ChiYan Ho的个人专页

第二次到訪呢間餐廳，因為係香港嘅omakase黎講，呢間算性價比幾高👍🏼今次都係同朋友黎食lunch menu,我地試咗「清雅」。$680 包括前菜，茶碗蒸，壽司十貫，特色玉子燒，湯物，同埋甜品你亦可以再自行追加其他時令食品👍🏼全部魚生都非常新鮮，而且師傅都好細心咁調節飯嘅份量，多飯少飯都可以職員服務都好好，會細心為你介紹👍🏼每次黎都會被呢舊玉子燒驚艷到😆因為真係好似蛋糕，但係店員話完全無麵粉，食落有好濃厚嘅蛋味正！…查看更多

今日出開荃灣8咪半呢頭行街，見到新開左間泰國餐廳，就同朋友試下😛餐廳好大間，裝修亦好光猛，座位闊落，坐得舒服👍🏼而且食物價錢都好合理，唔會太貴🤭首先叫左個泰式生蝦，擺盤好精緻💗醬汁辣辣地好開胃🥰之後叫左個雙層串燒拼盤，好新鮮熱辣👍🏼有炸春卷，雞肉同牛肉串，炸蝦餅同埋泰式魚餅😋打卡一流💗主食叫左個大蝦炒金邊粉，好大碟👍🏼好足料！仲叫左個蒜蓉炒通菜，炒得好香口😋當然唔小得新鮮椰青啦😆好大隻好清甜👍🏼推介！…查看更多

人生第一次比差評餐廳，但今次真係忍唔住！朋友推介呢間火鍋店比我試，但佢唔係食佐敦分店嘅，我見佐敦就腳啲就黎試下！餐廳環境的而且確好靚，好岩打卡，不過員工嘅服務態度已經足以趕客，同埋唔會再黎或者推介比身邊嘅人！朋友推介試下個花膠雞湯底，話好正好足料，睇佢地餐牌個圖的確幾吸引，點知黎到只見到隻雞，用個湯勺撈下，花膠數量寥寥可數！我諗只得3-4舊，我地一枱6人，真係一人都分唔到一舊！但我朋友上次係第間分店食的確好多好足料於是叫左職員問下，點知個職員態度極差！（女職員，短頭髮，身形小肥，職位疑似有啲級數）店員：我地每鍋都有指定份量，唔會比少！我就問：你地嘅指定份量大概係幾多？店員：每鍋起碼都有5舊花膠。我：咁呢鍋一定無咁多！之後重點黎！佢叫多左一個男職員拎隻碗黎，係我地面前不停咁撈個湯底去睇下係咪真係比少左我地！係個客面前撈啲花膠出黎數🤯WTF?!咁樣做真心唔專重啲客人，你估我地會咁得閒呃你啲花膠咩？最後佢真係淨係撈到3舊，跟著就勁悔氣咁話：叫廚房比返你。跟著就走左🤬正常都會道歉先啦係咪？！而家係你地出錯，仲要西面？真心只會食一次，無論嘢食幾好環境幾好都唔會再嚟！太！差！了！…查看更多

已經到訪好多次了🤭決定要留返個好評比餐廳👍🏼環境同服務都好好，食物份量都好大，好適合同朋友一齊來聚會💗每次黎都會叫呢個snowboard 沙律，真係好大份😆岩哂幾個朋友一齊share🤭醉皮湯都好推薦👍🏼好creamy …查看更多

每次想食泰國菜個陣就會諗起呢間嘅火山排骨，真係好似係泰國當地食嘅咁😝其他野食選擇嘅種類都好多😛沙嗲雞肉串燒同埋泰式炒金邊粉都好好食，味道唔會太鹹，亦都唔會太辣，啱晒我口味😋…查看更多

泰式料理嘅Fine Dining真係第一次試，好高質👍🏼餐廳採用100%泰國食材去設計成新穎嘅菜式，每道菜式擺碟都好靚🥰展現豐富多彩嘅烹調文化。難怪係喺亞洲最佳50間餐廳之中排名第一💗果然實至名歸！今次我叫咗4-course tasting menu, 同埋add on咗泰國最著名得獎主廚Chef Ton嘅燒龍蝦，味道實在令人驚嘆🥰太好味了吧！4-course套餐包含：-四款特色開胃菜-泰式香草蝦配紅菜頭雪芭/香花辣椒日式生蠔（二選一）-甘鯛魚配稠紅咖哩醬/蟹肉蘑菇碎炒飯（二選一）-和牛配特調紅酒醬-甜品三道（Pre-dessert，芒果糯米飯，Petit Four)另外加$680就有冬陰功醬燒龍蝦配意大利飯，好建議大家食👍🏼因為所有嘅用料配搭都好特別。餐廳裝修都好有氣氛，適合特別節日嚟慶祝用餐，窗邊位仲可以望到維多利亞港😍而且每位職員都好專業。如果唔食得辣嘅朋友建議喺訂位嘅時候同餐廳講明，等佢哋可以作出適當嘅調整。…查看更多

開始想念泰國了🥹唯有去食下泰國菜一解相思之苦😆今日出開荃灣，於是乎去試下呢間想試好耐嘅餐廳，因為之前睇電視推介過🤭餐廳主要係bar枱為主，不過都坐得舒服。首先叫左個泰式拼盤，有雞翼，雞卷，蝦餅同魚餅，全部都好新鮮👍🏼跟著叫左個泰式海鮮菠蘿炒飯🍍大大隻青口同埋蝦球😋仲有馬拉盞炒通菜，份量好大，味道岩岩好，唔會太咸👍🏼今晚咁岩有優惠，除左椰青之外，其他飲品都買一送一🥰所以同朋友一人叫左一杯，青檸梳打同埋蜜桃冰茶。最後甜品叫左個芒果糯米飯，擺盤好特別，好似壽司咁😆整體來說，食物都好味同好新鮮👍🏼推介！…查看更多

中環新開高質cafe😍係全球第一間Cassina Cafe☕️Cassina 是頂級傢俬品牌，所以餐廳裝修超有格調，每個角落都是打卡位💓食物高質之餘，價錢亦相當合理🥰而且擺盤都好靚，咖啡拉花亦非常精緻💓同朋友兩個黎食，我地叫左四樣野食🤭雞蛋沙律迷你多士💓超級推介，好鬆脆👍🏼有幾款口味可以選擇！煙三文魚配薯仔沙律非常新鮮，而且有好多塊煙三文魚👍🏼抵食😋仲叫咗個牛油果芝士多士加埋意大利黑醋，味道好醒胃👍🏼好味！最後仲叫咗個是日甜品，今日係蘋果酥😍口感亦都非常鬆脆，而且唔會太甜😋👍🏼以後出開中環，又有一個好地方飲杯咖啡啦☕️🤭…查看更多

位於尖沙咀超有氣氛，空間感十足的餐廳💗收工過嚟聚餐最適合不過！而且價錢都唔算貴，同埋食物質素都好高，真心推介👍🏼同朋友兩個人食叫左個凱撒沙律，可選配煙三文魚，Ham或者帶子。另外叫左個蜜糖雞翼，好細心係單骨嘅😆方便女仔食，蜜糖味好濃，而且無諗過會有咁多隻🤣🤣主食方面叫左個辣肉腸意大利薄餅餅底超脆😋好好味，鐘意食pizza嘅朋友一定要試下👍🏼另外仲叫咗個龍蝦汁虎頭大蝦意大利粉超濃郁嘅龍蝦汁，蝦亦好爽口😋野飲有好多選擇，我地叫左兩杯mocktail😛Apple Breeze 同埋Twilight Dove💗…查看更多

今日同朋友突然想食台灣菜，於是乎黎左試下呢間日月堂😝一上到去好似去左台灣老街咁餐廳位置都好闊落，坐得好舒服😄野食種類選擇都好多仲有set menu👍🏼好抵食！我同朋友今次就散叫，因為想試下唔同嘅野😆叫左甜不辣，口感好煙韌，配埋個醬汁，正啊😛👍🏼之後仲叫左佢地個芝士肉鬆蛋餅😆好足料！勁多芝士🥰🥰🥰又邪惡又滿足！主食叫左麻辣鴨血麵，辣度可以揀，我唔太食得辣，叫左小辣岩岩好😛麵底可以自己選擇朋友就叫左牛肉麵，啲牛腩同牛筋都超淋超入味😋👍🏼飲品都勁大杯😂我地叫左一杯金橘檸檬綠茶，同埋鳳梨綠茶，兩杯都好好飲，好清新嘅味道🩷甜度都可以選擇👍🏼好滿足的下午😋…查看更多

一直都想黎呢間cafe好耐🥰今日去開呢邊一於同朋友去試吓！咖啡廳有兩層，好闊落，位置都坐得好舒服木系裝潢令到氣氛好溫暖🩷晚上時段有dinner menu好多選擇👍🏼首先揀左北海道帶子松露意大利飯勁香松露味😍😍😍超級推介👍🏼而且有三粒超大粒嘅帶子🥰新鮮之餘口感都好柔軟👍🏼之後就叫左個蒜香西班牙風腸八爪魚扁意粉意粉口感好彈 而且配料都好足料👍🏼味道亦適宜😋小食叫左個咸蛋黃薯條😚十分好食👍🏼👍🏼👍🏼鐘意咸蛋黃嘅朋友一定要試下跟餐仲可配一杯$42嘅飲品，超過左只需補差額就ok😛我地叫左一杯梅酒梳打同埋Latte💗最後仲叫左店舖出名嘅tiramisu 🥰好滿足嘅晚上💗…查看更多

原來圓方新開左間咁有特色嘅cafe😍今日行街經過，見攰攰地咁就入去坐低食啲野啦😛餐廳唔算好大間，不過有啲包箱位幾有特色💓至於野食方面，主要甜點居多，鹹點選擇唔算好多🙈🙈🙈同朋友兩個食，叫左個甜辣韓式炸雞，烤牛肉紫菜包飯😝再加一個士多啤梨牛角包窩夫🧇食唔哂😂因為原來份量都唔算細份😅烤雞口感好淋，汁亦唔算太辣，味道適中👍🏼士多啤梨牛角包窩夫好好食💗🥰🥰店舖所有食物打卡都好靚👍🏼💯…查看更多

出開尖沙咀，又多間可以坐低飲杯咖啡嘅好地方🥰距離地鐵站5-7分鐘路程的Triangle Coffee☕️裝修好型格，好有格調😎雖然鋪頭面積唔算好大，但都坐得舒服👍🏼門口位打卡都好靚🤭🤭平日一至五，12:00-15:00有lunch menu,包一杯$42或以下嘅飲品，真係好抵💗今日同朋友一人叫左一個set分別叫左個牛油果煙三文魚沙律🥗同埋軟殼蟹忌廉扁意粉🍝份量好足夠👍🏼擺盤都好靚食物味道方面都好出色🥰飲品就叫左杯latte同埋朱古力💗咖啡可以揀fruity or nutty朱古力亦都有三種選擇，我就揀左Peru 50%，好濃郁嘅朱古力味😋正！最後仲叫左個甜品，每日都唔同，要問店員😝今日係檸檬士多啤梨芝士蛋糕，味道好清新唔會好甜👍🏼而且仲係自家製嘅💯以後出開尖沙咀可以多個好地方食野了🥰…查看更多

朋友生日，帶佢黎呢間有露天位置嘅餐廳😝一邊食飯一邊觀賞香港嘅夜景🌃👍🏼建議先網上或電話訂位，嚟到就唔使等可以即時入座，因為星期六日晚上都多人等😛位置可以揀室內或室外，室外有個酒吧位，淨係上嚟飲杯嘢chill下都好正❤️飽覽成個維港夜景，真係好靚呀😍😍😍唔怪之得咁難book啦🥹嘢食方面都唔錯，主要係泰式fusion菜叫咗個沙嗲雞串燒，泰式米紙卷，軟殼蟹炒冬陰功意粉同埋牛扒😛滿足💓…查看更多

一個人但又想食酸菜魚呢度可能係唔錯嘅選擇😛六十幾蚊一個酸菜魚湯飯，份量都算大😝味道正正常常 不過不失，而且可以叫少辣！不過其實唔算好辣🤣配菜有雲耳，菇，芽菜同埋萵荀算唔錯👍🏼…查看更多