勁食西門的个人专页

呢間本身係做甜品，其實一路都未食過佢嘅甜品，反而見佢最近晏晝有西餐食, 都幫襯過幾次,因為估唔到佢嘅西餐係幾高質, 唔係茶餐廳水平有驚喜平時食開雞扒蘆筍意大利飯多,今日轉左新Menu, 試吓呢個燴豬寸蕃茄意大利飯. 呢個飯都幾開胃, 有啲蕃茄蓉同埋蔬菜粒, 但係個飯就比較濕d 汁太水，但係整體係好食嘅.嗰個豬仔髀有兩件, 啲肉超腍但又唔鞋口，唔錯。之前試過佢嘅西餐湯, 就真係麻麻地, 個南瓜湯係勁水. 今次試吓中式湯。椰皇蟲草花燉雞湯：估唔到真係有成個椰皇，入邊仲有超多料，紅蘿蔔，羊肚菌，龍眼紅棗，椰子肉, 飲得出係好清甜有椰皇味，仲要係新鮮熱辣辣加$20, 非常有誠意。…查看更多

呢排同班fd好多飯局，最啱就係食放題乜都有唔使煩,今日就嚟食呢個A4黑毛和牛 x 生蠔刺身海鮮火鍋放題。揀咗個蕃茄湯底, 蕃茄味濃郁開開個胃，主打A4黑毛和牛賣相相當靚仔個油花，肉質非常嫩滑有入口即化既感覺。澳洲M5 和牛質素都唔錯，牛味夠濃，食落有油香，淨係食牛都回本，因為我哋真係食咗好多round.生蠔刺身都唔錯,夠鮮甜肥美。火煱海鮮都份量十足，大蝦，帆立貝，黃金螺，大蜆，都好新鮮彈牙。出面又有雪糕，甜品， 飲品，小食，壽司任食，種類繁多,啱晒我哋呢啲大胃王.…查看更多

最鍾意食放題因為自認係大胃王任飲任食唔使就住就住，今日黎試下呢度既熟成M5和牛燒肉放題："霞"主打唔使講係M5和牛，牛味真係超濃，而且肉質嫩滑滿口油花，入口即融。肉類選擇都好多而且調味唔錯，芝士控唔可以錯過芝士雞腿肉，食落勁香。 韓風醬油牛肋肉夠入味， 米澤三元豚肉肉味都好濃，肉質軟腍juicy.海鮮都好新鮮，有大大隻彈牙鮑魚, 比目魚西京燒夠晒滑, 仲有青口扇貝大蝦等等， 另外有好少食既味淋魚干，燒起上黎估唔到又幾香。燒到熱辣辣又可以任食haagen daz 雪糕，飲下汽水，食埋出邊既熟食甜品真係好滿足…查看更多

上次嚟過呢度覺得啲嘢食幾好味又有鑊氣, 今次又再嚟試下新野。我哋呢班朋友都係魚控，今次推介呢個朱敏記生態魚頭王。 其實本身食魚頭都好有益 ,容易消化吸收同埋少脂肪，不過自己屋企真係好難處理，同埋買到好食嘅魚頭。呢個魚頭嘅份量都好大, 雖然係魚頭係都有好多肉好滑，魚雲部份最正，肥美嫩滑，充滿咗膠質, 而且索滿晒醬汁嘅味道，加上大量嘅蔥真係勁香,呢個魚一啲都唔腥。特別係佢有配一啲酥餅, 點埋個汁非常好味, 個汁撈白飯都係一流。…查看更多

經過見唔使排隊就試下$48 就有個帆立貝豬軟骨飯，加$18 套餐有野飲同小食。加左個炸芝士年糕, 軟綿綿外脆內軟好味個豬軟骨都幾好食，夠腍夠入味， 帆立睇燒過都幾香同埋有d鮮味的，冷盤雜菌都好多整體性價比都算高…查看更多

今日朋友帶我黎到平時好少黎既土瓜灣食好西，呢間大排檔有兩樣必食招牌菜要試下。紅蔥頭雞：呢個雞真係好香, 本身都好鍾意紅蔥頭, 佢將啲紅蔥頭爆香連埋啲豉油，上面仲有芫荽，真係更加香。呢個雞仲要係好嫩滑，但又唔會太肥，送飯一流.麻辣手抓骨：睇個賣相都相當有鑊氣，呢個食落去唔會太辣，但又麻又香，而且啖啖肉添,送啤酒真係一流. 有啲大骨位置仲有啲肥油,食落滿口油花。下次要再叫多d 人黎，再試多啲唔同嘅菜式，真係幾好味.…查看更多

之前喺度都食過好多次招牌白雞湯拉面，個湯底好濃郁creamy.今晚諗住試下鹽味同醬油湯底，試下佢既原汁原味。鹽味湯底都幾清，但係都好夠味，醬油濃d 就更加好味。每碗拉面既靈魂一定係個慢煮雞。雖然係雞胸，但雞肉慢煮過，肉質好嫩滑。連塊叉燒都好好食，佢係薄切得來好大塊，而且食落好腍同帶點油香。配料既木耳同京蔥都好多，仲有兩塊紫菜。溏心蛋好正夠軟滑，麵質又爽彈。另外加多份叉燒同埋雞,每碟都有四塊，滿足晒我呢個食肉獸。…查看更多

收工晏左食埋野先番屋企長沙灣廣場其實都無咩野食得d 連鎖店多見有間西餐試下先叫咗個蕃茄忌廉芝士意粉配肉丸,送湯同埋飲品。朱古力都唔使加錢， $80晚市黎講如果有質素既都算抵。餐湯係甘筍湯, 先試一啖係淡同埋淡。 無乜甜味又無乜味，飲左兩啖已經唔想啖。再試埋個朱古力,勁稀同淡。好彩肉丸係最好食，因為係現成野。蕃茄醬無乜味精，都係水水地，睇番張單先知係有忌廉芝士？但完全唔覺有😵‍💫， 整體黎講大家樂食個肉醬意粉好過。…查看更多

天氣凍最啱食餃子,配個熱辣辣嘅湯.呢度啲餃子都有幾多選擇,唔係剩係得啲傳統味道嘅餃子.例如有羽衣甘藍墨魚餃，菠菜南瓜芝士餃等等湯餃可以揀雞湯或者蕃茄薯仔湯，今日就揀咗蕃茄薯仔湯.個湯都幾足料，有好多蕃茄薯仔仲有洋蔥，清清地味道唔會太酸都幾開胃。本身唔食辣，挑戰下叫咗個咖喱薯仔豬肉餃。食落去果下我覺得幾辣，但又覺得幾過癮，飲飲下啲湯都飲晒。不過其實幾好食，佢個饀都幾多，餃子皮厚薄適中。另一款叫咗芝士粟米雞肉餃，本身都幾鍾意食芝士,所以食到佢個軟心嘅感覺都覺得好好味.…查看更多

叫左個牛油醬燒日本蠔定食，個麵豉湯都幾大碗，鍾意佢入面加咗啲白蘿蔔同埋三文魚，所以飲出嚟係帶啲甜味，同埋唔會好鹹。個蠔邊有少少脆，食落唔會有腥味而且都幾大粒，本身以為唔會好夠食，因為得個五隻，但食食吓居然覺得有啲膩，可能因為個蠔粉粉地嘅質感，不過加咗啲檸檬汁就好d.另外送嘅小食有甜番薯,呢個幾好食,不過酸蘿蔔個味道就有啲怪.另外叫咗個玉子燒，不過嚟到係凍嘅,但佢加咗好多明太子醬，同埋面頭有啲灸燒過嘅蟹肉定唔知蟹柳，但係幾好食嘅。…查看更多

曾經立志要食均每一間燒肉…今次來到元朗….就一試b-mix 燒肉原來依到有得book房唱k!下次一定要試下氣氛好好，而且好坐，如約左班老死來吹水仲正佢有138任飲3小時啤酒優惠，好抵！叫左個和牛餐，激多野食！無叫酒飲但叫左杯特飲水果茶，好大杯好fresh!配燒肉一流！即有好清新既感覺，和牛簡直食過番尋味，再配啖水果茶，雙重享受😎鐘意食牛真係必點海鮮鮮甜鮑魚彈牙，蠔無苦味，真係食完想再食！前菜有沙律蘿蔔牛蒡，清新脆口一應俱全依度仲有大sofa 位，如一班朋友聚會真正無得輸坐得好舒服～醬料有燒肉汁，日式燒肉，檸檬汁，岩鹽等任君選擇，我就較喜燒完點鹽食，和牛脂響口爆開真係好香而家一邊打又想再食了…查看更多

好耐冇食放題，今日嚟到瓊華中心嘅八幡屋涮涮鍋食lunch. 經網上預約C3餐仲可以買一送一，兩個人去一人價錢，仲有鮑魚送，抵～ 如果四個人去仲可以送埋生蠔添。午市有炸物自助bar, 有炸蝦天婦羅，茄子，春卷，南瓜等等，炸粉幾鬆脆唔會太厚。仲有經典嘅炸饅頭，真係好耐無食過，最鍾意係狂加練奶。其他熟食有，金菇肥牛卷，燒雞翼燒菠蘿，味道都唔錯。刺身款式都算多，整體新鮮，赤蝦size 大大隻幾鮮甜。未食火煱已經食左好多野，之後繼續狂食牛肉海鮮番本，整體野食質素唔錯， 環境又闊落舒服，下次帶埋兩老黎食先。…查看更多

而家潮興CBD, 最近有d 壓力都想放鬆下， 睇下食完番去係咪真係好訓d. 呢度環境闊落坐得舒服，落單用qr code 好方便，可以選擇唔加CBD 又或者extra 份量都仲得。✨帶子蟹肉牛油果他他： 呢個好好食，香滑既牛油果蓉，入面有鮮甜帶子粒同蟹肉， 個薑油黑醋汁好香好醒胃，配埋多士夠香口。✨白酒金不換蜆肉意大利粉：個意粉好香蒜味同埋金不換嘅香味，意粉煙煙韌韌好有咬口。個蜆食質地勁嫩滑，而且咬落去好鮮好juicy.✨薩他烤羊架配楓香乳酪醬伴蘋果肉桂藜麥沙律： 個沙律幾特別，藜麥既脆脆口感，加上甜甜酸酸嘅乳酪，同埋蘋果石榴嘅香甜，成個感覺都好清新。羊架烤得啱啱好，帶點粉嫩， 食落肉質好滑，同埋有好香嘅香料味。✨牛油甜番薯茸配甜奶法式多士： 番薯茸好滑同埋有肉桂嘅香味，雲呢拿雪糕加上紅桑子醬味道幾開胃，法式多士就有少少似麵包布甸嘅感覺，不過外皮有d微微脆，個心入面有點左啲甜奶。…查看更多

好耐無食餃子，又掛住呢度既酸蘿白，每次食完都好開胃。龍鳯松茸雙餃係必食孖寶， 黑松露同白松露勁香，皮薄多汁，豬肉饀夠多彈牙。跟湯先係最正，蘋果生魚豬骨湯，味道清甜無味精，飲完一碗唔夠喉。煎餃每次都係食軟心芝士餃。煎到雙面金黃微微脆好香口，爽口既新鮮粟米配豬肉芝士饀真係好好味。蜜餞雞翼：甜味好特別，食落甜甜地，食完一隻又一隻。龍鳯蛋: 溏心好軟滑，配埋黑白松露凍食更可口。山楂雪梨水: 呢d 天氣最啱飲，味道酸酸甜甜幾天然。…查看更多

今日收工過黎試下呢間海膽仔，環境細細但都有幾多人食，佢仲有刺生生蠔果d 賣。海膽炒飯： 個飯份量都唔細，海膽味夠晒濃，加上紫菜蔥食落好香。面頭海膽夠鮮甜creamy配料蝦肉大大隻夠爽彈，仲有蜆肉，魷魚，蛋。芝士年糕： 而家唔係間間放題都有得食，真係好耐無食過。佢外皮夠薄，外脆內軟超好食。芝士鰻魚卷：鰻魚好肥美，鰻魚汁夠晒多，加埋裏面既芝士既cream cheese, 真係食完好想再encore.牛油果軟殼蟹卷：牛油果夠熟好香好軟滑，軟殼蟹又勁脆，加埋沙律醬好好味，佢d 壽司真係幾高質。…查看更多