MandyCheung1432的个人专页

今日假期，晚上和家人專登乘車去九龍城食清真牛肉館，但門口排長龍，比平日多旺場，只好先往鄰近吃一吃串燒再回頭再排隊，等了差不多30分鐘，有枱了，坐下我們只是叫了兩樣，－碟是咖喱羊，另外一個是招牌牛肉餅，再加叫一個飯，兩杯豆漿，已經非常足夠，可能因為我們已經吃過了串燒，所以已經不是太餓，平時一定叫多一點，每次吃呢個牛肉餅味道都很有水準，不會有太大差距，只是今次有少少咸，似乎重手了一點調味，而咖喱羊就無得彈，一如既往的好，無話說，下次再來，支持本地消費👍…查看更多

平日經過這間家家戶戶都見到客人不小，常常想去試一下，上星期五同朋友lunch time 去試吓，時間尚早，還有枱可以挑，坐下來，感覺環境很有韓式傳統嘅感覺，很舒服，點菜也很自助，只要客人自己寫下套歺編號再交服務員便可，叫咗當日優惠的辣豬肉石頭飯套餐，包一個豬肉石頭飯+4小碟韓式前菜同埋一碗海帶湯價錢都只係$69我覺得性價比非常之高，而且味道唔錯，質素都非常高，真係非常抵食，所以，寫一寫食評推介俾大家，下次會再去試吓其他套餐…查看更多

今日去開油麻地都唔知食乜好，同其他人一樣去open rice 睇吓有乜好介紹，搵到呢間村爺爺車仔麵，初初以為普通嘢⋯⋯點知去到，竟然見到有條長長的人龍，本想離開，但諗諗吓，咁多人等應該都係好食先會有咁多人等，唔趕時間嘅我就繼續排落去。無放棄。好快到我哋啦，入到去原來都幾好坐，門口接待客人嗰位靚女都好有禮親切，坐低叫咗個雞件魚腩雜菌泡飯，白飯是分開的，呢個好好，我選擇了蟲草花雞湯底，門口個𡃁女推介，第一啖飲就已經覺得好甜，雞件好嫩滑，鯇魚腩都好新鮮，類菌主要係秀珍姑，金姑，整體份量好夠，白飯一大碗，我都食唔晒，下次要叫小飯，下次會再去幫襯，不過，美中不足係餐牌都寫得幾亂，第一去真係睇到眼花花。除此之外，堅無得彈，呢個價錢已經算係對得住食客，抵讚㗎。…查看更多

今日同屋企人去左佐敦食咖喱，我哋通常會去一間接近廟街叫阿龍巴基斯坦咖喱，之前係朋友曾經帶過我哋去食，一食就食咗好多年，但依家先至諗起想寫一寫食評。今日如常叫咗平日食嘅咖喱牛肉同咖喱雜菜，佢哋嘅咖喱同出邊一般嘅茶餐廳咖喱我或者係大集團嘅咖喱係好唔同，佢哋嘅咖喱係落咗好多洋蔥，所以真係好好食，令人回味而且都好足料，牛肉好嫩滑好入味，我次次都會叫咖喱雜菜，因為佢哋嘅集材款式真係好多有西蘭花有椰菜花有山菜芥蘭有菜心，我暫時就記得係呢啲應該都唔止咁少。今日去我仲發現佢有好抵食嘅下午茶，都只係唔使$60好抵包括有咖喱牛腩咖喱牛筋咖喱雞，平日正價嘅價錢又平好多喎。同埋佢嘅薄餅都要推薦一下軟硬適中，用嚟包住啲咖喱食好好味，食歺嘅時候可以跟返亦都可以跟薄餅，下次我會繼續幫襯。不過希望老闆可以除咗汽水之外，我建議可以增加一啲健康啲嘅飲品，例如烏龍茶，綠茶，涼茶等等令到客人可以多啲嘅選擇，其實汽水都係唔係幾健康。…查看更多

昨天同朋友去左長沙灣食午餐，行左去一間叫金園嘅舊式茶記試食，去到時候見到門口排長龍，等咗一陣好快就有位，一坐低感覺都有啲壓迫感，因為不斷有侍應問你食乜嘢，好似好急住落單咁，諗緊食乜嘢嘅期間，有個女侍應建議我食佢招牌嘅黑椒炒意粉可以配唔同嘅菜式例如牛肉豬扒話係最出名嘅，咁我就聽佢講就試吓叫咗一碟黑椒牛肉炒意粉，等咗一陣好快就上枱啦，我食第一啖牛肉好零碎份量唔多，而且意粉都幾油，意粉份量都唔多，以女士嚟講只是剛剛好，我相信男士應該唔夠飽，而我朋友就叫咗個特餐，佢個奄列啲蛋就煎得過火好老，而且佢個沙嗲牛意粉當面都好油，奶茶都尚算OK，價錢來講唔算平都偏貴，我哋覺得呢個價錢唔算好抵質素都一般，係同區應該有更加多更好嘅選擇，唔明白點解咁多人會排隊？目測佢嘅蛋撻應該唔錯，賣1O蚊－個，下次經過可以買一個外賣試吓🤭…查看更多

上星期六18號去搵地方食午飯，去到深水埗一間叫生龍清湯腩試吓佢嘅牛腩好唔好食。朋友話佢嘅咖喱唔錯，當日入到去客人好多咁啱我哋就遇到有一台人走，於是我哋就入咗去食啦。朋友就極力推介佢嘅咖喱，但我就話我好想試下佢嘅原味牛腩好唔好食，於是我就叫咗一個原味瑤柱牛腩飯嘅午餐$56（一點飯加一杯嘢熱飲），牛腩數量算多嘅，但肉質不嫩滑而且有點黐牙，所以我嘅評語係一般，但呢個價錢都可以接受囉，叫做食得飽。不過聽到好多人叫佢嘅咖喱牛筋肚飯，相信可能比較出色，唯有下次比機會再試吓，熱奶茶就👌…查看更多

今日朋友帶我去長沙灣食午餐，我哋行咗去接近深水埗一間叫做愛群嘅西餐廳，門口貼住免加－，入到去我哋兩個人坐喺卡位非常寬敞，當時係中午時間客人唔算好多，佢哋嘅午市套餐都有五六款，我就揀咗食雞扒拼芝士腸意粉加熱奶茶，羅宋湯配餐包，非常抵食雞扒大大份奶茶都好好飲，唯一美中不足就係個意粉比較硬身，呢個價錢仲包埋餐湯都算係經濟實惠，我朋友就叫咗鰻魚帶子炒飯同榛子咖啡，羅宋湯跟餐包，佢個飯都好大碟，朋友話都幾好食，但即磨嘅榛子咖啡就比較甜（佢係冇加糖嘅）。不過總括嚟講都好抵食，下次值得再去。…查看更多

今日同朋友去咗九龍灣德福廣場行吓街食吓野，突然間二口同聲話想食拉麵，就去咗一間叫大門既日式拉麵店，進店來看看環境尚算不錯，而且座無虛席。我就叫咗大門拉麵因為唔係太肚餓，朋友就叫咗大門特色拉麵加炸雞飲凍檸茶，我就覺得大門拉麵湯底唔錯，唔會太油同太咸帶少少辣味而朋友仔叫嘅大門特色拉麵就多隻滷蛋同有四五塊紫菜，份量都足夠，而佢哋嘅炸雞，味道唔錯，值得推介。呢間大門拉麵店仲有好多定食套餐同唔同嘅小食，下次會再嚟幫襯，價錢中規中矩亦唔算太貴。…查看更多

2023年1月18號晚上，朋友話帶我去飲湯，我就問：咩湯呀？好好飲嘅咩？⋯⋯之後我倆二話不說，隨即走進女人街去搵呢間店舖，上到去招呼都唔錯，雖然我哋兩個女仔冇打電話訂位，可能時間尚早大概7:00左右，去到近門口仲有幾張枱，一坐低朋友就嗌左一個招牌杏汁豬肺湯，跟手就叫我隨便點一個菜，佢話好足料，有湯有湯渣嗌多個餸，我哋兩個就已經夠食㗎啦。好快就有湯飲一打開蓋濃郁嘅香味傳出來，奶白色嘅湯底，睇落已經非常OK，之後將湯渣放入大碗中，最值得讚嘅就係豬肺好企理，因為豬肺咁麻煩處理，通常屋企都飲唔到，所以推薦各位呢個湯真係值得試，至於另一個餸，我叫咗馬拉盞時蔬炒牛肉，落單嘅時候仲問我哋要乜嘢菜，可以揀菜心芥蘭西蘭花，炒嘅牛肉都好入味同嫩滑，如果真係要彈嘅話只係多咗少少油，可能我哋女仔來講都比較鍾意食得少啲油，下次會再光顧的，希望再有驚喜。…查看更多

今日同朋友去旺角唔知食乜好，諗起有個朋友話有間叫炑八下午茶歺好鬼抵食⋯⋯於是馬上查上open rice 訂咗旺角炑八。去到覺得環境好好，空間感好好，唔會好迫，坐得好舒服！下午茶set 都好抵$38 加小食 $4 up 加飲品$5 up 真係係油尖旺區來說，我敢講真係難求，因為份量唔小，我個人來講⋯⋯真係好滿意，仲無加－添。個人推介下午茶燒牛蛋包飯同安東雞扒蛋包飯，小食：泡菜同芽菜都ok。下次有機會再去試吓晚市，唔知韓燒質素又係點！…查看更多

今日凍凍地同朋友仔一齊去咗銅鑼灣試食牛大人嘅打邊爐午市套餐，睇完價錢牌之後就揀咗中間㗎嘅午市套餐$178，另外揀咗鴛鴦鍋一邊再打肉一邊就打菜，感覺非常好，非常滿意。雖然得90分鐘，但係都可以任食任飲時間都叫做足夠，最後仲送咗台式嘅甜品。總括嚟講牛嘅質素唔錯，有口感，選擇多，蔬菜種類又多，飲品都唔錯，我自己就最鍾意飲洛神花茶好開胃，啱晒食到飽，用嚟燒製。呢個可以下次再去。今次第一次去⋯⋯用左多時間去落單，所以食得比較急，下次佢可以省卻好多時間，可以食得更加輕鬆，因為其實90分鐘都好快過，值得推介俾朋友。…查看更多

今日三兩知己前往九龍城廣場試一試新潮素菜，店名叫一禪，店舖環境簡約，枱數不多，food menu 款式不多，今日我哋揀咗人氣的咖喱椰菜花飯，越南春卷同大啡菇堡，亦試飲咗凍豆腐焙茶，莫卡同鮮奶咖啡。整體不過不失,但係感覺價錢略貴，食品方面有改善空間，咖啡拉花圖案極速溶化，如果需要影相就要快點拍下免得走樣，而且豆腐焙茶個人認為熱飲比冷飲更好！同時，基本香港人常飲的檸檬茶或水亦欠奉，主打咖啡和豆腐飲品及花茶，建議店鋪提供更多選擇給客戶。…查看更多

今天放假入咗去紗廠試朋友推薦Fleur. 的 tea set ，第一次入去紗廠覚得非常文青充滿藝術氣息，而且，很多特別手作品，非常吸引。之後，行累了就去尋找Fleur 去歎個tea set 。一入店鋪，感覺非常舒服，環境乾淨，優雅，服務員非常有禮而且耐心細說食品。今天叫了一客生果tea set ，非常特別，蛋糕底，生果面，口感豐富，又不失健康原素，有多種生果，堅果再配合cold chill tea ，我選了荔枝味和蘋果味，賣相超預期，而且口味清新，又靚又好味，最重要是不太甜⋯⋯吃得非常愉快，價錢相宜，下次一定再去試其他食品！大愛。…查看更多