kkjam的个人专页

話說喺面書不停見到有個平台彈呢個黑松露下午茶廣告出嚟，present得好吸引咁，兩個人都要成$600 ，其實唔平，諗咗幾日終於決定去試吓。我哋訂咗四點，但早咗出嚟尖沙咀，如果入到去圓方就無咩好行，諗住打去問吓早啲去有冇位，由2:30打到3點都冇人聽，咪照入去試先囉。上到餐廳，當時係3:30 ，好有禮貌咁問recept姐姐有冇得早啲入，佢眼尾望都無望我仲好冷淡咁答左句“都要等到4點”。我真係著🔥左！五星級酒店餐廳，打咗半個鐘電話冇人聽都算，之後得到你無禮貌既接待。🔥住咁等到4點...為咗已付款既黑松露下午茶份上...我忍住！份下午茶係好靚嘅，但唔係樣樣都有黑松露，仲要大部份都係唔好食...- panna cotta有松露味，但啲質感好似食緊好有彈性既蛋白咁...-嗰粒炸波係燉飯球，但真係整得好麻麻-個scone只係普通嘅scone，好重麵粉味唔好食，其實可以俾啲誠意加啲黑松露落去...-最好味就係蛋殼裝住嗰個蛋沙律，沒其他了食完我都唔知自己食咗啲乜，$600食呢啲嘢我真係覺得好貴。同埋餐廳本身平日價係538再加一，‘’某平台‘’買淨tea平日價一樣592，其實我唔明點解要喺“某平台”訂？都唔緊要，最慘係唔好食服務又差，真係感覺好sad....好🔥🔥🔥🔥🔥🔥🔥…查看更多

儲咗好多餐廳，一直好懶冇寫到😆。今次冬至嚟到呢間餐廳做節，食完好想寫一寫。午餐佢有兩個Menu，一個set lunch一個Tasting Menu，我哋每樣叫一個試吓。一開始訂位嘅時候，佢會好貼心咁WhatsApp定個餐牌俾你睇，感覺係窩心嘅。餐前麵包係好食嘅，送上嚟嗰時熱辣辣，三款麵包都好食，牛角包仲係脆嘅！先有餐前小食，係每人半粒半熟鵪鶉蛋。話說我唔知外邊嗰陣黑色皮係乜嘢，我陣間先再講點解。佢唔係唔好食，唔知關外邊嗰陣黑色皮，定係鵪鶉蛋白嘅問題？個口感煙韌住質感有啲橡筋咁樣.....有啲奇怪。呢個係Tasting Menu嘅生蠔，佢好靚咁放咗一堆野喺上邊，仲有魚子醬，然後問題就嚟喇，隻蠔佢係冇𠝹定出嚟，挑得隻蠔黎，嗰堆好靚嘅嘢咁就跌散晒同隻蠔分離左lu....前菜仲有呢碟鵝肝mousse with脆皮，好食。不過，我係女仔嚟㗎嘛，口係比較細嘅，呢卷野切開佢個脆皮又碎晒，成舊放晒落口嗰啲脆皮又好拮口，因為佢唔係一口size，其實可以細舊少少好入口。跟住係西班牙蕃茄甜椒湯，個湯夠晒濃好飲。淨飲湯係冇問題嘅，不過，佢係個碟度放咗洋蔥同甜椒絲，同1塊風乾火腿，本身個湯已經夠濃味，加埋風乾火腿好鬼鹹，飲緊個湯時食到嗰啲洋蔥絲其實唔係好夾，跟住個湯咁就錯咗喇....之後有佢個Signature Dish42度煙熏三文魚，佢搵蘋果木既煙燻住焗左1分鐘，好有效果。好食嘅，三文魚上面仲有一大堆魚子醬！碟邊個粒啫喱東西佢話係蘋果分子料理，其實口感一啲都唔覺係....嚟到主菜，呢碟fish of the day是日係日本嘅金目鯛，煎香面嘅魚皮配以龍蝦汁，魚肉夠滑，好食嘅。主菜仲有法國春雞，開頭係有期望嘅，可惜肉質比較鞋口，佢話有黑松露片係雞皮底，但只係其中一舊有，跟住中間隻腿好似冇煎過咁，仲有啲紅色。Tasting Menu嘅甜品我哋叫咗焦糖燉梨mousse cake，正常好食。反而最後嗰杯cappuccino有驚喜，好少有餐廳整到啲foam咁高身咁靚，值得一讚。即係咁，埋單總共$964，話晒都係高級法國餐，佢係好食嘅，不過總係欠缺一啲細節，就係嗰啲細節位令到每碟餸唔得完美。另外，佢唔係每碟菜上菜嘅時候都有講解俾我聽，所以我就話唔知鵪鶉蛋外邊嗰陣黑色皮係乜嘢，因為佢放低話係鵪鶉蛋就走咗🤷🏻‍♀️其實你可唔可以講多啲俾我聽？佢算係好食嘅👍🏻可以一試。不過我個人就覺得你收我呢個價錢...試一次就好。…查看更多

今年做節，我哋揀咗四季酒店嘅龍景軒食好啲！有米芝蓮星星嘅佢一直都好難訂位，今年咁好彩中秋節俾我哋訂到位！原本我哋都諗緊係咪叫套餐，跟住諗諗吓睇睇下套餐都唔係樣樣想食，今次決定試吓散叫！龍景軒特別在大部份嘅菜式都可以半份咁叫。今次我哋叫咗：1.蜜汁叉燒：係夠淋嘅，又甜甜地，好食！2.凍鮑片配蘆筍紅蜇頭：凍鮑片夠鮮甜，又夠淋，紅蜇頭成片食好有口感，不過我覺得唔夠入味。配喺下面嘅蘆筍又嫩又甜。3.皇湯雞絲羹：龍景軒必試菜式，濃厚嘅雞湯，膠到好似飲緊花膠湯咁！4.皇湯蒸斑片蛋白：為是日特別菜式，唔會係餐牌上面搵到，皇湯蒸蛋白原來可以咁夾好食！5.黑松露炸蟹蓋：都係是日特別菜式，黑松露味突出但又唔會搶咗蟹肉嘅鮮味，多蟹肉，好好食！6.孜然香椒羊蹍肉：呢個叫咗半份，羊肉好嫩好juicy，唔會過熟，好好食！7.蒜蓉蒸半邊龍蝦粉絲：相比之前嘅菜式呢碟就比較普通，唔試無損失。8.蝦子遼參配豬腳筋：爽口嘅遼參配以濃香嘅蝦子醬汁，美味。9.甜品：最後茶藝師會煮一小壺茶俾你，是晚係桂花鐵觀音，好清香入口好舒服。桂花杞子糕同埋嗰粒酥餅都係送嘅。我哋另外仲叫咗碗杏汁湯圓同埋半份蜂蜜薑茶糕。兩個甜品都好好味，雖然已經好飽好飽好飽，好味到我哋都食得晒！特別係個蜂蜜薑茶糕，如果你係鍾意飲辣薑茶嘅朋友，呢個你一定要試，出面我未見過呢個甜品，超特別超超超好食！龍景軒既米芝蓮星星真係實至名歸👍🏻鍾意摘星嘅朋友一定要黎試吓呢間中菜廳，有五星級嘅服務，食物又好味，菜式又可以半份咁叫夠哂細心，啱晒細食又想試多啲嘅朋友！下次我都要午餐嚟試吓啲點心先！…查看更多

是日嚟到K11，見有間新開韓式餐廳，就同朋友嚟試吓啦。冇訂枱Walk in 㗎咋，好彩都有位。一開始淨係知佢係有少少高級嘅韓式餐廳，都唔知原來佢係一間全素食餐廳，仲要係韓式寺廟素食，夠晒特別！👍🏻我哋分別叫咗兩個course同三個course嘅Set lunch，每樣都試吓，除咗豆腐淨係試左一款餐廳環境整體好舒服，又特別，色調以木色為主，天花板係一個玻璃管造型嘅屋頂，好靚。成個環境令人食飯嘅時候心情都可以靜落嚟。點完餐先來三個前菜，有雜菌養生湯，醃菜飯團同雜菜沙律。雜菌養生湯味道好清淡，同平時飲開嘅雜菌湯好唔同，好飲嘅。飯團我哋真心唔識欣賞，我同朋友都覺得麻麻地。沙律係沙律囉，dressing係大醬汁，菜唔夠新鮮。開始有啲失望嘅時候，驚喜開始嚟喇，先有雜錦菇菌凍批，係用上湯茄雜菌雪成凍批，旁邊配有香草醬，韓式辣醬，同芝麻現象，點唔同嘅醬汁就會有唔同嘅風味，清清地好好食😋跟住呢個照燒杏鮑菇一樣冇令人失望，佢話係用咗唔知幾多年嘅醬油烹煮呢個杏鮑菇，味道啱啱好，醬油啱啱好覆蓋住過杏鮑菇，又唔會搶咗杏鮑菇嘅味道，好味。之後係呢個韓式凍豆腐配自家製泡菜，自家製嘅水泡菜包住韓式凍豆腐，加上黑芝麻同芝麻油，味道清清地得來又好食。最後兩個主菜，先有韓式炒粉絲，係室溫嘅，正常味道，當有拌飯比較既時候，係普通咗啲嘅。成個set lunch我最鍾意呢個5色蔬菜拌飯！有服務員嘅介紹，先知道碗大醬湯原來係用嚟拌飯用嘅，因為佢都好鹹下，冇可能就咁飲。拌飯面有脆口嘅海帶乾，菠菜，茄子，醃蘿蔔同醃青瓜。飯係黃色嘅，我諗佢有調過味？總之將所有嘢撈埋一齊食，好好食，好有驚喜！最後甜品係芋頭片芋頭忌廉小蛋糕配花茶，冇期待過嘅蛋糕竟然好好食，係真好食。花茶清清地都好好飲。佢配上好靚嘅匙羹同叉，靚到上枱嘅時候我嘩咗一聲，不過食起蛋糕上嚟一啲都唔實用😂你哋自己去試吓就知道。一間係香港算係獨一無二嘅韓式寺廟素食餐廳，好特別嘅體驗，好值得一試。大部份嘅食物味道都係好清好淡，又一啲都唔油膩嘅素食，有別於平時食開嘅素食餐廳，所以價錢係貴咗一啲，份量又細咗啲啲，但我哋都覺得好值得一試。👍🏻…查看更多

生日黎到瑞吉酒店嘅米芝蓮一星中餐廳-潤Rùn食番餐好既！環境好高雅舒服，我哋都好鍾意。呢間餐廳好難book位，有幸生日前2日先打去都比我哋book到💪🏻生日總算可以食餐好！疫情關係，每位客人枱面都有口罩套一個！好靚好貼心❤️我哋比較懶同無認真做功課，一見到有套餐二話不說就點左套餐，後來先知道佢應該係點心比較出名🤔我見個個都叫點心，應該無邊個叫套餐😂除左我哋有豆瓣醬同琥珀合桃，合桃好好食👍🏻呢間無得免費提供XO醬嫁，要比錢的先上第一道菜係蜜餞西班牙黑豚肉叉燒，乳香田雞腿，果醋海蜇頭叉燒超林超好食，係我食過最好食既叉燒！一定要試！炸田雞腿好軟熟，味道係清清地既。海蜇頭造型成朵菊花咁，睇得又食得！好入味好好食！😋第二道菜係日月魚螺頭燉豬展湯好好飲！一定係因為本身湯頭已經好好！第三道菜係荷香雲南大頭菜蒸雞雞好滑好入味，紅棗仲好甜！上菜時仲會淋豉油，其實本身已經好入味，我覺得唔洗豉油都得第4道菜係XO醬野菌炒星斑球斑球好滑啖啖肉好好食😋第5道菜係魚湯白玉雲吞嗯....成個套餐最普通既一道菜，白玉係冬瓜，雲吞無咩特別，魚湯好似胡椒湯咁，好有胡椒味，但無魚味，合埋眼係唔知自己飲緊魚湯套餐都有跟美點薈萃，係椰汁紫米糕同鳳梨酥咁既甜品。好好食！除左套餐，我哋仲另外仲散叫左2個菜，一個係海參，一個係炒蟶子小海參下面墊左一塊蒸包，跟鮑魚汁。海參好爽口，好好食喎！經理仲介紹我哋食呢個頭抽干邑炒蟶子王，佢介紹得無錯，真係超好食！！又鮮又甜又爽口，蟶子真係好新鮮！味道又岩岩好唔會蓋左蟶子既鮮味，一齊炒既萵荀同雞髀菇都好好食！有機會大家都一定要試下！呢間餐廳太好食！環境又舒服，我哋已經約好要再番去試下佢既點心！💪🏻…查看更多

今次黎試吓黎自美國既Red Lobster，因為早黎，無訂枱既晚餐都有位坐👍🏻咪睇小佢，晏啲都要等位，好多人食嫁！美國野真係美國野，好多炸物呀😆熱氣到呢！任食芝士鬆餅會靜悄悄放係你枱面，用布嵌住好鬼鼠，記住睇清楚先好問人做咩未比你呀😆（我聽到好多人問）係超~~~~好食既！最抵係任食丫嘛！我2個人食，叫左2隻1磅龍蝦，炸魷魚同龍蝦湯。太肚餓趕住飲唔記得同湯影相🤷🏻‍♀️。炸魷魚🦑好好食🤩新鮮炸起卜卜脆，必叫！清蒸龍蝦🦞，原隻黎到你面前再搵人拆比你食！一磅龍蝦一啲唔細隻，其實夠2個人食，肉質鮮甜，食得出好新鮮！😍👍🏻👍🏻仲有3款醬汁比你點，同一大棵西蘭花😆拼碟另一隻係蒜蓉忌廉焗🦞，佢切埋先焗既，所以上到枱就咁一舊舊叉黎食就得，好方便！都好食既，不過多左啲味就會蓋左龍蝦既鮮味。有比較的話，我覺得清蒸龍蝦好食啲同抵食啲！佢有跟碟醬係“蝦糕醬”，熱住咁上，點包點龍蝦肉點鬆餅都超好食，好似日式個🦀蓋甲羅燒咁！整體黎講我好滿意，龍蝦粉絲必到餐廳！價錢一定唔係平嫁喇，話晒都係食活龍蝦，仲要無收你加一喎，算係咁！有下次餐廳！推薦清蒸🦞👍🏻👍🏻2個唔大食既人真係唔洗叫咁多，飽到攬住個肚走😂…查看更多

見到網上介紹，真係比佢個樣吸引到，咁少女同公主，仲話openrice訂位有折，一定要去試試啦！我哋好傻唔識路，問商場啲職員點行，都係搵左好耐行左一個大圈先搵到呢間餐廳🤷🏻‍♀️但其實近在咫尺🤦🏻‍♀️一大塊下午茶餐牌，覺得好特別🤩叫咗兩位用，我哋一個叫茶，一個叫咗特飲。個茶杯套裝好浪漫好少女呀😍大愛！個杯特飲正常，都好fresh既。等咗好耐個下午茶終於嚟喇！真。耐既，等到頸都長，不過一見到舊棉花糖心情都開朗晒！整體唔錯，鹹點好食，Scone都好食，甜點就好一般😕。跟住上網search下，呢個tea set原來二月已經開始，跟住我就再發現事隔幾個月後個樣已經同一開始有啲唔同，hea左...唔信你哋去睇返之前嗰啲post...呢個棉花糖tea set折左都係$448.8，打卡係一流嘅，但就唔好對食物期望太高，話有茶味個啲cake食唔出有茶味🤷🏻‍♀️仲有啲員工服務大部分都木無表情.........得一兩個先似係真。酒店餐廳Server。打完卡開心完咪好囉！…查看更多

是日又想起呢間餐廳，決定去試吓！真係特登行過去嫁，要行到LCX最篤篤！以為今時今日無咩人出街枱都唔洗訂walkin有得食，錯哂！佢話無位就無位，問佢要等幾耐，佢哋一啲都唔再乎話“唔知嫁”🤷🏻‍♀️又特登行左過去又無得食？！（係！行過一次過去，佢話過左last order喇，無得食！）我決定係佢門口等！佢見我咁堅決，最後又有位咁比左吧枱我坐。咁即係有位啦！！！其實吧枱可以丫，風景如畫，係曬左啲...本來仲滿心歡喜嘅....好啦，滿心歡喜咁睇完menu叫左餐，等食。先黎餐前麵包，熱辣辣好食呀！仲有2款牛油添，一片個塊上面有啲松露鹽。Starter我地叫左鴨肝同沙律。香煎鴨肝，煎得好食既，側邊2塊梨味道重左啲，鴨肝味道較重，然後得面頭個幾塊松露咁，你係唔會食到松露味，同松露完全無關係囉....反而呢個凱撒沙律清清地就食到面個幾塊松露味喇！松露野菌湯都飲得到松露味，湯正常，唔係特別濃野菌個隻。龍蝦湯，又係錯嘅。比較濃味同咸既龍蝦湯蓋哂啲松露味，唔知做咩🤦🏻‍♀️跟住話說我地份主菜等左好耐好耐，然後好明顯錯誤比左一齊坐吧枱隔離既情侶，比我哋遲黎好多既隔離枱，本來我都按耐住，點知再另一隔離比我哋遲好耐先坐低既人都有得食了，我終於忍唔住問左下，然後呀女服務員有啲串加上眼神有啲凌厲咁話“係呀，唔好意思你哋個碟錯比左隔離枱，我哋再整緊嫁喇”嗱嗱嗱，佢自己都認左比錯隔離枱！其實我真係感受唔到佢嘅歉意.....終於黎啦，我碟大蝦意粉同松露又係無關係啦，由頭先個濃湯就知。普通龍蝦湯意粉囉，松露片又少，加上等左咁耐無哂食慾。個2隻蝦先慘不忍睹，一食就知佢煮左好耐，啲肉硬到呢.....牛扒係正常牛扒囉，叫5成熟，熟得滯囉...甜品本來係最好食既，原來松露同朱古力係最夾既！亦係成餐最有松露味嘅一道菜！但我粒Macaron呢？！menu話有嫁喎！！！！！！！算喇，食到心灰意冷我無再追問佢，反正唔會再嚟。呢餐食左成千蚊，只係午餐食左成千蚊！食咗好多氣落肚，食得出佢地唔休做，食得出佢地既食物到服務都無咩誠意。主題係食松露丫嘛，但好幾款食落都同松露無關係嘅！其實我連碗湯都等左好耐唔知點解🤷🏻‍♀️唔會再黎囉，亦唔會介紹朋友黎！…查看更多

今次匆忙之間試左呢間餐廳，佢係牛角包品牌嘅餐廳，就係買牛角包嘅旁邊。餐牌上嘅菜式選擇唔多，價錢屬正常。餐廳環境簡約，坐得好舒服。我哋去嘅時候啱啱開門，所以冇人，跟住坐咗一陣先開始有人。我哋叫咗廚師推介洋蔥湯，洋蔥湯好濃郁，好有層次，佢唔似平時洋蔥湯表面鋪滿芝士，就中間嗰度少少。旁邊有3塊麵包，烘烤過，熱辣辣好好食！麵包佢上面個啲醬係重點，唔知咩醬，有啲似乳酪，配上佢嗰塊熱辣辣嘅多士，超好食！跟住有呢個Ricotta Cheese沙律，估唔到佢份量咁大！芝士又多，才$78，可以呀！！味道又好，增配兩塊多士，其實淨係食呢個沙律已經夠晒飽！低估咗佢。最後呢個係茄汁吞拿魚手造意粉，係餐牌上無既。係服務員介紹比我哋食，好食喎，茄汁吞拿魚煮得好好，唔會有腥味，手造意粉望落去好厚咁，但食落去唔會有麵粉味，好食！呢個價錢食到呢種質素嘅食物，我覺得抵食喎，特別係個沙律，大碟份量又足，$100都唔使，超抵食！服務員有笑容又有禮貌又親切，一定會再去食既餐廳！…查看更多

想是這間餐廳好耐，今次平日午餐黎試吓。12點去到只坐了四個人，人不多。座位是一排排的，坐得舒服，人與人之間算寬敞。午市就兩個套餐，我哋都揀咗平嗰個，其中一個轉左大閘蟹。轉大閘蟹都只係加多$48！以下呢個餐係揀咗蟶子皇同牛肉，蟶子皇大隻，牛肉有四大卷，估唔到佢好大塊喎！令一份係豬肉，同大閘蟹。反而豬肉冇牛肉咁多咁大塊，大閘蟹竟然好大隻，有驚喜，仲可以揀公或者乸！佢有個Menu係時間制旁邊，話俾你知每一款海鮮要蒸幾耐，非常易明簡單！開頭都沒有太大期望，但食落每樣海鮮都食得出好新鮮，全部都好鮮甜，超級好食！大閘蟹最有驚喜，只係加多$48 ，又大隻又好食！食完最後仲有人幫你煮粥，或者粉面，一定夠飽！總括來說，它的海鮮夠新鮮，又鮮甜，又夠飽，仲有午市優惠八八折，午餐呢個價錢好抵食！有機會大家都要來試吓！…查看更多

話說呢間蜀客係K11Musea 4/F樓戲院旁邊，開左大概個零月，有日睇完戲午餐時間諗都冇諗，餐牌都冇睇就衝左入去諗住試吓，坐低揭開餐牌一睇個價錢，又幾高級嫁喎....一啲都唔平民咁就隨便叫咗三個菜式試吓。然後又咁橋呢三個餸同餐牌個樣都幾圖文不符嫁喎.....環境係好優雅舒服，好闊落，話就話望海，但我唔覺佢有擺人係窗邊坐，都坐哂係無景個邊...雖然係午餐時間，但都冇咩人。首先呢個蒜泥白肉配涼麵，同餐牌個樣大致相同，係啲麵少咗大半囉......味道好食既，個辣醬唔會太辣，辣得有層次，白肉裏面嘅青瓜變咗沙律菜，但我都係比較喜歡青瓜。然後呢個四川口水雞同餐牌個樣都幾唔同，辣汁/醬個樣唔同，份量又唔同，比起餐牌佢少咗一半！！得面個啲係雞，裡面墊左好多大葱......味道都可以，呢個比較辣。最後呢個怪味鵝肝，首先平心而論個味道，鵝肝係煎得好嘅，唔會煎到油淋淋，夠乾身，辣醬味道好有層次，由甜甜地到辣辣哋，不過我覺得佢同舊鵝肝冇乜關係咁，放埋一齊其實一啲火花都冇。然後睇到個餐牌，佢似係應該煙燻住黎再係你面前揭開，原來係無既！！勁失望左！！有被騙嘅感覺.....總括而言，雖然食物質素唔算差，但呢個價錢呢個份量，食物質素又冇驚喜，係太高級既！本來仲收我碟前菜費$40，但我見都無見過個碟前菜呀🤷🏻‍♀️好彩有睇單咋！食物又同餐牌嘅相片圖文不符，令人失望左....你一係唔好俾相我睇反而我無期望。好貴又食唔飽既餐廳....…查看更多

本來懶咗好耐冇寫過食評，食完呢間野即刻要開返嚟寫。因為成日經過K11，係佢裝修緊時已經期待佢開業，10月佢終於開，第一次黎嗰時佢聲稱自己試業中，嘢食要等半個鐘至45分鐘，咁唔等啦唯有下次再黎過。今日終於再嚟食，點知冇下次🤷🏻‍♀️環境係好靚的。水吧係正中間。隔開左啲人，感覺係冇咁侷促。落單時已經感覺唔良好，叫咗好耐三個員工都睇唔到我哋，佢哋好專心做緊自己野，企哂喺水吧後面🤷🏻‍♀️2個人點左碟炒Pad Thai同小食拼盆，諗住基本啲實無事。因為佢餐牌上食物大部份都係非一般嘅泰國菜式，即係比較西化同fushion啲。佢係2碟菜一齊上，應該係等埋一齊上，因為pad thai入口時已經唔熱，溫的。一夾起成舊咁😟feel到出事....入口好乾好乾🤢冇油冇汁咁，落多啲汁炒得唔得.....真係唔知佢點炒到出嚟。小食拼盤，已事先張揚話冇肉餅所以換咗蝦多士，上菜前就介紹黃色個醬係點薯條，另外嗰個係點春卷，咁另外嗰啲呢？佢話你鍾意點點都得🤷🏻‍♀️有薯條，雞翼，蝦多士，春卷，串燒有腎，豬，雞，佢都冇特別介紹，係自己領會。成碟都好食既，我最鍾意係豬串。佢係五花腩，好好食。總結來講，佢價錢一啲都唔平， 但嘢食就好一般麻麻，員工又好吝嗇啲位，眼見佢未坐滿又唔多人都唔比人地揀位（唔係我係見人地揀），一時三刻我都唔會再返嚟食。…查看更多

是晚嚟到H8，想食得好啲，就臨時book咗呢間梵日本燒鳥。成日以為佢係普通日本串燒餐廳，入到門口先發現原來係高級餐廳。主打食燒雞類串燒，坐喺廚師枱前邊，日本廚師喺面前燒俾你食。一坐低有暖毛巾俾你抹手，好溫暖呀！🥰其實食佢之前食咗少少野，唔係太肚餓，所以一開始兩個人叫左一set Omakase，加牛脷牛腸各一串先。食物上枱嘅次序如下：雞翼>鹽燒嘅，好好食又香口！雞頸>都係鹽燒嘅，夠特別又好味！牛脷>另加既，夠厚身，有口感又好食！牛腸>都係另加，估佢唔到咁好食，必試！蘆筍>正常野豬肉紫蘇卷>好特別，原來豬肉同紫蘇係夾嘅雞腎>正常和牛串>正常，唔係特別出色雞尾>猶豫左一下，但原來可以好好食！毛茄>正常野燒鰻魚>好驚喜竟然有鰻魚，厚肉鮮嫩多汁!免治雞肉軟骨棒>雞肉好綿好滑！超正！生粟米>人食我又食，估佢唔到好鮮甜，必試！其實一坐低，先會上碟前菜，有甜椒，茄子同野菜漬，精緻又好食。套餐除咗有10串串燒外，仲有份飯團，素麵或者碗飯，我地揀左素麵。個樣雖然好清，但個湯係好鮮甜既雞湯，雞肉帶薑味，麵都好滑，成碗麵係好食既！最後有紅豆或抹茶雪糕，抹茶味好味👍🏻呢間日本串燒其實唔平，一啲都唔平民，但真心好食，環境又高級，我覺得同價錢成正比丫，咪大時大節去食下慶祝飯囉，夠特別喎，值得一試同有下次既串燒店！…查看更多

午餐時間經過呢間餐廳，見到幾多人食，坐滿晒咁，已經食過午餐所以決定下午茶再嚟試吓。下午茶時間冇咩人食，行入去就有位坐，其實靜靜地幾舒服。下午茶餐牌幾吸引，淨係睇個菜名已經覺得唔簡單同好好食。餐廳環境好日系又簡約。連茶都特別過人，咁特別都只係$32！我哋叫兩份下午茶：豆乳枝豆豚肉冷烏冬柚子合鴨冷蕎麥麵下午茶跟日本玄米煎茶一杯。先黎柚子合鴨冷蕎麥麵👇🏻賣相好得👍🏻超精緻！😍靚到以為自己去咗高級餐廳食日本菜。柚子味好清新好好味，最岩夏天食！好食到停唔到，鴨胸肉又夠滑！不過份量得好少，一人食得個兩啖就冇晒lu。再黎豆乳枝豆豚肉冷烏冬👇🏻賣相一樣咁靚😍食完柚子味先食佢會覺得佢清淡咗啲，同埋個汁唔夠凍，只係室溫咁，食落好古怪，會扣左分。豚肉都好食既，有調過味。其實都好味，不過有比較之下柚子味個碟好食好多。起碼夠凍先！份量一樣咁細碟。食完兩碟好好味嘅蕎麥面同埋烏冬，到喉唔到肺咁，一於叫多個甜品食下。我哋叫咗個番石榴愛芒雪葩👇🏻$58佢聲稱呢個係自家製嘅雪葩，好香甜，真係食得到番石榴同芒果味！下面仲有幾粒綠茶同紅豆啫喱。又係細細杯。一間好食，食物好精緻，但係食唔飽嘅餐廳。收我呢個價錢，係有啲高級嘅。不過食物質素係有水準既！雖然係貴但值得一試。…查看更多

見網上有介紹呢間快樂小羊火鍋店，羊肉迷嘅我又點可以唔黎朝聖一下呢！佢係旺角豉油街，唔近地鐵站。午餐時間黎，熱屎辣辣行咗一大段路先到！可能冇咩人會喺午餐時間打邊爐，所以唔使等位就直入坐低左，仲要冇咩人，少啲油煙空氣清新好多！餐牌唔多影喇，因為佢係網上點單既，打開微信再掃描佢枱上面嘅barcode，就可以幫自己張枱落單喇！有埋圖好方便！其實除咗羊，仲有牛同豬，不過話明黎食羊梗係淨係叫羊食啦！先點左個湯底，辣湯拼蕃茄湯，佢有幾款湯底可以拼，雙拼都係$118。唔係講笑，個番茄湯係超超超好味，未放野落去淥我已經飲咗一碗！另外，平時出面啲邊爐店加湯，都只係落清湯，呢間加湯係原湯加落去！即係番茄湯佢會加返番茄湯俾你！好有誠意啫！勁加分！！味道keep住濃！辣湯入面好足料，辣度啱啱好，唔會辣死你！黑松露羊肉丸👇🏻好食！好香黑松露味，加埋啲羊肉，味道啱啱好，好好食！功夫青筍（一份）👇🏻蔬菜類佢有分”一份”同”半份”，好細心！呢碟青筍好新鮮好爽口好甜！仲有佢推介嘅鴨血（半份）👇🏻2個人叫半份就岩岩好！👍🏻再一次欣賞佢可以叫半份同一份！呢個好食！又係食火鍋必叫既。登凳！呢個就係羊羊大拼盤👇🏻$228。因為佢係新鮮切出嚟，所以都等左一下先上枱。嗰啲煙霧效果真係值回票價！份量兩個人食啱啱好，又可以試匀4款羊肉！有太陽卷，大片羊，羔羊肋卷，同快樂卷！全部都好好味，最好味嘅係太陽卷，夠膻夠嫩夠滑！！好味到不得了😍😍😍！最貴係最好味嘅一定冇錯！羊肉呢家野真係要識食羊嘅人就會明我講緊咩啦！👇🏻呢個就係電話落單個介面，簡單易用又清楚！當然你唔識用服務員都好願意幫你，佢哋好有禮貌好好服務㗎。好味到感動流涕嘅羊肉火鍋！！一定要食完再食再食再食再食再食再食！食完落樓下旁邊仲有涼茶舖，熱氣使乜驚呀！…查看更多