eatforfun2019的个人专页

早幾日，朋友同我慶祝生日，佢話揀咗我最鍾意食嘅韓式燒肉店，真係多謝佢咁有我心。我好耐之前已經嚟過喜來稀肉一次，覺得餐廳氣氛好好，唔侷唔大油煙，感覺良好。今次朋友book咗平日晚7pm, 聽到後面有walk-in人客嚟，職員都話是晚full booking, 呢間餐廳的確好多捧場客。講返食物先，皇牌嘅「喜來烤肉」仍然好入味，燒過嘅肉用筷子就可以輕鬆分開，汁多味濃。推介的「真雪花肥牛」就比較好咬口，肉味重些，用泡菜加生菜包住食，好好味。叫咗碗白飯，再加埋爐邊嘅芝士蛋同可以不停refill嘅泡菜，真係食到好飽又好滿足…查看更多

因為疫情關係, 好少約朋友出街食飯, 多數都係去朋友屋企或者邀請朋友上自己屋企食飯。今次朋友話好想搵間貓貓CAFÉ 坐下, 傾耐啲。於是我地就上OPENRICE 搵到呢間有女僕亦有貓仔做gimmick 嘅樓上café。我地打電話book咗晚上7點, 女僕打扮得好靚好可愛, 佢提醒我地如果要同貓仔玩, 一定要去洗手間用梘液洗好雙手, 做足衛生保護貓仔。女僕們向我地簡單介紹餐牌及餐廳環境, 撞啱今晚係特別女僕之夜, 係special event, 所以餐廳只會提供一個特別餐牌, 選擇比較少, 我隨心地揀咗肉醬意粉($118) & 荔枝乳酸梳打($58)之後我同朋友就去洗乾淨手, 同貓仔玩, 兩隻貓都好可愛, 雖然貓仔樣子比較高竇, 但係都好親人, 亦主動行去我地枱底俾我地摸摸, 同佢地玩得幾開心。個人認為肉醬意粉有啲太貴, 同埋太寡, 如果加返啲鴨胸/雞肉會更加好。荔枝乳酸梳打就無乜特別, 乳酸味唔突出。…查看更多

好朋友即將離開這裡, 到其他國家發展事業, 深深明白他的決定並衷心祝福他‧知道一向喜歡吃韓燒的他會不捨得這個美食天堂, 所以我就約他到喜來稀肉餞行。店員有禮貌地安排我們入座, 並跟我們說餐枱上的泡菜, 醃黃瓜, 芽菜, 生菜包都可免費無限添吃,實在太好了, 我比較喜歡吃蔬菜, 可以中和吃肉的油膩感。我先點了一杯熱麥茶, 很香很好喝, 麥味重。因為好友愛吃牛肉, 所以我們點了兩客牛肉及一份海鮮蔥餅。我本人特別喜歡海鮮蔥餅的味道, 不太咸, 而且質感比較Q, 有很多蔥段, 少量的海鮮, 加上提供的辣汁, 更加醒胃。好友大讚真雪花牛肉, 他喜歡重肉味的牛肉, 看見他每次都燒幾片, 吃得很快, 就知道他超級滿意這碟牛肉。另外的喜來烤肉, 我食了幾片, 覺得帶有醃汁甜甜的, 很討好的味道, 用生菜包著吃, 好吃!特別要提提這個爐邊燒的芝士蛋卷, 很好吃, 推介。…查看更多

剛剛星期六同好友行D2市集，之後落嚟呢間日本居酒屋食晚飯，由於無事先訂位，被店員安排坐bar 枱，但沒有明示我們坐哪兩個座位，店員支支吾吾的，結果我們坐在bar 枱的角位，位置好迫，同隔離兩位食客超近，而且我們將背囊掛在座位背後牆身嘅勾上，感覺更加焗促。我哋7:00pm落單，點了一口餃子，麵豉飯團，麵豉醬青包，野菜牛肉鍋。由於餐廳內嘅食客好多，上菜速度好慢，一口餃子最先上枱，味道不錯。牛肉鍋在7:45pm 至上枱.......... 湯汁超濃，提供了沾牛肉蛋漿，個人認為蛋漿味道一般，不沾更好。牛肉鍋內的菇居然切得不乾淨，還有一些泥.... 沒有下次了。…查看更多

去完海洋公園玩, 就行去黃竹坑sensory zero 嘆杯crazy chocolate 先, 每次只要望到咁rich 嘅朱古力, 心情就好愉快, 實在係一杯令人瘋狂嘅朱古力。朱古力真係好濃郁, 有唔同層次, 部分白古力放最上面, 再有朱古力泡, 朱古力奶, 仲有吃到一點點的碎朱古力, 喜歡朱古力的人, 絕對不可以錯過~…查看更多

噚晚喺UA CINE Times 睇完戲, 就同朋友去11樓嘅Greyhound食晚飯。由於太過肚餓, 叫咗鹵水鴨腿湯河粉, 啖啖蟹肉黃咖喱虎蝦配印度煎餅, 蟹肉粟米粒餅, 雜錦迷你班戟。蟹肉粟米粒餅: 炸得好香脆, 粟米保留爽甜飽滿, 好好味, 好似食緊零食粟X燒咁。下次會再點。啖啖蟹肉黃咖喱虎蝦配印度煎餅: 好大碟咖喱, 泰式味道不辣, 好易入口, 用印度煎餅沾咖喱汁食, 真係好正。虎蝦味道一般, 蟹肉都好少。鹵水鴨腿湯河粉: 唔記得影相, 但係呢個湯底好濃, 下次會再點。雜錦迷你班戟: 揀咗泰式奶茶味, 香蕉朱古力醬, 班蘭味, 個人認為泰式奶茶味最香最好食, 班戟本身質感都唔錯~…查看更多

上星期經過灣仔玩具街, 順便到附近搵餐廳食飯。見到QRE 嘅Green Common 唔使排隊, 就拎起餐牌點了一碟”未來熱狗腸雜菌炒意粉”, 總覺得店員都比較不大願意招待好食客, 每次嚟買嘢, 收銀都很慢, 讓顧客都久等。堂食的食物方面, 是不錯的。”未來熱狗腸雜菌炒意粉”(走辣) 炒得好香, 份量亦很多, 特別鍾意呢個汁, 好開胃。希望下次再來, 服務質素有待改善。…查看更多

早排去朋友屋企打機，懶得落街買外賣，就直接用「外賣app」叫外賣，發現有當時好火熱嘅pizza 店可以選擇，即時要試下佢哋個藍芝士蘋果pizza。Pizza 好快送到，即時打開個盒，已經覺得好特別，仲好香添... 無諗到pizza 餅底比較軟身，少少濕，但係蘋果味道同藍芝士好夾，難怪咁多人都讚。…查看更多

第一次光顧德福受歡迎的食店beans，由於係平日5:45pm 左右，所以排隊人數只得三兩個，我哋在餐廳外等咗5分鐘左右就可以安排入座。之前聽同事介紹呢間餐廳嘅甜品好好食，我就點了Lindt chocolate cake, 70度的Lindt 不算苦，但都唔好味，朱古力味不濃.....下次一定唔會再點呢個甜品。…查看更多

喺奧海城食完三星台菜做晚餐，順路去Cinnabon 買啲肉桂卷做飯後甜品拎回家食。我買咗兩盒原味 bites size, 加一個原味minibon。之前試過朱古力卷，焦糖肉桂卷，都係覺得原味最深得我心，所以今次淨係買晒原味返屋企分幾日嘆！實在要讚原味肉桂卷整得好好食，淨係打開盒輕輕索下啲肉桂味都不得了，好香，再放一粒bites size 入口，肉桂味濃得嚟不俗，而且甜度好啱嗜甜嘅我，好滿足❤️家人都好鍾意呢個甜品，翻熱食更加香甜，很讚！…查看更多

放假嘅星期六最好就係去文青聚腳點放空下，揀咗荃灣南豐紗廠行下，對上一次嚟已經係幾個月前嘅事。今次嚟到紗廠發現新開了一間點心店，裝修比較別緻，不像一般中式點心店，就進店內隨意揀幾個點心試試。我們點了：流沙包，炸雲吞，黑白蝦米腸粉先送到的是流沙包，好得意嘅飛行棋造型，童年回憶都返晒嚟，好有特色！不單止有外型，內裡嘅流沙奶黃餡都好洶湧，深黃色嘅奶黃餡好有蛋香，而且都有奶滑，味道好好，相信如果帶小朋友嚟食，連小朋友都好鍾意。炸雲吞，好友好鍾意食，佢話好有水準。我食咗一隻，覺得夠晒脆之餘，隻蝦都好彈牙，不會像坊間的hea 整，有啲誠意呀！黑白蝦米腸粉：腸粉幾滑，黑色腸粉加了黑芝麻，味道不錯。喺南豐紗廠發現呢間點心店，味道幾好，的確有驚喜。…查看更多

好耐無去旅行, 好想疫情快點 過, 太掛住台灣小食, 決定約朋友去三星台菜食飯, 過一過台灣菜口癮。我地點咗四款小食做晚餐, 甜不辣, 三星蔥餡餅, 台灣香腸, 餃子。我最鍾意食甜不辣, 真係彷如台灣當地食到嘅一樣, 炸得剛剛好, 不算太油膩, 外面脆身, 內裡很Q, 還配上蒜蓉, 好香口, 食到停不了。其次三星蔥餡餅都好香, 蔥味突出, 沾上一些特色醬汁, 更加提升味道層次, 在香港其他食店都好難搵到咁好味嘅三星蔥餡餅!!台灣香腸及餃子都好好吃~下次再掛住台灣菜時, 會再嚟食過…查看更多

上星期六約咗朋友尖沙咀買嘢, 咁啱經過呢間Churros 專賣店, 實在無唔買嘅理由!我同朋友每人買咗一條Original churros, 新鮮出爐熱辣辣, 特別令肉桂香味突出‧加上Churros 炸到外脆內軟, 簡直會溶在口裡, 超級好味~~下次會再嚟食…查看更多

平時都鍾意食上海菜, 特別係小籠包, 生煎包, 擔擔麵。早排入元朗探朋友, 經過呢間堅信號, 望到有小丸子同學嘅POSTER 做生招牌, 覺得好有趣就走入去試下。我點咗午市套餐: 糖醋排骨菜飯配生煎包+熱綠茶雖然生煎包係招牌, 但係我覺得味道唔係特別出色, 的確生煎包內有好多汁, 直程爆汁, 但係肉汁味道不過不失, 坊間有另一間專門整生煎包的食店比呢間堅信號更好。反而糖醋排骨菜飯有驚喜, 排骨有部份是軟骨, 多重口感, 糖醋汁送飯係無得輸‧…查看更多

上星期收工打算唔煮飯, 就喺附近買兩個小菜返屋企食, 經過華記, 就買咗一盒燒汁薯仔安格斯, 魚香茄子。燒汁薯仔安格斯:薯仔粒大小相若, 配上燒汁, 少少甜, 好正, 好好味。安格斯亦都好入味,送飯一流。 魚香茄子: 都幾咸, 茄子吸晒油, 如果減少少鹽更好~…查看更多