嘉常便飯的个人专页

最近搬了去太子，常常在玻璃窗望入去都見到有啲人入坐食嘢，再睇埋openrice啲like都唔少，於是今晚同朋友去試下呢間泰菜係咪真係得先？！由於第一次嚟食，唔敢叫得太瘋狂，諗住叫啲最穩陣的款式試下先，所以只叫咗泰式海南雞飯及豬頸肉沙律，若唔夠食才再加單啦！(1) 泰式海南雞飯碟飯嚟到竟然無跟海南雞醬汁，要問侍應係咪有醬跟才在樓下拿上嚟，仲要係等咗好耐，跟住一食啲飯，係有椰汁味的，但啲飯偏硬，有啲位硬到我以為我食緊煲仔飯啲飯焦，再食埋啲雞……嘩！“鞋烚烚”真係“鞋”到要吐渣！真的搞唔掂(2) 豬頸肉沙律呢碟見到個賣相已經唔合格，完全求其撈埋一碟嘢咁，啲豬頸肉一食落口……又乾又“鞋”嘅！因為切得太薄而且可能燒得太耐掛！總之，我食過咁多間泰菜餐廳，從未食過如此難食的泰菜……完全中伏！！…查看更多

同朋友去完橋咀島，諗住食餐好嘅海鮮， 點知入咗間black店，由頭到尾每碟都唔得掂！所有食材都唔新鮮，仲話標榜米芝蓮， 簡直米豬蓮都不如白灼海生蝦有細隻，完全無味的蝦特濃芝士焗龍蝦鐵線的伊麵，超細隻的籠蝦姜蔥炒蟹蟹蓋只有殼，唔見晒啲膏蒜蓉粉絲蒸扇貝最離譜的一味餸，明顯係將雪藏帶子放在扇貝的殼上面，可以完全分開的。這樣的質素，每位＄258，燒鵝另計不包在餐中。奉勸各位去西貢不要到這間食，完全中伏！…查看更多

睇線稿知道海港城開了間新嘢，見佢寫到咁勁，同朋友放工後滿懷希望去試，點知原來國宴珍珠每日限量50杯，所以已經售罄，而且套餐係不可以轉這杯飲品的。最後我們都點了2個晚市套餐，每個套餐都要$118.-（都幾貴!）但仲要自己排隊買餐，重點係快餐式服務竟然還要收加一服務費，雖然有送餐服務，但連清水都無一杯，呢個加一實在俾得不值，仲差過譚仔。最激氣係個厚切豬扒茶麵，話明厚切嘛，送到嚟見到塊豬扒仲薄過茶餐廳…又乾又薄又「吉」口，貨不對辦之餘認真唔掂!…查看更多

整體餐廳環境、服務ok。店內還有一間透明玻璃房可供私party用途。但始終枱與枱的空間太狹窄，想談心的話就有難度了！最遺憾是今次預著一大班約8人女子坐在店的中央，她們不理旁人的高談闊論，令全場變得嘈吵，我們唯有盡快撤退。環境裝修感覺舒服推介水牛雞翼酸酸小辣，開胃龍蝦配松露薯條，松露醬好好味令熱辣辣的薯條更加出色龍蝦都算大隻夠新鮮紅蝦辣蒜墨魚麵，紅蝦新鮮味夠，墨魚麵軟硬適中紐約芝士蛋糕，唔知有一種咩香料味本人不太喜歡囉！…查看更多

味道不錯，蝦新鮮彈牙，多士炸得鬆脆，不覺油膩，值得推薦蔥油味濃，稍鹹了點!新鮮熱辣，肉質嫩滑差!差!差! 除賣相好睇外，芥蘭非常老，可以改名叫「老蘭」!小雲吞肉餡太結實……完全唔掂！夠精緻，肉質夠嫩，夠入味，多汁，配合梅乾菜味道不錯！…查看更多

放假日子，最好就係去嘆下午茶，行行下嚟到呢間龍鳳冰室，見餐牌上的食物賣相都不俗，於是便嘗試一下。我們叫咗2個下午茶餐，一個係西多士餐+凍奶茶；西多士真的不錯，超級厚，奶茶則過得去啦……但可否不要用即棄膠杯呢？！另一個係雞脾薯條餐+熱檸茶；雞脾是滷水的，但滷得太久了，整到啲雞肉“鞋十十“，杯熱檸茶竟然用紙杯上，真係估佢唔到。…查看更多

食完晚飯，想找間甜品食，行行吓來到白布街，原來這裡除雞煲多，甜品舖也有幾間揀!最後揀了這間一試，點了”芒果法式班戟+3.6牛乳雪糕”，班戟味道不錯， 班戟皮軟硬度適中，最喜愛裡面有朱古力脆脆粒粒，整體感覺很特別👍，但牛乳雪糕就嫌牛奶味不夠。另朋友點了一杯古力熱飲，朱古力濃，不過超甜囉！…查看更多