AugustS的个人专页

飯局聚腳點，環境舒服，如能坐𥦬邊位，見到香港海景就更好。4人聚餐，天氣涼涼地，食吓暖苙苙的三寶河(牛肚、牛丸、鮮牛肉片)，暖吓肚仔，牛肉不靭，每人分少少，可以食多兩味。另外，試左芽莊炸物，炸蝦餅及蝦多士，每人各一件，味美香脆、仲啖啖肉，值得一試。還有叫炭燒豬頸肉，腍肉多汁，不過我個人較喜歡醬汁另上。還有叫蒜蓉炒芥蘭，芥蘭新鮮，炒菜味道正常。由於朋友想食澱粉質嘢，所以叫左芽莊炒飯，但大家都有點失望，炒飯熱度不夠，係越南餐廳食飯，事實炒飯不是熱門食物，可不用試。…查看更多

從餐廳外，見有些人氣，餐牌食物吸引，價錢合宜，職員有禮，不防試試。 常餐1份，包括：丹麥提子蝴蝶包加炒蛋，豬柳芝士讚岐烏冬。豬柳煮得軟腍，不會過鬆化或過韌，常餐通常配餐包或多士，好少會配丹麥提子蝴蝶包，雖然卡路里高些，不過share食，罪惡感會減少少。 另外，叫左黑松露芝士西冷扒飯，西冷扒煮得恰到適中，牛扒兩面煎至焦香，肉質軟軟有肉汁，飯香帶有黑松露味。不過，由於今次order的兩個餐都有香濃芝士醬，味道不錯，但實在太漏，如果其中一道主菜非選擇有芝士汁的餐會更好。最後，來杯餐飲，各1杯熱咖啡及凍奶茶，以這價錢味道算不錯。…查看更多

初四跟朋友聚聚，找個靜靜位置，無限時盡情傾談。今天初四有$178 lunch set，或者散叫單點也可以。我們倆人同樣也叫All day breakfast，朋友不要套餐，而我套餐前菜揀左是日餐湯，味道似椰菜花湯，稀稀並不濃郁。主菜上場All day breakfast，香味蒜蓉包、太陽蛋、新鮮生津菜、煙三文魚(不會太咸，啱口味)、煙肉及芝士腸(煮得啱啱好，煙肉唔會煮到口感似薯片)、軟軟牛油果、茄汁豆。而朋友單點的All day breakfast，會以牛角包代替蒜蓉包，其他食材也是一樣。套餐包甜品，可選迷你焦糖燉蛋或香燈罌粟籽蛋糕加奶蓋，貪新鮮的我，試試後者的甜品，對我來講太甜，味道無留戀的感覺，試過就算。最後，來杯餐飲即磨咖啡，反而有驚喜，加埋鮮奶好香滑，易入口香濃。總括來講，餐湯與甜品並非必食推介，建議可以單點熱門主菜，再嘆杯咖啡，慢慢享受。…查看更多

新年食中菜，通常大排長龍，考慮到這點，就選擇西餐，荳子曾到訪數次，今天有空可以寫上食評。 今天四人家庭聚會，不用排隊等位，12點到達，即時可以入坐，order了4個主菜，第一道是Egg Benedicts加配羽衣甘藍沙津，雞蛋略為過熟，只有少少流心的效果，而加配的沙津，配上意大利醋，新鮮好味，分量也不算少，以30蚊的價錢，也算不錯。 第二道🐷🐽原隻德國豬手加配芝士薯條🍟，如果怕麻煩，可以選擇碎上，就不用自己切開，豬皮香脆，肉質部份偏乾，份量適合四人分享，樣樣試少少，少食多滋味。 第三道🍴蟹膏甲羅燒蟹肉意粉，蟹膏味濃，意粉硬度煮得啱啱好。而最後一味千島醬蟹棒帶子pizza🍕，一人一件芝士拉絲pizza，今次可能醬汁過多，餅底好似較濕，如果喜歡用手食pizza，要小心醬汁流滿手。 飲品跟主菜，價錢平少少，叫左烏龍茶、熱凍各一杯mocha coffee，以及熱hazelnut coffee。如果你喜歡微甜，帶點苦味，這款飲品就適合你。 整體食物質素不錯，雖然有限90分鐘入坐，不過由於今天不算多人，所以也沒有受影響，可以盡情傾談，職員態度有禮，惟某些布座位椅子有污漬，改善吓就更好。…查看更多

第一次到訪餐廳，門口枱椅無人坐，圍觀四周無人，心感不妙，不知會否中伏，但見openrice食評不錯，仍想試試。一進入大門，見到位高䠷的女侍應，帶我行入近𥦬角位置，原來餐廳內空間闊落，也已坐滿不少客人，寬敞環境，是個靜靜傾談的好地方。可能因今天是初二，所以餐牌跟openrice顯示不同，叫左set lunch，前菜可選擇沙津或是日餐湯，最後揀左後者，今日天氣涼涼地，飲吓暖笠笠南瓜湯，選擇正確。主菜是牛舌意大利粉及墨魚墨汁意大利飯，平日食牛舌，我通常都係以鹽燒/黑椒牛舌的食法，未試過用來煮意粉，有驚喜，可以一試。另外，墨汁意大利飯，如果你喜歡軟身意大利飯的質感，又唔怕食到黑色嘴，這道菜建議一嘗，美味可口。還有其他主菜的選擇，見到隔離枱的客人，叫左egg benedit，包即炸薯條，都好吸引，等下次再來拜訪。最後，送杯凍的水果茶，唔甜，適合我口味。…查看更多

12點到達餐廳，原來有分omakase同定食部，最後，我哋選擇先試定食套餐，全場得我們兩人，好似包場，好正! 可以盡情暢談。我們叫左1 set 原隻蒲燒鰻魚飯定食及燒汁牛舌飯定食，鰻魚size好大，味道正常，無雪藏味。定食包埋日式豆腐沙律、麵鼓湯、溫泉蛋。沙律菜新鮮，麵鼓湯唔夠熱，而且偏咸，所以飲左兩啖，就放棄左，溫泉蛋有少流心，都整得算靚。而燒汁牛舌飯定食，以88蚊價錢，覺得不能要求太多，味道合格。見openrice食評不錯，唔知係咪大部份都係食omakase，見當日坐omakase那邊，相對人氣多d，但今次食定食的體驗，就覺得一般，或者刺身先係餐廳的賣點。…查看更多

今日與姊妹，一行三人食Lunch Buffet，職員安排坐窗口位置的大枱，感覺寬敞舒適。先試試近期推介的魚子醬拼海鮮，魚子醬不錯，無限供應。但放在沙津上的這款帶子，就完全無帶子的鮮味，如果喜歡食帶子刺身的朋友，建議可以直接往刺身部，享用帶子刺身，口感味道大不同，鮮甜味十足。而海鮮中，值得一試的是龍蝦，很多膏很鮮美，做就了今日的主打。不過，龍蝦湯就偏鹹，至於龍蝦Egg Benedict，把半熟的水煮蛋放上龍蝦面，賣相吸引，可惜麵包可能已放了一段時間，質地較硬，最後放棄了片麵包。由於，要留肚食其他嘢! 只是食左少少點心(蝦餃及燒賣)，味道唔錯，非常足料。重點推介 -- 甜品及雪糕，有各式各樣的款式(蛋白撻、白咖啡榛子慕絲、歌劇院朱古力蛋糕等)，任君選擇。喜歡食榴槤的我，又點會放過食榴槤蛋糕、榴槤批、以及榴槤雪糕(又滑又濃味)，實在太滿足。從未試過茅台味的雪糕，雖然味道怪怪，但有創意我鍾意。任取飲品 -- 可選擇橙汁、西柚汁及桃酒，正常味道。最後，送杯餐飲。…查看更多

初二不少餐廳也休息，見Open Rice顯示[登堂]仍在營業中，不妨試吓碰碰運氣，約12:45pm到達，不用等候。直接被安排坐在角落位置，現場已座滿八成顧客，感覺相當熱鬧。先上南瓜湯及餐包，我喜歡Creamy的湯，正合我心意，熱返少少會好些。而餐包配橄欖油及意大利醋，對我來講，油比例過多， 調較醋多D會更正。至於主菜，原本朋友想試"慢煮蘇格蘭鮮三文魚柳"，職員落單後10-15分鐘，稱所有魚已沽清，唯有轉食其他，最後大家也Order"招牌烤西班牙黑毛豬扒"(7成熟)配飯。雖然買相一般，但煮得不錯，不會過韌，恰度適中。Lunch Set配咖啡半價，我們各加HK$24，試試原價HK$48杯的Hazelnut Latte，經典榛子味道，飲完精醒爽利。…查看更多

12點到達餐廳，沒有預約，幸運有空位，我們不用等候，被安排坐在窗口位置，舒適寬敞有空間感。內部裝飾、餐牌設計連食物名稱也相當有創意及玩味。今次試試"可能會失望温泉蛋明太子意大利扁麵"HK$112，一點也沒失望，味道濃郁，相當creamy，但如果份量可以多少少就更好。"唔好抱咁大期望蒲燒鰻魚蛋包飯"HK$124 + 升級原條 HK$28，真是好大條鰻魚，個賣相已經好吸收，食落啖啖肉大滿足。不過，個人覺得麻油味過重，蓋過鰻魚汁的味道，若果可以減少麻油份量就Good!我喜愛咖啡，這裡有不少選擇，自己就從未試過Tiramisu咖啡，混合一起喝，將Tiramisu的甜味帶入香濃咖啡，感覺不錯。…查看更多

今日相約很久沒見的朋友，我倆11點到餐廳，當時坐滿7成客人，不用等候，自行找座位，自行落單，職員送餐。剛巧有角落位置，有空間感，舒適自在。我們各自點了一份Alchemy精選全日早餐$138，包一杯regular size espresso-based coffee(早餐套餐有8款咖啡選擇)，如閣下喜歡飲coffee，這裡還有不少其他特色咖啡。由於是第一次拜會，還是試些經典種類，朋友要Latte，本人要Mocha。Alchemy精選全日早餐，有炒蛋、焗薯粒(估計用黑胡椒調味，相當惹味)、煙三文魚、咖啡朱古力多士(今天天氣較寒冷乾燥，麵包質感快變硬，朱古力醬味道不錯，但咖啡味不出)、腸仔(不是普通腸仔，似德國腸，唔錯唔錯)、牛油果溶(正)及牛角包(鬆脆美味)。豐富早餐，讓人好有滿足感。精神熱飲 - Latte & Mocha，寒冷天氣喝杯熱飲來取暖，我不喜歡加糖，細細品嚐咖啡味道，雖然我不是專家，但合乎我心目中的調配。整體味道及舒適度都不錯，不知是否我們是早上到訪，所以人流不算多，而且沒有收加一，喜歡咖啡的朋友，有不同款式選擇，可以一試。…查看更多

疫情以來，飯局絕跡的我，今天出關與姊妹慶生，一行三人，2人一桌，另一人獨霸一枱。餐廳環境寬敞舒適 ，飽覽美景，有充分空間，輕鬆自在。網上不少正面食評，所以今次試吓份$198 Deluxe 6 course lunch set，用小盒子盛載，兩道兩道菜送上。先上意式紅蝦刺身及油漬手握三文魚壽司，味道不過不失。第二道送上和牛他他，口感嫩滑有咬口，至於45度慢煮三文魚，我覺得略為過淋。最後，煎帶子，好似煮得熟左少少，質感較硬。而日式鰻魚飯，唔知是我們的不幸，或是這是平日水準，飯偏涼，鰻魚肉質普通。整體六道菜，味道一般，如果閣下好似我一樣(大食少少的女生)，可能會覺得個份量少左D。但餐廳環境是一流的，坐得舒服。…查看更多