香港美食指南的个人专页

今日經開旺角，之前買過呢間曲奇好好食入口酥化，今次諗住買返幾盒送俾親朋好友，而家有聖誕版🎄限定曲奇禮盒，超可愛😍今次買咗兩款聖誕限定版曲奇禮盒，「快樂果醬曲奇」同「開心果朱古力曲奇」，一盒入面有2款口味果醬，酥化得嚟又唔會痴牙😋開心果曲奇仲有開心果碎，加埋開心果醬，雙重滋味，開心果控一定要試吓～朱古力曲奇🍪入口酥化又濃郁。每塊曲奇牛油味超濃郁，聖誕版仲有可愛嘅薑餅人同雪花，送俾朋友好應節🎄另外，買咗盒「香脆杏仁酥」，一入口好香脆，𥚃面仲有杏仁碎，真係超正😋店舖設計充滿香港特色，每處都係打卡位，見到每一樣產品都勁想買返屋企😂口味創新獨特、包裝超靚。佢哋所有產品都係100%香港製造，堅持用最靚嘅材料，不加色素同防腐劑，食得好安心。…查看更多

馬記永蘭州牛肉麵終於香港食到內地超人氣牛肉麵，每日門店手工現做麵，透明櫥窗見到師傅現叫現拉，多達8款不同麵型，由細面到宽面🍜都可以自由選擇。《經典必吃》大片牛展蘭州牛肉麵 $52每碗至少6片大牛展，原切牛展肉有筋有肉，仲聞到淡淡嘅奶香，入口柔軟。湯底清甜鮮味，揀左大寬麵條闊度好誇張，食落有嚼勁口感，口感好豐富🤩超滿足！大塊牛肋排麵 $88大大塊牛肋排肉質厚實，咬落juicy，配上蘭州風味辣油，香到爆！鮮豌豆苗拌腐竹 $24清爽小菜，豌豆苗脆口，腐竹入味，解膩一流胡麻油蝦仁炒雞蛋 $38蝦仁彈牙，蛋香濃郁，芝麻油提鮮又開胃牛肉夾饃 $32選用牛後腿肉，口感紮實夾入熱騰騰饃，真心有驚喜🤩烤牛上腦串 $44/3串烤得外焦內嫩，肥瘦相間，肉質細嫩多汁苿香檸檬甜藕子茶 $16檸檬酸甜，藕子脆脆有咬口，解渴又清新…查看更多

打邊爐真係一年四季都啱，今晚同朋友搵到呢間尖沙咀打邊爐，環境好有特色，以宮廷風設計，仲有衫俾客人可以拍照📷，店內座位寬敞，特別適合與家人朋友聚餐。招牌必試「雍穆公主·花膠雞湯鍋」湯底清甜鮮美，花膠軟糯彈牙，雞肉鮮嫩入味，喝一口湯就暖心暖胃，滋補功效明顯。「艾莎公主牛肉寶盒」造型精致，氣派十足💯寶盒內有多款牛肉，肉味香濃。 黑松露蟹肉餃皮薄餡多，蟹肉鮮甜帶有陣陣松露香氣，口感豐富且充滿驚喜，令人一試難忘。 即炸黃金響鈴外皮酥脆金黃，香氣撲鼻，必食推介。新鮮嘅黑毛肚質地爽脆，搭配湯底恰到好處，每口都充滿嚼勁。娃娃菜吸收湯底後，清甜鮮嫩，作為火鍋配菜非常合適。 餐廳自家製竹蔗茅根飲品甘甜解熱，味道天然，飲完清爽。甜品Baileys奶凍細膩滑溜，奶香濃郁中帶酒香，完美為一餐劃下句號。…查看更多

最近去咗旺角呢間曲奇店，店內充滿香港復古風情，好多靚靚打卡位。，曲奇口味獨特又創新，包裝高質感，自己食定送俾朋友一定超開心！🥳係香港自家餅房人手製作，食材新鮮又無添加防腐劑，仲用咗蝦膏、XO醬、紅棗等特別材料，帶嚟前所未有嘅味覺驚喜✨🍫【朱古力果仁脆脆】 朱古力配搭果仁，口感好香脆，好有層次。朱古力濃郁但唔會過甜，果仁帶嚟天然香脆感，啱晒朱古力控！🍪【XO醬曲奇】 品牌首創獨特口味，以XO醬調配，帶鹹香微辣，曲奇酥脆鬆化，融合傳統粵味同創新風味，好有驚喜感。🍪【快樂果醬曲奇禮盒】 手工製作曲奇，酥脆鬆化帶牛油香，配以天然果醬，甜中帶酸，平衡味道，懷舊又創新，送禮或自己食都超正！…查看更多

之前朋友介紹過呢間專食麻辣嘅餐廳，今日去旺角行街就過嚟食晚餐😋今次點咗呢款招牌香鍋真係超正，多款配料自選，揀左五花肉片、牛舌、豬大腸同娃娃菜，大大鍋份量十足，每啖都吸收哂辣味同濃厚嘅香鍋醬汁。五花肉片肥瘦均衡，入口軟嫩，牛舌爽口彈牙，炸豬大腸經過醬汁浸透，味道濃郁唔腥，炸豆腐外皮微脆，內裡軟滑，娃娃菜爽甜，辣度更可以自選。除咗香鍋，我哋叫咗香辣蝦同口水雞，蝦肉好彈牙，醬汁香辣又醒胃；口水雞酸辣麻香夠勁，肉質好嫩滑。最後甜品點咗紅糖糍粑，外皮脆口，內裡鬆軟Q彈，可抵消重口味，好食得嚟又唔膩。…查看更多

一年一度食大閘蟹季節又嚟喇，平時鐘意食大閘蟹，緊係搵間任食就最正，今晚去呢間酒家有大閘蟹放題餐，除左有無限追加大閘蟹、仲有金陵片皮鴨，多款小菜、主食、甜品，飲品任飲。最正係每人入場會送一份珍味定食，包括黑魚子、和味鮑魚、蜜汁叉燒同溏心蛋拼話梅紅茄，開胃又足料。大閘蟹部分超吸引，任食三款：清蒸大閘蟹、花雕蒸大閘蟹同鹽焗大閘蟹，每隻蟹蟹膏飽滿，肉質鮮甜鮮美，尤其係花雕蒸蟹，酒香滲入蟹肉；鹽焗蟹外皮帶有微微鹹香，保留蟹肉鮮嫩質感，真係食上癮！另外，仲有出名嘅金陵片皮鴨，皮脆肉嫩，配埋醬料超match！蟹粉湯小籠包、柚子蜜蝦球、回味欖角骨等多款小菜都好有驚喜。配菜方面，我特別鐘意豉油皇鵝腸同欖菜炒四季豆，新鮮爽脆。其他例如涼拌貓耳朵同手拍青瓜，係開胃小食。最後甜品超多選擇，薑茶芋圓、楊枝甘露、香麻流沙包等等，任你揀，完美畫龍點睛。…查看更多

今晚同朋友慶祝生日🎂揀咗呢間韓國餐廳，環境好舒服空間感好大，好多木系元素同暖黃燈光，氣氛感超舒服，好啱一班朋友慢慢傾計食飯。座位又唔擠迫，服務員態度貼心又細心，感覺好親切，令整餐飯更加開心。🐮日本產和牛肩肉盛和牛肩肉油花超靚分布均勻，店員幫忙燒得剛剛好，入口即溶，肉汁仲好豐富帶油脂香，鍾意食牛嘅朋友仔可以試吓。燒鵝肝多士 (2件)鵝肝香濃滑口，配埋香脆多士，一啖咬落去層次感爆燈，勁滿足。仲有雜菌吸收晒鵝肝油，超好食。🐮蔥燒厚切牛舌牛舌厚度十足，燒到帶點焦香微脆口，嚼勁同鮮味俱全，加上中間夾住大量香蔥，特別惹味。🦐醬油蝦 (4隻)每一隻大大隻，醬汁鹹甜恰到好處，蝦肉彈牙，好適合配美酒。嚴選牛骨髓石頭鍋飯上枱已經聞到陣陣香味，香濃牛骨髓配埋粒粒分明嘅飯，撈勻一齊超好食。韓式泡菜煎餅外脆內軟，泡菜微酸微辣夠哂醒胃。…查看更多

剛剛去咗日式漢堡排專門店「肉肉大米」新店新都會,漢堡排選用九州黑毛和牛同美國牛肉混製現烤。而且每日現磨嘅日本東北「虹煌米」配搭日本新鮮雞蛋，米飯香甜軟糯，配漢堡排簡直完美。餐廳環境開放式廚房，坐喺吧台可以近距離睇住廚師用心煎漢堡排，感覺好有儀式感。漢堡排套餐附送多款特製醬料，推薦試下燒肉醬加蒜香辣椒醬，味道好有深度又香口。價錢親民係香港難得一食嘅日式漢堡扒專門店。和牛漢堡排入口牛肉鮮香濃郁，肉質紮實又多汁；和牛芝士漢堡排加咗厚厚一層滑溜鹹香芝士，奶香與肉香完美結合，口感豐富，食落特別邪惡但超好食😋；至於牛油果他他和牛漢堡排，牛油果🥑入口綿滑同和牛漢堡的鮮味相輔相成，清爽又有層次。3款漢堡各有特色，飯同湯都係免費添加。…查看更多

最近同朋友去咗呢間位於尖東嘅日本餐廳，原來開業已超過20年，呢度裝修充滿日式居酒屋風格，氣氛舒服，坐得Chill又唔嘈。龍蝦沙律龍蝦肉超彈牙仲好Juicy，每口好清新，食完好開胃！沃川刺身拼盤（特上）大大盤刺身擺盤好靚，有新鮮帆立貝、鮮味赤身、滑溜油甘魚、超鮮甜海膽、煙韌八爪魚、即劏活赤貝、爆膏牡丹蝦、三文魚子，每件都食得出師傅功夫，每一啖都好滿足，食得出刺身好新鮮。味噌豚蝴蝶腩豬腩肉煮得入味又唔膩，味噌香氣好突出。海鮮天婦羅炸到啱啱好，外脆內嫩，天婦羅蝦好甜鮮，蔬菜都夠新鮮，入口完全唔油膩。牛油雜菌菌類香味同牛油mix埋，超香食到停唔到口！燒物方面點左 雞軟骨串 脆脆地又有咬口；牛舌串 肉質多汁，燒得啱啱好；荔枝豚肉卷 豚肉包住荔枝，一咬爆汁，鹹中帶甜，啖啖都好有層次。…查看更多

打邊爐一年四季都啱😋最近去咗銅鑼灣謙記火鍋打邊爐，餐廳環境好寬躺，仲有包房私隱度高，氣氛好好職員又熱情，坐得舒服，啱晒同朋友聚會慢慢嘆。今次我哋叫咗魚翅瓜蟲草花乳鴿鍋，鍋底好有特色🤩一打開蓋好吸睛，大大個魚翅瓜，超級足料，飲落有魚翅瓜同蟲草花嘅清甜，仲有原隻乳鴿食，啖啖膠原蛋白，打邊爐都可以養顏！招牌黃金臭豆腐，外脆內軟，香到飛起，配埋豆瓣醬一流。特選牛頸脊(小)肉味超濃，油花分布靚，涮幾秒就入口即溶。雲吞拼水餃(小）都係手工製作，皮薄餡靚，落湯唔會散，咬落去好鮮甜。水晶奶皇包（小）一上枱已經吸引晒目光，晶瑩剔透，熱辣辣一咬爆漿，甜品控一定要食！魚腐、娃娃菜、油麥菜苗都好新鮮，吸晒湯底精華，食落去特別有味。飲品方面點咗檸檬薏米水，清新解渴，食完火鍋飲返杯即刻冇咁熱氣。…查看更多

每次去大阪都食呢間拉麵店🍜最近知道開到嚟香港，環境座位好闊落舒服。招牌原條慢煮豬軟骨拉麵配溏心蛋🍜呢條豬軟骨真係超誇張，慢煮8小時，入口即化，膠質勁豐富，肉又夠哂入味。湯底係醬油豚骨，飲落去香濃但唔會太膩，層次好豐富。拉麵本身好彈牙，每條都掛晒湯，溏心蛋軟滑流心，配埋拉麵一齊食真係極品！炙燒叉燒沾麵（魚介豚骨湯底）炙燒叉燒薄切帶有焦香味，油脂分布靚，食落軟腍唔鞋口。沾麵湯底係魚介豚骨，香濃帶少少鮮甜，拉麵粗身掛湯一流，食到最後都唔會覺得漏。…查看更多

最近同朋友去咗呢間上環食西餐，環境真係幾chill，燈光微暗帶點型格，入面有梳化座位，坐得舒服，氣氛優雅又浪漫，唔會太嘈。餐廳設計簡約時尚，令人好放鬆，可以慢慢享受美食🍽️氣氛感十足。經典凱撤沙律🥗份量十足，沙律菜新鮮脆口，醬汁夠香濃。黑松露雜菌意粉🍝一上枱香氣撲鼻，雜菌同松露味好夾，唔會太膩，意粉煮得剛好，麵條彈牙。10安士紐西蘭肉眼牛扒🥩外層燒得香脆，切開仲見到粉嫩肉汁，牛味濃郁，配埋自家醬汁一流。甜品焙茶焦糖燉蛋焙茶香同焦糖味好平衡，滑到入口即溶。另外，叫咗2杯House氣泡酒，清新解膩，成餐飯畫龍點睛！…查看更多

之前同朋友仔都食過呢間火鍋店，我哋最鍾意佢係無限時任你食，可以坐低傾偈慢慢食😋真係慢慢嘆足一晚！最近知道佢哋新推出有潮汕牛肉同新鮮海鮮都係任食🤩即刻約朋友過嚟一齊食啦～一坐低，點了幾款邪惡小食😂招牌自家製黃金脆魚皮超級香脆，點湯都唔會淋，完全停唔到口。仲有呢個自家製椒鹽粟米都係必食，鹹香惹味，任你食到飽，啱晒一班朋友邊傾計邊食。牛肉控一定要試埋四款潮汕牛肉，全部新鮮切片，油花靚又有牛味，任叫幾多都得，仲有伊比利亞黑豚肉，肉質嫩滑，肥瘦適中。海鮮方面今晚有鮑魚、海蝦、台灣白鱔片，大大隻鮑魚上枱時仲郁緊🤩全部每日新鮮入貨，打邊爐一流。另外有自家製三款手工餃、炸響鈴同炸餐肉，全部都係自家製作，餡料足又有誠意。火鍋配料選擇多到數唔晒，丸類、蔬菜、粉麵、豆腐全部任叫。飲品方面，啤酒同汽水都係無限時任飲，仲有玻璃樽裝汽水，好有懷舊feel。真係性價比爆燈，無限時任食任飲，食物選擇勁多又有質素，打邊爐可以慢慢嘆，唔怕趕時間。…查看更多

一入到門口已經聞到好香嘅蒜香同海鮮味，已經食慾大增😂餐廳地方寬敞舒適，地點方便近，由地鐵站只需步行數分鐘，見到每枱都有點的招牌避風塘炒蟹。避風塘炒蟹一上枱已經聞到蒜香味，勁多炸蒜作調味，蟹肉肉身好厚，肉質鮮甜。職員主動幫手拆蟹殼，服務周到，值得一贊。豉椒炒蜆蜆肉肉身圓潤飽滿，味道好鮮甜，豉椒醬汁調味特別惹味。金銀蛋浸時蔬呢個份量也不少，湯底好清甜，有好多肉碎、皮蛋咸蛋同白菜仔。招牌蟹油炒麵麵條炒得夠乾爽，全是滿滿的蟹油鮮味，鍋氣十足。店員建議我可以撈埋炒蟹的炸蒜一齊食，更加惹味。…查看更多

今日經開尖沙咀K11見到呢間紅噹噹設計好搶眼嘅特色餅店，之前聽朋友講過佢哋嘅蝴蝶酥好食，忍唔住買左一盒「香港特色蝴蝶酥」禮盒裝（15件裝）返屋企食。每片蝴蝶酥都係香港本地新鮮製造，選用日本麵粉，無添加防腐劑，食得安心又健康。而且包裝設計充滿港式懷舊味道，送禮自用都夠體面。今次禮盒有五款新穎口味，包括黑白芝麻味噌、經典糖不甩、金沙櫻花蝦、荔枝紅茶同番茄芝士，每款都好有香港特色。蝴蝶酥外層酥脆，入口鬆化，甜中帶鹹，層次分明，特別係金沙櫻花蝦同黑白芝麻味噌，鹹香同芝麻香氣超突出，令人一試難忘。…查看更多