Pigfat_wantstoeat的个人专页

成日行過見到呢間野，所以心血來潮去試下。一行入去等左一陣先有人會主動黎問你幾多個，甘經過待應口頭帶路先坐岩枱。一坐底無menu 無水咩都無。連上一手食完既配料都仲係張枱到，而個待應係就甘企係你面前，唔郁甘企係到，但無留意你一坐底係咩都無Anyway呢啲無阻我想試野既心，叫左一堆野。順帶一提，我叫完野食先發現原來仲有野飲menu 係待應無比到，希望佢無覺得我地煩，叫佢拎menu 換過啲人食淨既配料同拎水再拎野飲menu 環境方面係幾闊落既，唔會坐得好逼咁叫左一埋野好快就上野食喇但係佢呢到出名食雞，所以佢係要客人等夠7分鐘等啲雞熟，食哂啲雞先食其他野。而我地叫左蠔，用冰鋪底既，所以啲雞食得黎，啲蠔都比啲溶冰水浸哂呢方面做得好唔細心。頭先米話要等7分鐘等雞熟既，就係睇呢個漏斗喇，但係事前個到既侍應係就甘放呢舊野係面，咩都唔講就走左，我都係無聊上網搵先知係甘既用途服務真係扣哂分，係米連講一句都甘難算，甘夠7分鐘就食雞喇，真心係清甜既，雞都滑既，我地兩個人叫左本隻雞好快就食哂咁以上就係我地叫既野食，肥牛個到有好多款既，我地叫左普通個啲肥牛，係幾好食，厚同香牛味。蝦滑，蠔，牛栢葉都係幾好正，但要評論就無咩好評都係大家食開食慣既味，唯一唔同既係蝦滑好彈口，唔錯唔錯。整體黎講呢到食野環境唔錯，岩哂傾計聚舊。呢到食野環境好但個廁所就嚇死人，真係每一格都污穢到唔會行入去同有啲格係鎖唔到，真係一大陣屎味尿味同成地水有機會個陣夜晚9點等收工無人清潔。其次係服務，呢間野啲服務差到我連自己下一步要做咩都唔知，真係唔問唔叫佢你真係咩都無，連點食都要自己去搵呢下真係好失望。當然我相信唔係成間鋪既人都係甘差，但係我今次既經驗真係唔會令我有下一次。野食上間野係唔錯，份量又唔細，味道又好，係值得一試，特別係椰子既香，真係好正。總結，服務嚇到我，無下次…查看更多

收左工口痕想食pancake一諗起前排成日有人講呢間過千尺pancake 就想去試下。間野好位置方便，荔枝角地鐵站一出，行5分鐘都唔洗就去到去到一坐底，個tea set 係無包pancake ，睇完唔岩食就決定散叫甘我地兩個人就叫左classic burger 同一個日式pancake 再加多杯 flat white 同sparkling strawberry 🍓 過左10分鐘就上左classic burger 個包既份量都偏大，兩個人食完都已經飽薯條香脆熱既，個塊牛都煎得好香，啲汁都配得幾好，所以呢個都值一叫既，不過留意返，呢個包要120蚊，好貴。跟住上左flat white ，杯野好一般，雖然無諗過要拉花個啲裝飾，但味道真係好一般，如果要收44蚊但係呢個質素真係有啲失望最後食pancake, 佢即叫即製所以好熱辣辣同好軟綿綿，會有啲彈口，其實唔錯既，配埋個雲尼拿雪糕食係唔錯，但食多兩啖就覺得有啲漏整體黎講啲野偏貴，不過啲野好大件。 你預佢上野既速度唔快所以趕時間個啲就唔好去。間野都好空礦但係冷氣開得好大，會吹到好凍溫馨提示：pancake 要整半個鐘，建議可以一坐底就叫左先，再慢慢睇menu 叫其他野食…查看更多

同朋友臨時夜晚8點30先約食晚飯，甘就隨便係openrice 簡間近近地既。順便用埋個app訂位，訂左9點30，所以都幾期待一入到去得一台客食緊野，要境偏暗可以話都有啲情調既一開波上左個忌廉湯，說實話無特別，罐頭湯味道。 同行朋友加錢叫左龍蝦湯，我只可以講，好彩無比錢轉湯跟住上主菜，呢碟係蕃茄天使面，即叫即整熱辣辣，蕃茄味濃，係幾好食跟住有意大利飯，係唔錯如果啲菇多啲就好另外有羊架，係香煎甘整，旁邊有細薯仔同啲雜菜，羊架方面煎得岩岩好，其他配料，即係薯仔個啲太油跟餐送左杯野飲，無特別可省略總括黎講，價錢偏費夾唔飽，同行男仔食左羊架果個餐，佢完全唔飽，味道上只有主菜係味道唔錯而且係即整，真心比個like.不過價錢偏貴同份量細環境上，去既時候無咩客，不過都唔係好好服務職員圍住傾計玩下電話甘。anyway,咩都試下食，所以無所謂喇…查看更多

近期約左啲朋友聚會，一眼就睇中呢間用8哥做賣點既地方。地點好方便，尖沙咀一出站行十分鍾唔洗就到。係門口就見到好多八哥圖案間餐廳都幾有氣氛，星期6去食，都坐唔滿，人唔算多。呢到啲野食唔算平，一碟意大利飯，意粉呀，啲野食都閒閒地百幾蚊。我地三個人叫左三樣野：黑松露意大利飯，墨汁海膽意粉同安格斯漢堡，啤酒一上就上意大利飯，真係好細碟，一人兩匙更就無哂，不過味道唔錯，芝士同黑松露味好重係幾好食如果份量大啲就好跟住係海膽帶子意粉，老實講，碟野一上台一撈，啲海膽就唔見哂，建議唔好好似我地甘蠢，食左啲海膽先撈碟野其實好普通既墨汁意粉，無野好講，格硬要講既，可以講句：意粉好彈牙唔痴牙呢塊扒唔係好得，好dry無汁，好失望。薯條香脆好正常，無野值得講。野似方面 ，hoegaarden 買一送一幾抵整體黎講，價錢偏費，野食份量唔多，但環境係幾好，同人傾計慢慢食無人會吹你走，都幾岩gathering …查看更多

前排實在太忙無時間update 事源小妹同男朋友慶祝生日，早左成個月打去book 位，request埋window seat, 不個到職員答我無得book window seat ，要到時睇下有無位，有先比到我到，佢只能夠係remark 住我地要窗邊位Anyway 入正題，個日book左1930，我地早左30分鐘到甘職員安排左我地去bar到坐，等佢執台大概等左十分鐘就會有人來搵你帶你入席。好開心有window seat😌甘一坐底會有張印左壽星仔既名既menu甘黎呢到食之前都做定功課，知道呢到啲野好大件，所以唔會叫好多甘我地叫左appetizer 既半打生蠔同crab cake ,lobster bisque,center cut prime ribeye同芝士炸薯條甘一叫完野食無耐會有人黎介紹紅酒，但係小妹對紅酒無研究，都係聽佢講咩就叫咩，最後叫左兩杯紅酒，名就唔記得了好快就上左呢到好出名既洋蔥包，好大個，勸大家如果得兩個人就食一半就要停，因為食哂真係唔洗再食其他野，但真心比個good佢，好好食，包係熱既，好軟，好香洋蔥味，男朋友都係咁食唔停。好快就上左生蠔，唔腥好甜，我地暴風吸入，唔洗5分鐘就食哂。跟住就上crab cake,啖啖蟹肉，香甜，唔會好似出面啲餐廳撈埋啲粉，真材實料再好快上左龍蝦湯，甘味道真係好濃龍蝦味，但要有心理準備，湯會濃到有啲苦好快就上主角ribeye ,份量都幾大下，所以兩個人食都夠share 。反而個扒有啲失望，我地叫左五成熟，咁面頭係濃哂，所以食落會苦，而且食落去肉好粗，硬同有啲乾，要食到好中間先比較好食，整體塊肉真係好一般，唔值呢個價（碼整圖片影到好曚，只附上切開後的圖片一張）跟住上埋薯條，呢個真係唔會再叫，兩個人有排食，同埋啲薯條好乾，無野好講最後我最期待畫面出現喇有人會拎住個梳乎利岀現，寫有男朋友個名，再會同我地影相，再再再會有今日返工既員工簽名連埋岩先影既相一齊送比我地，真係好有心思整體黎講，野食係唔錯，環境都唔錯，係台同台中間有啲啲近，啲人講野一大聲就好嘈。個到有啲職員講英文既，唔識講可以搵個講中文既職員。為左個洋蔥包我會再去…查看更多

成日行過大埔道都會見到呢間鋪，終於係中秋節同埋屋企人黎食。去個陣0730唔太多人。一坐低叫野食，等左五分鐘就上魚皮，啲味都撈得幾好，而且份量都唔少，都幾好食。跟住主角就岀場喇，我地叫左個大鍋全勝，魚就要左荀殼，仲要睇住佢係到捉，都幾過引，叫左魚之餘都叫左配菜，有蜆有牛肉有魚肚，佢會有個爐煮住盤野所以唔會食到啲野凍哂。咁老闆同員工好好客，會教我地點食同食咩先所以魚同蜆一上就叫我地快快食哂啲魚。講下條魚先，佢其實係清蒸出黎既，所以好原汁原味，肉好滑好鮮，真心要比五星！不過啲蜆就好麻麻地，蜆肉太細同有沙不過條魚好正所以無阻我心情甘食哂條魚就會加湯比我地，就去6啲牛食，啲肥牛好厚好有牛味，我到仲叫多左碟食跟住就6左魚肚，同樣地啲魚肚都係大大舊又厚，所以用黎吸哂啲湯精華，幾好食之後仲叫左菜，但我實在食得太飽🤤呢餐飯食得好飽，如果有老人家黎食都好岩食，啲野唔會重口味而係鮮味，係好推薦既中菜小店，環境乾淨而且好服務又好客，會回頭再食其他野…查看更多

見到有甘多好評，就約埋男朋友去食飯拍拖。間野有分時段開既，甘晚市就係0530開始，見到佢話兩個人唔比book，上網又話好多人呀排哂隊甘，所以同男朋友5點40左右就到左。一上到去啲員工都未起身，好多人都訓左係啲卡位到。不過無所謂喇，我地一心係食好野。我地一坐底就叫左一堆野，刺身併盤、壽司、串燒、雞軟骨、鰻魚飯........好多野落完order 等左10分鐘就開始上野食，啲速度都好快下刺身併盤個樣幾好下」，我都係因為海膽而叫既。真係好唔得呀啲刺身，唔新鮮，海膽係有怪味三文魚刺身，火炙三文魚刺身味道正常，無野值得講，可省略忌廉蟹肉好漏，凍既。雞軟骨叫係最好食，熱既又炸得岩岩好石煱鰻魚飯，整得都叫ok ge ，啲飯到有啲彊甘既味道，未必個個岩，另外舊鰻魚係整得ok 燒油魚，無味，好硬見甘多人叫雪葩，我都唔輸洩叫埋一份，隻味好似食一塊塊個啲波蘿冰甘，唔太特別，得個樣總結：唔會再去呢到，真係唔太好食…查看更多

農曆7月14，冒住周圍燒衣紙既氣氛衝左去水上人到食蒸海鮮個到環境唔錯，起碼位同位之間唔逼，可以慢慢吹水。三個人食，食左最平果個😂見啲野食都幾多下，我地加多個和牛 $16x好快就有人黎幫我地開爐，佢會先將生米呀南瓜呀同小量豬骨放到鍋既最底。佢爐隔離有個timer,啲職員見到夠鐘就會行過黎幫你分野食，所以全程你淨係食就得喇，蒸野食呀，夾野食呀，都會有人幫你做哂甘會逐樣放上去蒸既，先食蜆，食完會再放蠔....總之就係逐樣逐樣放上去蒸啲蠔都幾大隻架個帶子都唔錯，好滑，上面係一pat 黑松露醬，啲粉絲索哂啲帶子汁，正仲有啲蝦丸蒸娃娃菜甘，都可以既，但可能一開波食哂海鮮，再食呢啲就覺得無咩味最後重點推薦呢個粥，佢係集合哂岩先啲海鮮汁，好鮮甜！佢會再加埋啲蘿蔔仔，蔥落去啲粥再分埋比你食，個人覺得好一流甜品方面會有西瓜同椰汁糕，味道正常所以食評省略總結：環境唔錯，都幾大，唔止一層幾闊落，野食收得你幾舊水一個野食都有返甘上下新鮮，但價錢係貴既，所以出左糧值得黎一試…查看更多

成日行過都好多人排隊，見佢呢排其中間鋪新裝修就去試下，不過真係太多人，決定叫外賣坐得舒服啲叫左碗蘿蔔牛肚豬紅米線外賣等左十五分鐘一打開料既份量算係甘，雖然等都覺得料唔多，但比起出面啲車仔面都算好蘿蔔無渣唔痴牙，好林牛肚好爽而豬紅係外賣碗湯到，唔會一夾就散，同一般出面食到既差唔多無咩特別可以講我今次叫左腩汁小辣，湯甜甜地加埋小辣好開胃整體黎講比起食開既車仔面好食，我覺得好岩自己口味，行過可以一試，但就環排隊同忍受人多…查看更多

一收工就即刻黎喇，一入去氣氛已經好好，甘我地一行4人上左二樓坐甘有live band 既台係右手邊，吉高個頭就望到，不過時間尚早，live band 未開始甘我地齊齊叫左個set dinner，見佢幾抵，4百蚊有頭盤主菜甜品，不過野飲另計甘我叫左杯有橙味既酒（唔記得左叫咩名）甘我地等左十鐘都唔洗就開始上頭盤，我地簡左生蠔，鵝肝甘生蠔唔算好大隻，但都好新鮮好甜。鵝肝好肥，好香，我個人覺得整得有水準跟住上磨菇湯，好多菇打碎哂，好足料好滑，好濃菇味再上左個酸酸地既紅莓雪葩既野，因為我唔太鐘意酸所以覺得一般，但同行者覺得好fresh 酸酸甜甜好正跟住到主菜，煎牛扒，叫個陣餐廳推薦五成熟，甘塊牛其實有啲硬，根位比較多，可能本身expect 得太高所以比預期有啲失望，味道一般最後上Tiramisù，唔會過甜，好滑，唔會食到好漏整體黎講，環境氣氛服務一流，大概9點會有band 隊黎唱歌，野食整體甘講係唔錯既會再黎食…查看更多

平時想黎好耐架喇，但夜晚次次行過都好多人所以次次都食唔到。今次平日下就專登黎食，無人排隊就衝左入黎溫馨提示：下午茶3點開始要係出面排隊等有5折、晚市有得book位但要6人以上個陣入去食其實係兩點半，但實在肚餓唔想再等，所以一枝箭咁飛左入去我地叫左一籠小籠包，蒜泥白肉，上海雲吞面同生煎包等左十分鐘就上左小籠，一咬落去啲汁都好多，啜到唔小汁，雖然皮唔叫好簿但勝在多汁，而且啲皮唔會係似啲未發開既粉咁，所以比個gd佢蒜泥白肉係用啲簿切豬肉卷住啲青瓜，上面有蒜泥同辣椒醬既野，食落去凍凍地又辣辣辣地再加青瓜其實幾fresh 下，下次去會再食雲吞面啲面唔會煮到一patpat, 但我不嬲唔太鐘意食，同行友人話一般唔太特別生煎包始終煎得唔夠，唔係上海個種成個包都係煎出黎裹面係爆汁個種你預佢個口感係一個蒸好既包再放係穫煎過，但係包裹有汁，同埋比起鼎x豐個生煎包，樂天皇朝係好食好多總結，如果唔想同人逼又唔想等就下就去食喇下午茶就最抵食但係今次懶得等就食左午市，下次先同大家分享下午茶有無唔同喇…查看更多

其實不嬲鐘意食日本野，一直都食開油站對面個間，不過間野近期加租執左，所以行多兩條街去大埔道間三上。間野有上下層既，如果你有十個朋友黎 上面都有個他他me位比你坐 幾得意呢間三上同之前個間menu 有啲分別 ，多左好多季節刺身選擇，簡野期間仲會有人黎推薦野食甘最後我地叫左一板海膽，一條池魚刺身，12切三文魚魚腩，帶子炒飯同焗三文魚烏冬等左十分鐘就上哂刺身😍成個盤幾有氣勢三文魚腩好厚幾大舊下,入口好滑有油而唔會覺得漏呢到98蚊加20蚊就有全腩至於條池魚，佢會有特別既汁比你點黎食，酸酸地好開胃，條魚啲骨會一齊放係個盤到，食完可以叫佢炸左佢黎食另外重點海膽，韓國海膽黎既，入口即溶，好鮮甜無異味不過唯一有啲不足既係要食得快，因為佢底啲冰溶得快，如果食得慢啲冰溶左啲水會浸到啲海膽🙈跟住上左炒飯，都幾足料有唔少帶子，珍珠米炒到一粒粒乾身既，好香又熱辣辣。唔好意思呀因為太香，所以筆左一人一碗先記得影相最後上左焗烏冬，好濃芝士岩岩煮好，撈雲黎食真係幾正，仲要啲烏冬好彈牙份量一般但真係好食會再叫整體黎講唔錯，無論一家大細定同朋友黎都岩食岩坐，樓下熱鬧啲樓上就靜啲，同埋有戶外位岩哂吸煙人士…查看更多

係甘既，同男朋友去食好西見到呢間人氣幾高就決定黎試下。 因為知道一過7點就一定好多人，所以我地6點半前已經到左。環境幾好架，坐窗口位好有心思既係枱面會有一個酒杯裝糖，枱側邊會有好多得意擺設。跟住我地叫左半隻豬肋骨，黑松露長通粉，夏威夷pizza,玫瑰雞翼，一杯手工啤酒同芒果綠茶。十分鐘已經上菜豬肋骨個醬係類似燒烤醬味，個人對隻醬感覺一般，但勝在隻豬好嫩口，好林，仲有配菜薯條，岩岩炸起，好熱好脆。玫瑰雞翼一上黎同樣熱辣辣脆卜卜，佢個雞翼面查左玫瑰味既醬，小小甜同帶有淡淡玫瑰香我覺得唔錯架。夏威夷pizza隻芝士好似香口膠，有咬口，佢係薄底pizza，我好鐘意，整體都ok既，但下次再黎唔會再叫。最後係黑松露長通粉，一上就好香黑松露味，好正，回頭指數好高至於野飲，手工酒有幾款既，而我簡既呢款係普通啤酒甘，但勝在佢隻味好濃下，幾香，鐘意重口味既推薦叫黎試下。而芒果綠茶偏甜，係好甜下飲左一半就無飲。整體唔錯，會再返去食，如果唔想排除就7點前去到餐廳，同埋提返大家，佢夜晚無得book 位…查看更多

一直都聽到mo bar呢個名 但一直未試過所以預早左兩星期book mo bar 同三個朋友去試下一入去環境偏暗（正常既，高檔地方都係甘）window seat都係睇街境，外國侍應較多因為侍應都幾多下，所以要落單呀加水呀都好快手。 因為一開始個侍應誤會左我地4個叫兩份afternoon set 所以啲野食只係一碟碟甘放台，無左個架野食方面：我覺得最好食都係個scones,好香 配牛油一流，但係令我印象最深既係raspberry tropezienne 同 rose champagne shooter 都幾酸下（個人口味問題）至於其他野食就不過不失野飲方面：我地叫左jasmine 同 lemongrass 前者好清香，後者 隻味好香 好醒神 都幾正，唯一唔好既係 佢地每次加水加一半滿，啲野食有咸有酸又甜，我地係甘飲水，搞到我地係咁要人加水，有啲唔好意思🙈呢到book個時講有時間限制，但係我地入去坐到走個下係比原本講既時間超左一個鐘，完全無人趕走我地（可能個日唔爆）總結：其實呢到都幾岩同朋友黎吹下水食下野，如果唔求海境既話，都坐得幾舒服，野食就不過不失…查看更多

平日下就同呀爸去食，雖然有個lunch menu ，但係唔太想食（壽司定食之類）所以就散叫一個海膽生文魚反卷，一碗三上什錦拉面同一碗地獄拉面（爸太肚餓所以無影）等左唔洗十分鐘已經上反卷，好好食，唔會孤寒啲海膽，每舊反卷上面都有一pat海膽，好甜好新鮮，加埋啲三文魚同紙菜，簡直無得彈價錢$8x。至於三上什錦拉面就有啲肉呀蟹柳一條炸蝦，我就厭啲面林左少少，我就未必會再叫，價錢$6x呀爸個地獄拉麵裹面係一啲海鮮，好似青口、蝦、油魚甘喇，個面係辣既但辣得黎好爽個湯又好正，回頭指數好高下價錢大概$6xTotal 賣單$2xx …查看更多