jayceeeeee的个人专页

今日特登入咗屯門藍地，呢個從來都未嚟過嘅地方解鎖咗新嘅地圖🤣 喺社交平台見到另一位博主推介呢間新開開咗無耐嘅餐廳，所以趁住打風之後嘅假日入咗嚟屯門試一試。店舖因為新裝修環境尚算闊落有兩層，一般都係喺門口向收銀姐姐落咗單之後就自己搵位坐。裝修呢就同普通嘅燒味舖無異，但係呢佢呢度有燒味同埋車仔麵可以揀嘅。 鑒於我哋為咗食佢個古窯烤炸雞同埋其他燒味而嚟所以呢車仔麵我哋就冇嗌啦。見到佢嘅燒味飯，單拼$30雙拼就$38加埋好味又大份嘅燒味(偷望隔籬枱)算係性價比非常之高嘅選擇。今次我同男朋友就嗌咗半隻古窯烤炸雞，半隻古窯豉油雞，半斤古窯燒腩，同埋半斤黑蒜叉燒。先講佢嘅烤炸雞，當然啦就同世一炸雞薔紅係爭少少，因為佢係切開嚟上同埋唔夠熱，所以就冇咁多雞汁，不過佢嘅炸皮都尚算酥脆，食得出有好濃嘅柴火煙熏味，$50半隻雞嚟講係當抵食👍🏻 另外佢呢一份烤炸雞會跟埋豉油同薑蓉一齊上點少少豉油去食呢又係另一種風味。下次會俾多次機會佢叫佢幫隻或者原隻咁上。P.S. 一隻都係$98豉油雞嚟講就同樣都係收$50半隻。豉油雞醃得相當之入味，雞件都相當滑。豉油一甜味呢帶起咗我唔少嘅食慾，相信豉油雞呢撈飯就會一流。呢度嘅燒腩就好出色，可能係因為用柴火嘅關係，佢嘅芝麻皮燒得格外鬆脆，就算放耐咗呢都仲係非常之脆口。師傅切嘅燒肉大細係好平均，唔會俾啲邊邊角角搭單。同樣都係收$50半斤$98一斤，所以呢係相當之抵食👍🏻至於黑蒜叉燒，就唔係好合我嘅口味。黑蒜味就未煮好出佢切得比較薄。有別於梅頭肉，佢叉燒用嘅部位更加類似於燒腩嘅腩肉，肉同脂肪太過分明未做到甘香油爽嘅境界。叉燒嘅調味都尚算可以，但係可能用一部位就用返傳統嘅梅頭比較好🙈整體嚟講呢間古窯烤炸雞嘅燒味相當高質，除咗位置有些去偏僻，但係搭輕鐵或者巴士都好容易去到，藍地仲有妙法寺同埋壁畫村可以嚟個weekend嘅本地小getaway 😍…查看更多

希慎food court花甲粉～見到廣場好多人食，有個錫紙包住，好奇心驅使之下叫左兩個粉絲食。本身諗住黎個快午餐，居然唔太差？🤔上網有睇到評價，但實測後除左有啲辣同濃味，份量適中，兩個粉湯底唔算好重胡椒味，但有鮮味。珍寶肥牛花甲粉：肥牛大概有3-4大塊，花甲冇沙，全部都有開口。味道鮮甜唔腥。麻辣鴨血花甲粉：麻辣味好惹味，有啲蒜味係湯底。記得要趁熱食，凍左既粉絲會慢慢吸左啲湯。泡椒魚皮：呢個我好鍾意😂屬於後勁辣，忍唔住食完一舊接一舊。有啲過癮焗茄子：茄子面頭爆蒜，鍾意蒜味嘅朋友唔好錯過。我個人偏好可以少啲🤣另外茄子好厚肉地，夠兩個人分追加：爆餡紅糖糍粑同平時糍粑唔同。紅糖作為軟心，啖啖都食到紅糖🤣好食！整體：價格雖然偏昂貴，但係位於銅鑼灣心臟地帶，其他食個飯都60-70走唔甩。味道唔差，份量ok～可以間唔中試下新口味都唔差。…查看更多

位於Rosewood酒店5樓，與CHAAT, Bayfare social相鄰景色相對冇其餘兩間優越，冇維港景色，但係食物質素、服務水平、環境座位寛闊，完全唔輸比另外兩間餐廳。今次揀左食lunch係因為夜晚完全冇Dry-aged T-bone😂作為重度乾式熟成愛好者，為左T-bone改左食午餐。價格亦非常公道～set lunch $598/per 只係需要另加$298/兩位就有T-bone，何樂而不為😋除左crab cake同鵝肝每樣另加$98，其他已經係套餐全包，份量大，價錢對得住質素！入正題，前菜有四，有好香牛油味既Brioche，熱騰騰上枱。藍芝士沙律適合重口味既我🤩仲有刁草三文魚配醃青瓜多士（呢個還好，大家想像到味道，不過不失）。炸雞taco同crab cake偏乾有啲失色🥺可惜。餐湯龍蝦湯，上枱只有半碗，但係味道濃厚，有薯仔粒同少少蔬菜粒。唯獨冇龍蝦/蝦肉，口感心理上覺得差少少，但唔影響我對呢個評價😋好味熟成T-bone，用既係Black angus，雖然比USDA Prime淡味，但經過30日熟成，有被昇華到，肉味香濃，表面有炭香，外脆內軟係基本😌冇overcook，食落冇筋，非常可以。配菜甜薯條同粟米正常，冇乜特點，但兩個唔會想食太多，因為成餐已經夠豐富～最後Cheesecake好正，差唔多枱枱都點，成車推過黎有三種醬選擇（黃桃、士多啤梨、藍莓），酸甜酸甜配軟滑芝士蛋糕好正！另一個香蕉新地啱我口味多啲，有香蕉雪糕、香蕉蓉同蛋糕custard組成，唔係假蕉味，欣賞佢🫰🏻最後每位連加一$1000左右，咁豐富連晚餐都可以唔洗食，係近期香港食過既排房性價比之最😌…查看更多

佐敦超誠意fusion西餐！位於Eaton酒店地面，大馬路隔離非常顯眼！大澳蝦蝦（$145+$30手工意粉）：用左幾款蝦乾加蝦醬煮食既意粉！用上新鮮手打pasta，成件事情好香滑香濃，對於鍾意食蝦醬既我非常驚喜～pasta煮到啱啱好Al Dente彈牙，加上濃濃既醬汁煮非常合適。食到中間發現原來有腐竹加持有個獨特口感 非常有趣～Tiramisu（$75）：正正常常既蛋糕底，咖啡味好出～濕濕地好滑既Mascarpone cheese base~Bunuelos - Caramelised apple ($108)呢個甜品好特別，焗酥皮盒入面配個蛋糕～加埋雪糕做點綴，又脆又凍既組合令件事配搭得宜，唔會好膩或者好飽。加上蛋糕本來偏乾身，有溶左少少既雪糕令蛋糕濕潤返。總結：兩個人Chill chill地既下午嚟食係一個好選擇，食物大細適中，口味都好啱我呢啲本地人🤣 但如果下次再黎會想係度飲野，見佢酒既種類好多，應該cocktails會非常唔錯～…查看更多

終於都有時間出去吃喝玩樂，難得最近節制唔食咁多肥膩野但係吊頸都需要抖氣㗎～話說前兩日食左間宵夜，逆市開舖，由班後生仔主理。都要去支持支持，畢竟市道艱難🥹🫰🏻嘢食出品暫時唔係最多，但要有既都有，仲要係即叫即整，調味都唔係預製既肉，同平時食開好重醃味唔同Style，係一間良心舖頭。串燒既醬汁咸咸甜甜，好惹味～鍾意多辣味可以同店員要求多辣🌶️眼見最鍾意雞皮、雞翼同埋豬腩肉串燒。主要係火喉夠，滿足到我想要食熱氣嘢，夠哂comfort food既標準🤪同埋個雞皮好搶眼，十字架造型，相信係店主既小心思。或者美中不足係因為即叫即燒，上菜速度會比較慢。不過好食既嘢係值得等待既😊…查看更多

食到真係眼濕濕，同十年前食既味道一樣！一啲都冇變，仍然有招牌芒果奶昔雙眼奶，仍然係好重奶味，好重芒果味，一啲都唔酸😋仲有我最鍾意既龍眼椰果冰，我鐘意佢既清清地，特別係飯後甜品更應該要咁，唔會搞到太飽太滯！水晶珠係每成件事再昇華左一個層次！原本除左椰果口感煙韌，仲有埋水晶珠（All time favourite 比個credit佢）杏仁蜜瓜冰！想話呢個上枱勁靚😂我地四個人食，呢個係最特別，幾有驚喜。杏仁同蜜瓜原來幾夾！個好似綠茶啫喱既野好好食，滑捋捋😬同埋最後榴連水晶珠，我印象以前佢地係用榴連蓉，但係今次新版本用左新鮮榴連，誠意分💯。冰底我見好足料，結實既榴連蓉冰🤤要食趁早🙂‍↕️萬一大家都去哂我就要排更長條龍去。…查看更多

前排朋友有時間預先為左中環返工既我去呢間人氣餃子屋排隊，餐廳12點開佢12點到，結果都要排到12:30先有得入座，等左半個鐘非常期待～本身打算叫一個湯餃一個水餃加一碗擔擔麵嘅套餐另外加埋蟹肉燒賣，再嗌兩杯啤酒chill吓。落好晒單之後，店員走過來話蟹肉燒賣冇晒，原來午餐第二輪已經賣哂！早知寧願叫兩個餃子加面既套餐再搭啤酒會再平啲🤏🏻礙於落咗單冇得改，轉左Pizza味嘅餃子，係一個好大膽既決定🙈餃子餡味道fusion，ha！真係pizza味架喎！但鍾唔鍾意食就見仁見智啦！個套餐包咗三樣嘢，收$168 加一，八隻水餃子，8隻煎餃同碗擔擔麵，份量唔算好大，味道較重，同食開清淡既我就麻麻哋。水餃同煎餃正常發揮，八隻嚟講份量細細，兩個人分有啲到喉唔到肺🥺隻餃子偏向日式口味，如果抱住中式方向去試就可能有啲失望了。最後兩杯啤酒收穫一杯跟餐價$45 ，一杯散嗌$55，份量剛好係微醺😂真係唔係吹自己飲得，可能怕返工族食完lunch醉酒鬧事🤣總結，唔洗排隊既話就食啦，但如果等左半個鐘咁既水平就⋯難怪朋友食完一吐氣再補多件三文治🫠…查看更多

Shari Shari 人氣不嬲都咁高就不在話下了，就算佢中環店搬左新鋪大左又闊落左，門口排隊嘅人龍依舊不減，喺夏天黎講真係一大挑戰🤣 當然入到去要盡情嘆返口冰！上星期二夜晚八點同班friend 食完Dinner 過去都排大概三張枱十幾幾分鐘就入得～一行五人嗌左三個冰，一個焙茶口味，一個芒果熱情果同草莓Special 配北海道牛乳奶凍🤤岩晒夏天口味啦掛，酸酸甜甜同埋milky taste都有！焙茶口味配搭搽茶忌廉嘅口味好出色，而且加上黃豆粉同白玉，呢個組合冇得輸👍🏻芒果熱情果就正常發揮啦，熱情果偏酸，鍾意酸既朋友可以直接叫！草莓Special 嘅冰底淋上甜甜草莓糖漿簡直係絕配！ 不過Special 嘅牛乳奶凍就唔太Special 下次我會想試下草莓乳酪味多啲～整體而言，一大班friend去Shari shari share 冰食就一定係大推🤭…查看更多

話說最近由住左十幾年既港島區搬左入大西北，一直人生路不熟，想搵啲美食同小店試下。眾所週知屯門紅橋係美食小店集中地，坐低隨便一間野食都好正。呢間嘆撈絕對係我心目中其中一間唔可以低估既舖頭。店面小小，但食物質素好高水平。佢地招牌海嘆撈紅薯粉係非常特別，一片片煙韌得黎咬落爽脆🤯一試難忘。同平時食既紅薯粉一條條好唔同！BB辣爆蒜撈有啲櫻花蝦咁幾正，好惹味。另一個叫左禽嘆撈涼皮，超級足料！入面至少半碗係啲手撕雞、鴨胸同鵝腎，鵝腎仲要用鹽水浸過咬落水潤，手撕雞嫩滑得來配埋清新既醬汁好適合炎熱嘅夏天！佢地最大特色除左人情味外，加$12有佢地自家製煲既茶。叫左龍眼水同白桃烏龍茶，冇香精味，龍眼仲要好多粒，誠意分滿滿！見到其他出品都唔錯，叫多左桃膠雪燕西米露同檸檬愛玉消暑～同樣唔差喎！超有椰味同埋煲到啲桃膠起膠，檸檬愛玉就酸酸甜甜咁，好岩呢啲天氣😆經營小店非常唔容易，尤其係依家興北上，呢啲小店真係好值得支持～仲要咁好食，非常抵讚…查看更多

黎到環境都幾乾淨舒服，坐耐左冇趕客走～店舖好多牛肉款式，見到同我早兩個星期汕頭見到既款式差唔多，咁就知應該黎岩地方～叫左牛頸脊、吊龍同金錢𦟌，唔同部位唔同風味。個人最愛吊龍～因為佢再油香感出啲，唔覺得膩個種。但男友就鍾意牛頸脊，因為牛味再濃啲～金錢𦟌口感偏爽口。如果成班朋友大家唔同口味可以叫多幾款都得～除此之外嗌左個金鮪魚，我本身唔太食魚生所以冇乜comment。但啲朋友話佢好新鮮，唔係放題任食質素。之後再叫左生菜、豆腐同魚皮個啲，但冇影。正常發揮唔會差既野。但最估唔到係雞翼尖。我地後加既，因為食到最後大家吹水飲野，係超入味🤩鍾意噒骨既朋友可以試下～…查看更多

假日大多數時間都會留喺港島，呢個星期六飲完杯咖啡打算去食八寶清湯腩，由炮台山一路行過去天后嘅時候就諗起天后年嘅合時小廚私房菜，知道去西灣河店就嚟七月結業，九月會搬去A&F 舊址新開嘅會所採取預約會員仔先有得食。所以就打算去碰碰運氣，彌補返上次喺西灣河食飯太飽，叫唔到嘅少爺豬扒飯😭 好好彩，我哋2:00到餐廳，問可唔可以Walk in兩位？職員好有禮貌咁答我哋我哋2:30 pm last order，你要少爺豬扒飯嘅可以幫你整咗四位份量嘅出嚟，同埋即刻幫你焗咗先👍🏻 我哋兩個人就嗌咗一個少爺豬扒飯( 四位起) ，一隻炸乳鴿，同埋菜膽杏汁豬肺湯 (一位) 乳鴿炸得恰到好處，鎖到肉汁，調味都好充足，一咬落去就爆汁真係高水準之作🤤杏汁菜膽燉豬肺湯，啲豬肺同埋豬展煲到好出名，所以冇乜豬嘅腥味，而杏汁你係食得出佢手磨嘅有好香濃嘅杏仁味，有別於其他高級中菜，佢呢度杏汁豬肺湯比較足料，所以飲落都會有少少嚡口，我個人就比較鍾意👍🏻少爺焗豬扒飯，店員一上枱嘅時候我已經俾佢分量嚇親，目測嘅豬扒飯應該可以夠位飽四個人，而且唔需要叫其他餸🤣我同我男朋友食咗兩碗就拎咗去打包🤣去返豬扒飯嘅時候非常有誠意，一個店員幫手分豬扒飯另一位部長就負責分煎到啱啱好留心燶邊嘅太陽蛋落碗豬扒飯嗰度👍🏻特別一站部長非常小心，以免整穿咗蛋黃👍🏻 再講講個豬扒飯，首先佢係有一層芝士鋪面又拉絲嘅效果，個汁淨係用咗鮮茄炒成，冇其他芡汁或者粟米青豆呢啲唔等使嘅配菜，有清新嘅感覺，蛋炒飯底係非常有鑊氣，蛋汁係包裹咗每粒飯嘅上邊，而且有粒粒分明嘅效果👍🏻 豬扒就非常出色，肉質非常厚實，炸醬恰到好處啱啱上菜嘅時候仲有少少脆邊，食落都係鎖到肉汁，而且有Rosemary 調味，非常出色👍🏻 你去四位$340嘅價錢嚟講值回票價，係我心目中嘅世一豬扒飯👍🏻食完午飯之後即刻book咗八月嘅晚飯同朋友一齊二刷其他嘅招牌菜👍🏻…查看更多

初來乍到呢個新商場，比呢個翻版McGriddles既聲明吸引而來～叫左兩個餐，一個係豬柳蛋pancake仔配粒粒薯波+Double Cheeseburger 配粗薯條餐，額外加多左個黑芝麻Shake😌第一下觀感間餐廳好新好光猛，亦都冇油膩食物味，坐得幾舒服。同埋只要啲職員一見到有客坐低就會好熱心講解餐牌內容～係非常友善個種，我就會覺得同餐牌設計有關（因為Pancake仔系列係一定會跟薯波波，所以每枱客都要重覆講解🤔但如果餐牌寫得清晰應該唔洗個個客都要解釋）講返正題，如果為左Mc Griddles而黎一定會好失望，$68一個餐，價錢進取，但熱辣辣上到枱係好食，但食到尾有啲滯🤔薯波波薯條全部都即炸，脆卜卜的。最估唔到係我地嗌既雙層芝士漢堡（$78+$28加一片牛），個牛係勁Juicy一啲都唔柴，中間半熟狀態！個包食到一半啲汁滴到我成件衫濕哂😅😅唔係誇張，食到好論盡。呢個地段，市區價錢，但呢種質素，我覺得我收貨，尤其個Burger食過返尋味😆…查看更多

去開觀塘做野，發覺星期日晚觀塘唔多餐廳選擇。係比佢既價錢同埋燒肉set吸引左🤣叫左兩個set+幾碟肉同兩杯野，百零蚊一個人都食到飽。食物質素黎講唔孤寒，非常足料～牛肉唔會切到碎哂，而且幾新鮮冇雪味。感覺上啲牛肉部位都唔錯，至少油花均勻，唔會勁肥/勁瘦，大大份咁對得住價錢～成個環境通風好，食完唔會成身臭。同埋個舖面超大 成班人坐都好闊落，一啲都唔迫。呢個質素希望可以保持到啦～之後經過都會想再黎食😆…查看更多

都有幾年冇過嚟九龍城食呢間泰金國，之前佢喺舊舖嘅時候座位比較少，所以每次嚟食都最少排一個鐘以上😢 近年換咗新鋪，坐位闊落咗又乾淨咗排隊大概可能15分鐘就入到去食飯啦👍🏻今次同兩個朋友，三個人一共嗌咗六道菜，包括必食嘅燒牛肉，燒烏頭，細嘅小食拼盤，馬拉盞炒通菜，青咖喱雞，同埋蒜蓉包，之後每人都嗌咗一杯椰汁沙冰👍🏻先按評語整體嚟講，佢嘅味道都算係九龍城泰菜一流嘅水平，冇話轉咗新舖之後菜式味道嘅水準keep唔到同以前一樣，不過要批評嘅就係佢份燒牛肉份量就比以前細咗大概一半左右😅 但總體嚟講都係值得推薦嘅👍🏻 泰金國之前都試過喺唔同區分開分店，但最終都鎩羽而歸😅 而家市道艱難，希望佢哋保持水準，做好九龍城本店啦👍🏻…查看更多

住左係灣仔成十幾年，呢間灣仔老店喜記炒辣蟹有幾出名，唔駛我講係香港人都識😂但今次真係第一次試，適逢屋企人生日4個人叫左5道菜，份量剛剛好～招牌避風塘炒辣蟹：大大隻蟹鉗，係新鮮即劏個種，炒完出黎都好有鑊氣，但四個人分享一隻大蟹有啲意猶未盡。豉椒炒蜆：師傅炒到剛剛好，啲蜆冇沙的處理得幾乾淨，調味唔會過鹹。薑蔥美國生蠔煲：呢個我同屋企人都意想唔到，原先以為得嗰兩三隻蠔，但整體每人都起碼食咗兩隻，同埋啲蠔有走油再炒，所以個蠔唔會散開同埋唔會縮水縮到好細。椒鹽大瀨尿蝦：呢個我覺得因人而異，好既地方係因為夠大隻，食落啖啖肉，但食起上黎幾麻煩，非常容易插親隻手。但佢有附上工具比我哋所以ok~清蒸海斑魚：平時唔食魚嘅我都食咗幾啖，佢冇腥味，同埋唔柴。呢個建議一出爐就要食，因為放耐左凍左魚質會有咁好食。都幾高質，下次再來會試其他～…查看更多