MaureenChoi的个人专页

事源今天打算幫一位朋友慶祝生日，但由於我地太遲book 位，所以有好多較佳的自助餐or西餐廳已經full 哂無得book ，咁岩我地其中一位朋友在Facebook 見到此餐廳的自助晚餐有折扣優惠，所以我地就book 即日黎試下。Wawawa..problem is coming! 我對此餐廳的食物十分無言.....由於我7點半到場，眼看出面食物已經所剩無幾，神奇到話送半邊龍蝦無，長腳蟹無，剩4隻好似尾指大的熟蝦，刺身櫃入面得數種硬膠體及懷疑放左太耐，所以刺身表面完全無光澤，煙三文魚食落似放左一個月咁，蠔就真係你唔食真係走寶了（你懂的），熱盆有菜菜菜菜菜菜菜菜菜及話係鵝掌的雞腳及芝士焗5蚊大的蠔及其他無眼睇。好！我唔相信咁易打敗到我既！我繼續睇，我見到有即場炒的卡邦尼意粉，pizza ，小法包及湯。我都懷有打大佬既心，勇敢地每樣拎黎試一試，嘩點知....勁勁勁難以用筆墨去形容！首先超級市場買既3分鐘意粉比佢碟即炒意粉好食一億倍，pizza 差過n年前惠x買個d 五蚊塊既pizza ，法包咬一啖包你體會到人生苦與樂之辛酸。由於我食左45分鐘，我既hp 值已經俾這間餐廳打到7788，諗住食下雪糕及甜點就離場，點知精彩在後頭！當大家諗正常雪糕甜品水果好難中伏啦，點知你地全都錯了，d字頭雪糕得綠茶同芒果味，由於我無咩興趣所以無食到，所以我走去食m字頂雪糕。嘩！行埋個櫃到見好似12格雪糕，空剩得番幾隻味，我朋友選擇了朱古力雪糕，我見個職員刮到連球形都起唔到，我心諗係咪放左n年所以無左雪糕個種柔滑質感（依方面真係要等雪糕專家有待証實）。我最後都唔汁輸拎左個牛奶布甸同水果，woo個牛奶布甸比大菜糕更無味，連某唱k自助餐入面既奶凍都好食過佢。最後食左一小時多dd離場時，都係見到好多野無fill 過、例如長腳蟹及蝦同冷凍海鮮無fill 過，點解我會知？因為一個鐘前見到個4隻蝦仔仲係到，兩隻長腳蟹小腳指仲係到！🌝最後真係好想講句！我真的好心酸！好心痛！由於我看到同場有部分較年長夫婦來慶祝生日或記念曰日，一班孝子賢孫帶家中親人來進餐，我見佢地食到如此滿足真係好心up ，明明依個價錢已經可以食到好多更好既野，又或者食到價錢一樣但食物質素好好多既某旺角酒店自助餐。我係唔明點解香港人要難為香港人！！！我看見他們令我諗起我家中長輩、真的很心酸！懇請各位孝子賢孫不要帶家中長輩黎食非人道食物，如果真無要推薦的話，不妨介紹某上司或前度！Btw，今晚依餐星期一食及折左75優惠之後，每位都要407蚊，值唔值得試？咁你真係試過先知！🌝…查看更多