Happy365的个人专页

好多唔同既餐選擇，任食來講都算有質素，牛肉味濃郁juicy，有得試齊唔同牛嘅部位，牛肉之外有海鮮刺身炸物，非常新鮮多選擇，今次同朋友嚟慶祝生日唔洗諗食咩，食放題可以等壽星仔自己揀，下次同朋友慶生會再嚟試其他餐。佢任食雪糕有好多款，都係日本雪糕。我個人推介甲羅燒同鮑魚。甲羅燒ENCORE左3次，羊架都好入味，不過都唔敢食太多，因為主打食牛。上菜都快，同好夠野食。最後火鍋食烏冬加配燒牛肉，朋友食左2碗，我就配白飯，一口牛肉一口熱飯，正…查看更多

呢段時間唔去日本住，都要品嚐日本原味道一解鄉愁！今天又嚟到尖沙咀，試吓朋友推薦嘅大阪米芝蓮二星師傅發辦！上網看咗啲介紹，主廚Hiroki駐場日子需要預約，今次特意嚟試佢嘅創新配搭。Hiroki師傅會主動介紹食材同配搭嘅層次，再加上製作方式十分有觀看性，睇得出佢嘅別出心裁。頭一半嘅菜式味道較濃，其中劍魚醬油漬壽司同鮟鱇魚肝配黑松露都特別深刻，兩種魚都要喺指定溫度下烹調，令肉質更柔軟，纖維更緊致。濃味菜式之後，會先食一個日本柑橘清一清口腔內嘅味道，柑橘可以連皮一起食用。之後的菜式例如香煎白子西洋菜忌廉汁，都同樣創新！加少少鹽煎香，帶出白子本身嘅香氣，配上獨有的西洋菜忌廉汁同櫻桃鹽，令白子做到先脆口後軟滑的感覺，令人欲罷不能！之後還有日本文蛤壽司，因為我哋唔太熟悉文蛤，Hiroki師傅特別為我哋介紹。文蛤肉上嘅汁醬用了殼裡面嘅精華去調較，鮮甜中帶有淡淡嘅海水味。壽司飯同文蛤肉之間搽少少山葵蓉，再灑上柚子碎，味道層次不斷遞增！！成個晚餐，每一道菜都非常用心，加上Hiroki師傅介紹嘅製作故事，令整個晚餐更一體化，就好似參觀同品嚐並重嘅旅程！…查看更多

每次經過海運中心都好想入嚟試吓，今次終於約左朋友一齊嚟食！玉子燒有三大件，明顯的甜味和紮實豐厚的口感，而且是暖暖的！我比較喜歡暖暖的玉子燒，每次吃到冷冰冰的總會有點失望。海膽丼海膽鋪滿整個丼飯，橙黃色的海膽肥美鮮甜、味道甘甜，質感細膩，幾乎入口即溶！米飯有少少粘粘的、軟綿綿的感覺，而且配有蛋絲、紫菜及鹹菜，中和了整體越食越膩的感覺，正！另外還叫了1件吞拿魚及1件中吞拿魚腩吞拿魚魚味鮮濃，吞拿魚腩豐富油香，入口即溶。…查看更多

朋友介紹之選，呢間餐廳經一個朋友得知，厚福街餐廳好多，平日都留意唔到呢間餐廳。星期二晚，約6點已經到達餐廳，時間尚早朋友還未到！環境有情調，好適合情侶黎慶祝！而且餐廳亦可以包場，可以攪Party！Daily Special Menu熔岩芝士和牛漢堡 $148和牛漢堡超巨型，兩隻手係拎唔哂架！包質好鬆軟帶脆身質地，好多芝士極芝滿足，餐廳將芝士煮到半熔，餐廳職員幫我地淋上和牛漢堡。漢堡滿滿都係芝士，但鹹香亦不太膩，而且唔會浸到腍晒。和牛肉質層次分明，焦香的外表，內裹肉質juicy，和牛肉味濃郁。啖啖都有芝士同和牛，邪惡到極！好在有配番茄同生菜，可平衡味道帶一點清新。還有厚切薯條，可以選擇點芝士或茄汁，完全好邪惡。因為今次只有兩個人食，試唔到太多野，下次可以再同一班朋友黎試多幾款野。餐廳職員好有善，有推介野食俾我地，見我地影相都好主動問要唔要幫我地影。…查看更多

支持用心小店，屯門最近開多咗唔同嘅餐廳，呢間餐廳係我試過新開而且有質素其中之一間 ！帶子刺身肉質豐厚，口感鮮嫩滑溜而且富彈性，味道甘香鮮甜！加上價錢，性價比👍🏻👍🏻👍🏻惹味雞軟骨油膩感極低，呢間餐廳同出面嘅出面好似有少少唔同，外層嘅炸皮好薄，內裏既軟骨位相對較為爽口。角切魚生丼飯既份量都幾多，而且配料魚生新鮮！內有玉子、三文魚、青瓜、蟹子、還有時令魚生。佢哋用嘅Wasabi都似係自己整既！…查看更多

今日去左中環見客戶, 見完之後就緊係去醫肚啦！中環區如果想食得平平地, 中環區應該都好少選擇。但又唔係好想成日食茶餐廳, 所以就選擇左呢間點心鋪試啦~ 一坐底打開食鐠, 見到D點心又真係有創意。即刻好豪咁叫左個鮑魚燒賣﹐鮑魚咬落幾彈牙﹐燒賣都幾熱騰騰, 其實一啖就搞掂,哈哈!之後, 叫左個普普通既叉燒腸, 外表雖然係無咩特別,但裡而既餡料都算幾豐富。白松露粉果, 味道都不錯。如果個皮可以薄少少就好了。馬拉盞都幾熱辣辣架, 仲幾鬆軟添有香味。好不錯！…查看更多

雞全部都係雞，但係係非油炸嘅雞，Goobne經常強調呢一點，好多人都唔會佢哋係炸雞，其實係烤雞。所以佢哋啲嘢食一啲都唔熱氣，而且雞嘅款式亦有好多唔同嘅味道，配菜亦有好多選擇。餐廳環境闊落，又方便朋友擺BB車，小朋友坐嘅位置空間足夠。蛋卷外層的蛋好滑，內的餡料十分豐富，口感相當豐富，而且份量相當多有10件。呢度嘅烤雞份量非常之多，如果兩個人嚟食下一碟雞一定要打包走。對於我呢個芝士迷黎講，"Deep Cheese"係無得走雞嘅必點項目之一，重點Goobne嘅雞肉好滑，外層嘅皮雞皮好香嫩。芝士嘅味道均勻地遍布雞件，每一啖入口都有濃郁嘅芝士味。蔬菜非常新鮮，而且份量有時相當充足，沙律醬汁唔會過多，蔬菜味道鮮甜。 西柚沙冰，食雞唔一定要配啤酒，陪沙冰都幾好，西柚味都好重，但並唔係嗰啲糖漿嘅味道，味道青青甜甜好Flash。…查看更多

一行三人享受快樂的晚餐，餐廳環境非常優雅及舒服，地方裝修簡約，整體來講感覺好舒服，而且食物質素相當滿意，廚師會講解邊種食物嘅背景及來源，易會溫馨提示點樣品嚐最帶出味道，唔係每菜都要點芥末和豉油。針魚壽司 用上火炙岩鹽方法製作壽司 使皮下油脂會流出來 使油脂味重火炙後使可口的油脂流出來而且魚肉軟身沒有無根十分可口魚丸櫻花蝦清湯用上了新鮮魚製作而成的魚丸唔單止彈牙爽口而且鮮甜味十分足夠更加沒有熟魚果一浸魚腥味道所以櫻花蝦湯底完全為這個湯去除了魚腥味道更加令到成個湯增添左海鮮的鮮甜味接下來要奉上了三款日本新鮮貝類北寄貝要分清楚嘗試的機會但從他的外觀同顏色已經可以看到因為通常用想要加拿大已經熟了的北寄貝會已經轉成鮮紅色而且已經縮晒水但係這次這個新鮮嘅北寄貝呈現暗紫色的證明北寄貝沒有用上了加拿大的貨雖然係其他日本鋪頭都常常會食到赤貝但好多時佢哋嘅赤貝都已經冷藏冰鮮品種但係呢度食上了新鮮嘅無論質感定味道都係首屈一指的北海道活凡立貝通欄地香港人相信食到的爸媽通常當中鋪頭都係會比較自己的size有幾大但係呢度就Focus放喺原點就係無論你size幾大都好始終新鮮嘅味道先至可以排頭位啖啖肉的凡立貝而且冇嗰種令人作嘔的雪藏味道食落口更令人會生微笑北海道海膽杯製作海膽本之前廚師特登拎起一板新鮮嘅海膽俾我哋相機食先淨係見到海膽新鮮嘅顏色已經問人哋食指大動口水直流北海道海膽個甜美啲味道簡直令人食完一啖叉一啖完全令人忘記了膽固醇的可惡酒釀山芋清酒味濃 爽口鮟鱇魚肝用上了熱食 估唔到煮熟了的鮟鱇魚肝更加突出了魚油的味道仲唔會比鵝肝嘅輸蝕而且有一種入口即溶的感覺比起冷凍了的鮟鱇魚肝更加滑！汁煮芋頭仔…查看更多

經朋友介紹下，一間不能錯過的餐廳！先要介紹軟橋招牌Q彈豆腐，小食如其名爽口彈牙，口感不像一般豆腐！外層薄脆內裏Q彈口感，味道有一點辣！而且混入了一啲魚肉，令到口感獨特，本身唔喜歡食豆腐，但是食完呢個豆腐之後一試難忘！湯底清甜好味，點左比個比較清淡嘅湯粉及冬菇！湯粉口感非常特別，爽口而滑！點左杯蜂蜜飲品，都值得推介！冬菇嫩滑香甜，美味可口！餐廳屬於小店，餐廳職員好熱情咁推介嘢食比我，服務態度亦很好！平日食完其他米線，都會覺得味精好重，呢一間啱啱相反，每一樣野都好原汁原味，絕對唔會有口渴嘅感覺！眼見好多人都會叫唔同嘅小食，下次可以同多幾個朋友黎就可以叫多幾個小食！…查看更多

入開元朗做野，發現紅橋多咗啲新cafe！但最吸引我嘅係門口放咗一大個Baby同奶樽嘅Pizza Baby！餐具都襯返好似Baby咁！仲有口水肩🤣🤣唔怕整污糟啲衫😆因為得一個人，所以同pizza無緣😭叫咗個「撥開雲霧見青天」，其實係黑松露溫泉蛋野菌意粉！一來就已經聞到黑松露香氣，野菌有炒過，因此香甜可口！再加上半生熟的溫泉蛋，非常吸引😍將黑松露、溫泉蛋同野菌撈混在一起再食意粉！個人來講絕對覺得這個意粉軟硬都剛剛好，加上每一啖都有黑松露香氣，十分滋味！🤤飲品叫咗熱朱古力，又係一個驚喜！朱古力味十分濃郁，但又不會太甜！所以就算分量很大杯，我也能夠飲完😍😍呢度嘅食物係即叫即做嘅，睇得出好有心思，下次一定要嚟試吓pizza！…查看更多

呢排個個餐廳都係主打打邊爐同埋蒸氣火鍋覺得每一種食物都係同一個味道今晚就可以食返我最愛嘅韓燒但係要搵一間比較好質素嘅韓燒真係好困難而且我最怕嘅就係去到一間韓燒如果入面嘅通風唔好嗰啲食物嘅味道同埋燶味會困住晒喺成間餐廳入面試問係呼吸困難嘅情況底下又點可以放鬆心情去享受美食呢不過running 燒就做得不錯因為唔單止個通風做得非常之好每一個爐上面都有一條抽氣煙通而餐廳裏面嘅亦都有額外嘅抽風系統另外我最欣賞就係呢度嘅肉類點左肥牛牛肉嘅脂肪比例雖然比較高但係食落口就完全唔會有太肥膩嘅感覺因為燒嘅時候呢有份已經出晒來而係呢個時候再加上利用牛油再燒海鮮令到鮮甜嘅海鮮就可以吸收晒香濃的牛油味道完全係相得益彰另外呢度嘅熟食都有好多唔同嘅種類就好似有炸餃子同埋酥炸魷魚都係不錯嘅選擇…查看更多

今日去咗新蒲崗，行咗落去Mikiki睇下有咩好食啦！已經六點三都仲有Tea食，所以決定試下！原來Tea set去到七點！Tea set本來已包一杯飲品，我突然好想飲南瓜湯，所以加咗個都係$9！南瓜湯是用鮮南瓜打成，所以完全可以飲到鮮甜味！如果可以加一點cream就更加好！芝土蕃茄意粉配蒜蓉牛油包蕃茄醬也是用上新鮮蕃茄打成的，芝士的份量也很多，真材實料！因為蕃茄本身也有鮮甜味道，再加上惹味的芝士，只需加少許調味已經很好食！飲品要了檸檬柚子蜜，已包餐不用另外加錢！個人十分欣賞這間餐廳，因為會這麼用心而價錢不貴的餐廳實在不多！…查看更多

去銅鑼灣搵食，見到之前間拳王改了叫原燒道場好似幾得意，所以走入去試下!有點菜紙可以自己慢慢✔️✔️我哋兩張個人叫咗一杯珍多冰、一杯荔枝沙冰！荔枝沙冰去用新鮮荔枝打成，味道清新鮮甜！炙燒明太子雞翼雞翼表面燒得很香脆，入𥚃仍有肉汁！雞翼表面加了明太子鹹鹹的，不用其他調味已經夠味！脆炸甘粟薯餅; 甘粟薯餅係最早上枱的，但我係最遲食，從頭到尾一樣脆！中間係甘粟同紫薯，甜甜地很好食！麵鼓燒羊架伴南瓜蓉；羊架燒得剛剛好，咬落去不是太硬，而且好有羊騷味。南瓜蓉轉左做黑松露薯蓉，這個配搭都不錯的。芝士金菇菜;表面鋪滿整層芝士，再加上用了蒜蓉牛油一齊烤焗，金菇完全吸收所有精華，一上枱香氣撲鼻，食落去亦十分惹味！烤焗芝士明太子蟹肉大啡姑大啡姑本來已鮮甜多汁，大啡姑上佈滿芝士及蟹肉，加上每一啖也吃到蟹肉，有著不同層次的鮮味！…查看更多

放工突然間好想食台灣野，所以就去咗一間廠廈台灣餐廳！叫咗一碗豪華刀客牛肉湯麵，食麵當然要先試下湯底先啦！湯底有香濃嘅牛肉味，再加上少少香料，有啲似肉骨茶嘅感覺！再試一啖麵，麵係台灣本土自製嘅刀削麵，所以每條大小長度不一，食落去好彈牙而且又咬口！好欣賞塊牛肉，係用上牛𦟌！厚得嚟好易咬，腍得嚟又可以保持嫩滑！豬軟骨都好入味，喜歡軟骨的話一定要食！飲品叫咗阿華田豆漿，睇得、玩得、又好食，飲品都可以食？係呀！因為有一支阿華田冰！先把阿華田冰棒放進豆漿泡一分鐘，之後再食！好香濃嘅阿華田味道，真係好好食！之後可以將阿華田冰棒放進豆漿，等佢慢慢溶之後豆漿就有阿華田味！…查看更多

已經有一段時間冇食烤雞，當然係時候要去食下喇！今次三人行，叫一款雞好似太少，而且又有新款式，所以最後都係貪心地叫咗兩款雞！而且我哋三人都係芝士控，所以兩款雞都係同芝士有關！鐵板軟芝士甜辣脆雞（無骨），呢個係新款而且又有芝士所以一定要試試！呢款雞甜甜地少少辣十分惹味，而且甜辣度配合得相當完美，我相信呢嗰辣度應該所有人都可以接受！雞肉外脆內嫩，外面香脆、內裏嫩滑！重點係成碟都冇骨，可以放心大啖大啖咁咬！夾起件雞時仲可以拉絲！芝士多到就咁夾都得！另外一款係Deep Cheese Chicken，呢款係差唔多每次嚟都必定會叫！芝士味唔會太濃，仲有甜甜哋嘅味道，雞肉亦嫩滑多汁！基本上每一件雞都佈滿芝士粉！飲品我哋都係試咗新出嘅桃味米酒！桃味香濃鮮甜，而且好啱呢個咁熱嘅天氣飲，因為佢係造成沙冰嘅狀態，消暑又解渴！而且用個碗仔嚟飲好特別！新出嘅仲有鐵板忌廉芝士雞（無骨），下次一定要試吓！…查看更多