Dorcas6的个人专页

一個人食晚飯，行過呢間鋪頭見有幾多人幫襯，就成為我決定入去一試嘅指標。菜肉雲吞幼面，十七蚊有5大隻上海雲吞，好抵！雲吞皮又滑，唔算厚。見好多人都食鍋貼，所以都試吓招牌菜，就叫咗一隻鍋貼，兩蚊，都夠熱，食落唔算肥膩，下次會再試其他小食。另外見到可以叫無落糖嘅熱豆漿，真係好少地方可以有咁嘅選擇。…查看更多

上等壽司盛 ($220) - 大約有十大件壽司，件件都好新鮮，不過啲飯唔夠酸。冷麵沙律 - 減咗價，五十幾蚊，仲抵食咗！個芝麻醬好正。陶板燒腸 - 每次四個人食都必叫，今次亦唔例外。炸豆腐 - 都唔錯，夠滑呀！…查看更多

我們一行四人點了一個四人餐，有 王牛排︰不錯，夠味，份量也足夠 醃雞肉︰很好味，雞肉又夠嫩滑 醃肉眼︰非常鞋，又唔「林」 炒粉絲︰都好食，不過濕咗啲 海鮮泡菜餅︰不很油膩，有水準 烤青花︰都幾「聲」呀，不太受歡迎 牛肋骨湯︰一般啦！飲咗好似無飲一樣最貴莫過於啤酒，韓國啤酒 $30 一支細啤，唔抵呀！…查看更多

其實過去兩年都幫襯過好多次，因為住响大圍時，附近唔多好嘅日本食店，所以就算服務態度一般都會幫襯一下。不過，最近搬咗，所以好少嚟大圍食。噚晚嚟開大圍，就再嚟試吓啦！今次幫襯感覺到啲服務態度好咗好多，至於食物就更加有驚喜︰ 一客$52三文魚刺身，有六大塊，又厚又新鮮，真係正！ 天婦蘿炸蝦卷，啲蝦係新鮮炸，所以好唔錯！ 其他有多春魚串燒同蟹子沙律，都唔錯...…查看更多

一行十五﹑六人去吃宵夜，要了很多菜，不過嘗過的只有︰ 方魚肉碎粥︰方魚都幾趣，個粥唔會好咸，不過個份量唔多 炒芥蘭︰不錯，係油膩咗啲 滷水蛋︰好夠味呀！另外，有叫咗蠔仔粥，不過都係方魚肉碎粥受歡迎啲。新裝修，所以環境﹑衛生都唔錯，不過係貴咗少少啦！…查看更多

早餐吃了個羅宋湯火腿通粉 + 腿蛋餐飽 + 熱奶茶 羅宋湯火腿通粉 => 算不錯，每次吃完都會想下次再吃 餐飽 => 平時會轉叫多士，今次試吓餐飽，竟然意料之外，鬆軟可口，雖然唔熱，不過夾住隻蛋好好食 奶茶 => 都 OK…查看更多

叫咗個 Mushroom Burger Combo, 餐飲轉 藍莓奶昔，個包嘅份量實在好大，加埋薯條真係飽到不得了。而且個 Mushroom Burger 都幾油膩，見到個面包索晒啲油，不過啲Mushroom 同個漢堡確實係好好食。藍莓奶昔 - 就無想像中咁好味，只係比一般奶昔無咁甜，同埋感覺新鮮啲，不過就無咩藍莓味，要加二十元就真係好貴咯！…查看更多

原來想去錦泰食長江酒樓，點知非常多人排隊，結果轉去試卟天澄閣，星期日晚八點去到都完全唔使等位，正！叫了一個孖寶︰口水雞 + 青斑，都係$148，青斑蒸得剛剛好，好味道！咕嚕肉︰炸得好趣，不錯！還有干燒茄子，賽磅蟹同例湯椰子雪耳煲老雞 (唔覺有味精)，都有中上水準，最重要係埋單都係位位 $85，抵食呀！…查看更多

芝士焗龍蝦帶子天使麵，始終覺得意粉屋嘅天使麵係最好食，龍蝦雖然唔多，不過都幾爽口。 蒜蓉多士，好趣，不過份量過少，4 小件要$18，略貴。 熱咖啡，最鍾意係佢用忌廉奶，唔係用鮮奶/淡奶，而且仲將奶整熱，唔會令到杯咖啡好快凍咗。…查看更多

牛腩河好味，因為啲湯低好夠味，又唔會好味精。另外，牛腩又夠「林」，就算係啲瘦嘅部分都唔「鞋」，加埋幼滑河粉，有90分。咁嘅質素都只係$22，都幾抵食。至於服務，就不耐都知道麻麻地，所以無期望會令人感覺好啲！…查看更多

在朋友介紹下，去了這間餐廳，八時十五分去到，仍然有很多人等位，幸好我們預先定了位。叫了各種各樣的烤餅，最愛的是芝士烤餅，雖然芝士不多，但不會很乾身，淨吃芝士烤餅不蘸上咖哩汁也可以很好味反而咖哩雞很一般，不值得推介，咖哩蝦還比較好味！要推介的還有拉茶，雖然不是自己落糖但也不會很甜，有很香的茶味，所以喝了兩杯才覺得滿足…查看更多

以前是一間西餐廳，現在忽然發現已改變成茶餐廳，地方很大，也很光猛，衛生情況都可以的。 牛腩米 => 牛腩夠「林」，也不太肥，以大概廿元的價錢來說也不錯 水餃河 => 水餃中有胡椒粉味，都幾可口，河粉也夠滑，也不會很碎 奶茶 => 夠茶味，不會很多奶，合格…查看更多

九點幾去到，食咗個蓮子蛋白杏仁茶，都幾滑，而且好粉，尤其是食到最尾，好有杏仁味，唔似係用粉開水，應該係手磨嗰種，好味！所以都外賣兩碗俾屋企人食。唔止有傳統嘅中式糖水，仲有西式糖水，下次會試吓！…查看更多

每次中午飲茶必吃︰ 菠蘿奶黃包，一碟三個迷你餐包，外層菠蘿面，內裡係新鮮菠蘿奶黃，感覺好特別，因為未見過其他地方有，而且都幾好食！ XO醬炒蘿蔔糕，無煎蘿蔔糕咁實，亦唔會好似蒸蘿蔔糕咁軟，所以炒蘿蔔糕食落有口感，雖然係XO醬，不過唔會好辣。…查看更多

自從上兩個月一家人嘗過晚餐的咖哩牛腩飯，大家已在短短兩個月吃了三次，每次都離不開叫咖哩牛腩飯，因為牛腩好「林」又有牛根，咖哩雖然不辣，但很香，撈飯一流！另外，蒸魚套餐亦好抵食，蒸魚的時間掌握得不錯。…查看更多