pinku的个人专页

唔好意思，呢個食評一張相都冇，因為估唔到呢間金水堂比想像中好味😆我哋食咗海南雞飯($68)，炒金邊粉($68)同埋飛天炒通菜($58)。海南雞飯嘅雞都幾滑，個湯冇味精味，唔錯！配菜有個泰式拍青瓜，對我哋嚟講太辣 handle唔到🤪 炒金邊粉都好夠味，蝦好爽冇雪藏感，份量都幾大，食唔晒🫣最正係個飛天炒通菜😋 等咗大約10分鐘左右先到，因為佢係即叫即擇菜！菜好嫩～ 唔食得辣叫咗少辣啱啱好！員工細心又有禮貌👍🏻…查看更多

好懶嘅我食完呢間之後覺得呢個食評真係唔寫唔得…今次揀食呢間燒肉係因為大阪城打咭好正同埋openrice差不多全部都係好評，但實際自己食過之後發現完全唔掂… 有啲懷疑啲評價點得返嚟…… 大阪城呢set肉盛惠358但好明顯都係cheap肉… 舊舊都好肥，有2舊仲肥到擺唔到落口… 另外單叫嘅都唔見到好好…… 雪藏得好厲害，又冇肉味… 比較正常嘅只有碟厚牛舌同埋菇。仲有，佢張枱勁dirty… 好油，用濕紙巾抹完係成張又黃又黑……查看更多