annazz的个人专页

今日去觀塘做野整晏左，過咗食午餐時間！ 好肚餓呀！ 近近地係附近搵野食e肚仔、見到龍城唔駛諗就行咗入去。真係好肚餓， 睇餐牌好多食物都想叫， 見到隔離枱食常餐， 好吸引就叫咗一份，再叫咗個招牌蒜蓉西冷牛扒同牛肝菌帶子意粉。常餐-番茄牛肉通粉，番茄湯濃郁，牛肉香林；炒蛋香滑，好有蛋味；奶油豬香脆可口！招牌蒜蓉西冷牛扒-蒜蓉汁香濃，牛扒煎得啱啱好！牛肝菌帶子意粉- 白汁香滑濃郁掛住啲意粉，帶子有牛油香味煎到啱啱好，意粉煮得啱啱好有口咁！正…查看更多

之前同朋友嚟過食午餐， 覺得唔錯！ 所以今晚就特地嚟試吓佢哋嘅晚餐。我地叫咗《酥炸鹽酥雞》 雞炸得唔錯， 香脆可口；《台式滷水拼盤》滷得好入味， 大腸清洗得好乾淨，一點騷味都無；豬耳爽脆。《大雞扒滷肉飯》雞扒都好大塊，滷肉正宗。《估早味番茄牛肉湯麵》湯頭好濃郁， 牛輾煮得好琳， 麵好有口感！食完主菜，好想試下佢地D甜品；《草莓窩夫配雪糕》熱辣辣嘅窩夫配上雪糕味道好配，窩夫外脆內軟，正！！！《酥皮棒棒泡芙》好有驚喜， 酥皮香脆， 奶油好滑。 《手工綜合芋圓》芋圓QQ好好味，好正宗！ 整體覺得午餐底食D，不過晚餐都算唔錯！…查看更多

同屋企人出尖沙咀行街買野， 順便食埋晚飯！正當煩惱緊唔知食乜好嘅時候咁岩見到我鍾意嘅泰國菜，唔想煩就一於食佢！由於walk-in，又晚飯時間，仲要係尖沙咀，有啲擔心上到去要等好耐位！ 嘩，上到去見到真係好多人， 心諗一定要等好耐！ 好彩等咗10鐘到就有人食完走。唔想嘥時間，我地就係等緊位嘅時候睇定餐牌望吓周圍， 諗定一陣間食乜嘢！一坐低侍應俾咗幾杯水我哋，服務好好！行街行到有啲口乾，梗係要叫返個《椰青》飲吓啦，順便清下熱。椰青好新鮮，雪得好夠凍，飲落去好清甜。等位嗰時見到周圍其他人嘅菜式，樣樣食物都好吸引，好想所有都叫嚟試吓，可惜我哋唔係太多人，咁只好叫個《小食大拼盤》（有蝦餅，魚餅，春卷，生菜包）份量都算多，蝦餅香脆彈牙， 好有蝦鮮味，春卷同魚餅相比於蝦餅就略為失色，但係都好有泰國風味，至於肉碎生菜包就好正宗，不過我覺得有點辣，家人就好鐘意。家人鐘意食魚，就叫咗《鹽焗烏頭魚》，魚燒得啱啱好，原汁原味，好鮮好香。《串燒》有6串（2豬2牛2雞）燒得好香，好有炭燒香味，加小小沙嗲汁另到串燒食落變得多一份層次。《泰式菠蘿炒飯》用新鮮菠蘿裝着啲炒飯，依家好多泰國餐廳都會偷工減料唔用新鮮菠蘿， 好欣賞佢哋用料正宗，飯炒得好香，有香香咖喱味！…查看更多

難得今晚兩公婆撐枱腳，就揀咗之前同朋友食過質素唔錯嘅吉壽放題。今次再去幫襯，餐廳已經裝修左，相比之前擺放飲品，小食、甜品既位置,而家變得方便企理好多。食放題有限時間，事不宜遲一坐低就即刻點嘢食！ 印象中上次啲食物出得比較慢。估唔到落單不久就有食物上枱。一個字快！第一轉我哋叫咗少少壽司，刺身，海膽手卷同埋串燒，刺身整體唔錯有冰放盆底保持溫度新鮮！ 壽司上面件刺身係厚切，飯就細細舊，食多幾件都唔怕啲飯頂住個胃。海膽手卷雖然細細卷，但海膽好鮮甜，當然如果海膽再多啲就更加好！串燒燒得好香， 燒蝦肉質爽甜， 牛舌煙韌可口！記得之前食過芝麻雞翼，皮脆肉嫩非常香口，今次一定要再試，好彩水準依然保持！其他小食都唔錯！食完第一轉我地再加單， 加單落咗一陣，食物同第一轉一樣都係好快就到，仲要落嘅所有單都算嚟得齊，今次再返嚟幫襯整體水準都保持到！…查看更多

仲記得以前稻香集團做一蚊雞嘅情況幾咁哄動， 而家對比以前真係爭好遠。 最近睇報紙見到佢又做一蚊雞就都嚟試下啦，平時黎呢間稻坊多數係打邊爐好少食小菜晚飯， 今次一蚊雞嘅推廣係兩個人可以叫一隻雞， 我哋三個人加埋我個B女， 都算係有四個人畀四位茶錢咁就可以叫兩隻一蚊雞， 今次係做燒雞原隻上比兩對手套你自己撕開嚟食，連師父斬雞嘅時間都慳番， 咁都畀佢諗到可以寫個服字。 好彩我平時有斬開雞知道啲雞髀雞翼點樣容易一撕就撕到出嚟， 對我嚟講冇難度，雞皮都係脆既算係甘啦。 另外原本諗住叫多兩個小菜一個係，椒鹽蝦另外一個係班塊，兩個小菜都是係98蚊，最後個小姐話班塊已經賣曬喇，咁我哋就算啦無再加其他餸。 總共係兩隻雞一碟蝦加一碗白飯，再加茶芥加一，總共成為200蚊，抵唔抵食就真係見仁見智啦。…查看更多

第一次上嚟呢間樓上餐廳食西餐， 環境氣氛好好呀，所以見到好多一對對嘅情侶嚟呢度食飯 ,一坐低會即刻送上脆脆片加芝士汁 ,檯面上仲有一張巨型嘅水放喺度你可以自由斟嚟飲， 睇下個menu先由於我哋第一次呢，咁我哋就叫咗兩個set再加一碟水牛城雞翼 ,水牛城雞翼有六隻 好多汁喺表面，個汁都好好味 而且咬落去入面仲係脆嘅好新鮮熱辣好好味， 香港而家好少有咁出色嘅水牛城雞翼可以食到。 我就叫咗一個牛扒set, set入面配餐湯同埋沙律 今日係甘筍湯，沙律係用個樽裝住嘅放喺雪櫃入面，所以一定係夠曬冰凍， 湯同埋沙律個味道都ok, 跟住牛扒出場啦， 牛扒睇得出係用扒爐燒嘅食得出有扒爐燒嗰種味道，我叫五成熟 見到中間都仲有粉紅色都算合格啦， 呢間西餐廳唔係正宗嘅扒房有咁嘅質素我都已經好滿意。 伴菜仲有黑松露薯蓉燒蕃茄同埋燒 翠玉瓜等。 我朋友就叫咗個diy意粉set, 揀左溫泉蛋汁配雞肉天使麵 嗰汁都算係好creamy整體上都ok味道唔錯，最後可以叫埋餐飲同甜品，反而個甜品就失色咗少少啦 ,餐飲係包咗一杯28蚊嘅，飲品你可以另外加錢去揀其他飲品都得。下次應該會嚟試下佢最出名嘅 beef Wellington. 因為佢冇set所以我哋今次冇叫到，下次離散㗎試下佢先。…查看更多

今日同舊同事食飯同慶祝生日，我哋就揀咗去旺角食，因為地點就腳交通方便，上網搵吓有咩餐廳唔限時又坐得舒服，最後大家決定去明記潮館！其實我之前都去過荃灣間店，不過好耐都冇去過，所以今次就去旺角試吓佢間分店，餐廳裝修都好新，地方好寬躺坐得好舒服！啱晒一班人食飯！我哋叫咗好多餸，落左單冇幾耐好快就上菜，啲餸都好大碟，滷水鵝都好入味，不過就唔係好多肉囉！小炒王都炒得算香口，豪仔粥都好多豪仔， 炒蜆都算唔錯! 餐廳而家做緊食滿$300有一碟滷水拼盤送， 送嘅都算大碟！我掛住傾計同食野，有好多碟餸都唔記得咗影相！我自己覺得旺角分店好坐過荃灣店， 食物質素就差唔多! 下次再一大班朋友食飯，一定會考慮明記。…查看更多

今晚特然好想食韓國燒肉， 問下朋友仔有咩韓國餐廳好介紹，有friend就介紹咗Mr. Iron 熨烤達人。我地大約6:30到，去到餐廳見到無咩人，心諗會唔會中伏呢？ 不過朋友介紹得應該唔會老點掛！ 坐低之後服務員好好招呼！先放低幾柸水，然後再攞咗3碟前菜俾我地。我一向鍾意食kimchi, 覺得泡菜味道幾好唔算太辣，青瓜酸酸甜甜好開胃，仲可以中和大豆牙同泡菜嘅辣味。見到餐牌上飛魚籽沙律賣相好吸引，就叫咗一客試吓！ 沙律嚟到，原來都幾大盆，有好多飛魚籽同蟹柳，青瓜絲切得好幼細又爽脆，味道好fresh!主菜我哋叫咗磚頭五花腩，燒牛肋骨，調味牛排肉，金仔炸雞飯！ 呢幾款菜式係朋友推介嘅。點完菜式，服務員就幫我哋開爐，跟住佢攞咗一籃生菜同芝士放係枱，之後係爐邊倒入雞蛋漿，我哋鍾意食芝士所以我哋就將啲芝士放晒落去蛋裏面！好快主菜就上枱，餐廳服務好好，就算餐廳好忙都會幫手燒件磚頭五花腩，五花腩燒得啱啱好，外脆內軟, 包住生菜食好正！如果鐘意食辣加啲Kimchi包埋一齊食有又令一番風味！我哋叫咗調味牛排肉，食完五花月腩，服務員會換咗個爐做燒網， 相比五花腩，牛排肉就失色左少少， 但係都唔錯，啲牛脂分佈比例算平均，食落口有好香牛肉味！另外燒牛助骨都好好味，份量都算多，腌得好入味，肉質好嫩！最後金仔炸雞飯上枱，嘩好大碗呀！心諗點食得哂！好多炸雞， 啲雞炸得好香脆，點埋啲汁好食。整體餐廳食物質素，環境都好好，份量都算大， 仲要價錢唔貴， 朋友真係冇介紹錯！…查看更多

今日去元朗探朋友，之後一齊食晚飯！朋友介紹去"薄荷葉"食泰國菜， 去到餐廳已經好多人， 我地要等一陣先有位， 坐低後server好好服務，仲介紹咗啲菜式俾我哋。我哋叫咗個大嘅小食拼盤，拼盤份量都算多，蝦餅炸得香脆可口， 串燒燒得啱啱好；豬頸肉沙律，豬頸肉肉質香嫩，沙律酸酸辣辣好開胃；馬拉盞通菜炒得好有鑊氣；咖喱軟殼蟹，咖喱香味濃郁配薄餅一流；椰汁海鮮焗飯，飯好有椰汁香味。餐廳整體食物質素很好，好有泰國風味！ 下次想食泰國菜一定會再嚟”薄荷葉”！…查看更多

今日同同事嚟試呢間印度餐， 喺寶勒巷嘅一間樓上舖， 一上到去見到餐廳好開陽好光猛， 枱同枱之間隔得好遠， 唔會好似我哋中式餐廳咁樣 ,我哋好快就安排坐低咗 佢哋嘅餐具都係金色嘅， 連裝水嘅水壺都係金色嘅 ,好高級喎。 睇下個menu好多選擇， 由於我唔係好熟印度菜 ,都係交畀同事去order ,叫咗個大蒜烤雞肉串， 係用竹筒上嘅賣相好靚 ,我覺得最好味就係呢一個。 另外都叫咗個烤雞塊， 係全部紅色嘅炸雞， 食落好重口味鹹鹹地 ,我哋叫咗好多薄餅呀， 有手揸餅呀 ,芝士薄餅 ,同埋有餡嘅雞肉薄餅 ,三隻都唔同口味 ,叫得薄餅梗係要叫埋咖哩， 有一個蘑菇雞肉咖哩， 同埋另一隻甜咖哩， 全部嘢都好有印度風味呀， 但係分量唔多細細碟咁，等你可以試多幾款唔同嘅菜式 .飲品方面叫左個芒果特飲， 同埋個特式香草奶茶 ,芒果特飲都幾好，香草奶茶就真係好重香草味。 我哋一路食 一路見到入嚟嘅客人大部分都係印度人多， 證明呢度好地道 ,如果鍾意食印度菜嘅呢度應該係一個唔錯嘅選擇。…查看更多

上次黎過食中午放題，由於係lunch偷跳唔係好夠時間食，今日再次約同事夜晚去食盡佢，我哋book咗早場六點至8:15 ，但可惜我嗰日放工遲咗我去到都差唔多七點鐘啦，幾個朋友已經食到七八成飽咗，得返我一個人開始作戰，一開始梗係去攞兩件海膽手卷先啦，唔使排隊即叫即包紫菜都仲係脆嘅，海膽放上面又唔會吝嗇太少，我一共食咗五件非常滿足。跟住佢梗係叫刺身，佢嘅拖羅刺身同埋兩隻甜蝦帶子刺身都好新鮮好好味，但係由於只係我一個人嘅份量影出嚟張相就冇咁震撼，另外再食咗啲串燒，鮑魚，花膠，仲有炸榴槤同埋榴槤糯米糍，佢兩隻榴槤食物都好食，鍾意食榴槤嘅朋友可以一試，飲品方面啦成個飲品可以任你揀，我仲飲咗佢嘅梅酒同埋sake。最後開始食雪糕呀，我試咗佢三款大牌子嘅雪糕食咗三個非常之滿足，喺出邊食一個都要幾十蚊，食咗三個差唔多成舊水。今次由於我遲到嘅關係就唔係食咗好多好多嘢，但每一樣野都必食好好味嘅主打菜式，希望下一次我可以早啲嚟食到更多嘅嘢。…查看更多

難得今日早收工, 又有腦細萬歲, 梗係食盡佢啦, 最好的選擇當然係放題啦。呢間韓燒放題可以用直昇機黎形容 - "值值值值值..." 1: 地點方便不在話下, 旺角地鐵站出去行一陣就到, 2: 食物/飲品選擇很多(下面再詳細介紹), 3: 服務員個個都好有禮貌。我地有6個人, 餐廳就比左兩個爐再加多張枱仔, 坐底後馬上比左D前菜有泡菜/芽菜/海帶。我地當然係快快手點D野食先-炸物有炸雞/餃子/魷魚鬚, 最難忘嘅係噴火炸雞, 有3種辣度, 最勁果隻噴火辣, 嗜辣的人都要飲成罐汽水先可以解辣, 真係會噴火, 想挑戰嘅朋友可以試下, 本人覺得小辣岩岩好。我地仲點左韓式炒粉絲同阿珠媽靚湯, 味道好OK。雪櫃入面D飲品都係任飲。燒物又係好快咁上哂黎, 我地點哂全部海鮮 - 扇貝/生蠔/大蝦/魷魚/帶子/魚片等等, 樣樣都好新鮮。雞牛羊豬都有, 最正是薄切西冷牛扒, 肉汁充足, 口感軟淋，所以呢個一定要ENCORE。 最後食完仲有甜品, 每人可以揀一款雪條或者中式甜品。呢餐真係好豐富, 食到飽飽, 又要做多幾日運動減減佢喇 LOL…查看更多

今日又同同事去試新嘢，揀咗呢間西式咖啡餐廳，一入到去喺一間好舒適嘅咖啡室， 午飯時間都已經幾多人啦，所以我哋就上咗樓上坐低左， 睇下佢個lunch menu都好多選擇，價錢有平有貴，另外仲有全日早餐添，我就揀咗個豬鞍，飲品方面可以包一杯34蚊嘅飲品，我就加錢揀咗杯西班牙咖啡。 首先有餐湯同埋蒜蓉包兩樣都ok, 跟住就嚟主菜喇，係有啲驚喜既， 個擺碟擺得好靚，真係有心做出嚟嘅，沙律菜好新鮮，薯條都ok, 烤豬鞍扒好林好夠味唔會好乾好有水準，另外同事叫咗碟豬仔骨配飯，我見佢個 豬仔骨都好靚好似好好味，同事食過都話ok, 飲品方面原來個西班牙咖啡係一杯凍咖啡加個雪糕係面，味道幾好，好滿足呀食埋個雪糕，同事叫咗杯cappuccino, 個拉花拉得好靚喎果然係㗎啡室嘅水準，呢間咖啡室嘅食物同埋飲品嘅水準都幾高，我哋下次一定會再嚟食lunch, 試下唔同嘅其他菜式。…查看更多

今日同小朋友去玩完想食火鍋， 但係帶住小朋友去打邊爐確實有啲麻煩！ 試吓上openrice睇吓旺角有無邊間座得舒適又好食既火鍋店， 見到吞POT雞煲火鍋唔錯喎，咁就決定去試吓！ 一上到去小朋友已經比個大魚缸吸引住。 因為我地有訂檯，餐廳安排我地座係入面比較近窗口既位置， 坐低已經聞到隔離食雞煲嘅香味，真係好想試吓佢個麻辣雞煲，可惜我哋帶住小朋友唔食得辣，咁就唯有叫個滋補花膠雞煲， 雞煲嚟到啲料好足，雞湯濃郁可口，啲雞又嫩又有雞味，花膠都算多飲完個湯就叫咗啲火鍋配料，十全大寶丸， 招牌爆芝響鈴，雲吞等。 整體食物質素新鮮，大寶丸口味特別響鈴香脆上枱時仲熱辣辣雲吞夠足料烏冬彈牙下次會再返嚟試下嗰麻辣雞煲呀…查看更多

以前嚟過呢間食個lunch放題，今晚終於有機會試下佢嘅夜晚放題啦，我哋book咗八點半好多人等緊入座呀，星期四嘅夜晚都估唔到咁多人，可能啲人係入8點15分第二個時段，但因為我哋book咗位好快安排到我哋入座喇。 首先梗係點刺身啦，刺身都幾好幾有水準，三文魚吞拿魚甜蝦同埋大子都係推介，帶子係幾鮮甜唔會話細細粒嗰啲，另外我都鍾意食佢嘅串燒牛脷鹽燒海蝦同埋雞軟骨，牛脷係好好味嘅，encore咗幾次 仲有鰻魚呀，鰻魚都好好味一舊一舊相好過就咁叫鰻魚壽司，仲有好多其他嘢食都有試呀，例如啲炸物呀仲有個花膠呀蟹粥呀，嗰個蟹粥就普普通通可以唔食，佢個嘢飲櫃呢都好多嘢飲揀，我不停狂飲佢個椰青水啦，雪糕方面就遜色咗啲，得幾隻普通味嘅雪糕，甜品方面都ok, 由於冇乜生果，所以我哋就不停咁叫佢個燒菠蘿叫咗好多嚿，佢個燒菠蘿都好好味，燒得好甜好香，唯有叫佢嚟當食生果啦，整體嚟講都好滿意。 落單嘅速度好快，同埋唔會漏單你唔會話點十件只俾五件你咁樣，佢哋嘅收碟速度都好迅速，下一次一定會再嚟食！…查看更多