meaocat的个人专页

路經過the ONE的人應該都會知道這家店 — 非常吸晴的大PIZZA，還有未見店先聞到的烤焗香氣。我並不太常吃PIZZA，說起PIZZA多數都是order某幾間較出名的餐廳。不是說那些餐廳的PIZZA質素差，但你絕對能感受到Paisano's Pizzeia的PIZZA是完全不一樣的風味。首先，餐廳採用open kitchen，可看到一塊塊pizza的製作過程，保證新鮮熱辣。另外，PIZZA的用料非常地道（美式），如Italian Sausage、Pepperoni、Mozzarella cheese等。PIZZA的選擇並不如一些大品牌的多，又海鮮又香辣等，反而有比較特別的純芝士的PIZZA，例如White Pizza, 4 Cheese Pizza等，讓我回想起在歐旅行時吃到的4 Cheese Pasta，頓時有親切的感覺。雖說香港也有不少地道的意大利PIZZA店，與它們相比或者Paisano's Pizzeria簡直not a thing。但它勝在有數家分店，所以當想吃點不一樣的PIZZA的時候、或者一個人的時候，就非常適合。說回正題，這天點了The Godfather、雞翼及青醬雞肉意粉：The Godfather ，份量足夠一個人吃飽吃滿，因為有滿滿的芝士。而且PIZZA新鮮出爐，烤得很香很好吃，番茄味及芝士味很濃，再配上薄薄的洋蔥圈，微微的洋蔥辣味非常剛好。The Godfather有三款肉類，分別為火腿、意式肉腸及辣肉腸，全部都是惹味醃製肉類，很難不好吃。青醬雞肉意粉（配麵包）味道非常特別，用的香料好像不太常見於普通PIZZA店，所以做出的風味也很不凡。青醬即香蒜醬，主要由蒜泥、羅勒、芝士等製成。醬料有點乾身，正好可以全部附在蝴蝶粉上。而選用蝴蝶粉的餐廳印象中也不多，想有點新意的可以一試，一吃難忘。雞翼炸得很脆很香口，好吃。…查看更多

在尖沙咀想吃牛腩，想到有間牛腩飯專賣店，可惜原來已經結業了。折返途中經過這間雲南啊老表黑山羊湯鍋米線，看到餐牌上的牛腩，想也沒想就走了進去。我不愛吃羊，因為實在受不了那酥味。所以，我點的是牛腩湯鍋酸辣米線。牛腩湯鍋酸辣米線 $40這米線上場時真是超驚嚇，那個湯碗超級大，比譚仔過橋米線那個碗再䦢半倍，但我明明是叫了小碗。雖然如此，我還是能吃完整碗米線。其次，我很喜歡的是店家放了很多的韭菜及蔥花，吃到最後都還有韭菜蔥花伴湯喝。湯頭用豬肉熬成，非常鮮甜，但不是很有酸辣味，所以我加了辣醬調味。重點是牛腩，清清的味道、鬆化的口感，肉質鬆化、香氣撲鼻。米線亦煮得爽口，份量不少，但我一個女生都吃得完，沒有想象中的多。其實這家店是主打羊肉，所以店裡羊味飄溢，相信愛羊之人應該會喜歡這個羊肉米線的配搭。另外，此店可以用支付寶，對於常常進了餐廳才想起自己身無分文的我非常便利。…查看更多

身為馬鞍山友卻對區內餐廳不太熟悉，皆因馬鞍山有「美食沙漠」之稱，故早已習慣去九龍吃飯。不過，這家位於石門的西餐廳卻意外地高質素。店內環境開揚，整體感覺不錯。$100一個餐的價錢，性價比高。跟朋友兩人點了兩個餐：沖繩黑糖炆豬軟骨配飯 醬汁調配得剛剛好，味道不會過鹹，配飯一流。豬軟骨入口即化，炆得超入味，份量也不少，而且大大件。飯的方面，最近經常吃到煮得過爛的飯，所以特別表揚一下，這個飯煮得剛好，粒粒分明，對我而言已經很難得。香煎雞扒明太子忌廉意粉首先，雞扒煎得特級無敵香，肉質扎實很有口感，肥肉不多，而且應該是用了胡椒調味，但味道並不會太濃，仍能配搭明太子忌廉汁。然後，明太子忌廉汁濃度拿捏得很好，剛好能沾附在意粉上。雖然肉眼所見明太子份量並不多，但那醬汁真的調得很好吃，超有驚喜。最後介紹一下套餐加錢的生蠔兩隻。只是兩隻生蠔卻配了超多檸檬及cocktail sauce，哈哈。生蠔挺鮮美，不過並不算大隻。最後服務方面有少許意見。感覺到侍應們態度都得好，願意提供協助及進行介紹。不過好像比較生手，例如我們吃完生蠔後收了我們的餐具，上主菜時沒有留意到我們缺少了餐具。這也不是問題，問題是之後我們叫了侍應補上餐具後正在進食時，又有一個侍應走來補上餐具，我們表示已拿到餐具了後他竟有點不知所措（？）站在我們旁邊一會，又問我們要不要更換餐具(笑）。希望能留意一下，但整體而言服務態度還是好的。再來就是上菜速度有點慢，上了生蠔後應該等了有半小時才上主餐，希望下次稍作改善，thanks!…查看更多

老二花廳，乍聽之下還以為是類似港式茶餐廳之類的食店，原來卻是一間西式cafe。這間餐廳位置不好找，我跟朋友走錯了隔壁唐樓，超級驚嚇，所以在此提一下大家，要從WoodLand地鋪旁的樓梯走。唐樓的陰深加上老二花廳微弱的光線，枊暗花明又一村。走懷舊風格的老二花廳貌似保留了單位原來的騎樓格局，由吊風扇、吊燈到綠瓦磚地板、餐具，店主都細心佈置。此外牆上更手繪了一些政治人物卡通畫，洋溢藝術氣息。店裡座位不多，我與朋友入座後不久便客滿，提議大家可以先訂座。跟朋友兩人點了蜜糖雞翼、黑松露薯條及肉醬闊條麵。蜜糖雞翼 $42要看餐廳是否有實力，一定要先試一下最簡單也是最容易失敗的料理—雞翼。曾吃過一些店鋪的雞翼，肉少又烤得太乾，重點是醬汁與雞肉分開，完全不入味。這裡的雞翼就不同，蜜糖味與雞肉能夠融為一體，而且肥美肉嫩多汁。黑松露醬配薯條 $62厚切薯條新鮮炸好，又熱又脆，薯味十足，配上滿滿的黑松露醬、香草，入口的香氣讓人停不了口。肉醬闊條麵 $78我絕對是肉醬意粉的頭號FANS，而這間餐廳的意粉也很合我意。首先，番茄味十足但不會酸得過份，芝士及香草更是畫龍點睛。雖然不是焗意粉，但這㮔意粉卻有家的味道。很多餐廳的肉醬意粉都選用幼身麵條，雖然都很好吃，但使用咬感較佳的闊條麵，則更上一層樓！士多啤梨奶昔 $50飲品方面選了邪惡的奶昔，不過與其說是士多啤梨奶昔，朱古力味反而更重。反正都很好喝，而且店家非常慷概，唧了一大圈的忌廉，超夢幻（少女心）不得不提，店員們很友善。總括而言，我對老二花廳的食物、環境、衛生等都很滿意。…查看更多

座落於黑、白布街一帶有不少特色小餐廳。轉角位置的WOFT是我喜愛的其中一間。WOFT的Menu是超特別的港西式FUSION，而且手工啤選擇很多，稱很上是個手工啤Library。還記得聖誕節時，餐廳對開的馬路欄杆圍上了七彩LED燈，很溫馨。雖然店面不大，但佈置也很用心。跟友人晚餐，我們不知不覺點了很多黑松露：黑松露長通粉 $118醬汁濃度剛好，可以黏附在長通粉上，加上了煙肉碎，超級好吃。 黑松露菌醬芝士意式夾餅 $141這個是因為看到其他人推薦而點的。黑色的餅皮很特別，看上去不像食物。切開後白色的芝士醬流出來，不只好吃還很好看。芝士醬很creamy，但黑松露的味道有點淡，夾餅皮造得很薄。說是正餐，感覺更像甜點。至於前菜，點了：藍青口配香蒜白酒汁 $99青口還算大隻，洋蔥給很多，很好吃。只不過等涼了後吃味道超怪，所以記得要趁熱吃完（不是餐廳的問題）墨西哥粟米片配自家製三色醬 $59三個醬，白色的那個Sour Cream很搭墨西哥脆片，其次為紅色的（應該是）番茄醬。綠色那個（應該是）牛油果醬，點了味道有點淡，還是Sour Cream最出色，有淡淡的酸味又不會蓋過粟米片的鹹味。至於手工啤方面，店裡有很多特色手工啤：Kagua Blanc $79產地：日本/比利時清新的柚子味，酒花、香氣，很適合女生。酒樽設計還得到日本Topawards Asia 的表揚。Btw 那個酒杯超可愛。嫦娥  $81産地：香港乍看Menu discription會以為是很甜的啤酒，喝了才知道是味道甘苦的黑啤。朱古力味是喝下之後才瀰漫在齒間。喜歡喝甜味啤酒的人會失望。陳皮啤 $73產地：香港包裝超酷，陳皮香比喝下的味道重，不過仍很有特色。總體來說很滿意，而且啤酒選擇超多，所以我之後又去了一次，坐室外啤酒聊天很爽。…查看更多

因為假期去了坪洲走走，之前未有去過這個小島。這裡不像長洲，沒太多遊客，環境清幽，可以見到鄰里間關係都大致不錯，感覺像回到20年前的香港。因為沒太多遊客的關係，所以大部分餐廳都是非常平民的茶餐廳/冰室，隨便走入一家都分別不大。見坪洲冰室食客不多，所以便試一試。店舖只有兩人，看得出是家庭式生意，賣的食物都是以簡單為主，即一般冰室可見的公仔麵常餐等。我點了腸蛋麵($32)，男友點了咖哩牛腩飯($44)，價錢尚算平民。腸蛋麵都有驚喜，想不到這個價錢有雙蛋，而且點餐時店主都有特地問到想要炒蛋定太陽蛋。另外知道廚師腸已絕跡，幸好腸仔依然是大家見慣見熟的雞肉腸(外形都有幾分相像)，可惜味道比較咸，始終無法超越已上神枱的廚師腸。麵煮得有點淋，湯也沒甚麼特別。但以價論貨，已經算是不錯的。咖啡牛腩飯也不錯，牛腩份量十足，咖哩汁份量適中，也是個不錯的選擇!點餐附送熱飲，好抵呀!由於坪洲人不多餐廳選擇自然都不多，「食」並不是去坪洲玩的重點，反而去行行老街感受日常居民生活、去接觸下大自然才是此行的重點!…查看更多

出街食飯成日都大魚大肉，好難先搵到一啲比較健康嘅菜式。今日lunch去左2DP，係一間素食餐廳，雖然不算平，但勝在係cafe可以坐得耐。而且係素食，可以過年前食得健康啲，不錯的選擇。同朋友叫左個沙律同飯：呢個無花果希臘芝士沙律有好多芝士呀！沙徘都幾大份，調味嘅沙律醋唔會太濃，另外沙律base嘅菜都有幾種，好豐富。最開心係有無花果呀，真係好好食！另外叫左個熱食：牛肝菌意式大麥飯之前未食過呢種飯，感覺好特別。飯好大粒、有咬感，要嘴嚼多幾下先得。飯粒可以將醬汁沾住，所以好好食，唔會有種飯同其他配料唔match嘅感覺。菌類亦都做得好好，唔會太乾依照有汁。唯獨係呢個飯份量唔太多，我同朋友唔大食所以都夠飽，但食量大嘅朋友可能要叫多幾個配菜先夠飽。再講下drinks同甜品。呢個玫瑰紅茶香檳好得意，用香檳杯飲茶都係第一次，即刻成個人high class哂。雖然係茶，但係有氣酒嘅感覺，杯面有幾瓣乾玫瑰，好有格調。可惜可能因為我走冰嘅關係，杯野飲有啲死甜，飲落唔太有玫瑰香氣。呢個鐵觀音紅豆抺茶芭菲，初初都擔心佢抺茶味蓋過鐵觀音嘅味，但好彩無。朋友亦盛讚個雪糕夠實夠滑，而且茶味香醇。雖然係淡淡嘅茶味，但因為要同其他配料如粟米片、抺茶米通等配搭，所以濃道剛剛好。可惜佢比隻大匙羹我，食到紅豆個位都唔係好「畢」到呀。另外一提，服務員態度不太好，呢個係比較需要改善嘅地方。…查看更多

平日午餐時段去食吉豚屋，估唔到都要排一排隊。好彩只係十幾分鐘就有得坐，即刻俾枱面嘅超值套餐餐牌吸引住左：咁豐富嘅餐只係$59加一，抵到爛呀！再睇下實物圖，野菜豚肉湯大大碗，一片片嘅豬肉、蘿蔔、白蘿蔔等，幾豐富。豬枊炸得香酥鬆軟，一咬落去個外層唔會好硬同埋好薄咁，反而好鬆脆，肉質嫩滑又有肉汁，同埋唔會太細塊，真係不錯呀！而唐揚炸雞亦大大粒，唔會油，而且啖啖肉，一啲都唔孤寒呀。呢個餐加吉列炸蝦一隻$5，我地叫左兩隻。雖然蝦就唔算大隻，但都未過份到俾條蝦毛你，而且同樣係炸得好好食！唔會粉唔會冧，都可以一試。我地另外仲叫左個吉列豬枊泡菜烏冬定食（$75）：個泡菜烏冬鍋好大鍋，有泡菜蔥花、蛋花等相當豐富。烏冬唔會粉，都幾有彈性、煙韌，好食好食。我亦有試過吉列豬扒餐，啲肉都幾厚同埋幾大塊，以前同朋友甚至會兩人share一個餐，因為佢碗飯同沙律菜都大大兜，真係超飽架。…查看更多

最近呢間比利時餐廳推出左限時優惠，$270加一就可以任食steak &fries!!我地見到即刻就走去試，雖然話建議openrice訂位先，但由於即日嘅時段已經full哂，打電話去餐廳佢地叫我walk-in，都照樣enjoy到優惠！我地去到餐廳，雖然話full booking，但其實亦無爆滿，反而都有唔少位。我地被安排坐落地窗邊嘅高枱，望街景，座位間隔得開，有私人空間。餐廳環境幽暗，感覺好高級，不過環顧四周，都見到好多外國面孔一家大細黎食晚飯。事不宜遲，即刻叫返兩份牛扒先任食嘅野餐廳當然想用薯條「質」飽你啦！所以可見上圖，啲薯條堆到山咁高呀！呢道嘅薯條係幼薯條，同麥記薯條幾分相似，不過比麥記嘅炸得脆，熱辣辣上，好好食呀安格斯西冷扒，即牛上腰部嘅脊肉，肉質厚、有嚼頭，最啱做牛扒。我地第一round試水溫叫左五成熟（medium)，結果塊扒有啲啲乾，雖然都幾有牛味，但要切到中間先比較軟身同泛紅。印象中西冷多筋較難切開，呢道嘅牛扒完全冇呢個問題。第二round 醒目叫三成熟（medium rare)，塊肉即刻冧身好多，而且多肉汁，仲有陣陣炭烤香味留在口中不散。雖然牛扒本身只有一款sauce可選，但餐枱亦有好多醬汁可配搭，例如mustard、茄汁、辣椒汁同HP醬等，有啲都幾夾牛扒架!總括而言，牛扒質素甚高，個人認為食到兩塊已經回本呀～優惠好似做一個月左右，想試嘅話記得儘快去啦！…查看更多

呢間烏冬店真係我人生最愛！我每個月都至少幫襯一次，介紹比朋友都獲得好評。前幾日除夕去食，7:00前到達，已經要排隊，而且因爲特別日子只有set menu...好彩我地都好快入到去平時黎開都只係叫一個烏冬，今次有機會試埋佢啲小菜，非常期待！我地叫左：芝麻醬菠菜。個人唔太中意重口味，如圖所見，芝麻醬真係太多，味太重啦，不過中意麻醬嘅人應該會食得好開心。蟹肉沙律，不錯的，料好豐富，有蟹子蟹肉（而且量唔算少），不過我覺得調味依然太濃，沙律醋落得有啲多，導致好酸。我最愛嘅手打烏冬登場！先講湯底，黑蒜油豚骨湯蒜味好出，非常香，而因為我搭配上級牛肉，所以個湯底更豐富，仲有牛味！另一個魚介豚骨係黑蒜油豚骨嘅比較下就有少許失色，但依照好飲。兩個湯底都好濃，可以依附係烏冬上，唔會好似水咁。有時啲烏冬湯同麵好似無法混合咁，令到味道好淡唔好食。呢間餐廳嘅湯底就唔會有上述問題，味道好出。再講配料，上級牛肉真係超級好食，唔同其他店嘅肥牛，又薄又多肥肉，佢地用嘅牛片充滿牛味，而且大大片，亦唔會太薄。上碟時牛肉係半生熟，所以係可以自己調較幾成熟。醬油豬軟骨煮得好淋，而且都幾大舊，調味不錯，不會過濃過淡。蛋，上碟時係半生熟，不過因石鍋過熱，一不小心就會熟過頭。粟米超多超甜，又大粒，一啲都唔孤寒。特別一提佢放最上個隻菜一定要整熟佢，如果唔係會有浸草青味。圖中可見個烏冬一黎我第一時間係浸熟個菜先（相都唔得閒影住）最後要講嘅係烏冬，手打烏冬好彈牙，份量剛剛好，不能錯過。講左咁耐，總的來說，呢間嘅烏冬可能係世界上最好食嘅烏冬，絕冇誇張…查看更多

今日食生日大餐，因為想食烤雞，所以訂左呢間餐廳。平時兩個人食韓式炸雞，叫一碟再加個紫菜包飯已經夠哂飽，都叫唔到其他野，而呢間餐廳就好貼心咁提供platter嘅選擇，又可以食炸雞又可以食其他main dish!!我地叫左驚喜二重奏：半份原味炸雞+安格斯肉眼扒牛扒用鐵板上，”za za “聲好興奮牛扒幾成熟自己決定，我地唔小心整熟左少少，大概七成左右，但依然係好有牛味炸雞都好食嘅但唔係我想像中炸到金黃色脆一脆嘅炸雞，反而更似烤雞。有四五舊份量適中，而且有雞翼位，不錯。拼盤仲有薯條同泡菜食，好豐富！兩款醬料分別係茄汁同水果味嘅醬（略似菠蘿但分唔出，點炸雞幾好食）我地仲叫左水冷麵同鮮蝦沙律：蝦係新鮮嘅，因為我男友如果食到處理得唔好嘅蝦係會過敏，而他當日係safe嘅🙆🏻‍♀️另外要讚嘅係個沙律好大盤，雖然佢個菜底比較單一，但啲蝦、蛋、番茄仔都俾得足料！食得開心。見今夜食咁多肉，諗住平平地叫返個麵食下健康啲，呢個麵夠哂清，落左個醋（？）好好味，唔會太濃味，配料都好健康！營養之選，啱哂呢個炸雞牛扒之夜haha總的來說很滿意，食左好多唔同嘅野，質素全部都唔錯，食炸雞飲真露，一個開心嘅生日大餐。…查看更多

今日同家人去開西貢，佢地選擇左呢間係西貢比較罕有嘅日式餐廳。因為係平日所以有lunch set，價錢中等，唔算太貴。我叫左個咖哩牛肉烏冬：如上圖，咖哩湯唔夠濃，只有淡淡咖哩味，說實在並唔算好食。但比較特別嘅係佢有日式咖哩當見嘅紅蘿蔔、洋蔥同薯仔，薯仔仲要煎過，好香口，加返少少分。另外，牛肉量唔多，而且太細片，有點可惜，但見佢有幾片日式魚蛋同野菜配搭返就算佢過關呢道啲餐點都有味噌湯、配菜、沙律同甜品送，以$6x嘅價錢算係超值啦！味噌湯唔太濃，勝在有豆腐同海帶，算足料沙律幾好，蔬菜新鮮多樣，粟米好甜～而且唔係用芝麻醬，隻汁酸酸地好開胃。最中意就係個雪糕，好綠茶！正！飲品方面我叫左玉米茶，茶壺上可refill抵哂！可惜係雖然可以refill 飲品，但餐廳賓客如雲，唔可以坐耐啲慢慢歎埋杯茶。…查看更多

之前已經幫呢間寫過食評，昨日再去食過，依然性價比極高，忍唔住要再讚一次。我地三人都叫左韓式牛肉便當，記得以前外賣呢個便當已經係大份夾抵食，胃口細嘅直程可以分兩餐食。今次再幫襯，份量依然大份，我地三個都係食唔哂嘅。如上圖，呢個便當好多配菜：芽菜波菜泡菜蛋卷薯餅沙津，一啲都唔單調。蛋卷略乾，但薯餅好脆，不錯不錯。泡菜都幾辣，不過切得細細條好易食。沙津有薯仔、蘿蔔、蘋果等，感覺好健康！牛肉便當嘅牛肉並唔係只有牛肉，而係粉絲炒牛肉，仲有啲洋蔥同菜，總之就係豐富。而且唔會太鹹，但配飯亦唔失色。飯量簡直多到食唔哂，啱哂大食之人。我地另外仲叫左個紫菜包飯：非常好食呀！$30蚊算不錯紫菜包飯就唔多講了都係個啲料，但份量都多㗎，一啲都唔孤寒呀！話說呢間小店咁多年了，價錢都冇乜點加，以前食牛肉便當又係50而家都仲係50，份量又冇少到，實在非常難得。希望大家多啲幫襯，令佢地繼續長做長有！…查看更多

3點都仲未食飯，路經鐵牛，見下午茶只需$36起，都算便宜。估唔到呢個時間都好多食客，但好彩唔洗等位，即刻有得坐。以下係下午茶menu: 野食好快送到我叫左滷蛋，蛋滷得入味、口感結實，可惜得半隻有啲少。夜市小香腸就無咩特別，不過感覺香腸無咩肥肉，唔會太有罪疚感哈哈。甘梅脆薯，炸得好脆同埋都算大嚿。好食至於家鄉滷肉飯，飯係珍珠米，啲飯唔會糊，算係做到粒粒分明。滷肉大大粒（嚿）幾好食，肉嘅肥瘦適中，有溶化入口嘅感覺。最後係野飲：珍珠有咬感但唔算好大粒，份量適中。奶茶茶味不太重，不過對餐廳嘅飲品要求不需太高，所以都合格。份量我覺得略少，女仔食好夠食，但男仔可能唔夠飽。不過以下午茶黎講，性價比都算高。正正常常一份tea set，不會太有驚喜但都唔會失望。…查看更多

星期五晚銅鑼灣人頭湧湧，想搵間唔洗等位既餐廳唔易。我同朋友搵左幾間餐廳都要等好耐位，成8:00都未有地方食野。呢間餐廳樓面大，只需等10分鐘就可以入座，非常滿意。我同朋友點左招牌甜辣芝士無骨烤雞同炒粉絲，都相當有水準。烤雞件細細塊唔會嚡，而且無骨，啱哂我地啲懶人。試過其他餐廳既無骨雞，有啲食落唔入味肉又嚡，所以覺得呢間唔錯。芝士鋪滿整碟烤雞，可以同朋友「拉芝」影相而且芝士味都好夠，唔會俾本身既甜辣醬掩蓋。順帶一提配料仲有芝士獅子狗，雙重「芝」味烤雞有得選辣度，我地揀左少辣，可惜對我黎講係完全感覺唔到辣...如果再辣啲一定再加分。第二道菜係炒粉絲（忘記左影相）都好好食，炒粉絲配料有海鮮如八爪魚等，好豐富，而且粉絲都好煙韌。最後要讚既係餐廳無限時，我同朋友坐到差不多收鋪先離開都無人趕！非常感謝。…查看更多