changwanshun的個人專頁

以前感覺 sawadee 係偏貴同埋高級，燈光暗暗地，間野成日都冇咩人。上星期約左朋友奧海城食飯，8點45入座，坐到10pm. 轉左新menu, 價錢親民好多，燈光都光猛左，少左份高級感，但距離感少左，入去食飯既感覺同自在感高左。叫左幾樣野share. 話超好食又唔係，但奧海城，咁既裝修，坐得舒服，傾下計，3個人食左$7xx, 頭盤主菜到甜品。唔係最抵，唔係最好食，份量唔係特別大，正正常常，服務ok, 試下都可以。…查看更多

夜晚十一點幾十二點，要搵野食都唔係容易既事，香港由以前的不夜城變晒乖寶寶，冇晒夜生活。 太子呢間點心開到零晨2點。是日中湯係蟲草花湯，大大碗$20 抵另外叫幾個點心，炸両幾出色，普通腸粉都唔錯，但佢話係皮蛋牛肉腸就唔係好覺有皮蛋。燒賣正常發揮合格肉餅飯有驚喜，肉餅有口感，彈彈下，唔係實的的。仲幾厚下添。最最最深刻係佢個辣椒油，唔算好辣但好香，仲要食落脆脆地，原來佢加左好多櫻花蝦。少少辣，有油香，再加上脆脆地既口感，令食物既層次提升。…查看更多

今日入開元朗， 唔知係唔係啲人返曬大陸消費。 元朗條街好少人，車都唔多。 上網見到呢間好似唔錯又好抵食。 去到唔使排隊， 餐廳唔係好大只係放到幾張枱。 午餐都係五十幾蚊起， 我哋叫咗龍蝦汁 蝦肉意大利飯， 冬陰功大蝦意粉， 加咗薯餅同牛油雞翼。薯餅同牛油雞翼都好好食， 新鮮炸出嚟薯餅仲唔小心沾滿牛油雞翼嘅牛油蒜香味龍蝦汁蝦肉意大利飯， 味道唔錯清清地， 但係問題在於龍蝦汁唔知去咗邊，都係好食嘅。建議可以加少少配菜。冬陰功大蝦意粉少少辣， 但感覺比較單調， 可以考慮加多少少配菜， 層次會豐富及賣相會吸引點。…查看更多

經過中環，終於試下，大部份都係遊客，食物質素普通，但以做過飲食既概念就會覺得貴同埋唔係呃遊客，令遊客覺得我地香港地道茶餐廳就係食呢啲野。比較下，紅茶好好多。情懷又唔係特別感受到。鬼佬鴛鴦飯 $68白汁蟹柳 加肉醬蘑菇 一隻煎蛋淡口冇咩味，肉醬有點稀奶茶又唔係特別好飲蔥油雞扒撈丁 $68佢用出前一丁嘅 雞扒有啲鞋味道可以，不太差唔想遊客覺得香港食物係咁，仲要2樣都係推介，其實係店賺最多既項目而唔係真心推介。可惜，好多普通茶餐廳都好過佢😢…查看更多

上網見到好似幾好食， 隔離都有間食酸菜魚嘅， 但佢好似正宗啲就揀咗佢， 午餐幾抵， 滿心歡喜叫咗一個回鍋肉， 一個酸菜魚， 服務態度唔好呢啲冇所謂， 都係啲新移民姐姐， 最緊要啲嘢好食正宗。回鍋肉乾到癲， 應該改名叫回鍋肉乾， 肉又少。 講埋酸菜魚先， 唔知點解舊舊都勁多骨， 老人家小朋友實食唔到， 仲要畀埋勁多魚尾魚骨位。成煲嘢，魚片得幾舊。 仲要舊舊都超多細骨， 根本冇嘢食落肚， 食完完全唔飽， 味道都唔算好差嘅， 但係有啲搵笨。 以後都唔會去…查看更多

同朋友去睇show，近近地去置富都會食野啦😄好耐冇黎置富food court喇！有間新野招牌好顯眼，行埋去睇先知係賣焗飯Pizza嘅🤣food court黎講算幾新鮮👀就試下啦*咖喱牛坑腩焗飯 （$58）見到個飯都幾驚喜🤣同相差唔多樣，勁多芝士喺面😍😍趁熱食先！芝士係拉絲個種，好邪惡😋咖哩汁係椰漿香個種，唔係辣咖哩🥘我唔係好食辣所以好岩口味👍🏻👍🏻入面料都多，好多紅蘿蔔同埋薯仔，牛腩佢寫牛坑腩，我唔識分😂但我覺得佢個牛腩係好大舊同埋個口感比起普通牛腩煙靭爽口，而且牛味都濃，真係估唔到food court有呢啲質素😛本身好少黎紅磡嘅，我應該會因為呢個飯再過嚟！！😋😋同埋呢間野都幾多特色飲品，又有泰式奶茶又有水果茶等等🤣過去睇餐牌嗰陣個職員話佢哋水果茶係每日用5種新鮮生果煲，咁就試下啦！*加大超級水果茶 （套餐加+$14）其實我本身見到佢個樣覺得流流地😂因為好似得兩片生果，但飲落去真係有水果香，好明顯唔係糖漿個種😳係真係有果汁個種，幾驚喜👍🏻👍🏻好飲過手搖店水果茶！總括嚟講係一間帶比我驚喜嘅餐廳🫣因為去food court 本身都冇咩要求😁但佢比我食過幾間堂食西餐廳嘅焗飯仲好食😋野飲都超水準表現😯係一間會再幫襯嘅餐廳！…查看更多

Fennel 之前下午有落場時間最近推出咗下午茶afternoon tea set for two， 有甜點鹹點仲包兩杯嘢飲性價比極高，加錢可以紅白酒 freeflow鹹點包括：42個月伊比利亞火腿蕃茄莎莎法包加拿大雪場蟹腳牛油果三文治青蘋果蝦肉脆脆24小時慢煮牛舌心多士泰式鳳爪沙律泰式生蝦（阿根廷紅蝦）甜點包括：迷你芝士蛋糕（6款）錐形朱古力（3款）英式提子鬆餅配忌廉、蜜糖及果醬香蕉Muffin新鮮即焗牛角包…查看更多

上星期去又一城睇戲，睇戲前諗住食個飯，呢間都食過幾次都唔錯，不過係其他分店，諗住連鎖冇死，環境都唔錯既，夠大，又有得揀坐入面定出面。但係需要改善的是，首先，員工大部份年紀偏大，做野比較慢都唔細心，唔講以為自己去左譚仔，唔係歧視老人家，而係唔配合brand image。叫左冬陰公螺絲粉，一個小食，一個鴨腿河，螺絲粉落單唔夠5分鐘到左，令人有懷疑係之前整好左既，食左一啖，咸到high high. 同職員講叫佢換，佢肯換既冇問題，但換完出黎一樣咁咸，可能廚師今日心情麻麻，但我又唔記得個日係唔係星期三，鴨河就純粹一隻鴨脾，有d 湯，有d 河粉咁，食少少野都4百幾埋單。唔抵…查看更多

之前冇開左半個月，原來係轉menu, 上星期去左2次，第一次lunch，一次dinner 食物現在偏西式，感覺更高級，沙律吧依然豐富，傾錢同以前前唔多， 但係食物質素同擺款都比以前好，同埋宜家有service!!!晚餐沙律吧比午市更豐富，好似酒店自助餐咁，排到好靚，夾個陣 不其然小心啲唔想整亂佢，feel 到餐廳好用心改進，野食好食左，同埋感覺高級左， 同朋友慶祝生日好適合，隔離枱慶祝生日仲有煙花放, 好誇。…查看更多

晚上同女朋友行下荃灣，唔知食咩好，經過就入去試下。Menu 都幾多選擇，又有丼飯又有拉麵，仲有好多款小食，我叫左芝士燒牛肉飯，非常有驚喜，下次必定再去食！價錢合理，叫埋小食飲品都係80蚊一位！…查看更多

隱秘餐廳 唔係朋友帶都搵唔到，入到去別有洞天，裝飾有feel! 食材新鮮,烹調方法用心及特別,非常驚喜,價錢中環又唔算貴！坐位唔多，全餐廳滿坐，朋友話最好book 位。空間感唔錯，坐得幾舒服。…查看更多