cvic609的個人專頁

香港人天氣凍鍾意打邊爐，天氣熱更加鍾意打邊爐。 今日雖然熱熱地，諗起朋友介紹一間性價比極高嘅火鍋放題，半島漁港任飲任食火鍋仲有海鮮都只係$238唔使諗即刻入去，我哋今個星期係送雞茸燴燕窩火鍋自取材料種類夠食，食完一round已經好飽罐裝啤酒都係任飲，飲多幾罐啤酒已經回本除咗刺身拼盤，仲有多一盤海鮮亦非常新鮮湯底我哋揀咗鴛鴦湯總括嚟講呢個價錢咁嘅質素絕對會encore佢仲有好幾間分店，總有一間喺屋企附近…查看更多

今日同屋企人一行4人黎到旺角一鍋堂，未到7點上到去已經人頭湧湧。等緊入座既時候見到門口有一排大雪櫃，裝滿自助飲品同埋蔬菜，飲品選擇好多，蔬菜亦都好新鮮。另一邊就有冷盤同麵食，擺得好整齊乾淨。等入座既時候已經揀好湯底，所以一坐低就即刻上枱。佢地湯底款式好多，揀左個鴛鴦鍋，一邊係藥膳一邊係喇沙。而佢地既點菜方式係用QR code掃描，方便又環保♻️到最重要既食物，味道普遍都唔錯，尤其是自家製既食材，手打丸類同墨魚滑。好新鮮好好食！魚雲夠滑，雞肉醃得夠入味大吃大喝一輪，加埋一每人都係二百蚊，性價比極高 難怪咁多人！下次一定會再黎…查看更多

尖沙咀brick lane食過好多次，銅鑼灣呢間就第一次黎。呢度環景好靚好舒服首先點左個黑松露蛋黃醬薯條，薯條炸得好香脆，店員話佢地用黑松露油去炸 唔怪得咁香喇。加上黑松露蛋黃醬 實在太美味！跟住點左個set dinner，starter係天婦羅牡丹蝦沙律，夠清新。而上面既花食係用花 全部都可以食落肚既。主菜揀左美國有骨肉眼，好夠份量，牛扒好香肉味而且油脂分佈平均。跟住單點左個西班牙紅蝦扁意粉。西班牙紅蝦主要係食佢既蝦頭同蝦膏，所以知道蝦身肉質係偏軟身。而意粉亦好香龍蝦汁味最後係甜品焦糖香蕉脆煙肉鐵鍋班戟。班戟焗得好香，如何加上一球雪糕就更完美了。值得一提既係而家好提倡走管，但其實飲野會有啲唔方便。而店員話Brick Lane就用上天然植物纖維吸管，雖然成本比較高，但物料可以完全分解。咁就又方便又環保♻️…查看更多

今晚黎到永光商業大廈既一間日式串燒居酒屋，裡面充滿左好多豬類既佈置同擺設 一睇就知呢間既拿手菜係咩喇當然除左豬之外，仲會有其他選擇喇。前菜方面，店員推薦我地試下今日既精選 粒貝。好似螺肉既口感 但係比佢更爽口之後仲有味噌煮油揚同豬手，兩款食物都吸收哂味噌湯汁 好入味食完前菜，燒物都陸陸逐逐送上。先係燒帆立貝，帆立貝本身已經好新鮮，再燒一燒更加提昇左佢既鮮味👍🏼之後見到有個好可愛既工具，原來係比我地拆開啲食物，方便share之後到串燒肉類既時間，當然要試下佢主打既豚肉。有好多種唔同既部位選擇，我地試左豬頭肉，豬腩骨肉同豬耳芝士串。果然好出色，肉質爽口，豬既油脂分佈平均，食落香而不膩。岩岩試過佢地既海鮮好新鮮，所以叫左原條燒活魚 果然好好食。最後既椰子雪糕更係好驚喜，雪糕好滑又帶有好香既椰子味埋單既時候 店員同我地講用微信scan個QR code, follow佢地個page 全單就會有9折優惠。真係好滿既一晚…查看更多

星期日想搵個地方同朋友飲下酒 傾下計，朋友帶左我黎灣仔既燃燒🔥呢度有happy hour啤酒任飲+小食任食兩個鐘 先二百蚊一位，係平時係酒吧飲兩杯既價錢，所以睇見已經相當吸引！燃燒🔥有兩層樓，位置遠離灣仔鬧市區，所以特登要求坐係樓下，對住街景 飲杯啤酒 相當舒適。既然第一次黎到，就每款小食都黎一round 咩都試下。每款小食都好精美，配埋啤酒 真係一流👍🏼我最愛既就係個炸雞翼同芝士焗薯條，本來想再encore 但係食完一round已經好滿足了同朋友邊飲邊食邊傾計，最後埋單每人$220，勝價比實在好高👍🏼已經約定佢下次再黎了！…查看更多

朋友推介呢間豊勝手丼，今日特登黎試下。店裡面不大，好有日本小店既感覺。睇睇個餐牌，有好多選擇。正在煩惱唔知食邊款既時候 店員問下我地 冇咩特別唔食之後 向我地推介左個廚師發辦丼。好少丼飯餐廳有呢款 所以就一於試下。丼飯附上麵鼓湯 豆腐同沙津，廚師發辦有5款唔同既魚生，海膽香甜 新鮮，鮑魚爽口，其他魚生全部都好好味 果然冇介紹錯！另外朋友就叫左個鹽燒鯛魚定食。好驚喜呢度仲有熟食選擇，岩哂朋友唔食得太多生野。埋單每人大慨二百零蚊，價錢合理👍🏼…查看更多

幸福pancake係從日本開來香港的pancake店 所以一定好多人排隊，今晚我地6:30黎到 等了半個鐘先可以入座。到晚上好多餐點都售罄了，本來想點奶茶口味的也賣完了。所以點了一個原味的幸福班戟和朱古力香蕉班戟。價錢方面，都係一百到百多元一份。而點餐就要自己拎個牌出去比錢，點完一次後就冇得再加單。兩款的班戟都是一樣的，只是一個多了朱古力醬和香蕉。味道來說我覺得不差，但沒有很驚喜的感覺。如果要排隊的話 就不會再吃了。…查看更多

第二次光臨養心殿，今晚黎到銅鑼灣店 依舊熱鬧。呢度同其他分店一樣 地方夠大，坐得舒服。首先都係揀左鍋底先。朋友唔太食得辣，鴛鴦鍋底就岩哂喇。一邊當然係必點既麻辣，另一邊就試下薑母鴨鍋 因為平時出面好少有。養心殿既麻辣鍋底確係有台灣風味，鍋底既鴨血好嫩滑，凍豆腐吸收哂湯汁，好惹味。而薑母鴨鍋底有豆皮、豆腐同鴨肉。淨係鍋底已經好豐富。火鍋必點既雪花肥牛，每一片牛既雪花紋都好靚，食落好香牛肉味。丸方面就點左兩款比較特別既黑松露蝦丸同鵝肝墨魚丸。兩款都係手打 好彈牙，黑松露同鵝肝味都夠濃。而呢個係必嗌既油條，炸得相當香脆，只需要淥5秒 口感最好。最後仲有新鮮蔬菜🥬同寬粉條結尾。寛粉條口感煙靭，吸收哂啲湯汁精華。食完之後真係好滿足！…查看更多

位於高鐵站，全香港第一間春水堂實在令人失望👎🏼👎🏼👎🏼黎呢度既人多數都係趕搭車既，我見到冇人排隊既情況下買左一杯。結果等左十幾分鐘先做好，如果有人排隊既話 究竟要等幾耐？ ！其間見到店員好慢好慢咁整，就麻煩佢地整快啲，因為要趕搭車，結果店員完全無視我，唔望我亦都冇回應，非常冇禮貌！珍珠奶茶既味道亦同台灣差好多！以前係台灣飲過春水堂，服務同味道都好好，令我對香港春水堂好期待。結果完全失望，唔會再反轉頭了....…查看更多

風雲丸係灣仔開左一斷時間，每次經過都大排長龍 所以都未有機會試到。終於等到佢係尖沙咀開第二間店。今日行完街9點幾 見到佢門口唔太多人等 就一於試下。睇睇個menu 除左沾麵之外仲有飯。佢既炸雞同煎餃子🥟睇落亦好吸引。而沾麵既麵底仲可以選擇份量，好岩我 食得唔多又唔怕浪費第一次食 就叫左最受歡迎既石燒濃厚豚骨魚介味玉沾麵。沾麵既湯係用石鍋裝住，上枱既時候仲係好滾。沾麵麵底彈牙，湯底好濃魚介香味，每條麵都掛上湯汁 好好味👍🏼 上面既豚肉極度鬆化，入口即溶，玉子亦夠流心。食到最後沾麵既湯都唔會凍哂，好保溫而朋友就叫左個石燒辛辣豚骨魚介沾麵，試左一啖，湯底好夠辣，魚介味都好香濃。不過真係幾辣，食得辣既朋友先可以食哂成碗風雲丸可以話係我暫時食過最好食既沾麵，價錢合理，下次會再試下其他口味！…查看更多

最近我迷上川辣，特別係烤魚。試過好幾間但係又貴又冇個種正宗既川辣味。上個禮拜黎到八一蕃，終於比我食到正宗既烤魚喇！平日夜晚黎到坐滿人，睇一睇餐牌 價錢好合理。烤魚可以揀全魚、大邊、細邊。兩個人黎食都唔怕太多，仲有好多口味可以選擇。呢度除左烤魚仲有涼拌同串燒，好想試下啲串燒，見到格黎枱食 好香好吸引。但係兩個人實左食唔到太多野，下次要叫多啲朋友黎！今次主要想食烤魚，所以叫左大邊，加$38有埋全份配料。等埋水滾既時候可以食住涼伴皮蛋。烤魚好鮮，魚肉彈牙，辣辣地好惹味！兩個人食大邊好滿足，所以配料只係加左份鵝腸同薯粉。食烤魚配薯粉實在絕配…查看更多

御前大江户之前好難訂到位，等左一排 平日夜晚終於訂到！餐廳位置係亞太中心，姐係apm旁邊既商業大廈，實在方便一入門口就會見到佢個salad bar，後面係飲品同甜品區，飲品好多選擇，影都影唔哂之後一坐底餐廳會每枱會送上一桶磯燒海鮮，有大虎蝦、活飽魚、元貝、甲羅蟹殻同美國珍寶蠔。以上如果再encore的話就要加錢，但兩個人食哂呢桶都好夠食枱上有一張磯燒秘方，跟住佢就開始燒喇海鮮全部都好新鮮，好好味。特別係甲羅蟹殻，好香蟹膏味！睇住佢慢慢燒熟 又有燒烤粉自己調味 真係好過癮！等海鮮熟既同時，可以食住刺食同熟食先，食物上得好快而且同樣有水準最後燒埋兩隻大生蠔，職員好好幫我地開生蠔同剪好。食埋甜品，今餐實在太滿足！晚市平均每人三百頭，好抵食！！…查看更多

尋日突然好想食台式麻辣火鍋，即刻訂左養心殿收工去食。養心殿係香港好多分店，今次就試下尖沙嘴呢間 夠就腳！黎到見到有個promotion 12點至8點半有7折優惠。下次一於一放工就衝過黎食！平日夜晚都好多人，好彩book左位。入到去二人座位都好濶落。呢度有6款鍋底，款款都好吸引，所以就嗌個鴛鴦 一邊係必點既麻辣鍋，一邊係養顏既美人鍋。美人鍋好足料，有一份烏雞又有桃膠非常滋蔭！係未落料前都飲左一碗湯，好清甜好好飲😋而麻辣鍋亦好有台式辣味，鍋底既鴨血好滑，豆腐吸哂湯汁。鍋底愈煮愈辣，愈食愈香！平時打邊爐好少點海鮮，因為通常都係時價。但係呢度既蟶子皇寫明$48一隻，就點左兩隻試下，果然好新鮮又大隻！食火鍋點少得肥牛，點左碟極上雪花肥牛，就咁睇牛肉既紋路已經好靚，而食落都好重牛味👍🏼佢地手工丸每款都好特別，所以點左拼盤每樣都試下。分別係芝士牛肉丸、墨魚丸、蝦丸、黑松露蝦丸、鵝肝墨魚丸同梅菜豬肉丸。每一款都好彈牙，好出色。而我最欣賞既係鵝肝墨魚丸，一小粒既鵝肝包係墨丸入面，但係食完可以令你成個口腔都充滿住鵝肝既香氣我地仲點左老油條、萵筍、寬粉條都好好味，難怪佢地可以開到咁多分店喇…查看更多

人多最岩食放題 自己嗌自己中意食既野 又唔洗就住嗌。今日同屋企人一行4人去旺角試下番本 食番夠本！黎到有得坐卡位 仲有得睇街景，環境都幾舒適。而每枱都放左一個迷你蒸氣火鍋爐 好特別🤙🏼放題菜單尤如字典咁厚，選擇都幾多而最吸晴既就係哩樣！加$10就可以任食生蠔 而且仲好新鮮 實在抵食！飲品有茶同各式各樣汽水唔在講，最特別竟然有清酒飲🤙🏼清酒配刺身一流，而佢地既刺身而好新鮮 特別係白玉拖羅 好肥美🤤其他燒物同炸物都好出色，天富羅既炸粉唔太厚，而呢個炸雞軟骨更係香脆而不油膩😋又飲又食埋單都係大概二百蚊位，一定會再黎！！…查看更多

作為蒜頭超級fans既我 知道香港有間以蒜做主角既餐廳 緊係要試下！黎到坐低就見到牆上面掛住一大個蒜頭圈圈裝飾 打開menu全部都同garlic有關，真係睇見都興奮！🤤🤤嗌左個starter 用蒜頭蕃茄汁煮既八爪魚同蜆，好適合點法包主菜係牛柳 叫左3成熟，牛上面有粒燒香左既原粒蒜頭 就咁食都好好味。而牛柳亦做到3成熟效果，肉質粉紅但又不帶血水👍🏼第二個主菜係海鮮意粉，menu 上面有兩隻辣椒🌶️🌶果然好夠辣！最後亦係我最期待既甜品，估唔到連甜品都可以用上蒜頭。香蕉pizza加上好香滑既vanilla 雪糕，每片都有粒蒜頭，看似奇怪 但味道竟然出奇地夾，甜甜咸咸咁 好好味！…查看更多