nonogram的个人专页

宜家天氣凍左想食啲熱野，打邊爐同埋燒肉就暖岩去大圍食野見到呢間評價都唔錯，又可以一次過滿足兩個願望，就黎試下。首先就先叫左個椰子雞煲，冬天食雞煲暖粒粒個雞煲上到黎，職員比左個計時器我地，計好晒時間煮出黎啲雞好滑！湯底都好足料，仲有竹笙吸湯，好食！呢到仲有免費任飲既茶，另外仲有罐裝飲品，種類好多。另外呢到仲有一人燒肉定食，1人份量最貴都只要$128，性價比好高！我同朋友每人叫左一個燒肉定食。套餐除左肉之外仲有海鮮同埋飯/冷麵，我地揀左冷麵因為比夠少見，但發現同燒肉好夾雖價錢唔高，但一人份黎講完全夠飽我地叫左牛舌同埋美國燒肉盛合，有幾種醬料可以揀，我自己覺得牛舌加鹽係暖好食佢仲有比埋生菜，可以用韓式辣醬配埋食即刻有韓燒感覺。海鮮有我最鐘意既章魚，份量都唔少好滿足…查看更多

今日收工又去左九龍城搵野食，今次想食特別啲就搵左呢間城寨風味，係食中式菜。睇到餐牌已經好吸引咁我地兩個人就叫左三個餸，再加左兩個白飯，已經食到好飽首先就叫左佢熱門既拔絲咕嚕肉，佢夾起黎真係可以拉絲，個皮脆脆地，好食，用黎送飯岩岩好再黎就叫左一個紅燒乳鴿，覺得呢個乳鴿好抵食，$58一隻，但都冇馬虎。皮脆肉多汁，又入味，絕對係必試果時見到其他人都有叫下次想再試埋皮片鴨最後都係要叫番個菜，呢個欖菜肉崧四季豆都唔錯，豆唔會老，加埋欖菜同肉崧調味，食落都好送飯，岩晒平時唔鐘意食菜既朋友最後呢餐兩個人食左$500幾，中菜館黎講有咁既質素真係一啲都唔貴，環境都幾好，下次再帶埋屋企人黎試…查看更多

呢間韓國餐廳好近黃埔地鐵站，一出站就見到，今次係比佢地既有醬油蟹吸引黎試一上黎係韓國餐廳必備既小菜，今次除左泡菜仲有菠菜同黃瓜，味道都唔錯👍🏻首先就梗係要試下個醬油蟹，宜家經ig訂座仲有優惠$68就有一隻，都幾抵食！仲有一小碗加左紫菜既白飯，醬油蟹分量比想像中大，膏都算多蟹蓋仲加左蛋黃，配飯食好正如果唔係因為仲想試埋燒肉一定唔止食一隻燒肉餐我地叫左Set B，雖然佢寫係二人餐，但真係夠晒分量，我地都差啲食唔晒。個餐一共有4種牛，仲有啲配菜可以燒黎食，好有韓國風味。我覺得調味牛肋骨最正，原條上，仲可以包芝士一齊食最後叫左個水冷麵收尾，清清地可以消下食味道都唔錯，唔會太酸。呢餐食得好滿足…查看更多

今日去土瓜環上堂，上完堂就搵下附近有咩食，見到呢間食韓國菜，菜式睇落都幾吸引，重點係唔收加一，於是就入去試下。一打開餐牌就比佢個芝士排骨吸引到，佢上黎果時係連埋個爐一齊上，芝士多到食唔晒好滿足，不過因為個爐會熄火，所以要快啲食之後就係細份既無骨豬手，有細份岩晒我地兩個人食，呢個仲有比埋啲配菜，覺得個泡菜幾好食加埋豬手好地道，唔錯去到主食就叫左泡菜煎餅同埋紙菜包飯，泡菜煎餅少少辣呢到因為冇附送小菜，所以就加左兩個小菜，一個涼拌芽菜同埋泡菜炒蓮藕，覺得芽菜比較好食，泡菜炒蓮藕中和左個酸味，但因為我比較鐘意食酸少少，所以覺得豬手個泡菜比較好食食左咁多野加埋都唔洗$200一個人，好抵食，岩晒大家想食唔同野既朋友…查看更多

係黃埔睇完戲想食韓國野，就搵到呢間，估唔到有驚喜一入到去就有個韓國姨姨招呼，已經好有韓國既感覺，睇餐牌有唔同種類既野食，價錢唔貴，不過選擇就唔多，但都幾特別點完野食之後就會有小菜，店員話係可以再加既，有6種小菜！全部都好食🤤呢到既飲品都好特別，叫左杯草莓latte同埋熱情果梳打。草莓latte係用3.6牛奶整，啲士多啤梨都好甜，好似食緊士多啤梨雪糕咁，好好飲。叫左個玫瑰醬年糕，有少少辣，加埋芝士就岩岩好叫左個炸醬墨汁意粉，炸醬好有韓國味道因為唔夠飽又叫左個炸紫菜卷，入面係包住粉絲，點埋醬汁食岩岩好，好少係香港會食到炸紫菜卷呢到啲菜色特別，價錢又唔貴，下次會再黎食…查看更多

呢日係土瓜灣諗打完波見到呢間餐廳餐牌幾吸引，有得鋸扒，有日式西式，仲可以打邊爐，價錢又唔貴，就入黎試下。因為想咩都試下，就嗌咗個二人餐兩個人share佢個餐跟咗個餐湯同沙律,佢個羅宋湯比起平時果d辣, 冬天黎講暖下個胃都唔錯。之後個set果度我就叫咗個紐西蘭肉眼扒，一上到黎見到個份量十足既牛扒山，比想像中大份，岩晒超肚餓的我。三大塊牛扒放係個鐵板上面個，好香！另外我地仲揀咗個蒲燒鰻魚炒珍珠飯, 佢鋪滿d木魚碎係面，口感唔錯👍🏻個飯炒到粒粒分明，每一啖既口感都好滿足。最後配菜揀左白汁芝士焗西蘭花，有肉有菜食到好滿足，不過佢既份量比想像中多，應該3個人都食得晒，我地最後都冇浪費打包帶走…查看更多

今日係土瓜環收工，見到呢間食西餐同pizza，睇落都好岩我胃口就入去試下。睇餐飯都幾多種類既野食可以揀，套餐仲有優惠，我地叫左個中批套餐，有一個中批，兩個主食，仲包兩杯野飲，絕對夠食。主食我地叫左芝士磨菇焗薯蓉同埋肉醬意粉，份量比想像中多薯蓉好滑，仲加左粟米，口感唔錯pizza叫左怪獸多寶批，上面配料都幾多，而且個批有驚喜，批邊夠脆，如果食唔到太多野既都建議可以叫個批食！好抵又好食我地仲叫左個黑松露芝士焗啡菇，上面黑松露都比得好夠，加埋芝士好吸引特飲叫左杯青檸梳打，同埋是日餐湯，呢餐食得岩岩好下次收工會再黎食…查看更多

之前就有bookmark呢間omakase，因為見到種類多又特別，今日終於食到開頭嘅前菜有野菜同埋沖繩水雲，清新又開胃。雪魚湯白子加埋一味粉同蔥花，魚湯香濃，白子鮮嫩入口即化，好特別！之後就係岩手生蠔，配三文魚子同自家製醋同柚子，蠔鮮甜，同三文魚子嘅鹹香好搭，再加上自家製醋同柚子嘅酸爽，好好食。食完生蠔就到刺身我比較鐘意既有池魚細切，配沖繩炸蒜、京蔥同豬果，令味道更豐富。其中比較特別既係佢既一道聖誕菜色，用最中餅配安康魚肝，加上福岡士多啤梨同淡雪鹽，睇落就好有聖誕落雪既感覺仲有金鯛立麟燒同分子料理南瓜湯球，第一次食分子料理，一咬啲湯就係口入面爆開，聽師傅講呢道菜佢地都諗左幾個月另外雙色拖羅手捲都幾特別，每道菜都唔會令人失望，完全感受到師傳既心機最後，甜品有水玄蕨餅加碟豆花汁，會由藍色變成粉紅色，睇得又食得呢到每一款菜式都充滿大廚嘅用心同創意，野食又好食，好想再試下一個menu…查看更多

今日同朋友去深水埗買野，順便去食個tea，經過呢間cafe果時見幾有氣氛就去試下。入面有兩張枱，出面都有bar枱。一入到去店主就同我地推介咖啡同抹茶，估唔到都有幾多選擇我地試左一杯手沖咖啡同埋一杯抹茶。咖啡揀左哥倫比亞考卡省天堂莊園既咖啡，店主幫我地整左latte。平時我都唔太飲咖啡，呢個入口順滑，帶啲水果既酸味，唔錯👍🏻之後就叫左星野八女抹茶，因為就到聖誕節店主仲拉左個聖誕老人比我，好cute抹茶唔會苦又唔會太甜，有茶香我地仲叫左兩個主食，All day breakfast入面有牛角包，加左cream，配埋水果食好夾，可以當食埋甜品呢到旺中帶靜，好岩叫杯野飲食個tea同朋友傾計…查看更多

呢日收工突然好想食串燒 但又唔想同人逼住食咁熱 就搵到呢間環境舒服既串燒店本身都冇抱好大期望 但估唔到又幾好食呢到選擇都唔少 想食既都有 飲品有特飲 睇落都唔錯 落完單之後等左陣就開始上食物每張枱上面都有個烤盤係一直都熱住 所以我地可以慢慢食佢都唔會凍可以chill住食首先上左雞肉串、雞軟骨同埋烤活蝦，我地叫左小辣，不過我覺得係微辣，朋友平時唔食辣話覺得夠，我就再加辣粉，整體黎講唔算辣。串燒好夠味，燒得岩岩好，表面微焦入面又唔會好乾，好味羊肉串都唔錯，有肥有瘦食落好正！呢到仲有燒魷魚鬚！不過魷魚燒完比較瘦，3條都唔夠喉另外仲試左薄切牛舌，呢個都有驚喜，因為照燒就唔會乾，惹味多汁仲有串燒必點燒茄子，煮得岩岩好又好入味，見到呢到啲人都有點鍋鍋燒既金針菇，聞到好香，下次要試！最後就係燒生蠔生蠔好新鮮好甜，加埋蒜蓉既香味，必點估唔到今次發掘到高質串燒，又好岩一路傾計一路食，會再黎…查看更多

今日特登黎呢到朝聖😎叫左晚市$800 omakase餐首先係開胃菜- 蟹肉冷素麵。冰涼的麵條配上蟹肉,清爽開胃又滿滿的蟹香。🦀🍜 之後係壽司10件🍣分別係春子魚壽司，赤貝壽司，石垣貝壽司，毛蟹壽司，肌鱄壽司，白蝦壽司中拖羅，大拖羅，鯖魚反壽司同埋馬糞海膽壽司。我最鐘意係鯖魚反壽司,油脂既香氣同魚肉既鮮甜口感恰到好處。 赤貝壽司肉質肥美爽口，都好唔錯。馬糞海膽好鮮甜，份量都夠多👍🏻主菜係吞拿魚蓉手卷,內餡係濃郁吞拿魚蓉加上海膽同埋魚子醬,味道濃郁馥郁。😋🍥接著係蜆肉麵豉湯,蜆肉既鮮美同麵豉既醇香完美結合,既可口又溫暖。🍲甜品係日本西瓜，冰凍又清甜既味道為這頓豐盛的大餐划上完美的句號🍉。整體黎講呢個套餐份量唔算多，但每樣都好食😋…查看更多

呢家店的氛圍好輕鬆，環境乾淨，而且裝修都好浪漫，同埋播左rnb風格的歌！前菜係是日餐湯同埋菜園沙律，湯係雜菜湯，味道較清淡但都好清甜，入面有好多雜菜粒粒。而菜園沙律味道啱啱好，唔會好膩，酸甜夠開胃。到主菜叫左四樣菜式，首先係拿破崙辣肉腸燴義大利麵，一上碟就有一陣芝士味，有少少辣粉，但又唔會好辣，面的熟度啱啱好，唔會好淋或者好硬，仲有加香腸片。然後係香草慢煮雞胸配迷迭香莎莎，雞胸肉我覺得煮得啱啱好，唔會好老都唔會生，加埋薯蓉好有奶香味，隔離仲有迷迭香番茄仔蘑菇做陪襯，賣相都夠靚。第三道係蟹肉忌廉汁意大利飯，啲飯口感不錯，好濃蟹肉味！第四道係Today Special—鴨胸肉，我地簡左七成熟，我覺得七成係啱啱好，軟硬度適中。到飲品方面，叫左芒果菠蘿沙冰、士多啤梨沙冰、蜜桃荔枝沙冰同埋檸檬蜜桃水果茶，芒果菠蘿沙冰既香草，店員會用火槍燒香草，令佢既香味更突出。整體黎講唔會太甜又有水果香。店員服務態度都唔錯，有機會會再黎！…查看更多

Dr.Cow是一間隱世嘅夫妻檔餐廳，位於村屋之間，四周環境清幽，彷似離開咗喧鬧嘅城市。餐廳裏面裝橫簡潔，看起來十分乾淨，空間雖然不大，但使人安心。餐牌比較簡陋，還有手寫的菜單，雖然不精緻，但卻充滿人情味。首先上的前菜是脆蜜花枝丸，每粒花枝丸都有金黃色嘅外皮，十分吸引，秘製蜜糖汁平均依附在表面上，這種醬汁甜而不膩，十分開胃，而且花枝丸十分彈牙。然後是飲品蜜桃薑茶，這個是在隱藏菜單，想品嚐的話可以向老闆提出。它富有薑的香味，卻不太辣，蜜桃的甜味中和了薑辣，喝下去溫暖了全身，是女生至愛。另一杯黑糖烏龍奶茶，玻璃杯內側掛著呈現波浪紋的黑糖裝飾，看起來幾吸引。奶茶茶味較淡，比較要注意的就是黑糖會聚底，所以喝的時候可以先搞拌。然後就是主菜，第一道是牛扒沙律，據老闆所說，製作牛扒沙律所選的肉每期都不同，而我吃的是肉眼扒，肉眼扒多肉汁，幾Juicy。牛扒沙律整體偏清淡，牛扒沒有太多調味，而沙律菜上放了類似泰式辣醬的醬汁，整體酸酸辣辣十分開胃，整體份量唔大，女生可以整個吃完。另一道主菜就是香辣牛肉烏冬，首先牛骨湯煮得很甜，很好喝，另外湯底表面亦浮了一層花椒油，使湯底更增添了絲絲麻辣味，配搭上有驚喜。所選的烏冬是幼烏冬，每條都煮得十分彈牙，而且充分吸收湯汁的味道，的確唔錯。牛肉份量很多，冇偷工減料，而且都比較嫩，值得一讚。光顧的那晚，餐廳人流較稀疏，老闆和老闆娘都有為我們介紹菜式，介紹餐廳，亦會互相談起閑話來，我向他們提出額外需要，他們也很樂意幫忙，比起食物質素，我更喜歡這裏的人情味，一間遠離鬧市的小餐廳，在疫情下仍然為街坊提供平價優質食物，真係值得支持，相信我之後都會去再次品嚐。…查看更多

話説我有一日突然想食日本嘢，但係又懶得出市區，就上網睇吓附近有咩日本料理抵食，就搵到呢一間，所以把心一橫決定試一試。我同朋友兩個人去食，由於好肚餓所以叫左好多嘢食，睇吓張單加埋都唔使$300！首先嚟咗個胡麻醬素菜豆腐沙律，豆腐在麻醬的加持下更顯豆味，整體口感清新，素菜中規中矩，作為開胃菜的確一流。然後係一鳴創作醬炸雞，炸雞份量足，粒粒都啖啖肉，就咁食已經好惹味，落咗檸檬汁則有助去油膩，而且亦更加開胃，美中不足的是有啲雞粒炸粉厚左少少。到了主菜環節，先上了黑蒜拉麵，一層薄薄的黑蒜油覆蓋了整碗拉麵，吃起上來會比較油膩，未必個個都岩食。最大驚喜的就是明太子海鮮御好燒，首先最緊要嘅就係十方足料，真係淡淡都有海鮮，而明太子醬酸酸甜甜，配搭由海鮮蔬菜同麵粉混合而成的餅底，簡直係人間美味，一啖接一啖停唔到。所有材料都煮到偏軟，切起上嚟比較輕鬆，實在係一家大細嘅必選菜式。總括依然都係十分之抵食，而且品質都唔錯，有機會會再嚟食過。…查看更多

呢間鋪坐落喺粉嶺中心出面嘅地舖，一般行商場好少經過。當日早咗少少去，所以唔使排隊就入到去。室內環境闊落乾淨😌檯面有多種調味料，分別係豉油、海鹽、醋、韓式辣醬、麻醬、七味粉同鹽✨店員上餐速度快，而且經常更換燒網，收碟亦收得快，服務非常好💓👍🏻今次試咗$398嘅日本和牛放題，肉類選擇好多，已經分唔清邊樣打邊樣😵‍💫肉類新鮮質量好，點燒都好食🤤🐂和牛類別整體質量出乎預期，和牛雪花勁靚！🥹🥹美國和牛三角肉 - 比較韌日本和牛肉眼 - 油脂分布多，香口，而且肉質較軟同juicy日本和牛肩胛 - 重油脂，入口即溶澳洲和牛 - 偏硬身🐃牛肉厚切上等牛舌 - 爽口彈牙，肉汁豐富 Prime牛仔骨 - 軟熟特上牛柳 - 重牛味，偏靭鮮滑牛 - 軟身 壺漬牛脊肉 - 重肉味，軟身，較少脂肪牛五花肉 - 肉質煙靭，有咬口🐖豚肉伊比利亞豚肉條 - 軟熟，重油香韓式辣味泡菜豬腩片 - 入味好吃岩鹽豬嵐片 - 偏薄同乾美國梅肉 - 厚硬，少油🐓雞肉擠檸檬汁提味一流🍋辣雞頸肉 - 爽口彈牙，又醃得好入味，非常推薦✨雞翼 - 外皮香脆，肉質鮮嫩，整體醃制入味辣雞髀 - 軟滑，辣味突出，惹味十足鹽燒雞頸肉 - 正路又好食😋韓式芝士雞髀肉 - 韓式芝士味較淡🐟海鮮味精甲羅燒 - 蟹膏鮮甜，加埋蟹籽係絕配，送飯一流‼️三文魚 - 魚脂好重，燶燶哋有少少脆皮更加好食，適宜點沙律醬青口 - 鮮甜多汁，大小適中😆帶子 - 好好食，帶子肉十分飽滿嫩滑，牛油味濃，吸收晒牛油嘅精華，爽口鮮甜🤤唯一缺點係冇清理乾淨魷魚 - 彈牙入味多春魚 - 香口野味🐏羊架肉質靚，臊味唔重，而且肉汁飽滿，重油脂香🤤🥬野菜蔬菜鮮甜新鮮番薯 - 外脆內軟，牛油味搭配下更顯軟糯香甜菠蘿 - 鮮甜多汁🧊冷盤海蜇野菜沙律同豆腐野菜沙律酸酸甜甜，好吊胃，海蜇同豆腐都偏硬😬🥃飲品有飲品櫃可自由拿取，種類多，唔怕搵唔到自己想要嘅嘢飲😋🍚主食我哋叫咗櫻花蝦香蔥飯同香蔥玉子飯飯，飯粒飽滿，粒粒分明，非常有咬口😗…查看更多