fuuukkkarrsharing的个人专页

近期超人氣food court餐廳，落左單要等至少一個鐘先有得食，但好在店員會打比你叫你去拎餐，唔洗盲中中等好耐🍝白汁牛油蜆肉意粉 $57覺得有啲overrated🥲但性價比確實很不錯👍🏻呢個價錢嚟講，蜆肉數量好多意粉份量大到可以食兩餐/2個人share但要等一個鐘我expect再好食啲🥲意粉唔太掛汁，味道唔算好入味冇咁多人，唔洗等咁耐我會再試下其他…查看更多

入親西貢都一定要食😋😋小店整體感覺乾淨舒服，不過座位真係唔多，基本上得bar枱3個位同隔離一張有枱嘅梳化仔，門口都係有張梳化仔不過有張枱仔可以放下雪糕，所以週末勁多人嘅時候就可能要等下位／takeaway，即使等到位感覺上都唔可以食太耐因為好多人等緊🤢雪糕好軟滑，帶微酸唔會甜😋🍡綠茶糯米糍糯米糍好煙韌，唔甜而且好濃抹茶味，可以中和下雪糕嘅酸味🍫Brownie好實淨而且濃濃朱古力味🥠Lotus焦糖餅整體幾好😋…查看更多

1點左右去到，門口已經有勁多人等緊除左堂食多人等，連外賣都有勁多人等位，人流簡直係絡繹不絕鋪面都算幾細下，得8張枱左右，所以等位都要等幾耐下，前面得3group人但係都要等左半個鐘多啲一入到坐低已經有侍應黎落車，勁快手，所以係門口可以諗定食咩，一坐低就可以落order📝同埋侍應姐姐同老闆都好有禮貌🍛咖哩豬扒飯 嚟到無理由唔試下個招牌菜啩😍😍成碟飯嘅份量超級大，塊豬扒同我手板一樣大🖐豬扒即叫即炸，皮薄多肉，好淋一啲都唔韌，炸粉唔厚但係好香脆咖哩係偏水嘅質地，微辣，帶有微微香料味，入面仲有舊薯仔，不過就唔係好淋個隻咖哩嘅黃係超染色超重個隻，食完記得清潔下啲牙😆🍅蕃茄豬扒飯 相比起咖喱，蕃茄汁係透透地明，而且係杰啲，但係蕃茄味唔重🍛咖哩魚柳飯 魚柳一樣都係勁多同勁大塊，同埋都係炸粉唔厚同埋夠脆價錢都幾貴下，而且飲品要散叫，凍飲＋$18但係如果係附近返工／住買外賣仲抵，外賣比堂食平一半…查看更多

之前都成日聽過嘉樂冰廳啲炒蛋好正好大份，但係估唔到除左食炒蛋，係呢到仲可以搵到好多失傳左嘅味道，而其中一個就係鳳凰奶糊🦚店主曾經表示一星期只賣出6碗，但係如果佢地唔整就會失傳，所以佢地要保留住呢份傳統嘅味道。雖然話係香港傳統嘅糖水，但係我咁大個女都係第一次食同埋聽佢個名😢今次就專程去試下！🥣鳳凰奶糊 $24由濃濃啲吉士包住生雞蛋，食之前攪勻再食，令成碗糖水口感變得更加黏稠順滑😋一嚟到就聞到超級香嘅吉士味，好香奶味同蛋香，成碗糖水帶微暖雖然好香，但係其實食落係冇咩味，係要自己加啲糖先會有啲甜味😆食落又唔係幾食得到吉士味，質地似平時用生粉開出黎啲汁嘅透明texture，有啲似奶皇包嘅餡我自己就覺得麻麻地😂不過作為懷舊甜品同舊式香港味道，點都要體驗一次，認識下我地消失緊嘅飲食文化…查看更多

呢間米線關注組成員冇理由唔識啦今次終於有機會比我試😍6點幾去到已經有幾個人等緊，排左陣已經打哂蛇餅，果然係米線名店😋😋排隊個陣就可以拎張紙揀定好餸，排到比店員開好單就可以安排入座不過坐位方面都坐得比較迫，而且衛生環境麻麻🤢🍜雞肉麻辣BB辣 $47碗米線超級大碗🤩一開始食以為BB辣冇咩料到，但係慢慢食到後面都幾麻，好夠惹味😋🌶加上個場嘅冷氣唔係太夠，真係一到食一到流汗🥵配料有芽菜、肉碎同蔥雞肉好嫩滑，而且都幾大舊不過我反而唔鍾意佢啲米線，對我嚟講有啲淋，我會鍾意食有啲啲彈性嘅米線🥺🥠魚肉響鈴 $10外層炸到好乾脆，真係脆卜卜，咬落「颯颯聲」，脆卜卜嘅腐皮包住啖啖嘅魚肉😍🍢招牌酥炸雞球 $10炸粉超級薄，唔會食好好厚粉，炸到內脆外軟，雞肉十分嫩滑，炸雞十分出色🔥🔥🍹野飲得罐裝同支裝飲品，選擇唔算太多總括嚟講，佢地嘅小食幾出色，而且餸有好多特色選擇，麻辣都好有驚喜😍但係始終食米線，米線嘅口感好重要，我覺得係有少少失望，未到我想像中咁好食🥲加上仲要排勁耐隊先食到，但係環境又唔算坐得好舒服同埋都有啲壓迫咁…查看更多

金園嘅酥皮蛋撻前排勁受歡迎，好好彩今次去到冇人等，一去到就買到😋仲要咁啱遇到新出爐‼️夠哂熱辣辣♨️🥧酥皮蛋撻 $8Size比平時食到嘅大，撻皮好夠厚，聽講係有成足足百幾層😍食落仲好夠酥脆除左撻皮夠厚之外，入面燉蛋都一樣夠厚😋😋燉蛋好有蛋香奶香，好夠滑，仲有少少流流地心咁，食落都唔會太甜😋…查看更多

黑芝麻專門店，店內可以見到佢地有研磨機磨緊黑芝麻，成間鋪都好香芝麻味🖤特濃黑芝麻軟雪糕🍦🖤 $28門外有好多人都係為左呢支雪糕而大排長龍雪糕好香滑，黑芝麻味好濃，尤其配埋黑芝麻醬既雪糕芝麻味更濃🔥整體唔會太甜😋👍🏻推介比鍾意食黑芝麻既朋友🖤🖤…查看更多

🥣開心果豆腐花 $48期待左呢個開心果糊豆腐花好耐😍最貼心係可以揀半糖既糖水😋面頭既開心果糊開心果味好香好突出但食多兩啖豆腐花開始出水，沖淡哂開心果糊既味😢愈食到後面愈變得普通😢食到後面好失色🥲…查看更多

講到黃埔就一定要試下佢地呢間好出名嘅甜品店，有好多區外人黎到都會試，我都唔例外😋🍦焦糖海鹽粉雪冰 $52 必試佢地嘅招牌焦糖雪冰，賣相超吸引😍雪冰軟綿綿，入口即融，上面有一大層嘅芝士奶蓋，配焦糖同爆谷，最鍾意大大粒脆卜卜嘅焦糖😍食到最底仲有雞蛋布甸，但夾埋雪花冰到有啲怪🤣…查看更多

西貢嘅名物除左cafe同泰國野之外，仲多左沙嗲牛👑🍜沙嗲牛肉湯麵 $50沙嗲牛肉麵可以有唔同嘅配搭汁、麵底、肉嘅部分都可以自由配搭，自由度十分大湯底十分濃稠，杰到更加似沙嗲汁撈麵，好濃味，但就冇咩花生味🥜公仔麵帶點硬度，有咬口，麵條每條十分掛湯，吸哂沙嗲汁牛肉係有厚度同質感嘅牛肉，唔韌唔鞋👍🥣老母羅宋湯 $15味道好濃稠，而且好足料，有好多蔬菜同牛肉粒酸酸地帶少少辣，牛尾味好重，味道唔似平時茶餐廳飲到嘅個隻羅宋湯味，未必人人接受到嘅味😳…查看更多

之前試過佢地嘅芋泥包覺得未算好出色，今次再去試下佢地嘅新品，果然冇令我失望😋🥧芋泥麻糬布丁撻 $16芋泥X麻糬X蛋撻一個撻將三樣勁邪惡嘅食物mix埋一切開層層分明，一個撻滿足三個願望，有成4種層次面頭嘅蛋漿換上吉士醬，好似葡撻咁燶燶地撻皮係曲奇皮，好厚口感超實在，質感酥脆，牛油味好出，勁滿足再下面嘅芋泥夾住粒粒芋頭，包住大大舊麻糬，麻糬好厚，拉絲之餘口感煙韌😍成個撻一啖食到勁多重口感😍超推薦芋泥控／麻糬控去試除左出名嘅芋泥包同芋泥撻，佢地其他嘅烘焙食物都好吸引，下次可以再去試下😋…查看更多

▫️超人氣梅窩麻糬波波開到黎中環，日日都大排長龍，即使係平日下晝都要排半個鐘先買到▫️麻糬波波全新熱辣辣新鮮出爐😍▫️買過幾次都係買唔到抹茶，睇黎要排多幾次碰下運氣▫️除左散買一隻味一袋，仲可以$32-35拼3隻味😋麻糬波波外皮脆身，質地厚實，口感夠哂煙韌，中間絕對唔係買空氣，拎到返屋企都仲保持到波波形態🍞原味 $25/6粒入面冇餡，味道似細個食個啲芝麻包，鹹香味，芝麻味好香🍫朱古力 $35/6粒朱古力味突出，翻熱左會有朱古力流心，未翻熱嘅朱古力都會脆脆地🧀芝士 $35/6粒翻熱左芝士都係流心😍芝士奶味幾重🥓肉鬆 $35/6粒第一次試肉鬆味嘅麻糬波波，每啖都可以食到肉鬆嘅鹹香，肉鬆咸咸地好夾麻糬波波，好有驚喜咁多款口味最推肉鬆＞朱古力＞芝士＞原味…查看更多

之前睇其他人post介紹佢嘅開心果蛋糕，作為開心果控緊係要即刻衝出朝聖😍店內坐位得4個，2個店內2個店外，坐係店外望住店員沖咖啡再聽住街聲好有feel佢地每日嘅甜品櫃有大量唔同口味嘅蛋糕同曲奇，仲有隱藏款可以問下店員睇下每日有咩special好鍾意佢地有個電話stand叫大家進食期間，唔好玩電話，好好放鬆🍪開心果曲奇 $50呢個曲奇好有驚喜，店員會先翻熱再上令曲奇嘅開心果味更突出熱左嘅軟心曲奇真係好正，曲奇口感鬆軟，中間嘅軟心有勁濃嘅流心開心果醬mix埋開心果碎，每啖都係濃濃嘅開心果味😍小店位置有少少偏僻，正正係咁更適合靜靜地放鬆下，絕對係會為左開心果曲奇而再訪嘅小店…查看更多

👇🏻👇🏻👇🏻睇埋落去睇下抵唔抵食👇🏻👇🏻👇🏻▫️一入到餐廳已經覺得好似去左西班牙當地嘅小餐館，連侍應都係外國人，餐廳仲播住西班牙歌好似置身西班牙，好有氣氛▫️有其他食客生日全間餐廳嘅Staff都會一齊出黎唱同彈生日歌比個枱客人聽，好熱鬧餐廳主打食tapa，menu上嘅款式多不勝數，見到佢地有個廚師發板嘅tasting menu可以唔洗諗，又可以試到佢地嘅招牌菜第一次嚟食決定試下🧑🏻‍🍳𝗘𝗹 𝗝𝗲𝗳𝗲 𝗧𝗮𝘀𝘁𝗶𝗻𝗴 𝗠𝗲𝗻𝘂 $𝟯𝟴𝟴🍤𝟮 𝗣𝗿𝗮𝘄𝗻 𝗰𝗿𝗼𝗾𝘂𝗲𝘁𝗮𝘀可樂外面嘅炸粉夠哂薄，入面嘅薯蓉好香滑，配埋蝦肉餡，炸得香口美味🥔𝗕𝗿𝗮v𝗮𝘀 薯粒配辣醬，薯粒炸得好香而且外皮唔乾🥖𝟮 𝗣𝗮𝗻 𝗰𝗼𝗻 𝘁𝗼𝗺𝗮𝘁𝗲 𝗲 𝗰𝗵𝗼𝗿𝗶𝘇𝗼 好脆嘅多士上面鋪滿鮮蕃茄醬，上面更有有兩片辣肉腸🫑𝗣𝗮𝗱𝗿𝗼𝗻 𝗣𝗲𝗽𝗽𝗲𝗿𝘀炸西班牙小青椒，味道唔會辣，配上欖欖油＋粗鹽🦐𝗚𝗮𝗺𝗯𝗮𝘀 𝗮𝗷𝗶𝗹𝗹𝗼 𝟰 𝗽𝗰 (𝗧𝗠)蒜油蝦勁大隻，蝦身已經剝哂殼，食落好方便蝦肉好入味，蝦肉彈牙之餘，每啖蝦肉都充斥住好香濃嘅蒜香味配埋脆卜卜嘅多士露以點埋蒜油，令多士亦都同時充斥住蝦同蒜香嘅味，成碟都好出色🥗𝗧𝗼𝗺𝗮𝘁𝗼 𝘀𝗮𝗹𝗮𝗱 蕃茄沙律加上生洋蔥粒同橄欖油，酸酸地又好爽口🐟𝗦𝗲𝗮𝗯𝗮𝘀𝘀 煎鱸魚外皮煎得香脆，魚肉十分嫩滑，配上蘆筍同薯仔，薯仔粒同前面嘅薯仔粒一樣外脆內軟🥩𝗕𝗲𝗲𝗳 𝗰𝗵𝗲𝗲𝗸 牛頰肉煮得好淋好淋，而且牛味好重，係成餐飯其中一道回味無窮嘅菜式😋🥘𝗣𝗮𝗲𝗹𝗹𝗮 𝗺𝗮𝗿𝗶𝘀𝗰𝗼海鮮好有鮮味，但係會係咁多樣食物入面相對有啲失望嘅，整體味道偏淡，而且飯粒偏硬同痴底已經好飽，但估唔到跟嘅甜品都有兩款😍🍰𝗖𝗵𝗲𝗲𝘀𝗲𝗰𝗮𝗸𝗲 芝士味好濃郁，口感夠creamy，蛋糕上面加上熱情果醬，味道夠哂酸可以中和芝士蛋糕嘅膩🧁𝗖𝗵𝗼𝗰𝗼 𝗺𝗼𝘂𝘀𝘀𝗲 好香滑而且朱古力味好香濃🍷𝗦𝗮𝗻𝗴𝗿𝗶𝗮 𝗥𝗲𝗱 𝗝𝗮𝗿 $𝟭𝟭𝟱有分紅酒同白酒，侍應好好咁比哂兩款酒我地試，紅酒偏甜，白酒會酸啲，最後揀左紅酒，會比一壺我地，入面除左紅酒仲加左水果估唔到$388可以有成11道菜試，仲要有埋Paella同甜品，真係幾抵食，而且質素都高，味道好有風味，11道菜入面有埋paella真係好抵食！第一次試味道我覺得好有驚喜，而且好有氣氛，會再試！…查看更多

又嚟到鰂魚涌呢間藍色小店，之前黎食佢地嘅scone得返一隻味，今次幾隻味都有😍緊係要試哂佢佢嘅scone唔係英式鬆餅，平時食英式鬆餅嘅款式就多，但呢間佢地係KFC個隻鬆餅Scone全部都翻熱左😍食落外脆內軟，咬開嘅scone好鬆化，每款都可以食到好重牛油味🌋火山石 $36想試好耐嘅火山石姐係焙茶＋麻糬😍麻糬真係好煙韌有咬口，但焙茶味都係偏淡🥥斑蘭椰子 $30雖然班蘭同椰子味唔濃，但係可以隱約食到佢地嘅存在，面頭仲有啲椰絲烤脆左🧈琥珀 $28其他口味都係偏淡，但原味嘅牛油味係最濃同最重，所以原味味道最出色🤣…查看更多