Gremlins1031的个人专页

Bookmarked 咗好耐，今日可以去試一試la 😊我哋叫咗兩個lunch set, 一個係牛油果🥑雞肉黑醋沙律🥗；另一個係芝士手工意粉！沙律🥗雞肉有咬口，配牛油果黑醋汁好夾，我哋好like 👍🏻另一個手工意粉，意粉好味，但芝士同煙肉太足料，有d 漏！今日餐湯蕃茄湯，好濃蕃茄味，略帶酸👍🏻開胃之選！😊餐飲配咗熱檸茶and 熱檸水，杯靚但份量較少，大杯d 就好la!環境好舒適，樓底高，陽光從玻璃滲進餐廳，配上柔和音樂，可以慢慢傾慢慢坐，性價比算高，這是一間我會再回頭嘅餐廳👍🏻人均消費約$120 …查看更多

已經唔係第一次嚟食㗎啦，久唔久都會想嚟試吓呢間咁特別嘅火鍋店。☺️ 估唔到今次都仍然覺得質素keep 到，有保證嘅👍🏻佢嘅環境就唔使講啦,都係有佢嘅特色之處,真係唔係度度可以搵得到。💕 今次就試咗佢嘅象拔蚌刺身半隻，真心覺得好食，性價比都好高，真係值得一試。👍🏻 其他嘅貢丸呀魚皮都好食，反而今次叫咗嗰個手切牛就正常發揮啦。 我哋行五人，人均都係二百幾三百,仲要冇限時,仲要可以幫我哋影相,我哋自己帶紅酒，自己帶蛋糕🎂都免收開瓶同切餅費👍🏻 成個過程都覺得食得開心舒服,幾時都覺得呢啲人情味小店真係買少見少，有heart ❤️值得回訪…查看更多

一行四人，我係網上見到有好多人大力推介呢間餐廳，所以就bookmarked 咗諗住嚟試一試。 我哋就試咗佢嘅lunch set, 嗌咗兩個牛.一個銀鱈魚.同埋一個海鮮雜燴意粉set .. 每個lunch set大約百零蚊, 　牛就貴d 二百零蚊，佢包一個湯或者沙律🥗、主菜同埋包一杯嘢飲。 佢嘅主菜可以跟焗薯或者薯蓉，整體嚟講所有嘢都係正常發揮，反而冇喺網上睇到咁多嘅驚喜。每人百零二百蚊，係一個可以接受嘅價錢，但係選擇應該仲有好多。 職員態度十分好，值得一讚。…查看更多

我哋一行8 人預早book 咗生曰畫畫碟服務，要另加$35 ,預早留位人數多於4 人要比每人$50 deposite，一早預備好曬，比個驚喜壽星女🎂 我哋叫咗一個四人餐，之後散叫咗捲捲意粉！四人餐包餐湯，兩個沙律，一個意粉或飯，一個小食；四人餐個主菜揀咗啤酒雞，估唔到唔止得個樣，仲幾好食，有香草味，皮脆肉嫩，有驚喜👍🏻👍🏻值得推介！ 另外個捲捲意粉味道恰當，意粉有咬口，都值得試！仲叫咗個豬肋骨，份量有點少，味道算唔錯！ 甜品另外叫，我哋叫咗tiramisu 千層，差唔多一百蚊一件，少貴但幾好食！放在生日畫碟上，公仔畫得靚，壽星女好開心❤️值得值得！ 用餐時間得90 分鐘有d 趕；星期六晚全場滿座，樓上cafe 而言算唔錯架la.. …查看更多

我哋一行三人book咗呢度，試吓去呢間餐廳，來之前都講咗係生日慶祝，估唔到今次真係有驚喜。🤩 我哋叫咗一打生蠔，如果叫一打嘅話，就會送一支白酒或紅酒。咁我哋就揀咗一支白酒，白酒配埋生蠔好OK，支白酒亦算唔錯入得口。🎉另外我哋叫咗個豬扒，估唔到豬扒都幾好食，呢個價錢令我喜出望外。👍🏻 我哋仲叫咗個卡邦尼意粉，估唔到呢個意粉，呢個價錢有呢個即場燒芝士玩火嘅服務，簡直係有視覺味覺嘅驚喜，真係值得一試。💕 最後佢仲免費送咗個甜品俾我哋，而佢知我哋三個都係10月生日🎊所以佢係整咗三個生日碟💕呢個係十分十分之加分😍估唔到一間咁細嘅餐廳，居然有咁好嘅服務，而且職員亦都好殷勤好熱切咁樣幫我哋影相📸令我哋嗰晚三個最後好開心咁離開，多謝你哋。🎉 之後佢哋仲介紹話佢哋下午茶都好抵，咁我哋可以下次再試吓。…查看更多

一行五人食晚飯，叫咗每位$198 個set ! 茶位每位$20，已經不是第一次來，但今次的晚餐體驗有點令人失望😮‍💨椒鹽鮑魚👍🏻— 好味亦新鮮爽口，值得一試椒鹽魷魚🦑— 炸得剛剛好，不油膩，值得一試芝士龍蝦伊面— 不新鮮，肉質淋，芝士味亦不突出，可以不試椒鹽脆豆腐👍🏻— 外脆內滑，值得一試豉椒炒蜆—有沙，味精的味道，殼多過肉，可以不試蒜蓉粉絲蒸扇貝👎🏻👎🏻— 殼同肉完全分離，似用雪藏帶子放在殼上，真的令人失望☹️埋單時好在check 單，無端端加咗$138 食龍躉，但係我哋無食，所以話返佢聽，但佢好似唔信咁，係個櫃枱到攪咗一輪，佢再問埋serve 我哋嘅侍應，好在侍應真係知我哋無食龍躉，係佢哋入錯單，如果唔係就麻煩！職員態度有問題，最後都無一句唔好意思🫤嚟食海鮮，但咁嘅質素，咁嘅態度，唔會再幫襯…查看更多

二人晚餐想飲茶，就去bookmark 咗嘅店試吓！我哋叫咗姬松茸燉排骨湯，蝦餃，金錢肚，龍蝦湯腐皮卷，太陽蛋牛乳同埋葱花腸粉。湯料十分足，不是味精湯，推介👍🏻蝦餃，皮薄餡靚，推介👍🏻龍蝦腐皮卷，龍蝦味不突出，腐皮卷夠脆夠熱，正常發揮！葱花腸粉，十分好吃，十分滑，大推👍🏻👍🏻太陽疍牛乳，有創意亦好味，但偏細碗！金錢肚，一般，可以不試！…查看更多

我哋叫咗兩個甜品🍨一個芒果西米露，一個開心果合桃味雪冰！芒果西米露幾好食，料亦足，值得試！👍🏻開心果合桃味雪冰，諗住試吓，其實係合桃味雪糕上放粒合桃，開心果雪糕面上加點開心果粒，再加個小cone 同小丸子係側邊！整體一般，下次不會試！…查看更多

叫咗個咖喱牛腩撈麵同埋自選咖喱車仔麵！咖喱牛腩撈麵叫咗橡根麵底，超級彈牙有咬口，個麵又真係幾好食👍🏻牛腩亦都係辣，所以雙辣之下，辣到味覺有點麻木😅而個咖喱麵叫咗咖喱薯仔🥔同咖喱魷魚兩餸，整體一般，正常發揮！整體不過不失，個橡根麵值得一試！…查看更多

第一次嚟,攞籌攞到715 嗰round , 咁我哋就周圍行吓再返去，返到去等10 分鐘到就比$order 嘢食！我哋叫咗肉丸，黑松露意粉同埋千層麵！比咗$到有得食，大約15 分鐘左右！肉丸太淋，個人覺得不值一試！千層麵焗得香，料亦足，但略為膩，麵底比較厚，整體一般！反而最值得試嘅係黑松露意粉，個汁好creamy , 黑松露透出淡淡清香，同意粉醬好夾👍🏻意粉好味有咬口，唔會太硬，值得回頭再吃😋…查看更多

已經食過好多次，今日帶埋媽咪嚟食❤️今日下晝三點幾都差唔多坐滿晒，可能因為今日30幾度嘅關係，個阿姐都好好火，我哋叫遲少少個豆腐花，你都感受到嗰種壓力。不過為咗唔好影響自己食豆腐花嘅心情，就加多啲體諒啦。 我哋叫咗兩個熱豆腐花，同埋一個雜果芒果豆腐花，豆腐花其實都真係幾好食，因為比較實在啲，唔會咁稀,有獨特嘅豆香味😋 另外，我覺得最好食就係個魚蛋同埋個煎豆腐，所以最後order都買咗魚蛋同埋煎豆腐返屋企當加餸，個魚蛋又彈牙又新鮮，都真係幾值得食。…查看更多

同幾位朋友平日lunch 相聚，朋友推介話之前試過唔錯，咁我哋就一於試吓😚 我哋4個人叫咗4個lunch set , 可以加$叫佢d 特飲，但係我最後都係叫返跟餐嘅烏龍茶！朋友就加咗$叫matcha latte 😚佢話好飲喎！ 我叫嗰個意粉🍝份量算幾多，仲有乾蕃茄伴意粉，👍🏻整體感覺好ok… 個價$只係$91，有這個質素、飲品同環境，超值👍🏻 特別一提，lift 唔到，要行樓梯上多一層！另外，我哋慢慢傾慢慢食坐咗成個下晏，完全無被趕的感覺，真係享受了一個真正的悠閒下午！ 如果係觀塘想遠離繁華鬧市，可以一試😚…查看更多

我哋兩個好耐冇去湊湊火鍋食啦，所以今晚就嚟咗湊湊火鍋度食dinner。❤️ 我哋有睇過散嗌嘅餐牌,另外佢哋有個二人餐$698，茶錢同埋出面嘅自助Bar，咁我哋都覺得幾抵，所以就叫咗個二人餐。👍🏻 我哋主菜叫咗一個牛，一個豬，兩個嘅質素都幾高，佢仲有一盤菜，仲有手打滑比你揀，有包埋一壼茶，出面嘅自助吧就有生果，生果有西瓜🍉同哈密瓜，仲有滷肉飯，亦都有醬料俾你自己任選。 整體嘅環境亦都坐得舒服，之前成日都食佢個lunch，今次係第一次試佢嘅晚餐，估唔到性價比都好高。兩個人都真係食得好滿足😌仲要佢個烏冬都幾好食。👍🏻呢間都係一間值得回頭嘅餐廳😚…查看更多

之前一直都想試吓呢間餐廳，今日終於試咗佢嘅lunch😉佢個lunch有西式同日式俾你揀，雖然嘢食選擇唔係太多，但係我都覺得幾足夠，反而太多會令人哋覺得好亂。由於係之前book咗嘅關係，佢留咗一個窗口嘅轉角位，有張梳化可以坐。亦都係近窗邊， 感覺舒服relax 😙 我哋兩個人，一個叫咗日式鯖魚烏冬餐，而另一個就係叫西式嘅蕃茄芝士羅勒意粉餐，配酸種麵包。個麵包都真係幾好食，蕃茄滿滿的😍另外，個意粉雖然有一啲辣，但係反而令到個芝士同埋蕃茄味更加出，呢個我覺得值得推介👍🏻但係亦都好大碟，小食嘅咁就可以帶定個外賣盒啦😄 套餐亦都包咗基本一杯茶，而西餐就係配紅茶日餐就配日式煎茶。我哋兩個慢慢傾慢慢食，亦都冇限時，大家傾得坐得好舒服😌 我覺得呢個價錢有呢個環境同服務都算值得。呢間都係我下次會有機會再嚟嘅餐廳之一，下次再睇吓佢嘅黃昏同夜晚個view 😚…查看更多

今日我哋兩個人，就嚟呢度試吓佢嘅午餐，我上網見到有lunch set所以就嚟試吓🤨 之前試過佢嘅afternoon tea set，嘢食都算OK，但係個環境好好，又夠靜，所以今次再嚟試吓佢嘅lunch。😌 lunch set都係包餐湯main course,而飲品就係要另外加錢。我哋一個叫咗Pizza，一個就叫咗三文魚沙律，我覺得個三文魚沙律份量就偏小，但個Pizza就都算幾大個，一個人就食唔晒，所以建議都可以帶定外賣盒如果細食嘅話。 因為book咗12點嘅關係，去到一個人都冇，之後先至慢慢有人上嚟食lunch，整體環境都係好舒適，比較靜，好適合想慢慢傾偈，慢慢食嘅嘅人。😉 食物我就覺得正常發揮，反而係個環境令整體加分！如果呢個價錢有呢個服務同埋呢個景，我都覺得是一間值得回頭嘅餐廳😙…查看更多