Working Dog Dog的個人專頁

其實唔明白點解每次經過Bake House 都會見到好多人排隊，第一次只係買到牛角包及其他包，佢啲包都貴貴地，抵食就見仁見智啦。最近銅鑼灣開咗新店，又係好多人排隊，當然我唔會排啦，太多人了，前幾日忍唔住去尖沙咀望下，今次又ok喎，只排了一陣，大概三分鐘，下午五、六點放工時間，今次畀我買到酸種蛋撻啦，大家記得要即刻食/即晚食，第二天淋咗就會唔好食，其實味道似葡撻，$12一個，唔算有太大嘅驚喜，下次唔一定要嚟呢度排隊啦。…查看更多

特別日子一家三口食餐好嘅慶祝下。「​​​精選晚餐​​」前菜揀咗蟹肉龍蝦濃湯~龍蝦湯味道非常濃郁。拿破崙海鮮蕃茄寬條麵~材料包括青口、蜆、墨魚仔，寬條面掛滿番茄汁。仲有甜品，咖啡或茶。粟米忌廉湯~粟米味香濃，忌廉湯夠滑。紐西蘭西冷牛扒~七成熟，百多元質素差不多。洋蔥湯~加入大量mozzarella芝士，麵包索滿洋蔥湯。香煎鴨肝半雞柳粒黑松露意大利飯~這個最好吃，鵝肝肥美，意大利飯淋淋的，加入黑松露更香。自家製麵包~香草麵包及烏卒卒麵包，微暖，加牛油更好食。法式薯蓉焗田螺~薯蓉香口，田螺爽口。跟餐甜品揀咗 朱古力brownie及雪糕。…查看更多

第一城商場新食店《漁樂》已經裝修咗一段時間，大家都期待咗好耐，最近終於開張啦，而家每天都有好多人於門口排隊等入座。其實都好想試下佢嘅牛骨湯河，但是湯麵類要堂食先會好吃，等下次機會。最近外賣試咗佢嘅湯飯 - 蕃茄魚片湯飯，蕃茄湯底味道好特別，食落都幾香甜，魚片份量好足。下次要試下香茅豬扒蛋蓋飯，餐牌上的賣相真的不錯呢！ 另外，見到佢嘅蔥香豬扒飯，蔥油絕對是我的最愛呢。經過見到有人食咖哩及冬陰功烏頭，也非常吸引。…查看更多

相約好友，晚餐歡聚，今次揀咗荃灣如心廣場意大利餐廳 《The Point - Pizza & Pasta》，食完有時間可以逛逛附近的日本百貨店。一行5人，於餐牌上點幾款心水美食。水牛芝士蕃茄沙律~水牛芝士香、軟、滑，阿女十分喜歡呢，番茄同火箭菜都好fresh。黑松露芝士蛋黃醬薯條~炸薯條本身已經非常香口，加入香濃黑松露醬及芝士，多重口感，越食越滋味。明太子軟殼蟹薄餅~整整一隻軟殼蟹放在pizza上，再加入明太子，這個日式fusion 薄餅賣相勁吸引，食落也是非常美味。煙三文魚露筍刁草忌廉汁天使麵~香味濃郁的忌廉汁配露筍刁草，主角煙三文魚個個爭住食，這個天使麵很受歡迎。黑松露野菌意大利飯~黑松露再次出場，因為是朋友的至愛，配合菌類的意大利飯煙煙靭靭，可口。M5澳洲和牛肉眼牛扒~不用多說，牛味香濃，燒烤時間剛剛好，正啊！甜品叫咗個香蕉pizza~特飲~…查看更多

好耐冇食日式放題，今日放假一定要book位，店內面積大，座位排列整齊。當然要先來一盤新鮮魚生：三文魚、油甘魚、劍魚腩、象拔蚌、帶子、希靈魚、赤貝、北寄貝、螺片……火炙鰻魚醬燒帝王蟹棒雙重芝士燒三文魚 汁燒鮑魚仔軍艦芝士軟殼蟹卷黃金燒帆立貝花之戀及喜之戀鮮甜蟹粥蠔皇鮑魚時蔬鹽燒牛舌香草燒羊鞍蒲燒鰻魚 比目魚西京燒芝麻雞翼、吉列蠔皮吉列牛乳炸鮮奶燒溫室菠蘿紫心香芋圓及榴槤炸彈蒜蓉牛油開邊芝士蝦牛肉烏冬薑蔥爆鱔球手機落單，上菜速度夠快，店員收碟速度也很理想。…查看更多

近年來香港的連鎖集團茶餐廳越開越多，第一次於觀塘試到紅茶的晚餐，有水準，怪不得午飯時段經常門外大排長龍。最近開到入嚟大圍，新鮮麵包蛋撻好吸引，今日下午茶時段來到，同樣十分旺場，坐滿食客。思前想後，原本諗住食午餐，特餐都好吸引，火腿奄列，鮮油厚多士，最重要係招牌沙爹牛肉麵，凍奶茶。火腿奄列蛋顏色鮮豔，厚多士入口煙韌唔脆，可能因為凍咗少少；沙爹牛肉麵味道比較濃比較咸，等左陣間先食麵質依然夠爽，牛肉夠淋夠入味；凍奶茶正常發揮。聽到剛剛出爐，忍唔住叫咗個酥皮蛋撻，熱辣辣即刻食好鬼正！ …查看更多

今天來到新城市一期搵食，壽司店好吸引 ~美利登。茶碗蒸~又香又滑蟹三貫~喜歡蟹的老公，贊不絕口。蟹肉蟹膏軍艦~蟹膏香味冇其他可以取替。鹽漬檸檬壽司盛合~帶子配檸檬，清新感覺。特級玉子壽司~這個最令人驚喜，玉子份量超級大，上面放一個軍艦，感覺好有趣。油甘魚壽司、小肌壽司及帶子壽司都好新鮮。火炙海老芝士壽司~炸蝦卷~蝦肉爽口彈牙，壽司樣子設計精美。赤紅卷~大大粒三文魚子，粒粒脆卜卜。炙燒三文魚壽司~三文魚面積好大，炙燒最獨特是可以令魚脂更香口。雜錦刺身丼~魚生種類都唔少，粒粒新鮮好味。阿女喜歡的湯烏冬~好滑。店內環境是和式設計。…查看更多

於鑽石山荷里活廣場，每次經過《​抹茶館》，被她的綠色吸引，且自己也喜愛吃抹茶食品。每次​都好想試，今日星期二約好老公同阿女來戲院睇戲，自己還未吃lunch，佢哋陪我食少少嘢先。午巿有一些定食，選好香辣燒牛肉定食，好快就可以有得食，前菜包括沙津、玉子燒，燒牛肉辣辣汁好惹味，少少辣好惹味，送飯一流，仲有個小甜品~雞蛋布丁，飲叫熱咖啡，味道香濃。阿女叫咗忌廉牛奶抹茶，香濃抹茶，豐富忌廉，又香又滑，冰粒比較多，飲到的抹茶比較少。…查看更多

手工義大利粉專門店，店內播放著輕鬆音樂，心情開朗。先來法包配黑醋橄欖油，法包脆卜卜。廚師精選冷切盤~包括 巴馬火腿、沙樂美腸及兩款芝士，材料豐富，份量好足夠。炸芝士球(素)​​​​4粒~ Deep Fried Mozzarella with marinara dip，鮮茄醬汁好惹味，胃口開曬。自己曾經都跟師傅學過整手工pasta，麵粉搓好，逐粒逐塊逐條整，需要用好多心，今次來到專門店，就試試幾款。意式辣肉貓耳朵面~這個手工麵功夫最麻煩，逐粒逐粒整，都唔係周圍食到，特別地配辣肉粒。龍蝦闊條麵~龍蝦鉗已經貼心搣好殼，龍蝦肉新鮮，寬條麵較厚身彈牙，麵條掛滿鮮茄汁。辣海鮮墨汁結他麵~用墨汁調合麵粉製作意大利麵，口感煙韌，辣辣地好好味。每人一杯飲品，我哋揀咗桃冰茶及檸檬冰茶，冰凍清新感覺。加少少錢每人試了一個甜品，Ttiramisu and Panna Cotta~每款都各有特色，好香好滑，唔會太甜，panna cotta香香滑滑，紅莓酸酸甜甜。…查看更多

今日約咗合作夥伴傾大計，搵地方食埋飯就最理想，朋友知定搵到間旺角樓上餐廳，雖然喺橫街窄巷入，搭𨋢上18樓都好方便。𨋢門打開就見到餐廳，兩面玻璃窗望到出面環境，於旺角鬧市搵到這個舒服地方食一餐也不錯呢。室內環境裝修優雅，有一面牆是油畫，餐枱整齊排好，疫情期間以透明膠片相間，店員不時用消毒噴霧噴清潔。午餐都有好幾款選擇，沙律、意粉、意大利飯、長通粉等。跟餐可以揀湯或者沙律，意大利菜湯略嫌份量比較少，脆卜卜蒜蓉包不錯，作為前菜胃口大開。香草忌廉汁海鮮燴意大利飯~香濃忌廉汁，廚師絕對不輕手，黏黏實實的意大利飯豐富口感。經典卡邦尼燴意大利扁麵~這個忌廉口味也是強烈的。紅酒牛肋肉燴長通粉~牛肋肉炆得好淋，配長通粉，醬汁豐富，越食越開胃。餐飲包一般咖啡奶茶樽水，加可以選擇手調飲品。臨走先發現下午茶餐牌，其實我哋由中午坐到黃昏，因為店員好體貼冇打擾我哋開會，如果知道有下午茶可以再食多餐。…查看更多

這幾年來，觀塘發展改變都好大，無論工廈變商廈，在這邊上班由早期香港的藍領變成現在office返工的白領；還有工廈保留作其他發展用途，這兒多了許多工廠區食肆，樓上食店越開越多，試過打邊爐，試過西餐，試過日本菜......。這次朋友帶我到樓上件袋蛋糕專門店，原本諗住坐得有得食，疫情期間不設堂食，那只好外賣拎走去附近food court慢慢品嚐。這店專賣手工蛋撻，推介是招牌抹茶撻，樣子碧綠，食落滿口抹茶味，又香又滑。另一件叫「雲海」，選用棉花糖放面，下面是濃濃朱古力醬，味道很夾，餅底是脆口曲奇皮。聽聞不少公司離職人都喜歡用呢度嘅撻做「散水餅」，不過個人認為價錢比較貴，買得做散水餅一定是闊綽同事。…查看更多

朋友約食飯有偈傾，揾地方大吃一餐，難得可以食番餐痛快的，一定係揀打邊爐啦，日式牛涮鍋抵食又好食，狂食牛價錢相宜，大人細路都啱。新世紀廣場行街睇戲好方便，今日早早地晚飯，吃完又可以繼續行街，時間夠早等一陣就可以安排入座，牛肉分級數，價錢高一點牛肉自然就好吃一些，我哋選擇了$188, 唔要海鮮。牛肉脂肪含量較高，分佈平均，切得夠薄，一淥就食得，豬柳值得一讚，雞件也不錯。淥得較熟都唔會有渣，正啊！電腦落單一按好快送到，試吓食低一級嘅牛，肥瘦較分明，都OK。自助區樣樣齊，記得帶自己隻碟出去拎啊，豆腐，腸仔，丸子，麵食，冬菇，蔬菜⋯⋯炸魚皮真真脆，可惜好快冇曬喇。自助飲品區熱茶、汽水等等，最後食到好飽，雪糕都冇食到。…查看更多

沙田第一城食店種類唔算太多，這間日式烤肉店值得一提，平日晚市有放題，除肉類，主食、湯、沙律、燒烤蔬菜等都是任食， 午市套餐定食就比較抵食，包括：餐湯、白飯、餐前小吃及飲品，份量好足夠。今日同老公食lunch，有我最喜歡的牛舌，共六大塊，烤五六秒，反轉再烤五六秒，差不多成了，牛舌香味無其他肉類可以代替。牛肋肉及牛腹胸各四塊，另外以優惠價加$35要多碟上級牛肋肉，肉味豐富，不要烤太久，保存肉汁好重要。這樣吃個午餐已經很滿足啦。…查看更多

今日相約住附近的媽媽結伴來到頌安商場逛逛，兩母女來個下午茶談天說地，也可順道往頌安街市買餸返屋企。好耐冇食海南雞飯，這店海南雞是去骨的，好想試試。飯的份量有一碗，午餐是足夠的。採用無公害無激素靚雞，啖啖肉，肉質又香又滑好滋味。海南雞必備汁料，星加坡醬油、薑蔥、仲有辣辣地南洋辣醬，沾雞食 是常識吧。港式熱奶茶是我的至愛，必點，加一包黄糖剛剛好。另外叫多個咖央多士連飲品，下午茶餐價錢經濟包飲品，傾下講下又一個悠閒寫意的下午時光。…查看更多

朋友送我一張咖啡飲品券，今天讓我發現，八月底前要盡快飲啦。早上返工經過這店，天氣仍然十分炎熱，所以選擇一杯冷飲~cappuccino(正常size)。步入這座建築物，玻璃門入內右邊便見到這食店，內環境非常舒適，大部分用餐區靠落地玻璃面向幽靜的達之路， 大部份食客都喜歡這些位置。店員禮貌地招呼，飲品券換領咖啡如果要加大杯裝，只需要補回差價便可。怪不得這店平時這麽多人喜歡在這裏閒著......閱讀、傾偈又或者嘆杯靚咖啡食件cake或sandwiches，真真寫意呢。返到工作地方，杯內的冰已經溶得七七八八，剛好。…查看更多