06__hc的個人專頁

今日嚟到V Walk 諗住求其食個下午茶叫左2份酸辣乍醬魚腐魚湯米線點知又有驚喜！份米線勁大份🤩🤩唔算太辣又好香👼🏻我同朋友都嚇親💖🥹啲料又足 唔會淨係得幾舊肉43元就有得食 好推薦！仲要包埋飲品🎀本來想叫多杯芋圓奶茶好可惜店員話已經冇曬🥺🥺🥺Anyway 呢到服務態度也非常出色就算星期日都唔算太多人食完又有得慢慢坐陣好評！店內環境整潔舒適，員工熱情友好🌸大家經過V WALK 都可以入嚟試試～～～…查看更多

又來到旺角搵食！今次試嘅喺吉列牛忌廉烏冬～ 因為唔係太肚餓，所以就冇叫到吉列牛只係一人叫咗一個面但整體嚟講都唔錯，下次再嚟試吉列牛😂本身以為黃色呢個面係微辣嘅，點知食咗兩啖發現辣到飛起😂😂對我哋嚟講就太辣啦如果鍾意食辣嘅人，一定要試吓呢碗麵！我就反而仲好鍾意食呢個忌廉咖喱烏冬本來會以為好怪，但原來都幾好食Creamy 得嚟又有少少辣辣地然後意外地唔會好油膩！嚟呢間餐廳食嘢嘅話，一定要試吓呢個～～…查看更多

今日同男朋友去行銅鑼灣，行到攰就入咗東角條街嗰邊食嘢估唔到又搵到間抵食餐廳！環境方面都好舒服唔會太迫，或者太多人大家都好安靜咁食嘢🤣仲有凳俾你擺嘢嘢食方面，今次叫咗個牛胸腹SET 70幾蚊已經有埋嘢飲同沙律唔夠嘅，仲可以加多$6要個雪糕！佢啲雪糕係幾coco berry, 幾好食我同男朋友都一人叫咗一個🍨我哋一人叫咗100g 牛+ 200g 飯已經好飽點知佢仲喺優惠期內，送埋三塊和牛俾我哋下次會去再試吓其他人套餐🤩…查看更多

今日啱啱喺附近返完工勁餓，諗住食沙嗲王實冇死，點知佢都係比其他分店做得差🥲叫咗平時最鍾意食嘅白咖喱香茅豬扒飯。因為係下午茶餐，所以都幾平，$39 再加多幾蚊就有杯凍飲。因為我都好肚餓，所以就加多$10要咗個烤餅。點知個烤餅完全唔熱，凍嘅，乾晒又硬晒，食落好冇癮🥺該熱嘅唔熱，要凍嘅又唔凍，今日都算好熱，諗住飲杯凍檸茶嘆吓，點知杯凍檸茶係唔凍嘅🫠🫠可能係九龍塘唔俾多啲錢真係冇嘢好食。但係會話呢間真係冇下次。…查看更多

今日同男朋友去完迪士尼，仲係下午茶時間，就嚟咗呢間試吓，雖然下午茶份量比較少，絕對係唔夠飽，但佢勝在杯嘢飲夠大，又可以坐得舒服。💛凱撒沙律配雞翼份量方面就相信都唔使講，自己睇圖😂真係純粹叫做食啲嘢。沙律同埋雞翼都相對普通，唯一做得好嘅係溫度適中，不過都係建議大家試其他菜式比較好🙈💛朱古力麥香杯嘢飲反而幾好飲！瞬間覺得抵咗好多差唔多都有出邊手搖咁大支，好勉強先飲得晒😂朱古力入邊有啲類似燕麥嘅粒粒，係一杯幾有特色嘅飲品，大家可以試吓～…查看更多

同男朋友行街行到攰，咁就諗住入嚟呢間小方糖食個甜品，順便休息吓啦～ 點知呢度啲冷氣勁凍，完全係想你食完快啲走嘅感覺😅😂不過點都好，佢呢度啲甜品都係幾好食嘅。如果唔介意冷氣凍，可以喺度快啲食完快啲走🤣士多啤梨雲呢拿涼粉（$39）我本身自己好鍾意食涼粉，所以就叫咗呢個。兩個雪糕係包埋嘅，其實本身係叫咗士多啤梨，再加曲奇，點知姨姨上錯咗俾我🥲如果想要多一球就要額外再加錢。不過對我來講，兩球就好夠啦😂整體來講都係幾好食，可惜冷氣太凍😂…查看更多

呢間嘢係會所入面，都係居民食客比較多，下晝時間嚟，都要等大概10至15分鐘。環境方面都好舒服，樓底好高，係比較多人，所以其實都有少少急住食😂留意番假日要加+3-💛大啡菇素肉漢堡配薯條 （$61）呢個包賣相都唔錯，可惜放到上嚟嘅時候，薯條已經有啲凍咗。味道整體嚟講一般，係比較少汁，最後我哋人手加咗啲蕃茄汁上去😂💛明太子忌廉小龍蝦長通粉（$68）呢個明太子忌廉意粉反而幾好食！平時出邊食嗰啲都好鹹，食完好油膩呢個反而淡淡地，又唔會無味，都幾多肉，個人覺得呢個比漢堡包抵食。…查看更多

啱啱放學，見到呢間喺朗豪坊新開，門面幾靚，仲要係有下午茶供應！即刻走入去食😆-店舖設計都幾得意，係以露營為主題，係入面食野就好似去緊野餐咁，又唔使喺出邊俾蚊咬又比太陽曬😂-❤️三重芝士牛角包呢個牛角包上枱嗰陣都係熱嘅！芝士味道濃郁，同牛角包都幾夾以下午茶份量來講都算唔錯❤️牛奶咖啡呢個咖啡就差咁啲，冇乜咖啡味，飲落有少少似水⋯不過有嘢飲送都算係咁🙈-不過會話呢間就係裝修靚，食物就比較一般，冇乜特別都係貪得意食個環境😂…查看更多

今日唔係好舒服，唔想落街食飯好好彩有燦記外賣過百送上門嘅服務🥹即刻叫咗兩個咖喱飯！同細妹一人叫左一個餐，係黃咖喱雞飯同紅咖喱豬飯，$58有飯有野飲，都幾抵食🫶🏻個汁都幾入味，雞同豬都唔會太韌係唔落樓嘅最佳選擇💯…查看更多

之前有朋友送咗海港城卷比我，咁啱見到有得喺Lady M度用，即刻走入黎試吓！不過大家都係拎住卷，搞到排隊都等咗差唔多成個鐘🥲-$70一個蛋糕真係偏貴，不過都有返相應嘅質素，千層蛋糕散發着淡淡的玫瑰香氣，食落都好清新，唔會死甜，半價之後即刻變抵食😆-嘢飲我哋都係嗌咗玫瑰味嘅，呢個我反而覺得比較普通，有少少淡，好似唔夠甜-環境方面，其實坐落都舒服，不過星期六日就好多人，食完又要趕住走比下班人食，雖然都好好食，但冇咩優惠真係唔會再特登去排🤣…查看更多

馬灣好多野食價位都比較高，入到嚟玩如果想普通食返餐，呢間又一間其實都係唔錯嘅選擇🤍注意‼️係村屋嗰間唔係碼頭嗰間😵‍💫大家千祈唔好去錯啦-❤️芝士蕃茄焗豬扒飯（$55）呢個飯係少數我覺得好好食嘅豬扒飯！平時最怕豬扒好難咬，又或者落太多鬆肉粉但呢個大大塊之餘又唔會難咬，仲好完美咁match 左成個飯🫶🏻配埋佢隻蛋撈埋一齊食仲正🤤-個餐除咗包野飲之外仲包埋個湯有中湯/紅湯可以揀，我揀咗佢個中湯，飲得出好夠火候煲得好入味🤩…查看更多

今日同朋友商量食咩個陣，佢推介左呢間嘢俾我！餐廳竟然係一堆店舖入邊，差啲搵佢唔到😂 但估唔到又幾好食🤩-一入嚟就比呢度吸引咗，裝修好文青同小清新，啱晒打卡～我哋即刻係咁攞手機影相😂😂-講返正題！❤️旋風漢堡扒蛋包飯淨係賣相已經覺得佢贏咗🤤隻蛋好滑捋捋！！最鍾意食呢種蛋咖喱汁唔係平時死咸咁食得出係有層次，好有風味其他蔬菜都幾乎冇乜點調過味，但淨係點咖喱汁會話已經夠晒另外，份量都算多！以我一個女仔來講係啱啱好食得晒-如果鍾意食蛋包飯，不妨試吓呢間🫶🏻…查看更多

青衣成日都俾人話係美食沙漠，今日咁啱經過呢度，比我搵到Beans! 佢位於青衣城二期，出地鐵站轉右上電梯就到。雖然係星期六，不過排咗唔算好耐，大概15分鐘就食到啦～ -❤️黑松露忌廉軟殼蟹意粉呢個意粉果然冇令我失望！黑松露味濃郁，食落口淡淡都係醬汁，仲要配埋趣博博嘅軟殼蟹，完全係大滿足🤤🤤份量都好足夠，食完勁飽鍾意食黑松露嘅人，一定要試吓！-❤️蟹籽海鮮薄餅呢個薄餅都好好食！佢唔算大份，建議可以同朋友當小食咁分享一齊食都算足料，係食到一粒粒扇貝啱晒鍾意食海鮮嘅我🤩-❤️黑松露薯條（加配）呢個薯條一定要食！！又係黑松露味MAX 嘅小食食完仲有得問佢添一次醬汁不過食得太多會好鹹😂😂-總括嚟講都係幾好嘅體驗！服務都唔錯，會再幫襯✨…查看更多

平時呢經野行開Donki 就會經過，見到佢個景勁靚，一直都好想試今日同朋友行完，即刻走嚟試下🤩環境來講真一係流，對住海食飯，好享受😎唔會擠迫，亦都好乾淨坐得好舒服😌✨ ✨明太子軟殼蟹忌廉意粉特登嚟食呢個明太子海鮮忌廉意粉果然冇令我失望！賣相勁吸引🤤🤤明太子啲汁對我來講唔會好鹹，啱啱好意粉又唔會煮到好林可惜份量對我地黎講比較少，唔夠飽肚如果嚟食呢間餐廳叫話，一定要試吓蕃茄海鮮意粉🍝呢個意粉屬於不過不失嘅程度可能係上面嗰個太好食😂呢個稍微普通左少少不過佢好似都係平啲！唔中意食明太子叫呢個啱曬…查看更多

呢間野喺北角已經歷史悠久，相信住北角嘅人都食過好多次！有啲人話好難食，但我覺得以呢個價錢都相當抵食😂😂另外唔知係轉咗手定乜咩，而家啲店員態度好左好多！要幫佢平反下先🤣和風牛肉便當（$47）味道方面，確實唔夠出邊好食調味稍為遜色咗少少但佢勝在份量夠多！份量大家可以睇吓幅圖，飯餸同菜都幾乎塞爆曬！仲要有兩粒餃子✨餐係包埋嘢飲同麵豉湯，雖然杯嘢飲甜咗少少，但整體來講都係非常滿足嘅一餐🤍如果想食平少少，又想食日式嘢，食呢間啱晒🫶🏻…查看更多