鐵甲萬能俠的个人专页

6月才開張標榜順德菜，通常新C坑都多人試菜。星期六中午人流都旺，等了20分鐘入席。順德菜講求“鮮嫩爽滑”，餐牌海鮮類卻不算多，招牌推介是家鄉碌鵝，當然要試啦！醬汁酸酸甜甜，味道不錯，價錢吾平。其他餸菜質素就普普通通啦！啫啫生腸未夠鑊氣，生腸也不夠爽脆。桑葉苗少吃，上湯都鮮甜嘅！大良炸脆奶正正常常啦！最伏是撈起陳村粉，毫無鑊氣，不冷不熱，是冷盤嗎？一塊塊點做到“撈起”呢？挖頭。450蚊埋單，午餐人均消費110蚊，吾算抵食，一試無妨，貪新鮮人潮過後，應該吾使等位。…查看更多

上海街開業大約一年的拉麵小店，招牌門面不顯眼，拉麵只有幾款，兩公婆路經當支持小店吧！濃雞湯麵，湯是濃和呈奶白色，湯的溫度是“暖”嘅；柚子麵冇柚子味，又吾彈牙；雞肉冇雞味但吾“鞋”；半熟溫泉蛋味道嫩滑；最讚是紫菜，細細塊都印到“彩麵”字樣招牌，打卡吾錯。沾麵，湯稍熱一點點(仍未達標)，辛辣味香濃，但杰度跟日本食的差距太遠了，根本都掛不起麵條，比雞湯麵還要稀；麵量就多，食得飽；廚師刀功都幾厲害，兩小片的叉燒都切到薄如紙張。食日式拉麵，基本要求只是湯夠濃夠熱，麵夠彈牙而矣，總評一般般吧！有點失望，抱歉難以回頭了。…查看更多

上次幫襯已是2021年10月，當時潮順館是新開張，事隔4年，今次預祝朋友生日，再次到訪。6位準時6點入席，店舖要求8點交枱，時間有點不足Hea坐吹水，座位稍逼，食店氛圍不宜切生日蛋糕歡聚，屬街坊熟客飯局。標榜潮州鵝店，當然要試下幾款鵝餸啦！1. 鵝片水準正常，價錢合理。2. (酒香)鵝肝，酒香不夠，鵝肝都未有“粉嫰”，半份價錢略貴了。3. 鼓椒鵝腸，爽口，吾咸，OK嘅！4. 蚝仔粥，蚝鮮量多，抵食。5. 生啫白鱔煲，朋友推介的，熱辣辣惹味的，蒜子夠多，但鱔片不夠厚身彈牙。6. 金沙魚皮，當小吃，若魚皮再厚身少少就完美。7. 沙薑雞漏單 ，上枱變成“鹽水白切雞”，肉質都嫩滑嘅。8. 馬拉盞炒通菜，炒得幾香，值得一讚。整體上，潮州菜水準一般吧！反而小菜做得不錯，價錢實惠。由於冇茶芥加一，人均消費200蚊，價錢參附圖。如果不限8點離場(目測都翻不到枱)，估計食客會多叫餸和啤酒，氣氛更能凝聚街坊生意。…查看更多

仔女賀老頭子慶祝父親節，專程帶去食海鮮放題，我們選擇了下午茶1500-1730時段。除了出大堂撈海鮮和熟食外，用QR入單叫肉類和炸物，程序都算方便，上菜速度快，沒有揼波鐘或漏單。九節蝦大隻生猛，鮑魚新鮮和清洗乾淨，無限添食了。花蟹目測都新鮮嘅！但卻不受歡迎，估計原因是時間限制，大家都不想花時間拆肉吧！生蚝是入單的，都很肥美，吃了不少。花甲海蜆有海水鮮味但吐沙未夠乾淨。火鍋牛肉品質也不差，但來者都以食海鮮為主，故火鍋肉變成配角，只淺嘗少許。想不到炸物燒物竟有驚喜啊！乳鴿、羊架、燒蚝和鵝肝都有“安歌”。大堂的點心通常只屬陪襯品，但女婿竟然吃了不少，老頭就寧願留肚食海鮮了。人均消費350蚊，仔女夾錢請兩老食，又一次un un腳啦！整體食材新鮮好味，招呼周到。缺點是時間太趕，起碼3-4小時才夠滿足喔！…查看更多

Mr. Steak有4送1優惠，全部人點了生蚝海鮮龍蝦餐，$338/位。優惠後人均吾使3舊水。頭盤有生蚝海鮮拼盤配紅或白餐酒，包括生蚝青口花甲海蝦等；主菜是芝士焗龍蝦半件配牛扒/豬扒/三文魚。餐湯/沙律/甜品/餐茶等款式多，單單食自助沙律甜品已飽了大半了。生蚝海鮮拼盤新鮮好味，主菜味道正常，龍蝦都“實肉”冇雪味，豬扒比牛扒嫩滑。賣4送1，招呼吾錯，侍應象徵性送上生日畫碟，吹下蠟燭加蛋糕助慶，整體上滿意，75折埋單，抵食。…查看更多

三五知己特別選擇了支持長者就業的社企《銀杏館》來慶祝生日。第一次幫襯油麻地店，懷舊的裝潢設計，加上有長者歌手獻唱懷舊歌曲伴餐，撇開食物質素，已叫年長客人懷緬一番了。持有樂悠卡可享$2小食，六位更獲雙份。我們六位只點了一個4人套餐，包括有燉湯、前菜小吃兩份、主菜和炒有機蔬菜。意想不到$2優惠和前菜的份量與主菜相等，即是4人餐就有8餸1湯，原本還想加多份孖寶和板沙芋，最後都放棄，吃得飽飽了。整體餸菜品質不錯，尤其是前菜豬手薄片、燉湯、招牌碌鵝和醬油雞。可能是我們的味覺不專業，碌鵝、油雞和鵝掌的茨汁略為接近，多食便太咸味，下次要轉食其他菜式，例如九吐魚和咕嚕肉啊！埋單1300蚊，抵食兼達到支持社企目標，值得推薦。長者侍應手腳反應可能慢少少，但他們殷勤有禮的招待，值得尊敬的，還有點不好意思要長者服侍我們這幾位比較年輕啲啲的晚輩哩！…查看更多

乖仔安排慶祝母親節。餐廳位置較隱蔽，空間不算大，主要食“石燒牛扒”，肉質不錯，更有侍應生協助石燒過程。尤其是二人餐的鵝肝配封門柳，鵝肝厚切，封門柳有牛味和肉質嫩滑。加58蚊變套餐，附酥皮磨菇湯，薯條和凍飲，凍飲真係大大杯喔。整體質素不錯，價錢合理，人均消費260蚊。若“牛魔王”就啱晒，4個人食了32 oz牛排，好飽啊！缺點是空間較窄，座位不多，玩“石燒”雖然有賣點但同時有一定危險；加上店外有不少食客輪候等位，感覺有壓逼感，不好意思長時間Hea坐用餐，最後90分鐘左右我們便離場了。…查看更多

餐廳位於旺角波鞋街附近，門面不顯眼，如果沒有谷歌大神指路或門牌號數，都不易找到。餐廳分兩層，地下座位較少，燈光亮麗和裝修高雅；樓上略嫌幽暗，或者較適合情侶談心吧！餐廳主要吸引年輕人，筆者跟幾位朋友卻屬長輩級喔！4人餐比散叫抵食，前菜有沙律，主菜選了牛扒+豬鞍+意大利飯+薄餅各一，餐湯或飲料，最後有雪糕甜品。人均消費200蚊。個人覺得沙律份量不夠；主菜方面，豬鞍爽脆好味，牛扒點5成熟但過火了，意大利飯略嫌未夠creamy，Pizza是薄批底都夠脆。餐飲“求其特飲”讚，雪糕也特別，有麻薯口感。最驚喜是碟畫，手功一絕，是打卡位。整體上食物質素不錯的，餐廳以氣氛作賣點，確實可以吸引年青人光顧。…查看更多

預祝母親節，由女婿揸車由葵芳遠赴上水，第一次試食畢打奧餐廳。餐廳裝修英式懷舊設計，一邊主打酒吧，另一邊西餐，觀察所見食客有情侶朋輩或有老有嫩或一家大細，客路甚廣。招牌菜有牛扒和焗豬扒飯，水準佳。牛脷厚薄適中但略嫌過“淋”。火焰雪山(甜品)價錢不高，還有專人侍候和代拍照打卡，如果適逢有客人生日，侍應們和其他食客會同唱生日歌祝賀，令現場氣氛熱情高漲。另一誠意讚點是餐具溫度暖暖的，感覺乾淨衞生。改善地方是餐飲款式太行貨，質素“不合格”！舉例凍檸茶不凍又冇檸檬味，如果選用特式飲品甚至餐酒，加錢亦大有客路啦！整體餐廳的性價比高，人均消費約200蚊。…查看更多

今次被餐廳推廣的套餐吸引，一行8人老友記再來澐試菜。餐廳的招待和環境氣氛仍保持高質水準，餸菜品質也幾特別。作為前菜的“酒香凍聖子‘’是第一次吃到的味道，讚！咕嚕肉用“冰碟”上菜，隻碟的價值比咕嚕肉名貴，心想如果不憤打爛碟，吾知使吾使賠錢呢？最後甜品“紫雲夢境”是打咭位，單價都要80幾蚊。減除會員8折，人均也要550蚊。如果想靜靜地與老友聚會，吾使早早比侍應催離場，再加上面對無敵海景下用餐，這餐廳確實是好的選擇。…查看更多

老牌餐廳，環境擠逼，侍應手腳快，一坐下就問紅湯白湯？300蚊以下要現金找數，全場爆滿要等位。午餐食焗豬手配意粉和牛脷配薯菜，碟頭份量夠，賣相吾夠靚仔。紅湯味道不錯，夠熱但欠肉味；傳統附牛油餐包，翻焗未夠香軟。豬手皮脆肉軟，牛脷都夠淋，整體味道可以啦！茨汁揀黑汁，吾香吾辣。意粉就吾掂啦！似齋烚冇炒過，淡而無味，食剩半碟；薯條新鮮熱辣，加茄汁食有驚喜。68蚊+凍飲3蚊，冇加一。試下無妨，短期內不會翻焯了。…查看更多

啟德雙子滙囍雲軒酒可能是開業不久，價錢仍算實惠，人均消費大約200蚊，片皮鴨兩食、招牌叉燒皇和大斑兩味。味道和賣相不錯，詳見圖片。招呼合格，缺點是座位較擠迫和嘈吵。…查看更多

新天地二期地下自從“先C”結業後，商場轉為食街經營，普遍食肆價錢不算貴，逐間店試都要輪一段時間。今日就試試標榜港式鐵板的“西雅圖閣”，見午餐價錢實惠又不需加一服務費，即管試試吧。分別試了西冷和肉眼扒各一，而餐湯也選了兩款。羅宋湯是齋湯，帶酸，個人覺得加肉味(例如牛腩)會更啱味；忌廉湯就一般品質吧！餐包新鮮軟熟，幾好味。扒汁除了蒜蓉汁外，還標榜招牌沙爹汁，但個人覺得沙爹汁吾太配合鐵板牛扒，如果餐廳有早餐沙爹牛麵，肯定更吸客。主角牛扒，肉眼較“淋和肉滑”，貴10蚊都值嘅。當然對一些講究識食的咀尖客，可能嫌牛扒加料鬆肉粉，又是“垃圾”吧！跟5星酒店扒房肯定有差別啦！不喜勿插。環境衞生和服務招呼都合格的，是午餐一個不錯的選擇，人均消費吾使100蚊，食到熱辣辣鐵板餐，整體評分都值70分嘅。…查看更多

六個老友又捐窿捐罅去搵食啦！今次泥到朗豪坊隔離嘅“朗情坊”，大廈頗殘舊，如果不是街坊或返工客，應該不會光顧了，加上食評都不多。星期五晚都好靜，成晚得3圍客人，總共15個客，真係夠晒清靜。老板娘招呼周到，冇早早趕客，值得一讚。食物方面，標榜私房菜，廚藝水準尚算不錯的，價錢都不算貴，人均消費250-300啦！蒜蓉粉絲蒸聖子，每客計80蚊一位，味道佳，但略嫌不夠熱辣辣。豉汁蒸白鱔，好新鮮，魚肉彈牙，唯一缺點是墊底的豆卜硬了少許。咕嚕肉味道一般，肉質太瘦吾夠鬆軟，欠汁OK的。蜜餞黑椒雞翼是招牌菜，冇得輸。蓮藕片炒爽肉，藕片夠爽但肉青就麻麻。腐乳炒通菜出色，夠碧綠爽脆，好味。椒鹽鮮尤咸左少少，熱辣辣。欖菜肉碎炒飯好大碟，幾香也惹味的。整體小菜水準不錯啦！有住家feel，會再幫襯的。…查看更多

小魚兒龍蝦二人套餐$398，$68魚翅撈飯，午餐客飯仲有酸菜魚米線，兩公婆便去試吓午餐。小魚兒標榜烤魚專門店，座落尖沙咀和銅鑼灣旺區，中午時段生意人流一般啦！1點到店不用等位，兩人坐4人枱。餐廳不算大，如果坐滿都幾逼。店內衞生尚可，裝修環境似茶餐廳。魚翅撈飯$68，似粟米肉粒飯，冇乜料，麻麻地！酸菜魚片米線只售$40，凍飲加$3，性價比高，味道不錯。要留意魚片有少少碎魚骨。其他客飯都抵食，眼觀大部份客人都是吃客飯，40幾蚊午餐喺尖沙咀區冇得輸啦！相反，食烤魚和魚翅撈飯就吾多了。整體評語，平平地幫襯午餐客飯是值得的。…查看更多