kitchiyoshi的个人专页

媽媽聽街坊講傲月有早餐食, 一個餐配熱飲只係廿零蚊就可以食飽飽, 咁就一齊去試吓了。 嗌咗個粉卷另加8蚊配多個配料(燒牛肉/燒豬頸肉/魚柳/雞翼) , 我揀咗燒牛肉, 媽媽揀咗魚柳。 粉卷份量大概係平時茶樓食嘅2條蒸腸粉左右吧? 饀料有一點肉碎同木耳碎, 皮有點厚,不過亦因為咁, 先夠晒飽肚啦! 另外見佢仲有個粉麵餐, 都只係$28蚊咋! 喺呢個乜都貴嘅時代, $30有找嘅早餐, 真係好難搵呢!仲有見到佢喺早餐同下午茶時段有優惠俾長者, 一個牛肉河只需$15咋!! …查看更多

喺附迚做完嘢已經過晒午餐時間, 所以嗌左個下午茶餐, 揀左一碗粥同油條, 原來下午茶嘅油條只得一邊, 同埋感覺好似係翻叮, 所以好熱同埋脆得有點硬, 咬落成口油咇出黎, 食唔出應有嘅香... 粥底一般啦, 唔算特別綿。 …查看更多

其實之前睇到傳媒介紹, 覺得食物都幾特別, 一直都想幫襯下。 難得今日放工有時間閒逛, 但又臨近晚飯時間, 為怕食唔落飯, 所以只好放棄食物, 只買一杯米漿黎試試。 飲落口, 感覺似淡淡的芝麻糊, 不太甜, 也蠻香的。不過飲左半杯左右, 覺得好似有啲酸咁嘅? 不過, 我下次都係會繼續幫襯, 試下其他食物的喔!…查看更多

因為某種關係, 平時好少過海的我, 都要同朋友特登去支持下, 見到有set可以嗌(食物連咖啡), 梗係嗌set啦! 冷麵正! 可能我鐘意食日式芝麻汁, 所以覺得味道好好!! 平時我麻麻地鐘意食半熟蛋, 但我竟然覺得完全冇我討厭的蛋黃味, 好容易就一啖吞落肚了!! 而且冷麵份量很足, 但食完都唔會覺得好滯好漏咁~ 再加上熱辣辣的窩夫, 生果粒 配上2球雪糕 , (當日有3款可以揀, 雲尼拿, 綠茶同荔枝) 大家食完都超滿足的! 仲有優惠咭可以拎到, 見餐牌仲有意粉同蛋糕, 下次要再同朋友黎幫襯下喇!…查看更多

原本已經喺openrice app book左檯, 上到去發現原來都係要自己搵位, 即時覺得點解要book... 不是book左就代表會留檯的嗎? 咁我索性就咁walk in 霸位算啦! 店員感覺也不太helpful, 態度不太好.... 其實呢度嘅自助服務, 自己嗌餐&拎餐&執檯呢一樣嘢, 我係完全ok的, 反正習慣左快餐店都係咁模式。 就算5個人嗌5樣嘢要分5次出去拎都ok嘅。 但點解素的all day breakfast 等左一個幾鐘都仲未整好? 其他4個朋友, 嗌普通all day breakfast 同埋意粉 只需20分鐘左右? 素嘅有咩咁難整呢? 朋友們食完, 素嘅都仲未黎? 其實好想知廚房點處理order囉... 最後因為已經夠鐘要走, 想取消order, 但店員表示廚房已經整好 (時間好巧合喔!) 所以只好請廚房幫忙放入外賣盒。可惜, 拎上手時, 外賣盒是紙造那些, 所以可以充份感受到盒嘢係唔熱的.... btw, 因為廚房煮食的油煙會飄出黎, 所以坐左2個鐘左右, 衣服上的油煙味很強勁.... …查看更多

見佢新開冇耐, 晏晝唔駛等位 就同朋友一齊幫襯下啦。 嗌左個腐皮墨魚餅+鮮蝦韮菜餃米線 , 同埋豬軟骨撈麵。 豬軟骨味道唔錯, 個汁唔會太酸或者太甜, 撈落耳削麵剛剛好。 只可惜, 米線黎到嘅時候, 發現點解冇左韮菜餃但多左一堆金菇嘅? 望下張單先發現落錯左, 其實店員落錯單, 真係好小事同好平常, 通常為左不浪費食物, 如果係我會食嘅嘢, 我都會由得佢, 唔駛換過俾我了。 只可惜, 偏偏我朋友唔食金菇的.... 於是同店員講落錯左單喎, 對方嘅回應係:"冇晒韮菜餃喇!" 咁點解落單時唔同我地講呢? 求其落樣餸俾我就算? 跟住有個貌似男經理的走埋黎了解, 佢話會補返韮菜餃俾我地.... 下? 又話冇韮菜餃嘅? 點解咁混亂咖?btw, 湯底完全冇魚味... …查看更多

睇完戲, 肚空空, 望下餐牌覺得幾啱食, 於是就走左入去醫肚了。 嗌左午餐A (加洲卷+烏冬+炸餃子), 其實碗烏冬黎到時, 被那半棵小棠菜嚇親, 心諗點解好似咁生嘅? 同埋根部啡啡地好似好殘咁, 算啦~ 就咬走最面嗰塊葉吧! 不過, 雖然外觀上很一般, 但味道卻出乎意料之外! 餃子應該都是來貨,味道很大路。 平時好怕餃子皮炸到過硬, 呢間炸得剛剛好! 配上七味粉及醬汁, 都不會太咸。 烏冬的湯底很合我口味, 烏冬都唔係現成一包包帶酸味嗰D, 粗幼剛好! 很滑! 至於加洲卷, 水準不過不失啦! 配上餐飲微糖的凍綠茶, 甜味剛好! 微微的甜不會搶過茶味~ 一餐食得滿足也只是$49!! 抵!…查看更多

早前睇到一個韓國節目介紹香港, 當中推介了呢間餐廳, 於是同朋友一齊跟著星星去朝聖。下午1點幾去到, 門口已經好多人等位, 估唔到全部都係韓國人.... 因為店員話要等一個鐘左右, 所以留左電話俾店員, 請佢差不多到我地就打過黎。 結果因為我地行得太遠的關係, 喺接了店員電話後隔左成20分鐘先返到去。結果都好順利的讓我地入去, 原本已經截單的都俾我地嗌午餐..前菜:椒鹽茄子, 海蜇麵: 擔擔麵, 炸醬麵餃: 小籠包, 菜肉餃茄子好外脆內軟, 海蜇亦很爽脆有麻油香炸醬麵完全唔辣, 正正就係傳去韓國的那種黑黑的炸醬, 擔擔麵微辣, 很香小籠包 同 菜肉餃不過不失配上一壺香片茶~ 呢一餐好完美~結果食到佢地要落場關門先走...…查看更多

試左黑豚肉蛋包飯, 外觀感覺蠻不錯, 蛋裡包住炒飯, 飯嘅味道不錯, 唔會太咸或太淡。 唯一敗筆係黑豚肉冇咩味, 煎得太乾身。 沙律亦不過不失。 最驚喜係用黎墊住嗰2粒炸帶子嘅蕃茄好好食, 大大塊又夠juicy!!!! …查看更多

今日食飯食唔飽， 經過呢間小食店時，見到佢嘅“叮噹餅“都只係賣$6一個， 都算抵食，所以忍唔住手買左一個紫薯味黎食。起初都覺得點解好似咁少饀咁嘅？但當咬多2啖，就覺得情願佢冇饀好過了.... 零紫薯味不特止，只係見到一pat表面好令嘅深紫色醬, 食落去根本食唔出咩味.. 同埋好難食，要將啲饀挖晒出黎先得。 而且最後我發現，我條脷變左紫色..... 從來冇試過食紫薯食品食到條脷會染左色呀！！ 睇黎我嘅食店黑名單又多一間了....…查看更多

喺附近返左好耐工但一直都冇幫襯過，今日卒之俾我試到佢嘅黑豆漿同芝麻糊。 其實對於特價8蚊一碗芝麻糊都冇咩要求了， 食落都有芝麻香，不過可能多左少少米漿，所以杰身左少少。 至於黑豆漿真係好好飲，少甜好啱我呢種唔慣甜嘢嘅人嘞~ 同埋飲得出真係真材實料！ 附近有間嘢賣黑豆漿其實係黑芝麻粉+普通豆漿溝出黎... 嚇到我嘅大肚同事即刻唔敢幫襯，個BB有咩事就真係唔抵喇！而家同事日日都會幫襯亞玉買支黑豆漿， 又平又好味呀！…查看更多

一直都住喺附近，間中都會光顧， 一直以黎食物質素都唔差。最近啱啱裝修完， 店內變得光猛左， 感覺都乾淨左好多，於是就入去幫襯。 可惜， 明明有6人套餐menu但又唔俾， 要自己去拎。 那男的一直黑著臉對住客人， 女的就很粗聲粗氣， 我地只想叫個$88的炒飯， 就硬推“貴少少“的$168的菠蘿炒飯， 近乎2倍價錢就是貴“少少“？ 硬說份量比其他多，結果只有菠蘿嘅size大，炒飯份量只有4份3， 寫漏單又大大聲話有寫轉頭又話冇寫， 算是怎樣？ 唯一感安慰係，食物質素沒變， 牛油雞翼熱辣辣的很好食。 …查看更多