ikuzim的个人专页

2個人+一個bb晚飯叫左一個 set dinner拉麵，由於帶住bb冇時間心情影低d食物，所以提供唔到相片。set dinner 包最 basic 既叉燒拉麵一碗，一碟兩件壽司，同一罐飲品，$88都幾抵。拉麵味道不過不失，又唔太咸，湯底係豬骨湯底，有兩塊叉燒，叉燒就唔算入口即溶，所以呢點冇加分，叫左碟三文魚壽司，塊三文魚比想像中細，味道都ok新鮮，呢個價錢我覺得都算抵食。另外叫左個吉列豬扒拉麵，都係豬骨湯底，等左約15分鐘，塊豬扒應該係即炸既 ，亦都不過不失。另外要讚餐廳好 baby friendly, 個度既 staff 對有bb既客人都好有禮貌，特別係叫 Tony 個位Supervisor, 十分照顧有小朋友既爸媽需要。…查看更多

食物同個地方雖然係ok，但員工服務態度麻麻，未至於好差，但唔impressive. 我雖然帶住個bb去，但我bb冇影響到佢地，但似乎佢地唔太 baby friendly.例如我b要換nappy, 我問一問個度係咪廁所，佢用把好唔想理我既聲線答我，好似唔想我地用佢廁所俾bb換 nappy 咁，我唔去廁所換，唔通想我係餐廳入面換？另外員工落單同送餐時禮貌欠奉，落單個位，我地問多兩句都唔想答你咁，送餐個位，我b拎左個號碼牌玩個staff就黑晒面叫我地要放返個牌係枱面，我覺得就算睇唔到牌，咪問囉！唔洗黑晒口面既。。。整體感覺係地方舒服，但服務差，員工態度差。唔係個 fren 約我去呢度，我下次都唔會去。im sorry...…查看更多

第一次用openrice上網訂座, 原本book左12月25號, 但係之後餐廳打黎話冇位, 所以改左26號。同家人上到去, 見到原來完全唔滿座, 冇乜人, 數埋都係得5-6枱, 所以完全唔洗等位, 入到去就坐4人梳化卡位。服務員大多都幾nice同幾好笑容, 可能因為唔忙, 收碟都收得幾快。講重點啦, 坐低冇耐, waiter就送上4碟鵝肝, 當然好興奮啦, 但其實一向都少食呢D內臟, 所以抱住好奇心一試......真係好油膩, 好似食到成口都係脂肪咁....不過煮到外脆內軟, 其實都唔錯! 只係我唔鍾意食呢類食物..... buffet食物有：海鮮冷盤 - 有長腳蟹, 蝦, 青口, 螺, 三文魚, 吞拿魚等, 大部份都好食&新鮮, 特別家人大讚螺肉彈牙, 三文魚新鮮, 蝦肉肥大, 我就特別愛好長腳蟹, 肉質都好juicy, 可惜咁多隻腳入面我只搵到少量蟹鉗, 蟹腳居多。初時擔心會唔會少人就唔會refill咁多海鮮, 但係又refill得幾快幾足wor!沙律拼盤 - 去momo cafe之前已經刨晒openrice既食評, 都係讚佢既沙律好食, 我本身唔太喜愛沙律, 所以就冇試啦, 因為留返個肚食其他鍾意既野; 我老公就食左少少, 佢既comment都覺得唔錯, 有smoke salmon。熱食 - 食左塊黑椒牛, 烤得大概6成熟, 好夠黑椒味, 都幾軟身。另外仲食左羊架, 家人又大讚羊架比牛好食。仲有D炒唔知咩蝦, 又係好好食。其實仲有其他熱食例如炒飯, 咖哩雞等, 但係黎得食buffet, 都唔會想食呢D架啦...所以冇試啦。湯水 - 有2款, 中式同西式俾你揀, 中式係蟲草瘦肉烏雞湯, 西式係忌簾湯, 必須大讚個中式湯, 因為真係幾甜, 亦都唔係好飲到有味精, 所以讚!甜品 - 只有4款, 可能餐廳唔係主打甜品啦! 我食左木糠布甸, 真的麻麻... 不過仲有自製pancake, 幾得意啦!生果 - 有哈蜜瓜, 西瓜, 火龍果...生果就真係麻麻地啦, 可能唔係當做掛....西瓜唔夠甜, 火龍果好酸, 只有哈蜜瓜夠甜!由於當日係boxing day, 價錢比平日貴少少, 所以最後埋單 4個人大約$17XX, 包餐飲, 用左恆生白金卡俾錢有8折, 大約$1450, 假期食buffet呢個價黎講都算抵啦!…查看更多

久聞其名，所以特登去幫襯，去到時間大概5點幾，唔係繁忙時間，所以唔洗排隊。叫左：豬扒包，軟包賣晒轉左脆包，味道一般，豬扒好細塊。奶油西多，炸得幾脆，幾好食。絲襪奶茶，頭個幾啖幾好飲，係傳統既味道，不過當放左一陣之後淡左，因為太多冰。最好即刻飲晒...但係冇左慢慢品嚐既樂趣。服務：d哥哥仔個個都好nice，會同你吹水搞爛gag tim!總括黎講，今次既experience係滿意既，不過希望唔好再差落去。…查看更多

是日聖誕節，第一次係長洲食晚飯，食呢間係因為有個阿姐sell我地入去，見另外兩間咁多人排隊就，呢間唔洗，咁就坐低啦。叫左：豉椒蜆，殼就好多啦，不過肉就堆埋都放唔晒一隻豉油碟。味道ok，因為好重味精。薑蔥蟹，d肉梅既，唔新鮮，好後悔叫左呢個。蒜蒸扇貝，最好食呢碟，蒜味重，粉絲多，但肉質都似蒸耐左。蒜蓉炒芥蘭，呢碟送既，套餐$208就送一碟菜；味道都唔錯既，但係食下食下發現食到好多沙，應該完全冇洗過，真係好唔衛生。但係送既野，都唔好expect咁多。下次再去長洲我諗我會食第間。食完即刻睇openrice發現大部份食評都同我既experience差唔多，早知做左research先去啦......不過咁既價錢有4碟餸，$24有支大啤，仲要聖誕節，都唔好expect太高，所以平均黎計我俾OK真係好仁慈啦....…查看更多

平時少去cwb, 所以上網search有咩茶餐廳係老店, 最後搵到呢間!!下午茶時段去到, 見到有下午茶menu, 就叫左1. 迷你tart 3Q (椰tart, 蛋tart, 雞批), 2. 菠蘿豬扒包, 3. 蛋tart。老實講, 個3個mini tart真係貴得黎味道麻麻, 最好食係個豬扒菠蘿包, 幾大個，味道黎講塊豬扒好香好脆。不過真係貴左少少, 如果肚餓真係叫碗粉面會好好多!侍應服務快，可能因為唔係繁忙時間啦！裝修都係玩懷舊, 最鐘意係門口個舊影畫戲院個notice board, 仲有post card免費取閱。…查看更多

先講店內既atmosphere: 入到去真係好有個種電影92家有喜事中, 黃百鳴同吳君如去個種西餐廳食飯既感覺, 好鐘意個種90年代既感覺。播緊既音樂都係個種90年代西餐廳播既靜音樂。好舒服。食物: set dinner可以話係幾抵, 但係我今次黎呢度係特登食佢既梳乎里, 而我只係同老公2個人食, 知道太平館既梳乎里好大個, 所以唔想叫兩個set dinner/main course咁多, 最後就叫左一個set dinner焗蔔汁四寶飯, 包例湯, 甜品 & coffee/tea, 再加個$128既梳乎里, 食到勁飽, 都係$3XX埋單。先講個四寶飯, 四寶裡面豬扒最好食, 我老公就鍾意塊牛利, 蝦就略嫌冇乜鮮味, 但係個sauce撈飯真係一流!梳乎里要等30分鐘, 所以食完個set dinner,等左大概10分鐘就有得食, 等既中途老侍應仲主動同我地講"個梳乎里焗緊架啦!", 真係好friendly! 好記性! 梳乎里好大個, 暖粒粒, 甜味剛剛好, 好在我地只叫左一份set dinner, 否則可能真係太飽食唔晒侍應既服務態度真係好好, 可能都係經驗老到既侍應啦, 比起現時新式餐廳說話機械式, 服務機械式既侍應, 呢度親切好多!!…查看更多

等位時間：可能係weekday，７點鐘時間上去，完全唔洗等位。印象：我同朋友第一次去食，一入到去，感覺都幾得意，因為Ｄ枱椅幾特別，地方闊落，坐落幾舒服，地方適合同朋友傾計吹水，因為唔太嘈。服務：一般啦！有個waiter拎錯碟飯過黎，我話唔係我地既，而佢就sorry都冇聲，就行左去。再有個waiter可能係新仔，蠢蠢地咁，叫佢拎杯水都好似好驚咁。其他waitress就算可以啦。不過當晚有人生日，佢地突然間即場播生日歌，播到鬼死咁大聲，差Ｄ俾佢嚇死，仲要唔只一次，嚇左兩次，仲要首歌勁擦，生日歌應該有大把好音質既選擇架bor...食物：我叫左個咖哩豬扒蛋包飯。賣相真係唔錯！超碼令我有食慾先。咖哩味都幾濃，但可惜Ｄ蛋包飯冇乜味，一定要撈汁食。另外我朋友叫左個Pasta，聽說都ok啦！價錢：Set dinner $98有例湯＆特飲，有加一，正常Cafe價啦～不過最後都飽住走既～算ＯＫ啦！…查看更多