，都要寫返個食評。食腸粉最緊要係個醬，甜醬、麻醬。呢度既醬我諗係香港頭三名，麻醬應該有豬油，非常香口。堂食可以任落甜醬同芝麻，芝麻有炒過。加埋豆漿，推薦。…查看更多

難得放假，就去鬆一鬆，對自己好啲。呢間cafe最出名係all day早餐，女友人非常喜歡all day早餐。我呢個all day係配牛角包，包有焗熱，算好食。但月頭去完福岡，發覺當地麵包，尤其牛角包很出色。沙律菜很好。炒蛋唔錯，煙肉同車厘茄都有煎過凍泡沫咖啡唔錯。如果你喜歡all day，呢度一定不會令你失望。…查看更多

我係睇完評價先至嚟，食物質素中上。二百幾蚊有一個二人餐其實係平，但係深水埗就可能貴左啲。呢度主打pizza，材料ok，餅底口感幾好。飯都幾好，但要快食，因為凍左飯會硬。飲品唔錯。以食物及環境黎講，絕對可以試吓。…查看更多

我係睇完評價先至嚟，果然冇黎錯。黃昏時間有幾個人排隊買鹵味。我就買左個鵝片飯。有幾片鵝片，份量唔多，但淡淡肉。仲有豆腐同炸菜絲。加埋鹵水汁，40蚊都值得。但繁忙時間，買外賣較好…查看更多

我係睇完評價先至嚟，果然冇黎錯。原來呢間係酒吧，但意粉非常出色，可以一試。叫了兩個意粉，一個係蝦，一個係菇(忘記了餐牌名)，菇係鮮菇，意粉乾身。蝦意粉都好好食，服務唔錯，員工很nice。不過本人不喜歡落酒吧，如果係餐廳型式會更好。 …查看更多

我係睇完評價先至嚟，果然冇黎錯。食咗一個墨西哥辣番茄漢堡，肉汁豐富，好耐未食過咁多肉汁嘅漢堡包。薯條都唔錯。以價錢來說，呢一間係非常值得來嘅漢堡包店。估唔到長沙灣都有咁正嘅漢堡包店。…查看更多

以前去灣仔一定幫襯，而家長沙灣有，真係方便好多。南記既酸辣米線真係好正，我食唔到辣，所以只食小辣。配菜一定係春卷加牛展，無得輸。記得以前窮，只會食佢地既下午茶。而家次次都食酸辣小窩。推薦。…查看更多

呢一間鐵板燒便當，今次已經係第二次幫襯，兩次我都係食一口牛，隔住玻璃見到廚師係鐵板燒牛肉，牛肉係即叫即整的。配菜有粟米粒，茄子，主角就係牛肉粒，係靚嘅牛肉嚟嘅，牛肉味好濃。飯係用珍珠米煮。飲品就冇乜特別。＄60來講可以試吓。…查看更多

今日又來到強記，最好食既就係燒味，隔左一排再睇吓質素有冇變，叫左個叉燒燒肉飯，叉燒依然脆邊，燒肉都脆皮，加埋燒臘豉油，係好高質素嘅燒味，至於杯凍檸茶茶味就差左少少。總括嚟講都值得再嚟食。…查看更多

係朋友介紹之下知道原來喺石硤尾有一間 叫呼吸冰室嘅 cafe。 咁就一於去試吓啦。 叫咗一個呼吸星期天全日早餐， 一個法國農村全日早餐呼吸星期天全日早餐 有沙律多士香腸番茄炒蛋柞 薯角同埋茄汁豆 煙肉， 炒蛋同薯角做得好好食 ， 因為薯角係用新鮮嘅薯仔製造 法國農村全日早餐 有多士薯角沙律香腸煙肉 呢個口多士係用煎嘅方式製作做得唔錯， 有啲似西多士但冇咁多油。其實 呢度環境 都唔錯， 但全日早餐只係跟一杯橙汁就真係唔夠飲不過好在有免費嘅熱水供應。 附近仲有一個歷史博物館關於石硤尾可以值得 行吓。兩分全日早餐其實味道都唔錯但係價錢就偏貴啦， 因為其實呢一度都唔係太就腳你地鐵站都有啲遠。…查看更多

呢間餐廳有我初初出嚟工作食到而家都食咗十幾年，都算有啲感情，所以間唔中都會嚟幫襯下。今日同女友晚餐， 有和民嘅優惠券， 咁就去食和民啦。 叫咗一個 和民 沙律全份、 咖喱肉醬飯、 七味粉雞翼、 炸魷魚餅。和民 沙律全份 都係一貫咁好食不過啲生菜就普通啲，個芝麻醬真係好正， 個 芝麻醬 係精髓所在。 咖喱肉醬飯就好惹味， 配合石窩熱辣辣， 加上有少少飯焦， 零飯味美更香。七味粉雞翼 炸得好鬆化。 由於已經將一隻雞翼展開做兩份所以好容易食。 炸魷魚餅就普通啲好來貨嘅魚餅咁麻麻哋啦 總括來講到底食嘅折左之後都唔使200。…查看更多

今日出街食， 嚟咗期待已久嘅hungry korean。之前一直都想來但係太多人排隊， 今日見條隊得十個人就一於試下。叫完嘢食就等佢送過嚟， 叫咗一份韓國魷魚壽司、 一份鐵板雞肉飯、 豆腐湯、 雞翼、 凍麥芽茶、 凍茉茶牛奶 。韓國魷魚壽司 好嘢未， 醃製過嘅魷魚好好食， 加埋其他配料好開胃。鐵板雞肉飯 其實同石窩飯差唔多， 不過鐵板就貴少少同埋多啲雞肉。 雞肉 好滑， 偏甜， 唔辣 。 同椰菜一齊炒好好食。豆腐湯幾好食，飲完之後唔會覺得有太多味精。最好食係雞翼辣辣地好嘢未。 但係都係有少少偏甜。凍麥芽茶、 凍茉茶牛奶我覺得都唔錯， 幾好飲。總括嚟講都會在再嚟因為價錢真係幾抵食。…查看更多

已經有幾個月無係度 外賣 pizza。今日就嗌咗一個中批二人餐。 Pizza就揀咗lulu、焗雞翼、肉醬意粉。Pizza唔錯。 但係 薄餅比之前 薄咗啲， 但價又加左。 味道有啲似Pizza Hut嘅至尊， 幾好味，幾惹味。 焗雞翼呢就配 泰式辣醬， 好嘢未。 呢度嘅肉醬意粉真係覺得好好食。 係好懷舊嘅味道。 兩個人食埋單唔使$200。…查看更多