foodieplyeat的个人专页

大快活自助下單外賣有九折Order咗一個菠蘿咕嚕肉套餐$61 有飲品同湯平時都喺櫃位度落單今次用自助機下單付款時竟然有九折有$61折完$54.9真係抵好多啊外賣飯嘅份量都夠菠蘿咕嚕肉都好多係配菜比較少好抵食嘅晚餐…查看更多

唐記包點北菇滑雞飯同埋雞札外賣夜晚諗唔到食咩好 ，又唔想食啲凍嘢經過唐記包點香噴噴熱辣辣嘅味道就被吸引咗過去晚市好多人排隊買外賣揀咗北菇滑雞飯$30雞扎$21 啲店員都好快手好快攞到外賣返到屋企都仲熱辣辣雞扎份量好大嚿，食埋個飯都仲有剩…查看更多

地道香港魚蛋河嚟到灣仔會展梗係試吓港灣茶餐廳想食啲熱嘢order咗香港地道嘅魚蛋河嚟到啲鮑魚蛋蛋大粒有蛋呀，魚片都好爽口河粉晶凝通透好滑，而且係夠長冇斷斷續續嘅湯底清新，適合食得清淡嘅人士服務員動作都好快手整體用餐感覺良好…查看更多

爭鮮外賣鴛鴦蟹肉帶子丼$58 飯都夠多，帶子原本係兩粒嘅變咗一開二 變咗薄薄哋嘅四粒 ，將豉油Wasabi同蟹肉同飯撈埋一齊食都好好味大赤貝$28有三片，大塊爽口整體唔錯，係外賣嘅好選擇…查看更多

XO翠玉瓜蝦球$145呢份餐牌上無價錢，埋單先知幾錢，order 左10分鐘左右上菜 ， 蝦球好大粒，味道略淡，平時食開好清淡嘅我都覺得淡味😹白飯一碗$15都算大碗，不過唔熱 ，食左一陣已經凍哂…食冷飯唯一熱嘅就係一坐底就端上嘅茶服務：想落單既時候發現係要用入座紙自助手機下單，但職員無俾我，就請職員現場手寫下單 ，可惜坐收銀位女職員態度好惡劣，好似想嘈交甘話：甘你而家講啦！埋單時態度都唔好 真係食氣食飽 極不推薦…查看更多

同朋友食追月飯，好多餐廳都要book 位，我哋行到呢間泰國餐廳，walk in 等左大約10分鐘就有位喇！餐廳有兩層，間隔都好寛落，由於下層已經滿座，所以安排我哋坐上層，樓梯一樣裝修靚 光猛，坐位都好舒適！我哋order 左豬肉串燒（4串)$88軟殼蟹紙卷西檸蒸鱸魚$198豬肉串燒啖啖肉啊，本身燒到甜甜哋，外表有啲脆，已經好好味😋，再試下點埋啲醬汁，酸酸地甜甜地～又係另一個口味啊軟殼蟹紙卷，呢個真係讚啊，食過有啲紙卷一夾落去子卷就穿窿，自此就好少order 黎食，今次係朋友揀，就試下啦，呢份紙卷好明顯有厚度，吃落去煙煙韌韌，下次食物list又多返樣菜品食喇！西檸蒸鱸魚$198嚟到條鱸魚好大條，要用肥美黎形容🤣🤣仲有湯上埋，唔夠湯可以即時加，而且侍應提點咗將湯放喺魚尾嘅位置，如果爐度太多湯湯怕會倒瀉倒，瀉咗可以直接倒落返個碗嗰度唔會整親人😘整體我覺得好好味，酸酸辣辣，我個人可以接受到辣，由於我朋友因為覺得好辣，所以飲咗好多水侍應都好細心不停過嚟加水，仲問佢係咪覺得太辣，關懷客人，而且佢哋都係笑容滿面，感覺很好…查看更多

去到等左5-10分鐘等安排入座，以為好滿座，入到去都有啲吉位App 落單，蒜蓉汁美式什扒配意粉 熱0茶，羅宋湯$88飲品好快黎左，主食等左20分鐘先上，羅宋湯係主食食左3分1先黎，完全唔記得咗有湯😂蒜蓉汁冇晒直接換咗黑椒汁，無問客人有雞扒同豬扒，都幾大份 厚肉，雞扒有一小角係粉紅色肉 半熟 少少就無影到 ，當然都無食到埋單可以自助，快啲，成個用餐最快最smooth 嘅過程本身想快啲食完晚餐省啲時間就去茶餐廳，點知等得仲耐😅…查看更多

有水準車仔麵堂食三餸車仔麵魷魚，招牌豬手，雞翼，今次揀左清湯，豬手真係好好味，差唔多次次黎食都會點一份，環境裝修懷舊，可以睇到老香港既年代，尤其係條紋枱椅，好有年代感…查看更多

抵食日本餐～原隻軟殼蟹天婦羅盛盒$70可以揀素飯/ 烏冬，我揀左烏冬，有湯同中華沙律，烏冬好味 😋炸物熱辣辣，下面有個網隔住啲油，淋咗豉油甜甜地，所以食落去更加好味份量適中，適合細食嘅人…查看更多

唔想食肥膩野就諗起super sandwich, 有沙律有意粉有薯仔可以揀，今次揀咗三文魚焗薯仔沙律，單點一份$69, 套餐價$79三文魚焗薯仔好好食沙律菜真係太少，同薯仔嘅比例係係3份一，如果多返啲沙律菜就更好…查看更多

茶木lunch 單點叫咗個紅燒牛肉麵，湯底非常之濃郁，麵爽口彈牙，牛筋牛肉好大嚿好足料，鍾意有啲香菜，令到成個湯底更加豐富，成碗成晒上菜速度快，可掃code order ,店員有禮貌…查看更多

吞拿魚芝士藜麥多穀麵包 $46Tuna and cheese Quinoa multigrain Pocket加一杯紅莓飲品麵包加熱咗之後，食落口香香軟軟，好好味加杯飲品就啱啱好夠飽，係一個簡單得來又快嘅lunch…查看更多

聖誕girls meeting 牛油果大蝦🍤沙律$128，沙律正常，幾好味，蝦肉爽口波士頓龍蝦意粉$249味道都ok ，感覺小貴斯人若彩虹，遇見方知有 $98 甜品最好味，個名都改得好別緻，感覺好靚，麵包面上面鋪滿朱古力榛子醬，士多啤梨，棉花糖，杏仁片，鮮花，薄荷，感覺幾清新Art 打印咖啡 $88 無影到 可以自己揀圖案print喺咖啡上面 有噱頭雪橙冰紅茶$78 檸檬草姜茶$58 無影到店內裝修幾靚 有好多掛畫 多啦A夢 村上隆作品Overall 唔錯…查看更多

想簡單食個lunch 見到南記買左个雙拼蕃茄米線，招牌春卷和墨丸蕃茄湯有啲蕃茄碎可以食，當係青菜兩條春卷同三粒墨丸，再加少少辣椒油，咁樣仲好味熱檸水加$3有coupon送，下次帶張券嘅話食下午茶可以送個青菜有啲座位冷氣超大，超大風吹住個頭，如果冇外套嘅話真係坐唔到耐…查看更多

西樹泡芙買個 迷人白桃吉士撻$108 返去做飯後甜品~中間係白桃，側面輔滿士多啤梨🍓藍莓 新鮮的吉士撻睇落去細細地 切開都幾厚身 吉士好香滑 ，餅底冰冰涼涼，少少硬身，口感都幾新鮮，諗唔到買咩生日蛋糕嘅話，呢個都可以做替代蛋糕都唔錯！價錢都相宜！店面仲有好多款泡芙，麻糬，色彩繽紛，好少女心嘅感覺，賣相好精緻！好吸引。注意係溫度，要凍先好味，雖然有細冰袋提供，夏天買太熱好易溶，買完都係快啲食，或者返屋企雪下先再食😆…查看更多