NamB的個人專頁

今次係二訪，但確實好失望。因為我地係即日book 嘅所以唔夠時間pre order。首先音樂係大聲到唔知點傾計，幾年前黎食都唔係咁。每個菜式都係好一般，可能外國遊客會覺得好好食，但我食完今次唔會再返黎。我印象中上次食過個蟹係好出色，性價比極高～ 所以就算早前聽聞係換左主廚所以唔同左，但自己之後未食過都唔想認定佢嘅唔同。唔試唔知，試左就死左條心。餐廳環境係唔錯不過如果兩個人張枱係好細唔知而家仲有冇得request 要大d枱。…查看更多

本來book 唔到早d 只有8pm, 但前一日confirm booking 時俾我地改到7pm.去到門口staff 有解釋下個menu, 不過由於事前我都有睇過下d comment 同食評，大概都知個玩法。2小時all you can eat, 落單就只有頭1.5 小時，可以坐埋最後半小時。我地叫左Prime 個package, 因為我同朋友都係seafood lover. Starter 係自己手機落order, 每次可以叫4 款（每人兩款，飲品同甜品都計）跟住就要等10 mins 先可以再手機落單。而main 呢就要叫d staff 落order, 兩個人每人每次可以落2 樣，但要食完一樣先可以再加。一開始我地都擔心咁樣會等好耐，但其實唔係，上菜速度係非常合理，見到d Staff 好忙走黎走去，但完全無扮見你唔到嗰種態度同好有耐性take order. 值得一讚。 我地食左大概一個鐘其實已經有d 飽，咁落單只有頭1.5小時可以落，之後半小時係俾你食埋d 嘢同坐多陣。 最後15 mins 前有staff 會提仲有15mins 可以落單，咁你可以揀埋最後一次嘅main. 最後我地有2個雪糕order 無黎，由於已經無得再用手機check 返，唯有同staff 講，佢亦好友善幫我地follow up.講返啲嘢食， starter 嘅Parma Ham 同蠔湯係出色嘅，芒果大蝦沙律正常，吞拿魚沙律就唔係一塊半生熟嗰種，而係好似吞拿魚面包嗰d, 個人就唔太鍾意。Main 嘅珍寶虎蝦，帶子都有encore, 鮑魚嘅生熟度都燒得OK，只係調味稍為淡咗啲，我哋都有encore左一次。至於和牛我哋點左ribeye同西冷, 兩塊已經KO 左，因為本身都不是太喜歡油份重嘅牛扒。鵝肝可能燒得唔夠香，個質感亦都偏硬。羊架反而係出色嘅，我哋兩個唔鍾意食羊都覺得唔錯，原因可能因為佢完全唔騷。肉食者應該好易食返回本。至於甜品嘅Tiramisu真係有啲失望，個餅底係濕到好似滴緊水咁，擺落口只係得一陣濃烈rum 味，我唔識欣賞。其他雪糕同埋cheese cake就中規中矩啦。整體嚟講係食得會有少少趕，如果要慢慢傾偈其實就會有啲困難，所以建議喺度食完轉場去第二度慢慢傾。…查看更多

因為假期加上消費卷，成個商場人頭湧湧，喺無訂枱嘅情況下，同老公決定早啲食晚飯費事有排排。5點幾食完就返左屋企。點知夜晚到左9點幾我地一齊想搵嘢食，我就提議左食串燒，即慶openrice 睇下，見到依間新開嘅串燒仲可以直接book 11:00就諗住試下。雖然元朗唔係好近我地但為左食無計啦。10:30到左，店面唔大只有3張4人枱，店員話可以開張枱俾我地坐室外，我地都無所謂，不過天氣麻麻有d 落雨，佢都好細心話如果入面一有枱就幫我地調返入去。我地即刻scan code 落單，嘢食未到就已經轉返坐室內，雖然店面唔大但抽風系統非常好，完全唔會覺得好大油煙。整體食物都幾OK, 可惜想試埋個麻辣燙但冇晒。而且店員service 都好好，雖然佢地好busy, 但係都唔會冷落食客。臨走我問下佢地平時幾點Last order, 廚房個哥哥就話就算11:59 （佢地收12:00) 都可以照whatsapp 佢地落單，所以覺得佢地真係好有heart，疫市創業唔容易，希望佢地保持依份熱血同水準👍🏼雖然只有3張枱但聽到其實不停有人叫外賣，所以希望大家想食好嘢記得要耐心d。…查看更多

近排save 左好多串燒店，今次同好耐冇見嘅朋友食飯，預早book 左依間火赤試下。前一晚打黎confirm booking 先知原來係要俾deposit (因為經openrice book 所以唔知）即刻當晚留左credit card 資料，仲見到寫住用餐時間有180分鐘，太好了唔洗食到趕頭趕命，仲可以慢慢傾下計。去到其實地方唔大一眼睇晒，我地亦係第一台客，被安排坐最側邊嘅兩個位，冇得欣賞師父嘅燒功。朋友都話好肚餓所以拿拿聲嗌野食，提燈咁稀有梗係要嗌啦，但係店員話要睇下仲有冇，因為下午賣左好多，之後返黎就話剩返一串，其實嗰下有d odd, 不過人地下午賣晒都冇辦法。嗌完野食店員就送左碟 6 色鹽過黎，有綠茶，咖喱，玫瑰鹽，辣粉，七味粉，仲有一款唔記得左。嗌左燒河豚干，雞腎，雞頸肉，提燈，雞肉軟骨棒(encore左), 厚燒牛舌，燒蠔，味噌翠肉瓜，櫻花蝦明太子燒飯團，蟹粉烏冬。原本book 位有送生啤但係我地冇要到因為養生要飲熱茶🤭整體味道都Ok, 我同朋友都覺得大部份串燒都可以再燒勁少少會香口d, 同埋翠肉瓜d 味噌係咸左少少嘅，蟹粉烏冬就有d 失望，唔夠熱，冇乜蟹味同埋烏冬份量可以多返少少會冇咁膩。最鐘意雞肉軟骨棒，d 肉一d 都唔會散依個岩台好，不過等上菜時間就比較長，個牛舌同蠔都係要一小時後先黎。中間有問過一次店員都係話會耐少少。黎到每隻蠔入面有兩粒蠔肉。跟住係等嘅途中我地見到隔離枱嘅客人出現左串提燈，我地即刻有問點解又有得叫唔係賣晒咩（因為真係想一人一串encore), 但可惜店員話係reserved 左嘅，所以如果鐘意食嘅朋友記得book 位就預先reserve 喇，同埋都建議confirm booking 嘅時候同客人講聲咁就大家都方便喇。全晚店員都幫我地加茶加得好密，雖然隻杯唔大但係我都唔洗要嗌先fill 返真係要俾個like 佢。…查看更多

本來book 左同老公兩個人食，之後朋友一家4口又join 埋，打去改人數好好彩有位，同埋個staff 都好helpful. 去到發現原來係有房嘅，因為openrice 寫冇VIP 房所以我打去又冇問到。因為第一次黎食唔知有咩signature, 問左個staff 佢叫左個經理過黎介紹，可能人手唔係好夠，經理真係好忙，但佢地都有過黎交帶等多陣所以就算我地好肚餓都非常接受。因為最怕d 一等就等到 "two thousand years later"嗰d. 之後經理問左我地preference, 就俾左5款肉我地，平均好似約$298/款（唔肯定有冇記錯）我地另外想叫個$600 嘅厚切牛舌試下佢有咩咁犀利，但好可惜嗰日無，經理好坦白話因為件嘢唔靚所以無。咁我地就叫左另一款牛舌，不過都無失望幾好食，厚度剛好，牛味亦適中，之後亦介紹左支Sake 我地都覺得幾易入口唔會好dry。因為我唔想飲凍佢地都特登拎左一個壺for 我一個人等我可以灘一灘先入口。之後放低碟和牛佢叫我地影左相先，食完話返俾佢知中意食邊款。雖然上次食K11嗰間所謂米芝蓮燒肉食到一肚氣又係乜都唔介紹，但今次依到佢依個做法我地又好buy, 因為已經好肚餓，想拿拿聲食野，雖然經理好忙，但都有過黎睇下我地食成點呀，之後仲講返唔同牛嘅部位。之後我地encore 左個牛舌同d 素菜，同埋佢地signature 嘅和牛，$220/pc 個size 好大塊所以我地叫左兩塊share, 因為食到果陣我地都已經好飽兼唔記得影相，強力建議唔好一開始就食依塊因為會好膩，可惜係encore 嘅牛舌因為位置有唔同所以冇第一碟咁好食。餐廳環境都算Casual, 唯一一樣野就係太嘈，全晚都聽到一d 刺耳嘅碗碟碰撞聲。因為我坐嘅位置啱啱遮住左視線，老公就睇到係佢地換爐之後處理嘅地方產生依個躁音。因為聲音唔係一般大，係有80分貝（因為iwatch自動顯示話我地係一個嘈吵環境）下次我都會book 房咁就可以舒適d。但整體我都地都覺得幾唔錯，CP 值都幾高，如果d staff 個個都可以介紹下menu 咁經理就唔洗咁busy 喇！…查看更多

無意中執雞book 到Tempura Jiro 同老公食個lunch. 其實我係好中意食Tempura 不過無奈香港真係冇乜邊間好食。一係個粉漿太厚一係溫度唔啱。Jiro 個粉漿夠晒薄亦好鬆脆，$880 嘅omakase 都算中規中矩，本人最中意帶魚，同埋蕃薯超驚喜，外皮脆入口即溶，帶魚條骨勁香完全食完再想再encore😂 最後個飯加埋d 蛋汁&松露食到停唔到，反而老公嗌嘅天丼就無乜驚喜。有機會再試埋dinner。…查看更多

老公生日，點知揀左依間餐廳好掃興。咁嘅服務同食物質素都可以係米芝蓮嘅話，真係人人都可以係米芝蓮我地book 左6 點，但因為塞入carpark 塞左15 分鐘所以遲左，去到門口我都即刻話唔好意思遲左，個staff 同我講8 點要交枱。我問點解，佢話佢地係6-8 同8-10 兩轉。我O 左咀，我問佢點解book 枱嗰陣唔講清楚，又或者打黎confirm booking 都唔講？其實我地遲左10分鐘嗰陣佢有打黎我都勁唔好意思跑緊上去。但嗰刻都無remind 我地食到8點。我問完佢淨係好冷淡答左我兩個字"係呀"咁樣。印象分已經係零，我打黎有同佢講係慶祝生日，但冇諗過完全冇reminder。算啦唯有爭取時間入座，自己遲到都有責任。可能影響左心情，為左爭取時間，我地直接問唔同menu 有咩分別，個staff 答我地一個係有人幫你燒，另外嗰d係自己燒。OMG?! 依個就係分別，menu 入面d 肉同dish係冇其他分別？算喇我地自己睇。睇見咁樣我地只係order 左 "富" 嘅menu, 因為老公話寧願自己燒。但係落完之後隔左一陣竟然有個staff 又再走過黎問我地係咪要 "富"，真係呆左！我地配合你8點要交枱，落單只係一個字都聽唔清楚？我已經指埋俾佢睇。🙄原本我同老公講我哋加個signature嘅hotdog, 都係老公英明一開始話見到個service咁樣唔好order住，睇吓Menu啲嘢食點樣先再決定，最後梗係冇嗌到啦，不過全晚最好食嘅我竟然冇影到相，就係最後嗰個冷麵，可以清下食咗成餐牛油。食完呢餐飯我又再睇返依間餐廳嘅食評，怪就怪自己冇做足功課。我覺得啲人講得好啱，牛角嘅Service仲好過佢哋，至少起碼佢哋個爐係真係食燒肉用嘅。依餐$888/head 唔算貴，但係都唔會再返黎除非佢換晒d 爐啦😆…查看更多

同老公興致勃勃想食串燒，但係心目中想食嗰間無位，所以行咗嚟厚福街見到呢間裝修唔錯就試吓。由於我哋冇book位，所以亦冇靚位坐，只係對住吧枱嘅一個角落，前面全部係酒樽。我哋覺得都唔緊要，只要嘢食好味就OK。我哋叫咗兩份omakase 串燒set, 一份鵝肝同一份牛舌，再加一支Riesling。另外仲有每人一份嘅錢財菜，店員放低冇介紹，我亦唔記得影相，所以唔記得係咩嚟。我印象中係仲有一碟秋葵，燒鰻魚但係我唔記得影相，因為真係食到好冇心機。碟秋葵其實都係用水煮完再燒下個表面，我唔明點解食串燒咁多樣嘢都係用水煮，究竟係人手唔夠定係一向嘅作風？我哋叫嗰支白酒其實我都睇住佢喺個酒櫃度拎出嚟嘅，不過飲落口其實根本唔符合白酒應有嘅溫度，原本個店員仲諗住就咁放喺枱面俾我哋，但我哋叫佢再說一說佢就加咗個冰桶俾我哋，間餐廳服務其實正常，只係食物質素同個環境唔係好夾，有少少期望過高，所以都幾失望。…查看更多

終於有時間寫返個食評，其實係12 月尾黎補返慶祝聖誕節，盲中中黎試依間三和叙。其實omakase 一向都中意食，不過食親都知唔平所以揀得好小心。當然都中過伏，今次因為冇plan 嘅，咁啱去開九龍城又懶得出去第到，又咁啱有位 (之前有次經過係冇位），咁就入左去。其實外觀都幾吸精，喺依個地段有間咁嘅日本餐廳真係好難得。三和叙有三層，地下係炉端燒，二樓係鐵板燒，三樓就係omakase, 再上面2層就係VIP 房，大約坐8-12人，min charge 約10000左右。其實好抵，如果6-8個人，點都食到10000啦，自己有個private area 真係唔錯。我地其實揀左menu 成15分鐘，因為決定唔到食咩，最後男朋友因為知我鐘意omakase, 所以我地就去左三樓，其實如果想食其他野亦都可以送上三樓。不過我地今次就主打食sushi. Staff 嘅服務真係好friendly, 而且唔會令你有好拘謹嘅感覺，我覺得依點好重要，因為我好怕d好over嘅service, 我會覺得好唔自在。我地揀坐壽司bar, 可以一邊睇一邊食仲可以同師父傾計。。因為事隔左兩個月先寫個食評，對有d壽司印象係有少少模糊，不過當晚嘅體驗依然好記憶猶新，因為試過唔少omakase, 依間食材同價錢可以話成正比，但係Service 仲有同客人嘅交流真係俾滿分。我地揀左個約$1500嘅omakase, 但其實都有超過9件壽司同埋多過10樣嘅煮物同刺身。食材都係好新鮮（因為我同男友都係玻璃肚，少少唔新鮮/唔乾淨 我地都會2個鐘內肚痛）雖然唔算係最高級嘅食材，但絕對對得住$1500嘅價格。我地由7點食到10點，最後個蜆湯真係好鮮甜又可以清下味蕾，男朋友食量比較大最後仲encore 左件大拖羅同埋加左客和牛炒飯。我地都嗌左2支sake 後尾仲同d 師父一齊傾計一齊飲，氣氛好好食得好開心。已經諗好下次會試鐵板燒。…查看更多

星期日懶得煮飯，夜晚8點先決定出去食，近近地試下麻痺英嘅雞煲。因為大埔好似無乜好食嘅雞煲令我想再去多次。。。舖頭裝修簡單親民，天氣稍涼，我哋揀左坐門口出面。店員隨即擺低點餐紙，仲吩咐我哋可以口頭落左雞煲先，配料慢慢點。我地第一次黎咁就揀左佢個招牌雞煲(小辣)$158/位，配料係任點任食，汽水飲飲，要啤酒就人頭加$15就可以無限暢飲喇！好快個雞煲黎到個樣都幾似樣，仲加左好多我地至愛嘅芫茜，唔中意嘅朋友可以預先同店員講唔好落，試下個汁真係可以話好過好多單點嘅雞煲舖頭，老闆仲叫我地等佢滾左再攪下個底撈下佢先食。。5分鐘左右我地就開始食喇，煲入面仲加左翠肉瓜吸晒d汁好好味，雞嘅份量都算正常，不過可能滾多陣會入味d。食完雞就加湯打邊爐，加完湯之後淡左好多，不過店舖有提供辣汁，自助式任加，加返之後都唔錯。雖然係任食，但d配料都唔會俾d質數差劣嘅食物，而且都放得好整齊，出面有d任食真係拎到過黎見到都唔想食，萵荀片都有返d厚度唔會係一陣風嗰d，仲有豬生腸真係唔係到到有，個炸魚皮直頭好有驚喜，仲同出面五六十蚊一碟果d有得揮，絕對對得住$158/位嘅價錢，而且店員姐姐服務好好，眼見樓面好似得佢一個，但係佢一見到我要想叫嘢或者想換gas, 佢都會即刻過黎幫我地手，當時其實都有7,8 枱客架，見到佢不斷行出行入好勤力。老闆都好熱情招待，我行去睇下雪櫃有咩飲，諗住轉頭先拎，佢見我無拎就即刻同我講話係任飲架隨便拎。。。（其實我習慣食到咁上下先飲嘢嘅）不過感受到佢地好take care d 食客。無酒精飲品有可樂雪碧水果梳打冰紅茶仲有鴻福堂檸檬茶。。話限時2個鐘任食不過我見有d 食客都坐左唔只兩個鐘老闆都冇趕人走真心讚～～～埋單$316真係超抵有service又可以過下雞煲癮！終於搵到間可以再食luuuu.…查看更多

今日同媽咪去APM 食lunch, 撞正office hour lunch time, 超級多人又等位。。最後漫無目的去左6/F 間金記冰室。門口有dd 人等緊，我地望完menu 又費是再周圍搵就禁張飛。。點知就即刻叫我地個no.喇。。個職員拎左份menu 就帶我地入去，入到去坐低係圓枱搭枱，不過無所謂啦，茶餐廳都預左。。Menu 其實唔多選擇。媽媽叫左個雪菜肉絲米粉配腸仔煎蛋加牛油多士。我見佢話個豬潤通粉係招牌就諗住試下。叫完俾返個menu 職員但佢話放喺枱面，但當時張枱計埋我地其實係3枱客，d menu 放晒係到我心諗一陣點擺野食。。跟住好快d 野就黎左，可能忙掛d 職員放低野食就走左，最好笑係將我碟炒蛋+多士放左喺個menu 上面。。心諗頭先都叫你地收架啦。。之後終於有個職員過黎收走d menu。媽咪急不及待食左碗米粉所以唔記得影相，睇個樣都係正常嘢。點知我個豬潤通粉黎到我好失望。我見到湯入面有d杞子，本身我麻麻地依d藥材做湯底，d豬潤有5,6塊，不過同圖片中嘅差別都幾大，有d違返商品說明條例，不過可以解釋嘅係圖片只供參考。最好食嘅係塊牛油多士，未影已經食左。另外見到隔離有3個客叫左海南雞飯同個豬扒撈丁，聽到佢地話d豬扒幾好食無"乸"過咁喎。。。不過可惜我都唔會為左個豬扒再黎了。…查看更多

臨時補返慶祝母親節，見到依間好多like 就試試佢。又好彩下午打去book 夜晚仲有位。。。餐廳喺觀塘工廈入面，唔算難搵。一去到被安排坐中間一張4人枱，但同隔離張4人枱只有一條地鐵月台gap 同列車距離之隔，感覺不太良好。但由於店員話其他卡位已有客訂左，所以安排後面另一張4人枱。不過隔一陣已經有人坐隔離枱，實行2枱唔識嘅人好似一齊坐咁。由於好即興，所以都無乜做research, 黎到見到有乜就叫乜。鍋底叫左咸菜豬肚鍋，正常水準，少量胡椒味，本人中意食辣所以如果胡椒味重d 會更歡喜。火鍋料：全晚埋單$977, 3個人食可以話唔算貴。環境稍為逼左d，無計啦香港土地問題嚴重。不過要讚嘅係員工服務都唔錯！…查看更多

發現新開餐廳同朋友試一試，驚冇book 位要排隊，打電話過去先佢話留俾我地。15分鐘去到點知得一枱客。。。心諗可能我地太早（6pm)。坐低即刻送上一碟瓜子，本人唔太中意食瓜子所以覺得冇乜特別。我地叫左麻辣小辣同蕃茄鴛鴦鍋。我地得2個人因為太早加上唔係好肚餓，火鍋料叫得比平時少。牛小排，桂花蚌，黑毛肚，墨魚滑，萵筍，木耳，凍豆腐。。。叫左渣竹䉀茅根，但個staff話無晒所以我地轉左酸梅湯。。但6pm 已經冇晒都幾詭異。嘢食份量比較少，如果5人以上可能要double 上，如果唔係一人只食到一兩片/舊。個牛小排就少得可憐，我地叫細份不過冇諗過得十塊左右而且好簿同好細塊。黑毛肚係我中意嘅質地都OK...不過相對之前CWB 另一間過江龍麻辣火鍋依個價錢人地大碟d同厚身d。墨魚滑同桂花蚌都係普通質素，中規中矩。萵筍都係十片左右都算厚切唔會一陣風嗰種。凍豆腐吸晒d麻辣湯好惹味。個麻辣湯底好明顯須然調較左香港人口味，食落都會有陣牛油味係唔錯嘅。講下服務喇，食左成餐樓面淨係見到一個著西裝嘅staff 同企門口嘅女staff, 火鍋料黎齊曬但都無提供嗰d芫茜蒜茸葱粒俾我地加，但醬料費收$25 一位喎，枱面就有香油，醬油同醋。。紙巾有一張俾我地😅加湯都係要叫人先加，同埋只係加左一邊就走左，其實唔明點解都冇乜客都好似好忙咁。。不過又唔係黑面果d 而且態度都幾好，只係唔太主動加野，但收野都收得好快。食完未夠8點眼見多左3 枱客，不過依個位置確實難d會有walk-in 客，如果唔係突登搵上黎都唔會經過。。。計埋加一共$1146。如果係依d 食材同份量黎講相比同類型嘅打邊爐都算係幾貴，不過依個地段冇辦法。所以試左一次就算了。。。…查看更多

早一個星期ad hoc 晚餐諗住食，點知冇位。今日約左d frd 黎食tea。經過上次教訓我一早book 定位，不過黎到其實冇人，只有2位食客一枱。都係嘅，邊有人4點幾食，tea 又過左，dinner 又未到友人遲遲未黎我地自己食住等，見到有茶漬飯仲要人氣首三名以內梗係即刻叫，因為諗住即刻有得食又唔洗燒。點知第一啖食落口就有d失望（太肚餓唔記得影相），d 牛好似用慢煮方法咁，好淋但都有少少咬口，不過食多2舊已經漏漏地，然後d飯個軟硬度好似Risotto咁，可能本身我唔中意Risotto, 所以即刻扣晒分，諗住加左d "茶"會好d...點知d "茶"係暖嘅食左一半已經冇再食。。。男朋友叫左個吉烈牛set, 我都有試下，有兩款和牛同牛舌，另外就係主角吉烈牛。但個set 原來係冇飯，所以另外再叫左個白飯。個set 黎到有個staff 出黎講解左一次，雖然吉烈牛個賣相麻麻地，但我地都充滿期待，個熱石火力唔係好夠，所以燒得比較耐。食落口個牛就冇乜特別，吉烈位置還可以啦。反而個set 入面個牛舌就最好食。。。最後個朋友就叫左個牛肉烏冬，umum...我只可以話唔難食咁啦，要求高嘅朋友不要太大期望，基本上同一般嘅牛肉烏冬無乜分別。我地係果到都坐左2個中，期間只係黎左一枱客，所以環境都算清靜可以傾下計。…查看更多

貪新鮮諗住試新嘢。。。點知中晒伏去到門口等位等左十分中左右，入去坐低但張枱無人抹過勁多食物殘渣，職員過黎問落單，我地要叫佢抹左張枱先，因為佢張menu係貼喺張枱到。。。落完單黎左渣特飲先，但正諗住倒落隻杯之際望到隻杯（銀色不銹鋼杯）入面勁污糟，見到入面d漬真係好核突。其實出街食飯我都預左要自己抹碗筷餐具，所以我都無出聲自己抹下隻杯，點知抹完張紙巾係灰灰黑黑咁。。好嘔心呀！個職員見到我拎住隻杯就問我隻杯係咪有問題，我講其實都真係幾污糟下。。佢都好好即刻幫我換過2隻透明玻璃杯。到個雞煲黎到，原來唔係一個煲，係個鑊仔。我地都覺得唔緊要，味道先係最重要。我地2個人點左半隻雞（小辣），點知一食已經唔掂，完全同平時嘅雞煲差好遠，好似求其落d麻辣醬落去煲熟佢咁，無走油完先煮都算，d雞入面仲要無味嘅，好失望其實個煲底唔好味就影響晒成餐飯，叫左d 配料黎到又嚇一跳。。。安格斯肥牛但直頭同任食火鍋嗰d肥牛無分別仲要$78 真係離晒譜。鴨血又係劣質嘅，一夾就散。。。豬皮，蟹柳同娃娃菜都係普通出面買嗰d啦。就算d配料幾新鮮但個煲底本身咁難食都會嘥晒。。。埋單$354唔係貴，不過食d咁嘅嘢就真係唔抵，至少個雞都煮得有heart d 丫，真心自己屋企煮都好食過佢。…查看更多