eenaidcap的个人专页

每次約到朋友打中午邊爐，必去養心殿！次次基本上都點同一個鴛鴦湯底，一邊酸菜白肉鍋一邊麻辣鴨血，每次都要食大量鴨血同寬粉，都係唔厭。最近呢次去食，仲帶埋印尼姐姐幫手照顧B.B.,否則我一定食唔到野。侍應哥哥很好的招待，還知道姐姐不吃豬肉，容許我有另類安排，香港食市有人咁通情達理，實在難得。到底我幾時先可以試其他食物，好想試其他野，但個胃嘅空間實在有限，點算好？如果點菜紙有圖畫就好，有時有啲食物我認得個樣、但唔知個名，又唔想麻煩人.... …查看更多

原本想帶姐姐和媽媽試食烤魚，因為食過覺得ok, 結果今次好失望、亦好樣衰，因為個泡椒好咸好難食，服務員態度不太好，如果2:30pm後不想做生意，可直接關門，但你又招呼我地入黎坐，結果一路點菜一路黑面，主菜已唔好食，叫攞盒攞碗又攞漏，係一次好失望嘅late lunch. 另外叫左碗魚湯烏冬，有啲咸麻辣涼皮，得個辣字，唔香燒羊肉串，因為我唔食臊味，所以ok燒牛舌，ok總括來說，荃灣應該有更多更好嘅野食。唔想做，請掛「休息」牌，我們便不會打擾。…查看更多

第二次再去番「churk」招牌魚湯米線，勁失望！！成碗野得個色，完全冇味！我要狂加檸檬汁同調味料整番啲味。失望 失望 失望其實小店真係唔應該攪咁多花款，專注做好招牌菜先啦，少左啲材料又唔同食客講番，坐我對面的食客要開聲問：「點解圖片有嘅材料我碗冇」呢啲野對小店黎講，就係好差嘅服務態度。我唔知間舖頂到幾耐，但食物和服務質素真係要改善，呢個同你收幾錢無關。我真心覺得第一次食好得，亦好希望香港有間正宗緬甸餐廳！…查看更多

買蛋糕時，落錯order, 即時想換，但唔得，理由係已入單、已俾八達通過數！只是接過蛋糕一秒內的事，店員從不嘗試協助更改，我極唔想要手上的蛋糕香港今時今日仲有咁嘅服務水平，蛋糕幾好食都冇用…查看更多

很多年前去仰光工作，心想不希望每天吃酒店食物，就算冒着生命危險，一定要食下當地人的食物，包括街邊檔。結果，我被當地的魚湯米線深深吸引，我終於明白，街邊檔的滋味。回港後，有嘗試過搵緬甸餐廳，灣仔有一間，味道不錯，可惜應該敵不過租金，執咗。最近發現何文田有呢一間，可惜惡評如潮，我死唔憤氣一定要去試，好彩我有試，當日懷念的味道再次重現，感覺就係爽 這是多年失散的味道。希望個招牌湯麵繼續保持水準，我一定會再幫襯。其他食物我不好，所以冇試。…查看更多

突然想去土瓜灣食野，幸運地搵到車位泊，就即刻搵雞煲食。路過一位落力推介的店員（雖穿制服，但落力程度似老細），仲話做緊特價，半隻雞煲只係88元，見門面乾淨，抱「試下囉」心態上樓一試。可能係新開張，招待非常好，每位店員都貼心服務，香港少有！兩人食晚飯，叫左以下食物：半隻雞煲bb辣 - 好味，份量好似多過出面啲半隻，如果雞肉入味啲會更好本地手切牛肉 - 比想像中好，以為自己食牛肩脊，感覺新鮮，推介！手打三色丸 - 始終新鮮係好食啲雙拼菜 - 新鮮、乾淨，最合人少食響鈴 - 可以，至少冇起潮連一罐無糖可樂，兩位約500幾蚊，正常價。下次想同一大班朋友去，試多啲野。希望餐廳可保持水準。…查看更多

晚上7時許，全場都幾乎坐滿，只剩一張二人枱，兩旁都是其他客人，及近門口，職員有禮貌問：你地介唔介意？我地唔介意，即坐。跟住職員立刻倒水給我們，是暖水！對女士來說是十分窩心的行為😘未叫野食，我不小心整跌放響枱上的筷子，已覺十分唔好意思，又唔敢出聲。不久，職員看見地上有一對筷子，就觀察到底是哪些客人掉了，她帶來了兩雙，發現我地張枱少了一對，立即補上，並放回多預備的一雙，可見職員另一細心位。晚飯近尾聲，職員有禮貌地問是否可以收碟，這是重要的問題，因為香港嘅食店，時時都想食客快啲食完快啲走，方便佢再做新客。職員收拾前仲問多句，需唔需要再點野食，這也是窩心的，免得客人根本未食完你就收晒人地啲食具。我說不用了，可幫忙收拾。此時我剛巧在按肚皮，因為飯前已有少許不舒服，職員誤以為我食得過飽，更窩心補一句：食完坐陣先啦，有時可能一開始太餓，叫得太多，又食得太急。說時，職員還面帶親切笑容。總結，今時今日香港仲有咁窩心嘅服務，香港真係買少見少。是日晚餐：泰式牛肉碎炒飯👍🏻細冬蔭功湯少辣👌🏻清炒椰菜苗😋青檸梳打二人約HKD315…查看更多

日式燒肉響香港實在有太多選擇，今次都係順應報章雜誌，去試下仙台牛肉的珍貴。套餐有頭盤、燒肉、飯面和甜品，其實對女士黎講都ok, 身旁男士食完話：食完唔餓囉！套餐有咩食，大家可睇報道或照片，我不重複。重點我想講係，好嘅和牛入口即化就梗係架啦，所以對呢餐燒肉有期望，話晒都一千蚊位，食完就覺得：可以再好啲。為左要試仙台牛嘅不同部位，我基乎都將每塊肉分一半食，頭半不加任何東西，目的食牛肉本身味道，後半塊就按店員介紹，點所屬的不同醬汁。結論係：- 牛味冇想像中濃，但都屬入口即化- 頭盤有啲普通，失望左啲- 沙律、冷面、甜品不俗- 牛柳海膽飯最有驚喜，北海道海膽超好味，可惜平日的menu沒有，不能追加，牛柳心超嫩滑，夠tender，牛味足，再加牛油蒜片豉油汁食，好想食多碗，係成個套餐最好味的一道可惜身旁的男士話：呢個價錢，不如加啲錢食分子料理😓我心諗：都係想試下仙台牛肉姐題外話，在餐廳叫紅酒，真係寧願叫一支即開，因為house red可有機會是其他客人點完唔要，每杯倒番落個酒樽到，呢類環保酒唔啱我。（有人親眼目睹）…查看更多

A5和牛幾乎唔駛咬就可吞，超tender, 牙齒或咀嚼有困難人士一定超愛，帶長者去一流！五人晚餐食左好多和牛（全部選鹽燒），黑毛豬，各種雞肉，樣樣都好食，燒粟米翠玉瓜都好味，基本上咩醬都唔點都食到食物原有鮮味，亦食左雞肉丼同薑汁豚肉丼，就略嫌個汁甜左啲，鍾意食日本醬汁的人會喜歡。今餐冇乜叫海鮮，但叫左鵝肝，朋友話好味，我就信佢啦，最緊要開心。地方油煙比較多，如果能改善個抽氣系統會好啲。食左咁多和牛同其他肉，再加7杯野飲，5人食都只係$19xx, 其實真係物有所值，值得推介。下次想試佢個和牛sashimi …查看更多

西環厚和街全街都係餐廳，特色係間間都唔係大，所以如果你要寬闊座位，就請去第二度啦。星加坡/馬來西亞食物，西環真係唔多選擇，難得有間蝦面店，梗要試下。星期日午飯時段可能要等1-2張枱，因為真係得約二十個座位，叫左個大蝦面同大蝦米，前者鹼水味偏重，湯底冇星馬果邊重味，應該較適合香港人食，我亦唔覺有味精有咩問題，飲杯檸檬梳打就冇事啦。一分錢 一分貨，又冇競爭對手，ok啦！…查看更多

餐廳食物偏貴，兩人食左四百幾蚊只能半飽，碟巴東牛肉168元只能每人三小塊，最怕唔熱，是最失望的一碟菜。班蘭黃薑飯ok, 蝦醬通菜唔會死咸，但份量真係偏少。地方寬敞，但椅偏低或枱偏高，坐得麻麻地。可憐樓面不夠人手，等左好耐先見到人落單。星期六晚7點都有大把位，適合唔想等位、食完又唔被趕埋單的人。食完有張9折coupon, 你要的話我可俾你，因為我應該用唔著。兩人晚飯點了以下食物：- 巴東牛肉- 班蘭黃薑飯（有一件肉）- 蝦醬通菜- 青檸梳打…查看更多