heshealleat的个人专页

喺銅鑼灣搵食有大把選擇，但係要數到西餐嚟講，性價比又高嘅話，呢一間一定係Top 5 之一。 頭盤我揀咗呢一個焗蒜頭法包，呢個已經係第二次食㗎啦，真係好好味，最鍾意係佢嘅薯蓉鋪滿晒成個法包，仲要係暖暖哋，襯埋成個蒜頭，份量一啲都唔細架！ 煮食就揀咗呢個虎蝦意大利粉，隻蝦又係超大隻，襯埋龍蝦汁，呢個真係好惹味 👍 推介俾鍾意食海鮮嘅朋友一定唔好錯過 甜品就揀咗我自己最鍾意嘅心太軟，真係好流心架，熱辣辣，啲朱古力溶晒，坊間好少做到呢個效果啦，值得珍惜 👍…查看更多

終於等到sem break lar !!! 辛苦咗咁耐，一於落旺角唱K食飯喂林下溫咗書咁耐嘅自己😏主食就揀咗呢個泰式烤牛扒溫泉蛋丼，侍應一放落枱面我哋已經嘩嘩聲，第一個感覺就係全部都係牛扒鋪滿晒成個碗，仲要啲牛扒係好大件，好耐冇食過份量咁充足嘅牛扒丼喇！啲牛扒一啲都唔柴口，充滿着好香嘅牛味，肉質都軟腍，幾十蚊有呢個質素真係好抵食！ 跟手我哋仲叫咗個串燒拼盤同埋明太子芝士粟米餃。個拼盤份量又係好大，自己最鍾意食嘅就係釀明太子雞翼，明太子配埋啲雞肉食，真係好夾，啖啖肉啱晒我！ 🤭另外呢個明太子芝士粟米餃又係必選，煎餃上面會鋪滿住明太子，而且煎得好好，個火候控制得好好，一啲都唔會覺得好油膩！最緊要呢個真係好平，$48 已經有六隻啦！ 抵！ 呢間真係好啱鍾意食明太子嘅我😍🤭…查看更多

雖然近排做番gym,但我都會安排一個月一日cheat day對自己好啲等自己開心吓💪經朋友介紹一間地道泰式餐廳，環境寬敞舒適，美食性價比高。鄰近大水坑站，位置相當便利。今日慢活食晚餐，剛剛好有人埋單我地可以直入。我地揀左菠蘿海鮮炒飯, 泰式炒通菜, 泰式椰子雞湯, 每人一共百令蚊，係抵bo!個菠蘿炒飯好高質，看似個菠蘿唔算好大，但飯同餸料舖到滿一滿，兩個人食好夠！！！！同埋個芯好夠熱，香氣撲鼻😋海鮮鮮甜肉質爽滑。泰式少通菜好有鑊氣好惹味。椰子雞湯清清地，微微辣好開胃，一口接一口不停飲😋😋呢間抵食又高質，下個月cheat day再幫襯👍…查看更多

再黎Gaijin食飯，餐牌野食款式好多，嗌左啲新野食。凱撒沙律，可以加$20有煙三文魚。兩款意大利飯分別係澳洲龍蝦配海鮮龍蝦汁意大利飯（$198）黑松露牛肝菌意大利飯 $(158)沙律幾大份，菜都好新鮮，三文魚都抵加，會口感豐富啲。半隻龍蝦好大隻，味道帶香甜，非常新鮮靚水產足稱龍蝦！意大利飯都難控制到飯嘅熟度，依個就保到飯粒有口感恰到好處，手藝真係好出眾。至於黑松露牛肝菌果款，黑松露果然夠香！加上大量牛肝菌，足料又滋味⭐⭐⭐⭐⭐…查看更多

本身住喺附近，收到呢張coupon，見到呢間新餐廳都幾多選擇，咁一於就幫襯吓試吓！ 食咗佢哋招牌嘅炸子雞，果然堅！ 話就話係得半隻，但係個份量真係好大，一個人都食唔晒，可以揀飯，意粉或者薯菜，我就梗係揀自己鍾意食嘅薯條。 最欣賞嘅係個雞炸得皮好脆，但係裏面嘅肉依然好嫩滑！ 仲要係熱辣辣放喺枱面，廚師功架一流！ 所以食晒成碟，完全冇難度！冇辦法啦，太好味😆😆😆😆😆我唔肯定佢哋係新張期間先做優惠定係點？ 但係我睇返個Menu，其實佢哋個性價比都好高，全部都幾十蚊就有交易，仲要唔使+1。😍我呢個炸子雞跟埋杯凍飲，都係$66 咋！ 唔怪得咁多人排住隊幫襯👍…查看更多

無意之中發掘到一間真係好靚好靚嘅甜品呀，位於旺角核心區，仲要唔係啲過江龍，真正香港小店，好值得幫襯！今日食果幾款都幾推介🤩🤩韓式蜜瓜鮮奶 ($48 ): 比隻色吸引左🤩唔好睇少杯野，入面真係飲到蜜瓜蓉，絕對冇加假糖水🙅🏻‍♀️蜜瓜真係好鮮好甜。牛奶幾濃郁，韓國牛奶真係唔錯👍👍韓式荔枝芒果雪奶 ($79 ): 佈滿左鮮芒同荔枝喺面，真係粒粒生果都好甜，唔會夾雜d唔靚嘅料，夠誠意！！雪奶入口即溶，凍冰冰真係超正！韓式魔鬼OREO碎碎雪奶 ($75): Oreo真係兒時最愛黎，加埋煉奶真係一流呀～！Oreo對比芒果果款會偏甜d, 迎合到唔同人嘅口味😆真係食得好開心，唔推介唔得😂…查看更多

趁住假日，和老公去荃灣南豐紗廠拍拖👫 經過嘅時候見到呢一間位於工廠大廈地舖嘅冰室，餐牌有椒鹽豬扒飯已經非常想食！😍 行完街就即刻過咗去食飯😽午市嘅時候，好彩仲有位，冰室環境整潔，座位都幾舒適👍🏻 我哋叫咗兩個午餐，分別係椒鹽豬扒飯同埋肉醬意粉！🍝 椒鹽豬扒飯，真係冇得輸，豬扒帶有少少肥膏，食落超級香，椒鹽味極邪惡👅 唔會過鹹好惹味！ 肉醬意粉醬汁煮得幾好食，酸酸甜甜，份量又多，係經典嘅茶餐廳肉醬意粉味道！🤩 大家經過，不妨一試！ …查看更多

屋企人食過話呢間餐廳味道好好，佢地既濛粉好冇特色，今次叫左兩款口味既湯檬，又酸又辣好惹味😀酸辣海鮮湯檬 有兩款海鮮包括鮮蝦、瀨尿蝦同扎肉，鮮蝦彈牙，瀨尿蝦平時少見好好味，扎肉帶鹹香，配上酸辣海鮮湯底清爽滋味，食得辣既朋友仔要試下頂級順化湯檬 有齊豬腳、牛腱、扎肉同牛丸順化係越南幾出名既地方，呢個湯底都係辣辣地幾惹味，入面有多款配料，自己最鍾意豬腳，骨膠原滿滿，扎肉平時都係比較少見嘅龍眼冰龍眼冰都好好飲，滿滿龍眼肉整食，味道清甜解膩…查看更多

黃大仙平少比較少黎，前排見網上咁多人推介呢間潮州菜當然要試下啦，呢間餐廳開左好耐不過環境仲係好新淨，無收加一Menu都好多選擇，值得一試潮州蠔仔泡粥 $35 蠔仔泡粥係佢地既招牌之一，潮州粥有啲似泡飯，食倒米飯粒粒分明既效果，味道幾鮮甜，大大碗食完都已經飽飽地，好好味潮州咸菜炒大腸 $45 炒大腸好有鑊氣，食落有咬口，加入潮州咸菜味道甜甜鹹鹹好有驚喜，送飯一流鮮蝦雲吞麵 $33雲吞麵一啲都唔平凡，雲吞份量多又彈牙，麵質好爽滑，食完都飽飽地，下次有機會再試下個鯪魚球…查看更多

週末與好友一齊尋找文青CAFÉ坐一個下午， 一齊放髮慢活一下。今次到訪八O After Eightys, 環境非常符合文青條件，水泥裝修好有質感好靚!雖然多食客，但環境都不太嘈吵， 真心舒服! 香烤美國封門柳配薯菜（8oz) $238封門柳一份大概有9-10塊， 大概6-7成熟， 顏色粉嫩， 脂肪分佈平均，牛味濃郁，入口軟腍又能鎖住肉汁。份量兩人食剛剛好! 牛油果醬薯條$68份量比預期中要多!超抵!粗身薯條現場炸起夠熱又夠脆，點埋牛油果醬一齊食非常夾味，一口接一口停唔到呢~~ 總括係抵食文青必訪之CAFÉ店, 期望下週末再黎食野放鬆!!…查看更多

真係耐唔耐就想食台灣菜同朋友仔喺葵廣行完街台灣癮又起喺附近有間個名好靚嘅餐廳「紫宸」唔洗5分鐘路程一人叫左個主食同飲品炒飯用左珍珠米去炒粒粒分明加上臘腸同櫻花蝦增加香味而且份量一啲都唔少飽足感十足蕃茄牛肉麵湯底滲入酸甜嘅蕃茄牛肉大大件厚切一咬即斷牛肉夠入味麵條又彈牙誠意推介👍🏻暖身之選薑母茶女仔最啱飲尤其生理期飲完成身暖呼呼💨一啲都唔辣台灣之光珍珠奶茶識飲一定叫珍珠奶茶🧋茶香奶滑珍珠煙靭唔好錯過呀❤️—————————————————————🔸 櫻花蝦蛋炒飯 $46🔸 蕃茄牛肉麵 $58🔸 薑母茶 $16🔸 珍珠奶茶 $24…查看更多

旺角有好多餐廳，今次經過一間越式餐廳賣相好似幾好就決定試下，味道都好有驚喜Sen 特色木瓜沙律 平時食泰菜都好鐘意食木瓜沙律，入面仲有好多料，包括牛肉乾、木瓜同青芒，口感豐富，值得一試海防鮮蝦蕃茄湯檬越式檬粉好有特式，今次叫左碗湯檬都好惹味，海鮮控必食，蕃茄甜甜酸酸好開胃，鮮蝦大大隻又有咬口越式香茅燒雞 今次叫左半隻，燒雞大大隻外板燒至焦脆，雞肉嫩滑，同朋友share剛剛好龍眼冰平時好少有機會食龍眼冰，今次飲覺得味道唔錯，粒粒龍眼好清甜，仲要大大粒，抵！值得一試…查看更多

難得入黎屯門做野，走之前諗住係附近食啲嘢，見倒呢間甜品好似幾好食，menu 有榴連、椰皇等系列，連小食都有，選擇都好多今次一個人黎，有好多野想試，不過淨係叫倒一樣🥹揀左個鮮果原味窩夫配雪糕 $68窩夫係即叫即整，外皮幾香脆，內裏鬆軟帶有蛋香，配埋雪糕一齊食好好食，加上唔同種類既水果，食既時候酸酸甜甜有助解膩另外見佢地有個椰子涼粉好似好吸引，平時好少見呢款涼粉，用椰皇水製成，食既時候應該會更fresh🤓下次入開屯門再約埋朋友黎試…查看更多

好耐冇食韓燒放題啦，前排約埋一班朋友去咗位於旺角呢間放題食晚餐，7:30前買單或者9:30後入座仲會有七折優惠，夠晒抵食放題梗係要食肉啦，聽講話韓燒嘅豬肉比較好食，所以自己都叫咗豬頸肉，入口爽口，調味剛剛好，豬腸有嚼勁冇臭味🥰其他肉類味道都唔錯見到台台都有食嘅當然係燒海鮮啦，大大隻既海中蝦同埋帆立貝，入口仲有鮮甜味㗎，同埋佢地個Size 勁大份，食多 2Round 已經回曬本喇，超抵食！！ 鍾意食魚嘅朋友仔可以試吓燒鯖魚，外皮輕脆肉質都幾滑，送酒一流，放題嘅飲品都有好多選擇，下次有機會再嚟…查看更多

作為一個泰菜expert，只要有泰菜既地方就會有我🤣even今日既泰菜係位於馬鞍山，都無阻我去一試既決心💪🏽地點係從來都唔會限制食慾嫁！今日食左三樣野，當中有classic既亦有fusion既，當然仲有同friend吹水必備既啤酒啦🔥咁樣先夠feel嫁嘛🥢鮮柚子蝦球沙律 $78沙律方面呢個算係偏清🥗我試過有啲傳統少少既泰菜館既沙律都會落好多唔同香料，而呢到就迎合番香港人嘅口味👅🥢Pad Thai $85🥢碳燒豬頸肉 $75 另外既主菜同小食都無令我後悔遠道而來，因為佢呢到既Pad Thai都同坊間食到既有啲分別，會係有泰西既感覺🔥而個豬頸肉都燒得岩岩好，唔會話係太燶🍹凍檸茶&啤酒🍺…查看更多