Tweety_wl的个人专页

好耐之前試過鍋心，覺得海鮮新鮮好味，咁多年後再試真係有啲失望，海鮮還可說是新鮮，不過size就冇諗過孤寒到呢個點。我哋揀咗蟹同龍蝦呢個餐，所以價錢是$298最平一罐可樂都要$15，每人飲咗兩罐，所以平均消費$330蒸海鮮前：一盅雞腳湯蒸海鮮後：－盅雪耳糖水套餐是包：1. 龍蝦+蟹2.另外有10款海鮮或其他食物裏面選六項我哋就揀咗：1. 鮑魚 ： 正常，大約$5銀size，選擇陳皮蒸，但係完全唔入味2. 蝦 ： 真係好耐未食過一隻手指嘅蝦仲要開邊蒜蓉，孤寒到呢….3. 蟶子：豉汁蒸size正常，味道好味4. 多寶魚 ： 豉汁蒸每人大約三嚿，啲魚肉好滑好味5. 花膠包豬肉卷 ：每人兩舊，一舊約尾指嘅size，另一舊係半隻尾指嘅size，好孤寒….6.秋葵釀蝦餃：秋葵size約一隻手指，仲要開邊去養蝦膠呢一款係我覺得最過分嘅。最後有八寶飯，相信佢知道自己係提供袖珍迷你版嘅海鮮盤，就比一盤巨大嘅八寶飯，兩人份量大約有4-5大碗。服務方便，食咗幾款隻碟有好多汁要求碗碟，但係當聽唔到😅，不過蒸海鮮係員工幫手你唔需要動手。 地方有啲逼夾，可能是我哋唔好彩，坐喺個垃圾桶隔離（只隔一個身位），成晚都聽到嘭嘭嘭，因為員工倒垃圾落去，感覺非常不良好，好擔心啲垃圾可能會彈到我哋啲生海鮮上。如果想食優質嘅海鮮，真係唔好揀呢間，真係到喉唔到肺唔知自己食咗啲乜，我應該唔會有第二次再嚟。…查看更多

較早前因為屋企人生日，需要買蛋糕，所以搵資料搵咗呢間蛋糕店，知道入咗會會有優惠，所以就做咗會員啦。 第一次是買佢嘅Sigature 玫瑰西瓜蛋糕，是有玫瑰味，西瓜味的，但味道我就覺得普普通通，不過就係健康之選，不會太甜。因為做咗會員，可以單件蛋糕買一送一，今天路過就試咗兩件，竟然有驚喜兩件都好好食 😋1. 芒果蛋糕當然要試埋佢另外一個signature。起碼有四層唔同口感，其中一層係芒果蓉，整體口感好豐富，好食👍2. 榴槤蛋糕都有幾層，不過有兩層( －層厚一層薄）都係榴連蓉，超正👍，真係好重榴連味，好滿足，不過食完又晤會好甜，唔會好口渴呢個brand d 蛋糕, 真係幾健康，不過真係有點貴，buy1 get 1, 就cp 值就高啦。…查看更多

今日下晝同朋友嚟咗呢個新商場行街食tea，之後朋友要早走，之後自己在逛咗一陣，見到呢間台式餐廳本來吸引我嘅係佢嘅Bubble tea, 不過之前食tea已經飲咗杯特飲，所以冇再飲，跟住再睇吓餐牌其他嘢，又發現久違咗嘅台式甜品芋圓，豆花等等，所以就入去試吓。1. 雞湯抄手 $68-其實即係鮮蝦雲吞，喜歡佢有少量嘅A菜，個湯好鮮甜，蝦好爽雲吞好味👍2. 台式綜合豆花 $48-我嗌咗熱嘅，呢個甜品有紅豆，綠豆蓉，芋圓，豆花； 紅豆好甜，食完一啖再食淡味嘅豆花同芋圓就好夾，好食😋…查看更多

今日同朋友到咗呢個新商場SOUTHSIDE, 以為好多人好難搵食，但可能係落雨嘅關係人不太多，兩點到達，整體上呢個商場每間餐廳都不用等，揀咗呢間新派泰式菜。兩個人嗌咗一個拼盤，生菜包及兩杯特飲1. 拼盤有五款$198：蝦餅，魚餅，串燒雞，春卷及米紙卷- 整體上五款都幾好食，蝦餅好食，不過有啲實要好用力先至咬得開。2. 生菜包$1xx : 應該大約可以包到六至八塊-肉味道有點辣肉但我覺得唔夠味3. 兩杯特飲$5x 兩個人食咗$538，價錢可以，不過特飲要50幾蚊，我覺得有啲貴。…查看更多

今日響呢個新商場SOUTHSIDE 行街，有點口渴，行過見到呢間舖試吓個鴨屎香檸檬茶$38，雖然是星期日，但可能落雨關係也不太多等嘅人，只有一兩個，所以約5分鐘左右就攞到我嘅飲品，整體來說好飲，好飲過嗰間好出名嘅‘鴨屎香檸檬茶‘ （林x檸）好多…查看更多

同朋友一行六人聚會， 想食片皮鴨搜索後搵到呢一間，comment 唔錯，就試吓，不過冇評語寫得咁好，有點失望，冇乜特別唔會再去1. 片皮鴨一隻，隻鴨好食，被夠脆👍但未見過咁細隻鴨，包住食嗰啲配菜，雖然有9小碟，但一睇就知唔夠，食完後問侍應可唔可以加，竟然話要加錢👎2. 小籠包 ， 皮薄好食👍3.拼盤4小碟，好一般味道麻麻4. 松鼠黃魚，未見過咁細條，你覺得揸得唔趣？👎5. 炸蠔，正常 😐6.高力豆沙，揸完都係扁扁，好厚，好一般 😐7. 玫瑰豆沙鍋餅8.酒釀丸子， 正常 😐冇乜特別唔會再去…查看更多

我第一個post， 因為今日真係等到我好唔12:30開心，撳咗飛仔已經等咗半個鐘，入到嚟落咗單，等咗20分鐘都未到，去問職員， 男職員態度極差話，‘我要做乜做乜做乜’，即係俾說話我聽唔得閒，另一女職員就話已經再入咗間幫我追，但再等多10分鐘都未到，最後食物要1:03pm先到，我是12:35pm落單，即足足等3半小時，其實觀察到樓面得三個人，人手是嚴重不足。食一碗米線，要一個鐘， 真係絕對唔值， 決定唔會再嚟…查看更多