KanKan.foodiehk的個人專頁

本身對茶記要求都唔高，短短得唔夠一個鐘食飯時間，見紅米唔使排隊就入去。利申以前喺呢頭返過工，差唔多個個星期食。點解我覺得佢係轉咗手，以前真係覺得佢好食，但係依家覺得好難食，唔係一般嘅難食，而且擺盤同之前都唔同。咖哩牛筋腩飯，嚿牛腩好奇怪，完全唔似平時食開嘅牛腩，又難食。最嬲嘅係，薯仔竟然係俾薯角？？？會唔會太冇誠意(咁啱我前一日去咗荔枝角紅米分店，食佢哋嘅下午茶—雞髀配薯角，完全係同一款薯角，仲要係攤到凍咗都唔翻熱就攞出嚟……)另外，和牛漢堡扒蛋包飯，呢嚿咁嘅肉真係和牛？煎到冇煎過，懷疑係微波爐叮出嚟，咬落係完全冇肉汁同埋油脂，我真係唔會相信佢係和牛。唯一冇咁嬲嘅係佢嘅蛋包飯係炒飯底，同埋凍檸茶都係正正常常~~…查看更多

以前打邊爐都好鍾意重口味湯底，近呢幾年又多咗好多養生湯底嘅選擇，就好似花膠雞湯或者椰子雞湯等等。大愛鍋霸呢個藥膳養生花膠雞湯，鮮甜湯底，藥膳味唔算好重，忍唔住每人都飲咗一碗😂而且入面嘅雞肉都幾嫩滑，仲有大量嘅花膠！鍋霸嘅午市火鍋放題可以坐足4.5 hours，我都係第一次聽可以食咁耐嘅火鍋店！Level 2 美國Prime Grade牛肩胛肉($198/1 - 假日價錢)，另外加$40仲可以升級海鮮，無限添加游水海蝦、花膠、白鱔等等❣️個人覺得都幾值，海鮮都幾新鮮！仲有，火鍋配料都相當有誠意，有勁多手工丸類同埋手工餃，本身都冇留肚食咁多火鍋配料，但都係忍唔住🤣最鍾意梅菜豬肉丸、黑松露墨魚丸，勁彈牙，仲有麻辣粟米豬肉餃，感覺喺其他餐廳都唔會有呢啲選擇！…查看更多

Kaboom絕對係一間會翻兜嘅打卡餐廳❣️餐廳氣氛好好，好適合Happy Friday同朋友聚一聚🍸今次餐廳有安排吧枱俾我哋，可以望住bartender調酒，好精彩😂同埋好鍾意呢度可以望到維景無敵大海景❣️原來呢度嘅Menu會定期更改菜式，見到Thai Beef Tartare with Bone Marrow ($158)就覺得好吸引，牛肉他他面層仲有大量魚子醬，估唔到會有牛骨髓食❣️呢個配搭都幾得意。另外Red Prawn and Scallop Carpaccio($138)，紅蝦係刺身嚟嘅，同帶子刺身好夾❣️兩個前菜都好開胃，食落唔會太Heavy!!•Three-Yellow Chicken Nyonya Risotto ($208)雞肉比想像中嫩滑，仲好多汁😋而Thai Crispy Pata ($248)豬手都幾厚肉，完全零油膩感•Cocktail 🍸 Shh, It's Gossip Girls' Time ($128) & No More OT Please! ($128)…查看更多

愉景灣絕對係個拍拖好去處，今次專程過嚟呢邊行吓再順便食埋飯✨ JOO Korean Grill & Bar位於愉景北商場地下，有室內位置亦都有戶外位置，氣氛夠Chill夠浪漫，環境又正✨一坐低仲會主動送上三款韓式小菜，竟然有我最愛嘅中華沙律。Grilled Pork Belly ($318)韓式五花腩預先烤至半熟，亦預先切好細細件，可以節省烤肉嘅時間。五花腩可以配生菜、蒜粒同青椒食✨如果選擇燒肉，建議坐戶外嘅位置，別有一番風味😋 Doenjang Stew ($88)大醬湯只係跟餐加$88就可以加配，配料十足，有大量蔬菜同牛肉😋Drink: Lime Mints Soda ($48)…查看更多

臨時預訂咗呢間餐廳慶祝anniversary💩order咗佢哋嘅二人餐，$5xx/2，可以揀西冷牛扒同埋西班牙豬胺，呢兩個主菜都唔包薯條(平時食lunch會包薯條，dinner就轉咗焗薯)，套餐包檸檬茶、咖啡、奶茶等等，仲有甜品。喺訂位嘅時候，已經有mention過anniversary，不過餐廳可能本身冇做慶祝又或者冇睇到。而且店員個態度都有啲差，4-5個staff圍埋吹水，問多問OpenRice嘅優惠，就好似唔係太想理你咁🙂‍↕️不過嘢食係OK嘅，但唔算物有所值，埋單$3xx位，lunch嘅話可以過嚟食， dinner就唔會了。…查看更多

上次食過呢間私房菜嘅小炒，今次再過嚟食晚餐，就當係慶祝父親節🫶🏻絕對係同長輩出嚟食飯嘅穩陣之選，最緊要屋企人好滿意！•清蒸游水釘公初試釘公魚🐟店員話條魚咁新鮮，拎去清蒸就食到原汁原味！海鮮嘅價錢可以問一問店員！•花雕蛋白蒸花蟹一上枱已經聞到好香嘅花雕酒味，而且賣相好吸引！蛋白質地好滑，每啖蛋白都充滿蟹肉嘅鮮味🦀而蒸花蟹嘅火候剛好，仲食到好爽嘅蟹肉質地，啖啖肉！•鹹魚雞粒蒸蛋白呢度餸都幾得意，鹹魚雞粒炒飯就食得多，冇諗過同蒸蛋白都幾夾😂呢度餸係超級下飯㗎！…查看更多

再次到訪呢間荃灣嘅滿屋日本料理，貪佢有分唔同價位，午市同晚市8:30pm後都會平少少🤏🏻之前已經試過最貴嘅餐，今次就試試最平嘅餐，雖然食物種類會少咗，但最基本日式放題應有嘅都有✨晚市8:30pm後(77品)$258加一🫶🏻自助區有唔同嘅前菜同甜品可以自取，最驚喜嘅係連千層蛋糕都有🍰連自助區嘅飲品都十分齊全，連日本啤酒都有，同之前大熱嘅百事生可樂😂亦有供應梅酒、日本清酒同特式梳打飲料😋同朋友叫咗兩轉刺身，三文魚、帶子同赤蝦都吸引，叫咁多都無漏單嘅情況🫶🏻 燒牛舌、蒲燒鰻魚同西京燒比目魚都係每次必嗌，我一個人都食咗兩份西京燒比目魚😂🫶🏻…查看更多

平時真係唔會入嚟跑馬地，但呢度有唔少嘅西餐廳，有特色得嚟，又唔會太多人要同人逼✨今次試呢間餐廳嘅lunch💕Homemade pasta 係呢度嘅主打，價錢都幾合理🍝•Mixed Mushrooms and Potato Soup ($78)好濃稠嘅湯，蘑菇同埋薯仔都攪成蓉，口感順滑🍲•Homemade Scialatielli (Italian Sausage, Black Pepper, Pecorino Cheese) ($158)見到有Italian Sausage就揀咗呢個，腸仔本身充實咸香，成為咗呢個pasta嘅主味，所以淨係Black Pepper調味已經好夠！而pasta口感有啲似烏冬🍝•Homemade Cavatelli Melanzana (Tomato Sauce, Eggplant, Fresh Tomato, Burrata Cheese) ($148)Cavatelli傳統意粉口感更煙韌彈牙，仲掛咗好多Tomato Sauce，估唔到仲夾到茄子🍆•Italian Cold Cut Selection (Parma Ham, Coppa ham, Mortadella) ($128)•🫖Peppermint Tea ($30)…查看更多

Weekend專程去將軍澳走走，lunch就揀咗間泰式餐廳，距離地鐵站都係幾分鐘路程！餐廳供應lunch set 包一個粉麵，拼木瓜沙律/冬蔭功湯(細)同埋飲品，仲有幾款小食可以加配🍗咁啱坐正廚房對出，原來大廚係泰國人嚟，所以味道都十分正宗，唔小菜式都偏辣，而且份量十足🌶️蛋包虎蝦炒金邊粉($138)俾隻虎蝦嚇親，兩大隻夠搶眼，金邊粉炒得乾身唔油膩！香葉肉碎炒飯配煎蛋($80)幾濃味同惹味，我超鍾意呢個飯！•炸春卷(套餐小食)($18)•飛天通菜($72)…查看更多

朋友喺觀塘呢邊收工，佢介紹呢間新開無耐，位於工廈嘅匠森串燒🍗平時lunch會供應午市客飯，夜晚就有串燒食，人均$200✨•燒紐西蘭羊架($58)燒到七成熟，入面嘅肉仲係粉嫩🍗餐廳仲要預先切好一件件，方便食用•招牌風味烤豬手($58)，每次去串燒舖見到有烤豬手就會嗌，豬手外皮烤得脆身✨•秘製黃金香蒜茄子皇($48)，呢款係唔辣嘅燒茄子，蒜蓉俾得好重手，好惹味！•燒金菇肥牛卷($32)•燒多春魚($38)•東北風味羊肉串($22)•燒牛肉串($22)•燒雞中翼($20)•燒饅頭仔($22)•燒BB蘆筍仔($24)…查看更多

朋友同我不約而同想食韓國菜，佢就推薦咗尖沙咀金巴利道嘅嘅呢間韓國餐廳。餐廳環境整潔，座位都相當寬敞，好啱一班朋友或者家庭聚餐。菜式有好多選擇，全部都係地道嘅韓國菜。原來呢間韓國餐廳開咗好耐㗎啦，2001年開店，係區內開店最長時間，加上呢間餐廳係由韓國人主理，相信水準一定唔差！•韓式豬手（半份）($168)份量十足，豬手已經用醬汁調好味道，啖啖肉，好滿足！豬手好有咬口同埋含有豐富骨膠原，加埋生菜包同埋兩款自家製嘅醬配搭之下，完全冇油膩嘅感覺。•牛尾湯 ($128)竟然有驚喜～估唔到裡面都有5-6塊牛尾！隨湯會附上一碗白飯，經過熬煮牛尾用筷子就好輕易骨肉分離😂同埋啲肉好嫩好好味。單飲牛尾湯清爽甜香不油膩，非常好飲！•生米酒 $105酒精濃度6%嘅生米酒配韓國菜一流！甜甜嘅米香味容易入口。…查看更多

每次去親觀塘就諗起呢間性價比極高嘅台式料理，已經幫襯過無數次啦！最近睇到食肆出現結業潮，好擔心呢類型嘅小店會陸續消失☹️有少少安慰嘅係，當晚去到呢間餐廳，幾乎坐滿人，希望大家繼續支持香港小店💕我自己幾鍾意呢度嘅牛肉飯同埋排骨飯🫶🏻香蔥紫菜牛肉飯 ($59)，牛肉份量十分多，旁邊仲會有好多配菜，送飯唔錯🍚而蜜汁紫菜排骨飯 ($62)，個排骨大件到嚇親🤣仲要熱辣辣剛炸起！今次嚟到，見到有個新菜式—明明我不是章魚燒 ($46)，原來佢係炸花枝丸，上面配咗章魚燒嘅醬汁，幾創新！•台北夜市小食拼盤(台灣腸、花枝丸、鹽酥雞) ($43)•飲料: 芝•紅茶($26)& 黑糖珍珠奶鮮奶($40)…查看更多

其實九龍城都幾多打邊爐嘅舖頭，今次就試咗瀛鍋，地方夠大，有兩層咁多，上層仲有一間間嘅獨立房，好啱公司飯聚或者生日party聚餐，容納到更多人，私隱度又夠高‼️個鍋未嚟之前，先嚟咗個厚切三文魚刺身，真係無expect嚟到火鍋店都可以食到新鮮魚生，仲要厚切🫶🏻鮮味卜卜蜆鍋都係呢度嘅招牌鍋底，蜆肉新鮮大隻，份量十足，湯底好鮮甜🍲鍋內仲有大量蔬菜同埋吸滿湯汁嘅粉絲🥬牛肉、豬、羊每款都好鮮，肉質嫩！丸類方面，最正嘅係香芋包心貢丸，芋泥勁綿密，同手打鮮牛肉丸好重牛油脂味，好香！…查看更多

襯住天氣仲凍，緊係把握時間打邊爐啦🍲 見到呢間喺油麻地嘅九龍坎麻辣火鍋，佈置充滿宮廷風，就算係餐具同擺設都有古色古香嘅感覺😆呢間餐廳以正宗成都麻辣口味火鍋作招徠，經典鴛鴦湯底包括招牌牛油紅鍋同高湯，牛油紅鍋愈煮愈辣同麻，絕對係正宗嘅成都風味🌶️九格格入面有9種不同火鍋料，包括有桂花蚌、鮮蝦、巴沙魚、鮮鴨血、鵝腸、龍蝦丸、海帶苗、黃喉同埋毛肚。最驚喜嘅肯定係鮮鴨血，應該唔多地方可以食到咁新鮮嘅鴨血，充滿鮮味而且口感嫩滑，完全無腥味，好食到要嗌多碟！蔬菜方面，茼蒿菜好甜，筍片玉口感幾特別，而且幾吸湯汁🍲•炸芋頭•無骨鴨掌（小份）•鮮藕片（小份）•百香果檸檬茶…查看更多

KABOOM係我幾鍾意嘅東南亞Fusion餐廳，今次已經係第二次嚟。呢度嘅裝修類似外國嘅海灘餐廳，用咗大量木材同埋竹嘅設計。餐廳更設有室外位置，可以飽覽維港，而戶外嘅位置都可以眺望維港景色，係間好特別嘅餐廳，亦好適合慶祝，要大力推薦。KABOOM Sharing Platter包咗多款泰式小食，例如春卷同雞翼等等，份量都唔少，啱晒3-4個人食🍴另外一定要試Sambal Stingray😍魔鬼魚喺出面餐廳都比較少見嘅菜式，肉質嫩滑，泰式醃料都醃得好入味，好惹味，絕對係驚喜嘅菜式！…查看更多