yukyeeball的个人专页

小息時間 初時新開張經過望到個招牌 咀巴不自覺地跟住讀呢幾隻字然後同店員眼神對上硬係好尷尬見到餐牌都係賣炸物 主打都是台灣夜市鹽酥雞 杏鮑菇 花枝丸可惜成日經過都放工趕回家食飯心底一直想揾日試試佢！！上個星期六 放半晝 天氣涼爽又經過呢間小店 雖然喉嚨本身都唔太舒服但當下呢刻好想好想食 把心一還照買！反正家姐成日話炸爆個喉嚨會好番😂點了一份鹽酥雞 一份杏鮑菇 坐低等 因為佢即炸 加上前面都有人order左都等左大概十分鐘 不過即叫即炸 誠意之作 我都明白ge 鹽酥雞完全驚喜！老實講 見入面啲店員年紀平均廿多歲 本身以為純sell小清新風格點知無論係雞本身醃製的味道 定係外撒的椒鹽 都跟足台灣的風味！一食就係夜市的感覺！由於新鮮即炸 多汁香脆 但唔會話油膩而個杏鮑菇 同本身預期的味道一樣 用同一款椒鹽 好香口 外面脆 內裡不失菇本身的水份！不過稍為大塊 心急的我 大塊嚥下 有少少燙咀後來多咀同店員傾左兩咀8卦到 原來個椒鹽真係台灣入貨難怪味道就係同其他小食店高下立見肯為食物花點小心機 就令人深刻好多希望呢班年青人加油 做野更加快手 推出更多心思食物😋💪🏻Ps 忘記影菇 上左佢地IG拎相貼落黎轉載希望店主唔好見怪🙏🏻…查看更多

還記得初開張時 份量同質素都很不錯但有次lunch 點了三文魚親子丼三文魚和三文魚子都縮哂水當時心想 或者係lunch menu套餐 份量少一點吧今晚再試點了三文魚親子丼 鰻魚丼三文魚子極少 比起一粒軍艦壽司的魚子份量都唔夠！完全感覺唔同「親子關係」！鰻魚更加冇heart 88蚊 瘦瘦乾乾的鰻魚.....如果俾我再揀過 我下次會去同一條街的另一家食店吃鰻魚飯 有心機好多 起碼肥美多汁 仲有滑蛋拌飯....😭希望佢地改進番！如果唔係難以留到客人的心🙈…查看更多

今年生日家人與我補祝選擇了形點的北京樓！很想很想吃片皮鴨！食物黎得好快 因為商場收得比較早員工很早就要清場 水煮牛都幾好 大大碟 大愛川味！而且我最鍾意係入面的薯粉😇個辣雞 乾身得黎香口 收貨！小籠包 以為紅紅地色果舊有咩特別 但食唔出有咩分別😂😂反而基本野擔擔麵同個炒飯 我屋企人就清光光 可能我屋企都係carbohydrate lovers🙈不過 重頭戲 片皮鴨！真係唔太得囉凍冰冰 唔香唔脆 好似間硬食塊皮咁好失望算啦 作為港孩都係食舊高力豆沙作結 心情舒暢番哂～總括黎講 呢個價位 應該有更好選擇🤔都係幾年前吃泰豐樓更開心…查看更多

舊同事約出黎派帖請食飯一約約左十七人 👬👫由於有幾個都住元朗班九龍港島人話要入黎元朗感受鄉土風情🤷🏻‍♀️本身有諗過帶佢地入流浮山 但又唔就西鐵屋企人介紹左我去元朗西巴士站間好運來之前都同屋企食過羊腩煲 都幾好但心諗 大排檔點聚餐 十七人喎原來有得上二樓包場🙄.兩日前落去同老闆娘講book場佢問我想食咩海鮮 佢可以入貨我淨係講左個budget 預每人300蚊內 叫佢拍板 訂金都冇落😂.當日我預早半粒鐘上去拎位原來二樓的確幾岩聚餐 有埋卡拉ok 電動麻雀因為派帖果位女士好愛鄭伊健於是我就點播住「一生愛你一個」歡迎佢到場😆.齊人就開飯啦！主打都係海鮮 為方便大家夾餸 個道菜都兩碟咁上 貼心當中有幾樣野太出色！！鐵板砵酒蠔 好癲啊 一出場已經好香 沙沙聲！之後仲有大斑兩味：炒球炆骨 新鮮des!!椒鹽賴尿蝦係令人訝異 哪裡來的咁大隻😱其他芝士龍蝦、蒸鮑魚、蒜茸蒸扇貝、大蝦基本野黎講都不錯 但無可能食得哂....🙈同事們幾盒幾盒咁打包回家😂😂總括而言 呢度真係好岩包場gathering!海鮮可放心交比老闆娘話事 講明budget人頭冬天仲有羊腩煲都好正正子…查看更多