PatriciaLau的个人专页

西環呢年幾開左好多甜品店，各有支持者，好多標榜芋圓，我普通啦因為好滯脹下，男友係唔食呢度有特色又唔貴，仲有八哥狗店長“貢丸“迎賓唔知點解係門口一睇睇到蜜瓜雲呢拿雪糕奶凍，其他都睇唔入眼，蜜瓜無咩好講時令野，奶凍係3.6奶整軟硬度適中，太硬太軟都唔好食，又唔太甜，個雲呢拿雪榚好好食，一定唔係牛奶公司果d咯男友咳話食熱既，酥餅木桶豆腐店員話唔會凍，豆花暖既就個酥脆，個酥皮即叫即焗，出爐超香，好似牛角飽味，唔會好厚，厚食完完都滯左，豆花唔洗食啦，個豆花未落糖前試一羹先，超香豆味又滑，仲要份量幾多下，個桶有幾大就有幾多…查看更多

連繼兩日行過都好多人，到第二日晚少人d先睇到貼左告示2019年4月27日最後營業，覺得可惜，我好鍾意佢個栗子露，出面要30幾蚊，仲要未必好食，呢度20幾蚊有交易，其他甜品糖水都好出色次次趕住食又趕住走 (超多人排隊) 無影相，希望結束前可以有時去再幫襯…查看更多

大部份都係外國人食客多，價錢平，食物質素又唔錯，西環區平價選擇兩個人$180左右埋單，又可以食多幾款唔同既野醉豬手一碟1/3大豬手左右，係稔得黎爽個隻，淡淡酒香，味道適中，由於係爽既，好膠原蛋白feel嘴仔笠笠既感覺欠奉啦餃子選擇都好多下，水煮/半煎炸既都得，$29/5隻，$49/10隻，10隻會抵食d, 叫左京蔥羊肉水煮餃，京蔥配羊肉剛好，唔會是但一樣搶過對方既味，都幾多肉汁，無叫錯水煮，因為個餃子皮好Q彈，唔會好粉好稔，食多幾隻都唔滯辣牛肉麵麵質都係有點Q彈，湯一般，牛肉尚可無咩特別酸辣湯我下次唔會叫，唔係幾夾我，平時用板豆腐之類，呢度係有五香粉既豆腐乾，又生粉水， 一個普通飯碗份量買$19貴咯山楂茶即係酸梅湯味道都唔錯，無冷熱之分，只有常/室溫…查看更多

阿妹係加拿大返，梗係同佢食下中國菜，片皮鴨係佢鍾意食之一，之前係第二間一係太薄，一係太厚又肥，$800幾蚊2人餐好似好多野食，咪做大嘥鬼，3個人叫2人餐，另叫多籠小龍包$55/4隻，$900幾蚊埋單以食物質素/環境都係物有所值2人餐有:火鴨絲湯2盅烤麩小碟糖醋魚小碟小籠包一籠4隻 (皮薄湯夠多，唔油膩)片皮鴨半隻 (凍左仲好好味)炒四季豆炒蝦球 (係有用少少梳打粉，但食同聞都好香蝦味)值得再試!雖然唔算係平，但好full下，前幾日book唔到位，建議7點左右walk in入座…查看更多

回應返網友話員工散慢，我十分同意，但可接受，按侍應數目，唔會比人感覺如此，我想主要係餐廳新+ 剛讀完書出黎工作既小朋友，叫埋單15分鐘都埋唔到，前後叫左4次好在叫點餐叫左2次，上菜都算快，但食物同隻碟都好大，2人枱叫3碟野真係好頭痕，盡對唔夠位放食物我同朋友都好滿意，值得再試，每枱空間都係夠，坐得舒服，椅放左大手袋係後面，都唔覺辛苦，到差唔多埋單8點半左右滿客好嘈,隔音差左d裝修無網評咁靚同好多影相位，但都唔錯2個人(無叫飲品) 3碟野$356 (含加一) 都算係唔貴1，墨西哥粟米片+牛油果沙沙醬 - 粟米片仲熱ga, 唔會油膩，就咁食都好好味 (有調味)2，巴拿火腿羽衣甘藍藜奇異果麥沙律 - 十分清新，雖然無咩汁醬3，燒牛仔意大利飯 - 燒牛仔剛好，切開no red just pink, 個飯好多白汁同cream cheese又唔會好笠口…查看更多

按我所知開左幾個月，人流跟內街阿蘇叮噹馬頭，超多人，想食比d耐性等下啦，今日係星期一多數人返屋企食或者夜收工，剛7點多行過無人排，唔洗諗入左去先叫左個細煲什錦肉骨茶，有一字骨/豬腩肉/豬肚/雞腳/豆卜，店員會比碗你另外倒淨湯比你，咁就試得清楚個湯啦，湯好濃下，個人覺得甜左少少，飲完唔口乾，d肉好夠味，可以唔洗點汁醬娘惹喇沙加埋秘製辣椒醬真係一流，個湯都飲得，唔會好咸，麵係黃麵感覺似少油版既油麵魷魚涼拌通菜係街頭小食咩？ 都幾特別未食過魷魚+通菜，果辣汁惹味但唔會死辣又夠香柑桔話梅飲超甜，應該叫凍會好D檸檬薏米味道剛好，不過薏米硬左dHKD202.00埋單…查看更多

成個場冷冷清清，做野既人得一個咁，野食同野飲都唔多掂，基本上係填飽個肚算，如果一早知連鎖店唔會試咯男友唔舒服是但搵間野食，唔係乾乾淨淨都費事入男友碗牛三寶湯麵上枱先，個湯好香仲以為好好食，牛腩/牛筋夠稔，但唔入味，食到牛筋好似咬緊舊膠咁肉燥炸豆腐飯成碗野成鹵味蛋食得下，炸豆腐無野點，少少椒鹽都無，肉燥成果一湯匙咁大把，咸酸菜得7條絲，仲衰過環頭環尾地踎茶仔柚子薑蜜要柚子無柚子，要薑無薑，只係一杯甜甜地既水青檸桂花茶好似桂花烏龍茶，都飲得下，但無青檸味咯…查看更多

印尼碟頭飯我第一次食，選擇唔多，快餐點咁，價錢平，叫埋野飲2個人都係$112我細細個已經有呢間舖頭，但從來無諗過食，話說附近既食市都試過晒，平平地試下無妨我係第一次食全部都係豬既撈麵，真係井底之蛙咩印尼唔係回教唔食豬咩，食材有豬肉豬/炸豬皮/叉燒/餃子/炆豬肉/豆乾條，個麵好似生麵咁，咩唔係好似營多d咩? 幾特別，味道OK, 成碗麵最好食炸豬皮，因為佢連一層脂肪唔係淨皮巴東牛肉飯牛肉都幾多，好稔同入味，個汁甜左少少，辣味慢慢散出黎，伴碟青瓜洋蔥沙律好味唉…點解個柑桔冰咁多核，味道平平無奇…查看更多

位置雖然唔大，但空間感十足，可以打下卡照相，同朋友吹下水唔錯，仲有少量衣服同飾物買，營業時間到夜晚7點，想去星期六/日去好d,放工去好趕下甜品無睇，好似睇其網評唔錯主餐選擇唔多，叫左個all day breakfast 成碟野最好味個牛角包，其他無咩特別，另外叫左黑松露薯角，我覺得唔錯，但朋友話唔好食，因為係焗既唔係炸到脆卜卜果隻我杯蝶豆花梳打好味，冰都係蝶豆花整，唯一問題係太細杯朋友杯菊花紅棗杞子茶好淡，原因係成壺得菊花杞子菊花各得兩粒…查看更多

第一次食poke bowl,有點餐紙比你一樣一樣慢慢配，感覺都幾似點車仔大麵咁寫好後就去櫃檯比錢，啱啱得一個女仔一腳踢，雖然樣樣準備好執落個碗就得，但野飲同小食係即叫即整同炸，上菜都有少少亂，因為無號碼牌，等食既時間有d長，但都可以接受先上左辣味炸薯條，原來係蕃薯，感覺無咁乾，可能一食甜野增加口水分泌，灑上辣粉又幾突別，出奇地夾同好味我同男友除左魚生同3款餸外，都係叫飯+沙律，珍珠糙米幾有咬口，成碗食晒都幾飽下，個人推介山葵乳酪既dressing, 清新又健康…查看更多

有網友話船麵份量唔多夠，其實係泰國艇仔買果d差唔多，湯底覺得唔錯下，飲完都唔係太口乾，我叫左黃麵太稔咯，d餸有陣腥味，就算係豬肉都唔係咁，我最愛豬潤好似紙皮咁，又乾又硬男友話整咩係安格斯牛，比返靚少少肥牛好過小食算係低食30幾蚊一款，普普通通不過不失，鳳爪得酸無辣同埋唔太入味，青木瓜沙律入面有芽菜同生豆角都幾清新下，但個汁少左d有樣野要讚下，個辣椒油超香，唔會死辣，有興趣可以係收銀度買返樽熱龍蜜都幾好味，一杯有6粒龍眼都算係咁，男友杯大樹菠蘿椰汁冰，我覺得陣味唔夾，男友話淨係飲到椰汁味…查看更多

又到2月份生日之星聚會，做完運動更係好補充返無意中發現好野，唔難搵匯豐中心對獅大門口對住午餐好低食，主菜/飲品/甜品都係60蚊左右，真係好貼心其中有兩款係純素，今日朋友話加多素菜pizza tin, 素食朋友唔怕無野食原本素菜餐有長粉或者素漢堡+鷹嘴豆醬配烤餅，烤餅餐個人真心推介肉葷有炆羊或者雞配糙米飯/肉醬pizza/烤雞肉卷 (唔記得左影) 樣樣都好味，真係會選擇困難症甜品當日只有兩款，椰絲甜餅及奶凍，個人口味椰絲甜餅正！…查看更多

對於住西環既人黎講，正確位置係石塘嘴，尋日11點幾周圍蕩睇下邊度有糖水食時候見到，行完摩星嶺，返屋企沖完涼，hea完都9點，注意晚上10點last order同準備舖食物質素算性價比高，份量都幾十足，好飽下，埋單$160 (後來叫左杯拉茶試下)白胡椒骨頭茶未飲過梗係試下，唔好睇好似好清咁，好香白胡椒味，肉好稔有肉汁同肉味(無雪味)，有成個蒜頭係湯入面，熟晒無左本身辛辣味，反而多左份甜味，湯涼左都好飲，會感到條脷有點麻，怕辣最好叫另一款生肉骨茶啦燒雞蝶豆花椰漿飯，雞肶好大隻，味道剛好，唔太咸，個椰漿飯淡淡椰香，仲要蝶豆花染色，好吸睛呢…查看更多

唔知係咪韓國超市同外賣店收早定無開，成條街好冷清，感覺餐廳都少左咁食飯時間又唔想等無得邊幾間，Oppa算係比較坐得舒服叫左火腿蛋漿芝士飯+薯仔排骨湯(大)兩個人已經夠食，$428埋單 (已連加一)個飯真係好多芝士，即場有oppa用火槍燒/幫你撈埋個飯，其實應該拍條片，剛係我旁邊太近影唔到，味唔錯，但有d滯個湯薯仔好少，蔬菜同芽菜都多既，但係明明係排骨，點解係煲湯骨，食下軟骨同骨髓都可以，個湯有少少辣，怕辣要注意下咯…查看更多

男友話恆河之前係西灣河出名食咖啡，多人到唔洗旨意入去，我九龍人點會去港島環頭環尾而家恆河係大角咀再開業，可能仲未有太多人知，定係剛過左第一輪下午茶時間，3點半唔洗等位咖哩好好賣，想叫都無，係吉列豬扒要$48，其他茶餐都係$40有找吉列魚+香腸+牛角包+炒蛋+沙律菜+茄汁豆，包熱餐飲竹炭免冶牛漢堡+咸蛋黃炸薯角 (個包好柔軟，免冶扒唔錯，炸薯角好味個人鍾意咸蛋黃)， 即磨咖啡都唔錯$71埋單，真係好有質素又抵食午餐都唔貴平均$5X 包野飲，平過茶餐廳啦…查看更多