fulloffoodyum的个人专页

圓方食肆定價比較貴，都係無可避免，始終係地段問題咁既然畀得呢個價錢都希望品質同埋服務會好啲呢間餐廳係做到嘅特別係服務方面真係好熱情唔需要特別舉手，已經不斷有職員過嚟睇下有冇嘢要幫手，加水都好密開頭見佢好似人流唔多，但係去到八點左右原來都差唔多滿座 講返嘢食方面啦比預期中有驚喜喎質素同一啲高級西餐廳有得揮，特別係個貓耳朵，質感好，而且個汁都煮得好正海鮮都係合乎期望嘅係有鮮味，唔係嗰啲急凍到得返個樣整體都唔錯呀食物又有特色如果主食再多少少清淡嘅選擇就好啦例如湯麵撈檬…查看更多

真心好鍾意呢間餐廳，久唔久都會嚟食分量大，有時多人/餐廳冇咁full，可以坐卡位就更加舒服服務都唔錯，而且唔收加一尤其下午茶嘅份量，同正餐一模一樣唔似得好多餐廳，都轉成迷你版，其實冇點平到真係超大，碗底好深之餘，而且喺塞滿曬飯碗面就見到鋪滿曬餸，所以撈飯食係好夠嘅而且跟餐有免費嘢飲，或者可以加錢轉特飲，基本上食完呢餐下午茶，都唔使食晚餐😂另外覺得個拼盤都唔錯例如這溏心蛋係做得好出色麻辣鴨血亦都真係夠曬入味…查看更多

新加坡菜喺香港比較少見，呢間個喇沙做得好出色‼️久唔久都會嚟食，今次終於捨得試下其他嘢， 發現都唔錯 海南雞飯可以拼喇沙或者肉骨茶， 今次就揀咗肉骨茶試下，裡面有一大舊豬肋骨豬肚、兩個好淋好甜嘅蒜頭，個湯重胡椒味，整體都好有新加坡食嘅感覺海南雞飯無骨，肉質同味道都高分👍火山排骨唔算新加坡菜? 但係出乎意料好食，屋企人之前食過其他餐廳，從此唔鍾意火山排骨，今次都大讚👍其他小菜例如雞卷春卷串燒都唔錯的👍…查看更多

服務5★性價比5★真心推 試過好多款，綜合講講:1. 滷肉飯嘅滷肉幾多，配溏心蛋好好送飯。2. 手工麵質感好好，唔會太硬太軟。3. 肉類都唔錯，尤其豬軟骨、雞卷。4. 小食間唔中有新款，擺盤有心思。可能次次都係早嚟，唔算多人食，坐得好舒服菠蘿豬柳($68)，職員推薦話新品所以試下，香口得嚟有生果平衡下火鍋啱貪心嘅人，好多款餸滷肉就咁已經夠撈成碗飯試過蛋餅、三文治都好好食手工麵配豬軟骨，如果多兩條菜就perfect …查看更多

喇沙同咖哩麵湯底都好正，感覺係落足料熬，咖哩會再濃啲辣啲，喇沙多個椰奶味，但係兩款我都幾鍾意配料有好多花款，擺盤靚，但係個人就鍾意啖啖肉，直接俾一塊完整嘅雞扒我會更開心反而飯類冇太多選擇，海南雞飯味道分量都合乎期望，不過除咗海南雞飯，就要單點小菜+飯，如果多啲類似碟頭飯嘅選擇更好今次試咗個蒸魷魚($198)，一份兩條，好好食喎，好鮮味。價錢比起menu上普遍嘢貴，不過係好食嘅海鮮，其實酒樓可能仲貴😂…查看更多

自費，足料而且水準穩定，食過幾次都覺ok好多人話韓國菜最唔抵食，其實我都覺😂例如呢個炸醬面都要$118，其實只係醬撈麵 (加啲配菜咁)，不過無可否認真係好食😂 海鮮煎餅 $138 就覺得都ok，畢竟一個pizza都係差唔多價，呢個粉漿感唔厚，好多蔥同海鮮，加埋個汁，係會令我掛住嘅味道。一個人通常就唔會去食韓國菜嘅， 一嚟因為太大份，二嚟韓國菜用料通常麻麻，但係如果friend開到聲想食韓國菜，我都會提議去呢間嘅…查看更多

店面有個女經理/職員好好禮貌好友善，價錢又抵，唔收加一，讚👍叫咗兩個便當(魚$76，雞$72)，配埋好多嘢，分量多主菜都好食，魚調味同鰻魚好似，甜甜地好食。雞卷質地嫩，類似雞髀肉咁，少少花雕酒味唔算濃。個人鍾意清淡啲就prefer雞卷手工麵係下午茶，$60包埋嘢飲。麵條幾煙韌，湯底有花雕酒味，幾香，我幾鍾意。排骨個樣似煲湯肉但其實食落都ok，唔柴，帶少少肥膏嗰啲位就特別好食小食正正常常，刈包榨菜分量多，同一般食到嘅唔同風格；蛋餃係煎/炸? 想食香口嘢可以嗌…查看更多

超濃芋泥起司蛋餅 $44 的確係好濃郁好多餡，完全係我想食嘅嘢😋 每一舊都好滿足。細食嘅話分分鐘食唔落成份，因為芋泥同起司都係啲幾heavy嘅嘢，不過我就覺得好正! 食完之後一日已經想encore。但係個醬汁唔太識欣賞，個人覺得完全唔夾，直接食個蛋餅就可以了。古早味冬瓜茶 $18 冇咩特別，都係甜甜地咁，配蛋餅就冇咁容易覺得“漏”，都ok嘅其實見啲便當之類都好吸引，但係我估我再嚟嘅話都係會忍唔住嗌翻蛋餅😂…查看更多

午餐食嘅，好似係50蚊一份 (唔太記得)最記得係佢紫菜飯卷啲飯口感麻麻😅餡料就正正常常啦， 就如圖所見都係嗰啲common嘢有配埋啲韓式小菜(豆芽同埋泡菜)份量嚟講其實好少(個人覺得)，食完大概六成飽， 不過堂食嘅話好似價錢都係咁上下想食嘅話可以試下反而另外試過一個人參雞湯飯就唔建議😅好淡冇咩味， 冇影到相，不過嗰次食嘅時候就係一路食一路唔想食😅同埋碗飯個質地又係麻麻地另外間舖頭有做韓燒，抽風好似唔係咁好，梗係覺得有陣煙味…查看更多

慢煮叉燒拉麵$80冇加一香港食拉麵嚟講價錢合理，份量適中 (不過同同場嘅商場餐廳嚟比較，價位可能就貴少少)上菜速度好快好似幾分鐘就有，不過都係熱辣辣嘅揀咗曲面真係好好食，煙韌彈牙，掛湯叉燒兩大片，其實份量又唔係真係好多嘅，不過女仔嚟講就啱啱好，可以再少啲肥肉嘅部位就更好啦 (我鍾意食全瘦嘅叉燒)湯底都ok嘅有原隻溏心蛋、木耳、紫菜做配料， 唔會覺得好寡座位方面大部分都係單人位，或者兩人枱， 如果想同一大班friend嚟食就難啲…查看更多

其實介乎差評同埋中評之間啦連埋加一呢碗嘢total$108 一嚿面兩片叉燒同埋一啲蔥， 連半隻蛋或者筍或者紫菜都冇，就係得咁大把從呢點而係已經覺得唔係好值講返碗麵先啦 湯底係唔錯嘅，好濃厚，應該係我食過咁多碗拉面最好嗰幾間👍同埋佢有加少少辣 不過係令到成件事惹味好多叉燒都軟身好味但係個面有啲太淋啦， 嘥咗個質感如果大食嘅另外加多個面 索埋個湯底咁樣計返就抵啲囉同埋唔明憑乜嘢收加一， 連水都係要自己行出去針😢…查看更多

lunch set入面最平嗰個($88) 蘑菇意大利飯 標明咗係vegetarian，包一杯餐飲口感ok唔係最正宗嗰種硬不過又唔係好淋， 個人覺得幾好， 而且呢個應該算係好啱香港人口味醬汁唔會太稀唔會太傑啱啱好， 因為我好唔鍾意濕滴滴嗰款， 呢個唔會嘅， 食到最後啱啱好冇曬啲汁而且都算fresh，唔係好漏嗰隻菇粒份量一般啦 再多啲就好整體份量都係比較細， 食完係七成飽啱啱好， 如果比較大食嘅話就應該覺得唔夠喇環境服務都舒服嘅…查看更多

食物質素無容置疑，係韓國菜嚟講特別出色， 講真個人唔係好鍾意食韓國菜，因為覺得啲用料都麻麻地，成日都係午餐肉腸仔之類嗰啲唔健康加工食材但係呢間就食得出真係唔同嘅，似係高級西餐嘅感覺 咁話明係靚嘢價錢都會貴㗎喇，人均都要$300左右， 但係真係食得開心嘅，好過畀咗百零蚊但係喺度食啲唔知咩嘢環境都幾舒服 啲位同枱都好闊落 特別嗰日嚟嘅時候冇咩人 成個場都好安靜 如果有budget 想食好啲同埋環境舒服啲 呢間都係唔錯嘅選擇…查看更多

自費，純粹身邊friend鍾意，所以成日嚟食，不過個人麻麻地嚟過食咗好多款好多次唔同口味嘅薄餅，我覺得佢哋嘅填鴨pizza都係最好食嗰款， 成個味道都好還原到食片皮鴨卷餅嘅感覺， 而且唔會太濃味太漏太肥咁不過其他款嘅話薄餅味道就冇咩特別咁其實會話薄餅，主要係食佢嘅餅底多個食佢嘅配料，所以就算味道冇咩特別，都唔緊要，平穩就OK但係佢哋嗰個餅底我真係麻麻地， 啱啱上枱熱辣辣就好啲嘅，但係都唔係算好煙韌好香嗰種囉，要比較返連鎖餐廳，我反而覺得pizza hut好似好食啲…查看更多

次次嚟呢到，主要都係貪佢選擇夠多，價錢又唔算貴仲要唔收加一之餘，可以唔限時(當然通常其實都係食完就走 唔會賴死咗好耐)無論想食意粉飯，定係扒，或者其他拉麵咁樣，都有得揀試咗咁多款覺得賣相最靚嘅就係蛋包飯($6x)， 同埋味道都係最穩陣不過都要講返個雞扒質素麻麻地， 但係計返價錢都算係咁啦， 同埋個蛋係好食嘅意粉嘅話記得有一隻蕃茄雞肉意粉係唔錯， 餸嘅分量幾多同埋唔會覺得好漏肉醬意粉就正常發揮， 不過個人本身唔太鍾意肉醬因為覺得好似食唔到肉有啲空虛…查看更多