AliceLam6273的个人专页

對於本人呢啲咖啡中毒者黎講，有時啡癮起真係會特登搭幾個站嘅車就係為左一杯咖啡。🤤🤤呢到咖啡我成日都覺得有股神奇力量令我飲完會有種差完電嘅感覺😌😌有一次我又黎到「癮啡」呢到，飲同一樣野（Sparkling coffee)但係food pairing就有唔同左，唔再係Earl Grey Tea scone. 岩岩見到佢出左個lemon cake。。。唔好講咁多，整返件試試佢😏係夾嘅！耶加雪菲嘅花香係檸檬蛋糕嘅甜酸味嘅襯托下變得更突出。夏天整返個咁嘅配搭，成件事好開心😃…查看更多

作為大西北啡友，都有聽聞有間coffee shop 叫CoHee, 但係就一路去唔到造訪，終於有一啡友咁岩可以一齊去試試。說真的，出左車站，雖然望住google map行而且方向係岩，但係望住荒蕪嘅週邊，都忍唔住問係咪真係呢個方向架？不過，皇天不負有心人，望去對面，發現對面就係我地嘅目標——CoHee佢有兩個打對面嘅舖位，一邊係點餐同廚房，另一邊就係咖啡Bar。我地點完餐，就過左咖啡bar 個邊坐。紐約芝士蛋糕，不過不失嘅表現，欣賞佢地願意花心機做擺盤裝飾，蛋糕唔會話好甜，但略嫌餅底有少許唔夠實。朋友試左焙茶味，我覺得比紐約芝士餅好味。飲左兩杯，第一杯係雲南普洱風味嘅咖啡，第二杯係印尼曼特寧（以上係曼特寧，第一杯唔記得左影），曼特寧呢隻咖啡其實好考烘焙師手勢，拿捏得唔好就會變得好苦好澀，幸好呢到嘅曼特寧烘焙得好好，因為佢完全發揮到曼特寧獨有嘅醇厚同甘香。 講真，其實感覺似係去左一個朋友屋企多過去左一間咖啡店，因為我地去個時嘅咖啡師，雖然唔係屬於多野講，但係當同你交流嘅時候你感受到係真摰嘅，同埋最主要嘅係當你係個個環境入邊嘅時候，你會感受到成個人都好放鬆。…查看更多

係中環區呢個咁昂貴嘅地段，要搵到一間真正平靚正嘅餐廳的確唔容易，但係唔容易又唔等於完全無，慶幸透過朋友介紹，我搵到一間CP 值甚高嘅日式西餐廳。餐廳因爲係樓上舖加上唔知係咪因爲日本人主理嘅關係，主要食客都係一啲居港日本人，加上店內環境簡約，燈光柔和，所以身在其中都不禁有種隱世嘅感覺Pomodoro : 小小嘅法包上面放滿左沾滿九層塔同蒜香味嘅蕃茄肉，酸酸甜甜嘅味道的確能夠喚醒食欲。我諗呢個就係Appetizer嘅精妙之處。Shimeji Pizza : 芝士加上日本真姬菇放滿整塊薄脆餅底。芝士嘅咸香味加上真姬菇嘅微甜味，加上薄餅帶有少少蕃茄醬，去除左芝士嘅膩。咬落去，頭先嘅講嘅味道充斥住整個口腔，不得了！Beef Tenderloin （Medium）:肉質Juicy嘅牛腰肉，淋上疑似係紅酒汁嘅dressing， 再配上朋友食完之後高度評價嘅烤薯粒，實在無得輸。Salmon e crema : 將慢煮過嘅三文魚粒拌入忌廉汁，再淋係意粉上面。濃厚嘅口感有別於一般嘅carbonara，濃稠度唔會厚身到話食兩啖就滯住食唔到其他野人均消費大約$200左右。…查看更多

某個需要去IFC上班嘅星期日，下午一點幾放飯嘅時候，發現每間連鎖餐廳都已經坐滿嘅姐姐們，唯有走返入去Ifc 或者機鐵站入邊搵食啦😪行行下見到有間叫永樂冰室嘅食店，望落去乾乾淨淨似乎幾食得過就行左入去坐低左。望住佢張點餐紙，我一度定義唔到呢間樣到底係食咩？🤔 最後我決定唔理啦，揀左個感覺唔太伏嘅野食—胡椒豬肚雞湯米線雖然本人都頗為喜愛食胡椒豬肚，但令我覺得驚喜嘅點係竟然佢係有雞件，一心以為佢只係用雞湯做湯底嘅米線，點知原來係 雞 湯米線😌首先豬肚好有咬口，雞件都有鮮味，但係豬肚配咸酸菜呢個「電劣」真係唔係咁易打破🤦🏻‍♀️，所以感覺係會有啲缺失，加上胡椒略嫌爆得唔夠香，胡椒粒嘅辣佢釋放到，但係個香就差左少少。價錢賣你$65 ，仲有杯豆漿送，以中環區黎講尚算合理整體表現，個人認為不過不失，我會比6分…查看更多

做左成日野，收工唔係食野姐？！於是就同同事們一齊黎左呢間糖水舖食宵夜。一行6人每人叫一款。超級三兄弟（朱古力軟雪糕，朱古力奶凍，朱古力心太軟）三種唔同質感又有唔同濃度嘅朱古力甜品。三者都非常夠朱古力味。雖然心太軟係要趁熱食，但係會放係最後先食，因為呢個係三者之間最濃郁，所以會蓋過另外個兩隻甜品。楊枝甘露綿綿冰＋雲呢拿軟雪糕好足料，芒果大大嚿Baileys 綿綿冰 放入口就有好香嘅Baileys 酒香，加埋其他配料，成個口感豐富左。唔覺唔覺就食哂啦芒果爺爺真心覺得呢個食完真係好透心涼，除左因爲佢有一圈嘅軟雪糕同大大粒芒果之外，底層亦有由椰子水做嘅啫喱，（雖然本人覺得質感似大菜糕多啲）芒果小丸子 ＋ 3.6 牛乳奶凍料多，但夾埋啲芒果汁個奶凍就變左無味。芒果小丸子＋河粉有差唔多嘅大半個嘅芒果，河粉做得好滑。…查看更多

有日深夜，心癢癢想食串燒。但係地方就腳嘅串燒店又略嫌價錢偏貴，唯有上網搵下有無其他選擇。睇到呢間四川風味嘅串燒店，地點唔算難搵，無乜負評，價錢看似合理，就即管試試。去到店內環境乾淨，無乜油煙味。由炭燒木製成嘅枱櫈令店內裝潢加入一絲中國風。店員見我地第一次黎都會介紹返有咩食。(其實個到除左串燒仲有雞煲火鍋可以揀)點菜個時店員會問食唔食辣，食幾辣？因為之後嘅野食會全部幫你加上辣粉。兩種口味嘅燒牛舌。(左：鹽燒牛舌，右：燒手舌)牛舌厚度差唔多1 cm, 但係食落唔算韌有咬口。燒手舌會跟一種類似沙茶醬嘅醬汁，但係放多左會過咸，加上可能本人唔太喜歡食醬，所以比較喜歡鹽燒口味嘅燒牛舌汁燒魷魚筒。魷魚筒食落口仲有佢嘅鮮甜味，但整體黎講如果後加嘅調味料輕手啲會令味道更加平衡。雞軟骨，係本人食親串燒都必食嘅一款。加左少少辣粉同孜然粉之後整個口味變得豐富。其實仲有叫其他野，但係因為太肚餓所以無影到太多相。呢間我諗主要係sell抵食，200幾蚊食串燒食到飽住走。三五知己聚埋一齊食下野吹下水，呢個價以CP值黎計算係咁，所以會encore 的！…查看更多

之前一直有聽到身邊朋友們講“TonyWong”嘅蛋糕有幾好食，自己都有買過佢嘅甜品書，但就一直無機會去試下到底有幾好食。琴日去九龍城搵食終於可以一試。一入到門口，目光就比展示櫃入邊琳琅滿目嘅精緻糕點所吸引住。向店員點完餐之後就返左埋位，係開動之前目光係店內嘅環境上打個轉，店內裝潢簡約而高貴，感覺真係好似係五星級酒店入面嘆緊下午茶咁。American Cheese Cake口感幼滑,芝士味濃郁而不膩，餅底實淨唔易散。上層嘅酸忌廉同糕身結合左，唔會一叉就分開晒。試完個Cheese Cake，就向朋友嘅Chocolate Truffle埋手。方才滿腔嘅芝士味瞬間就被香濃嘅朱古力味掩蓋。通常有鏡面朱古力嘅蛋糕對我黎講都覺得太甜，但呢個甜度我覺得岩岩好。雖然價錢上黎講係有啲貴，但整體CP值高。會再去食！…查看更多