ice*BB的个人专页

今次同朋友去咗天后新開嘅日韓燒肉放題，真心要同大家分享！呢間店嘅性價比高，三百幾蚊就可以任食3個鐘，仲要有燒鰻魚同榴槤甜品放題，真心抵🔥🐟 燒鰻魚 - 老闆極力推介，果然無介紹錯！鰻魚肉質肥美，燒到金黃香脆，點少少燒汁已經好正🍖 荔枝牛肩胛串串 - 創意十足！荔枝嘅清甜完美中和牛肉嘅油膩感，食多幾串都冇問題🥩 牛板鍵 & 封門柳 - 肉質軟淋得嚟有咬口🍚 紫菜珍珠飯 - 無諗過燒肉店連飯都咁講究，撈埋燒肉汁食簡直係絕配🍦 甜品 - 竟然有新鮮榴槤！仲有各式雪條、雪糕居酒屋風格，整體乾淨～ 服務員哥哥姐姐都好nice，不時主動換網同收碟，見我哋唔識燒仲過嚟教路，超貼心！💕晚市放題 $300+/位⏰ 任食3小時假日可能full booking，建議提早訂位部分海鮮要主動同店員落單！！…查看更多

秋意漸濃，最適合燒烤！大埔龍尾灘燒烤場坐擁無敵海景，環境開揚舒適，吹著涼爽海風燒烤真係舒服到爆✨食物方面應有盡有，這裡的串燒選擇豐富，雞翼醃得入味，外皮烤得香脆，肉質依然嫩滑多汁；蜜汁叉燒串甜而不膩，豬頸肉彈牙爽口。海鮮更是亮點，大蝦新鮮爽甜，蒜蓉扇貝鮮味十足。除了經典燒烤食材，還有即開生蠔、時令蔬菜和清新水果，搭配燒烤一流。店家特調的蜜糖醬和蒜蓉醬同所有食物都好夾👍🏻👍🏻無論是朋友聚會或家庭樂都非常適合，快相約來享受秋日燒烤之樂！…查看更多

尖沙咀的南亭居酒屋真係隱世好去處，環境舒適，燈光柔和，感覺好放鬆。餐廳唔算大，但每個角落都有種親切感，適合同朋友聚餐。菜單上有好幾樣我特別中意的，首先係燒鵪鶉蛋，外面微微焦脆，裡面滑嫩，加上醬油，味道真係唔錯。再來係燒豆腐，表面焦香，上面撒咗鰹魚片，咬下去時豆腐的嫩滑感令人驚喜。黑毛豬大蔥就更加好，肉質鮮嫩，配上香蔥，簡直係絕配。而燒雞軟骨，外面烤得金黃酥脆，咬下去口感特別，啤酒配埋更係一流。整體嚟講，南亭居酒屋的CP值高，無論係食物質素定係環境都值得一試，真心推薦！…查看更多

Four o Five Coffee 的美食之旅！☕🍴今次去到觀塘的 Four o Five Coffee，真係食到心滿意足！環境寬敞舒適，燈光柔和，令整個氛圍輕鬆自在，適合朋友聚餐或者小型慶祝。先嚟個主食「明太子醬軟殼蟹意大利粉」，意粉包滿濃郁的明太子醬，搭配上炸得金黃香脆的軟殼蟹，實在太正了！還有翠玉瓜菜苗伴碟，清新的口感令整道菜更加豐富。小食方面，芝士煙肉薯條簡直罪惡到爆，淋上香濃的芝士，讓人停不下來！再來的棒棒雞鎚配蜜糖芥末汁，外脆內嫩，醬汁甜甜的，諗起都想再食！飲品方面，點了海鹽Kiri芝士奶蓋焙茶鮮奶和Oreo忌廉沙冰，兩杯都係夏天消暑嘅最佳選擇，清爽又不失風味！最後，壓軸甜品「吉士焦糖疏乎厘pancake」！！比我隻手掌仲大，上面滿佈香滑的吉士醬，表面脆脆的焦糖，pancake本身又軟腍腍，仲有焦糖爆谷伴碟，食完真係心滿意足！…查看更多

每次嚟尖沙咀都會諗起避風塘菜式，記得嗰次專登試咗朋友推介嘅喜記，立即入坑 ！！專程到訪尖沙咀的喜記旗艦店，試了幾道招牌菜，整體體驗不錯，適合喜歡濃味地道粵菜的朋友。喜記避風塘炒辣蟹辣蟹份量足，蒜酥、豆豉和辣椒炒得香氣逼人，辣度溫和容易接受。蟹肉新鮮，大大隻，開了蟹鉗能看到飽滿的蟹肉，吃起來很過癮，用了十幾種配料的蒜酥撈飯或配酒都很適合。避風塘炒牛河河粉炒得乾爽不油，牛肉嫩滑，加上避風塘特色的蒜和辣椒，味道比普通牛河更有層次，味道濃郁。清酒鮑魚這道較為清爽，鮑魚size適中，煮得軟嫩入味，清酒香氣淡淡散出，剛好中和避風塘菜的濃味。招牌風沙雞外皮脆而不厚，雞肉保留肉汁，簡單灑上金黃蒜已經很好吃，頗有驚喜。總結人均約HKD$300-400，適合三五好友分享。避風塘系列值得一試，尤其是炒蟹和牛河，風味突出。服務不錯，上菜速度適中，會再回訪！…查看更多

最近收工起銅鑼灣搵咗間呢間餐廳，好多上班都黎食。我地2個人點咗3個炒小菜同1個蒸點，分別係招牌辣椒炒肉、雞汁油豆腐、紅蘿蔔炒肉和清炒絲瓜。道先炒小菜招牌辣椒炒肉和紅蘿蔔炒肉都係惹味之選，辣椒嘅香氣配合鮮嫩肉片，炒製得非常有鑊氣，送飯一流。而雞汁油豆腐則吸收了大量咗雞汁嘅精華，每一啖都充滿鮮甜味，口感味道都吸引～相比之下，青炒絲瓜則是相對清淡的選擇，少油的烹調方式保留了食材的原味，食起嚟清新怡人，適合喜愛清淡口味的食客。這裡主打湘菜的風味，以蒸的烹飪方式保留食材的原味。店員對辣的菜式特別推薦，如果你能夠接受辣味嘅挑戰，不妨試試佢哋嘅招牌菜，絕對不會令你失望。雖然我們呢次未試到聽老顧客推薦的蕃茄炒蛋，但下次一定要早點來，期待能品嚐到這道招牌菜。…查看更多

「黑木亭」呢間放題開咗唔係好耐，前日終於約咗成班friend食咗，個個食到攬住個肚走，仲幾抵食！見到個門口已經覺得好有格調，黑色招牌加個超大日式燈籠，真係好似去咗日本咁🤣上到去，環境係舒服嘅現代和風，個場夠晒闊落。坐低就用QR Code落單，勁方便！自助區有超多小食，質素一啲都唔輸蝕～主菜時間！！樣樣都係高質食材，刺身拼盤一上枱我哋就「嘩」咗出聲！三文魚厚切，甜蝦鮮甜，最正係長蟹腳，我哋嗌咗3～4轉都仲想食！壽喜燒鍋，真係估唔到放題嘅壽喜燒可以咁正！個湯底好好味，配埋啲和牛片，淖兩淖就食得！串燒同炸物，全部即叫即整，熱辣辣上枱，冇油膉味！生蠔夠晒新鮮，蠔身飽滿，冇令人失望！任飲清酒梅酒一定係酒徒最愛，呢 part 真係無得頂！仲有各式汽水、果汁，啱晒想同朋友暢飲一番嘅你！！食到最尾，以為就咁完？錯！以為雪糕任裝已經好慷慨，點知壓軸甜品最癲係新鮮榴槤任你order，榴槤控為之瘋狂！我哋班榴槤控朋友直接進入瘋狂狀態，話淨係食榴槤都回本！🤭🤭…查看更多

銅鑼灣總店嘅喜記，名氣超高而且氣氛真係好熱鬧，牆上掛住好多食客的合照，感覺好親切。我今次同朋友去，平均消費都只係$250，以呢個價錢食到海鮮之餘仲可以食多2個菜，真係好實惠！首先，係招牌避風塘炒辣蟹，蟹殼紅卜卜好靚，未上枱已經聞到香味，蟹肉鮮甜，搭配特製的蒜蓉、香辣調味同香脆的炸蒜，味道層次非常豐富。每一口都能感受到蟹肉的嫩滑，辣味適中，令你食到停唔到口。然後惹味BB乳鴿真係好正，外皮酥脆，肉質鮮嫩，咬落去啲肉質必晒出嚟，仲有淡淡嘅煙燻味，食得好開心。最後，福建粉絲煲熱熱地上嚟，粉絲滑滑，吸咗濃郁的高湯，配埋新鮮嘅雞肉同青蔬，味道更fresh 。今次嘅用餐無論係環境定係食物都充滿熱情，呢個體驗我好滿意，如果有朋友過嚟香港玩，我一定會帶佢去感受充滿本地特色嘅喜記。下次再來，我一定會再點呢幾樣好味！…查看更多

今日黎到灣仔嘅喜記避風塘炒辣蟹，係香港嘅老字號，鐘意傳統美食嘅我都忍唔住慕名而來 😋 一入去就聽到鑊氣聲「叮叮鏘鏘」，一聽就知有水準，加上滿場人嘅笑聲，氣氛熱鬧得嚟又有啲懷舊港味 ✨第一道必食嘅當然係主打菜避風塘炒辣蟹🔥～蟹鉗大隻又新鮮，外層鋪滿金黃蒜酥，香氣一出嚟真係流晒口水～每咬一啖，蟹肉鮮甜、蒜香辣味夠重，超過癮！另一樣瀨尿蝦都好正，外脆內嫩，炸得啱啱好，辣香滲入蝦肉，啖啖都惹味 🦐椒麻九肚魚則香脆麻辣，一啖一條，當伴酒小食真係一絕～食完海鮮，再試吓道地炒粉麵，當然唔少得爆鑊氣代表作蟹油炒牛河！未擺上枱起遠處已經聞到爆炒河粉嘅香氣，河粉掛滿香濃蟹油，香滑唔膩，牛肉亦炒到滑溜溜，一咬即化～食完成餐飯配番一杯凍奶茶 🧋鋼杯冰冰涼涼、茶香濃郁，啱啱好中和埋啲辣味。想食好嘢同時感受充滿地道風味又有「人情味」嘅香港老店，嚟呢度就啱晒啦！💛…查看更多

尖沙咀呢間Burger Mate嘅手工漢堡真心好正！最吸引係每日只賣200份，遲咗真係會買唔到㗎。佢哋連個漢堡包都係自己整，每日新鮮出爐，烘到外皮有少少脆，入面軟熟，同出面現成包真係唔同。我今次試咗個黑松露蘑菇安格斯牛漢堡，一拎上手就覺得好有份量。個包真係幾大個，黑松露醬多到差啲漏出嚟。塊安格斯牛肉夠厚身，咬落去仲有肉汁，牛味好出，配埋香濃嘅黑松露醬，成個配搭好夾，食落好滿足。小食方面，我幾鍾意佢哋嘅黑松露粗薯條，炸得啱啱好，夠脆又唔會太油，點埋個黑松露醬真係冇得頂。炸洋蔥圈都唔錯，外脆內軟，食完都唔覺膩。間鋪頭係外國人開嘅，裝修幾有美式風格，不過位就唔多，想坐低食最好早少少嚟。如果唔係，外賣返去食都一樣咁正。限量200份唔係講笑，想試真係要預早啲嚟啦！…查看更多

每次嚟尖沙咀都會諗起避風塘菜式，記得嗰次專登試咗朋友推介嘅喜記，立即入坑 ！！專程到訪尖沙咀的喜記旗艦店，試了幾道招牌菜，整體體驗不錯，適合喜歡濃味地道粵菜的朋友。喜記避風塘炒辣蟹辣蟹份量足，蒜酥、豆豉和辣椒炒得香氣逼人，辣度溫和容易接受。蟹肉新鮮，大大隻，開了蟹鉗能看到飽滿的蟹肉，吃起來很過癮，用了十幾種配料的蒜酥撈飯或配酒都很適合。避風塘炒牛河河粉炒得乾爽不油，牛肉嫩滑，加上避風塘特色的蒜和辣椒，味道比普通牛河更有層次，味道濃郁。清酒鮑魚這道較為清爽，鮑魚size適中，煮得軟嫩入味，清酒香氣淡淡散出，剛好中和避風塘菜的濃味。招牌風沙雞外皮脆而不厚，雞肉保留肉汁，簡單灑上金黃蒜已經很好吃，頗有驚喜。總結人均約HKD$300-400，適合三五好友分享。避風塘系列值得一試，尤其是炒蟹和牛河，風味突出。服務不錯，上菜速度適中，會再回訪！…查看更多

呢間居酒屋我一直都好想食，開業至今長期排長龍，今日終於俾我排到。店內空間唔大，開放式廚房，只有一張長形吧枱，坐到十幾人左右，裝修充滿日本風情，好似真係去咗日本當地小店咁。今次試咗佢哋嘅海老穴子天丼，材料好豐富，有炸天婦羅穴子、黑虎蝦、蟹柳、南瓜、本菇、紫菜同四季豆。炸粉夠薄脆，穴子魚肉保持到嫩滑，黑虎蝦大大隻咬落爽口。最驚喜係連蔬菜天婦羅都炸得恰到好處，南瓜同本菇保持到本身嘅水分。小食拼盤有炸雞鎚、墨魚同雞軟骨，全部即叫即炸，熱辣辣。炸雞鎚肉汁豐富，墨魚同雞軟骨香口惹味。居酒屋點可以唔叫番支清酒，「銀嶺月山SASARA月」，味道清爽易入口，同炸物好夾。最後食埋個炸菠蘿配海鹽味雪糕，冰火口感好正，菠蘿酸甜同海鹽雪糕嘅鹹甜平衡得剛剛好，一啲都唔會覺得得滯。價錢實惠之餘食物質素同氛圍都值得一試。…查看更多

任食放題同大排檔就食得多，但估唔到兩者結合居然可以擦出新火花！佐敦新肥泉海鮮大排檔新推120分鐘任食小炒放題，將近100款菜式，任你選擇，今次同我大胃王朋友一齊嚟，結果兩個人食到超級飽。每個顧客每次最多可以揀兩個菜式，食完先可以再嗌。我哋喺眾多嘅小炒入邊，首先揀咗4個菜。肥泉小炒王 ，鑊氣十足，韭菜花、蝦乾、腰果炒得香口，送飯一流。半隻沙薑雞 ，雞肉嫩滑，沙薑香味入味。腰果黑醋骨 ，酸甜開胃，黑醋味道濃郁。海鹽香煎雪花和牛粒 ，牛肉油脂香豐富，簡單用海鹽調味已經好正。豉油王新鮮鵝腸，鵝腸爽脆，豉油味道夠香，處理得乾淨無異味。每碟份量同正常大排檔一樣，絕對唔會因為任食就縮水。兩個人食五道菜真係飽到捧住個肚走！每位$288，包埋無限飲品，真心抵食。雖然係任食，但餐廳好注重唔好浪費食物，每次都要清晒枱面嘅餸先可以再點菜，呢個理念好值得支持。大家去食記得量力而為，享受美食之餘都要珍惜食物！…查看更多

行開銅鑼灣想食啲地道韓國嘢？可以試吓呢間韓國刀削麵，估唔到都幾好味！今次試咗三款招牌菜，款款都有特色：🥣 牛骨湯刀削麵 - 湯底清澈見底，飲落有淡淡牛骨香氣，味道溫和唔油膩。刀削麵條粗細均勻，咬落煙韌有嚼勁，掛湯能力唔錯，每啖都食到幾點呀？湯汁精華。🌶️ 辣伴刀削麵 - 醬汁調配得恰到好處，甜中帶辣但又唔會太刺激。麵條同辣醬撈勻之後，每條都沾滿醬汁，食落好惹味。配料有青瓜絲同芝麻，增加咗唔同層次嘅口感。🥞 五花肉泡菜煎餅 - 即叫即煎，上枱時熱辣辣。外皮煎得金黃香脆，咬落去係軟熟嘅口感。泡菜嘅酸辣味同五花肉嘅油脂香完美結合，每一啖都好滿足。🏠環境篇餐廳裝修簡約樸素，有種韓國街邊小店嘅親切感。牆身掛住幾幅韓國風景相，座位之間唔會太逼狹。雖然唔算豪華，但乾淨整潔，坐得幾舒服。服務都幾親切，有種家嘅感覺。…查看更多

唔好再話尖沙咀冇好嘢食啦！琴日有個fd帶我去咗一間樓上餐廳「The Pearl」，真係有驚喜～由環境到食物都絕對係新一代嘅朝聖地！！先講吓佢工業風嘅設計，水泥牆、金屬細節，型格得嚟又唔侷促。落地大玻璃窗外面仲有一個小小嘅戶外花園（不過好可惜我去嗰日啱啱打完風唔開放🥲），燈光同擺設都好有心思，隨便一個角落都可以打卡📸氣氛輕鬆，好適合一班朋友聚會或者情侶約會！！是日餐湯南瓜忌廉湯，口感超順滑！南瓜天然嘅甜味同忌廉完美融合，飲完成個胃都暖笠笠～先嗌咗一份店員推介嘅香煎紐西蘭肉眼扒配松露燒汁，肉眼扒煎得啱啱好，外層微脆，內裡肉汁鎖住，勁Juicy！松露燒汁超濃郁，配上綿密薯蓉，邪惡到一個點～再嚟一份白汁大蝦三文魚子明太子扁意粉，每條扁意粉都掛滿Creamy白汁，仲有大大隻蝦、鹹香明太子同爆汁三文魚子，口感同味道都極有層次，真係忍唔住食到「索索」聲！享受完美美嘅主食，食到飽飽當然要飲番杯咖啡，凍Latte同Cappuccino一樣出色，咖啡香醇，冰涼解膩，真係chill爽～個人推薦：肉眼扒、明太子扁意粉…查看更多