Siucon2的个人专页

近黎成為港島人後，放工都周圍覓食，今日係附近食「餃掂」～之前係太子食過一次後，就念念不忘啦😌雖然餃掂有10幾款式餃子🥟但試過一次後，今次可以好快揀到心水😋先黎一份高級野🤩龍鳳松茸雙煎餃龍鳳松茸即係黑白松茸～剛剛煎好的餃子，一上枱，香味十足呀👍🏻咬一小口，好香松露味，食落去有好豐富的口感！白松露香過黑松露好多💜朋友仔揀左元貝豬肉湯餃跟狀元九鼎湯元貝餃子真係第一次食～ 味道濃郁😋 元貝好有咬口最後梗係唔可以錯過-麻辣松花皮蛋！松花皮蛋有少少流心，配上辣椒油，鮮味😜…查看更多

平日放假最鍾意捐窿捐罅打咭，揾好野食😆前排做野成日黎西營盤，經過好多靚餐廳、Cafe... 今日就黎到呢間「綠色小盒子Coffeelin」～Cafe門口以多種綠色配搭裝潢，非常eyecatching👁👁輕輕力推開度門，幻想自己去左小旅行🧳進入小店，右邊掛著一幅威尼斯的油畫，仿佛回到當年的威尼斯🥰一陣陣咖啡香氣撲鼻☕️吸引朋友仔點左杯Dirty～我就點杯我的至愛Matcha Latte🍵閒日下午坐係緣色小盒子嘆番杯～人少少，幾relax！來一份Truffle mushroom 🍄 PaniniPanini脆卜卜，黑松露磨菇好香呀！加埋芝士超好味😋 仲有必食嘅Homemade Brownie with Gelato🍨 Brownie嘅朱古力🍫味濃郁，配上清新清甜橘子🍊意大利雪糕🥰 感覺好滿足呀！朋友仔大讚橘子🍊Gelato～～ 下次要試埋其他甜品😝😝…查看更多

放工突然好想食辣野，於是我就同朋友仔黎左呢間「餃掂」～餃掂有10幾款式餃子🥟，實在係花多眼亂👀真係要花時間研究食咩😋嘩！勁多松茸餃，我覺得成份事好高級呀！從來都未食過高級食材的餃子的😍先黎個龍鳳松茸雙煎餃😜龍鳳松茸即係黑白松茸～剛剛煎好的餃子，一上枱，勁大浸松茸味～超香呀👍🏻咬一小口，好香松茸味，食落去有好豐富的口感！個人鍾意❤️黑松茸多過白松茸。朋友仔揀左至尊松茸豬肉餃跟狀元九鼎湯。今次係煎餃子配松茸醬～ 味道濃郁😋 食左2款煎餃，試下灼野生松茸素餃～素餃都好正👍🏻因為疫情，好耐冇堂食，當我眼到四川涼皮就馬上心心眼😍涼皮幾滑，辣椒🌶️醬勁香！食過番尋味呀！最後梗係唔可以錯過-黃金原味皮蛋！黃金皮蛋有少少流心，配上醋、青瓜，鮮味😜本身無諗過食餃子🥟都可以咁高級。下次一定要再來！…查看更多

趁著男友平日放假，我地特登過來中環食個relaxing lunch😆周圍遊蕩一下，揾到呢間NINETYs，見門口幾特別，幾chill咁，就入去試下～Cafe成個氛圍好輕鬆，一坐低就唔多想走😍枱面有枝日本「備長炭水」幾特別下！飲品有好多選擇，男友鍾情咖啡☕️，揀左個pourover單品-Ninety plus selection。咖啡少少酸，少少甘甜，不錯！配上Sassy Belly🐖 烤五花腩好香，烤到肉邊勁香脆，睇見都流口水。肥美的五花腩，肉質爽口，肥而不膩。一口肉，一口配菜😋都幾夾～ Poached 🥚 eggs水波蛋不錯，但沒有滑不溜口的感覺。嘆完腩肉，飲咖啡，即時消除油膩感覺！而我就黎個Green d嘅lunch～點左一份南瓜餅，The Pumpkin 🎃 cake ！感覺好健康呀😜南瓜餅嘅材料非常豐富，南瓜好甜👍🏻 特別係紅甜椒粉Paprike配水波蛋！再嘆杯Berry lemonade，成件事好健康🫖呢度食物簡單得來非常健康！成間cafe設計好chill，令人想hea係度～中環鬧市之中嘅一點寧靜👍🏻下次去埋其他分店試下先！…查看更多

今晚是匆忙的一天🤣期待左食牛極好耐，由於疫情放肆，都要係門口等左十分鐘先入得。入到去，我好快手就點左一份牛肩排180g，同一份牛柳200g，自助area，都有麵豉湯，沙律，白飯等等。多謝店員耐心既講解，若果塊石板唔夠熱既話，可以隨時更換一塊。同埋換完塊板之後，但表面嘅白煙都冇晒，先可以將塊牛扒放上面。價錢而言，不算太平不算太貴，兩人的分量足夠。對我來講，更加享受嘅係將舊牛，放喺鐵板上面燒嘅過程，比起去快餐店黎講過程幾有趣。至於味道方面，不過不失。得閒同朋友嚟呢度都係唔錯嘅選擇。…查看更多

疫情踏入第四波，飲食業的生意受到打擊，好多有心經營的小店都好值得支持，好似Ulyssa by Aldou呢間西餐廳咁，環境優美，鋪內也有一個area放左好多盆栽，西餐得來又有田園風味的感覺，好有心思！講到食物多樣性，結合西式加上泰性風味混合，每碟又大份，性價比真係幾好。頭盤，生蝦刺身，口感既層次複雜，多樣，一啖肉一啖辣椒，十分衝擊，如果你鍾意食辣嘅話，一定會食上癮！再黎叫左碟馬拉蜆，每粒蜆大大隻，無沙得黎，十分清甜，又有口感！再叫咗個澳洲草飼肉眼扒，配黑松露燒汁。都扒比想像中大，食落幾嫩口，一啲都唔會太硬，再點埋個黑松露燒汁，更加發揮到牛嘅鮮味同肉汁。而配菜方面的薯條，十分脆口！呢碟鳳尾蝦牛油果青醫意粉，係我覺得喜出望外嘅主菜，真係好好食，啲面又唔會太乾身，青汁嘅味道同啲面夾得啱啱好，蝦又爽口彈牙，真係大快人心！…查看更多

今次嚟幸鮨屋～位置方便，地鐵香港大學站步行幾分鐘就到。晚市套餐多選擇今次點左$ 108套餐，勁抵食又大份。左口魚、三文魚、鰻魚都做到本身應有嘅鮮味，蟹棒同蝦仔啲醬亦配合。 三文魚甜蝦刺身，令人一試難忘仲有海膽飯呀😘海膽清甜，無一般海膽的臭味，撈飯食味道更佳！ 而石燒鹿兒島和牛薄切，和牛間的脂肪均勻，在石燒板上燒，味道濃郁，旁邊食客都被味道引來羨慕之目光！見到D油花就知道超高質喇！小食點了牛脷串燒，火候十足，食落香脆可口😋 呢間食物質素佳，價錢較平民化，值得下次再幫襯！…查看更多

聽到住杏花村嘅朋友介紹，推介間海鮮日本菜唔錯,今日一於黎試下。餐廳好就腳，就係電梯隔離。環境都幾舒服~話明Oyster Princess，就緊係要試生蠔啦~叫左個至尊海鮮盤，除左生蠔之外，係冰陣已煮熟嘅海鮮，每樣都新鮮又鮮甜~~日本生蠔，都幾肥美，淡淡地。帆立貝、海蝦、花螺、大蜆全部都正！特別鍾意花螺，爽甜😁另外一定要推薦冰陣磯燒鮑魚，濃濃嘅醬汁提升左鮑魚嘅鮮味。如果鍾意飲SAKE同白酒，一定要試下，餐廳有好多款SAKE選擇，白酒仲可以一杯杯叫，而且價錢好抵呀！可惜朋友唔好飲，咁我唯有留番下次試啦~鍾意呢度，可以食日本嘢同海鮮之餘，仲可以買急凍嘅番屋企煮同慢慢嘆。…查看更多

今日收工同同事去荃灣街吓街，突然好想打邊爐，所以就決定左黎依道試吓。環境都幾寬敞，空間夠大，位得幾舒服。湯底選擇有8款咁多，由於貪靚的關係，我地揀左新出嘅椰子北海道牛乳湯🤭食物的種類打邊爐之餘，亦都可以食剌身/壽司，仲有燒物可以揀，日式火鍋放題黎講都算做得唔錯。一開始先食左個極上牛肉，牛味香濃而且唔太油膩，最岩我地依啲淑女食，唔洗怕肥。極上羊肉的羊味唔太有騷味， 點醬食一流。p.s. 我係配咗爆蒜生蒜再加豉醬油🤭剌身都很新鮮，尤其是帶子同螺片，可以encore再encore😁值得推薦一下係海膽類的壽司及手卷，都幾有鮮味，而且一啲都唔孤寒，喺出面叫親海膽都係畀少少就算，呢度就唔會啦😋另外，海鮮都相對上係新鮮，新鮮蝦，魚滑亦都好彈牙，同個湯底的味道幾夾👍🏻熟食方面，推介牛舌同芝麻雞翼芝麻雞翼炸到皮香肉嫩，稍為定力少啲都可能會食好多隻🤣個牛舌燒得啱啱好，淋淋哋之餘加上佢香料，食落好香口 👍🏻甜品方面，款式都幾多選擇，同埋出面嘅日式火鍋放題好少會見到咁多。我地叫左依6款，榛子朱古力香蕉班戟、藍莓芝士杯、開心果朱古力慕斯、宇治抹茶芭菲、京都豆腐慕斯、仲有係軟雪糕窩夫。每款甜品都唔會太甜，好適合香港女仔嘅口味，最欣賞嘅係軟雪糕窩夫，窩夫嘅質地外脆內裏十分鬆軟，雲呢拿雪糕亦都夠香，同窩夫味道好夾得黎。整體嚟講我哋食完都好滿意，有個小小嘅建議畀大家，就係一定要留肚食甜品，我哋食六款都拍得住喺酒店食嘅質素，淨係黎食甜品都抵返曬呀‼…查看更多

今日係拍拖週年紀念日，男友知道我鍾意食法國餐，特登帶我黎慶祝❤❤算佢幾有心思啦🤭法國菜菜色好講求用料新鮮同原汁原味，這是我愛食的原因，而依間餐廳就做到哂我的要求，值得一讚👍🏻👍🏻餐廳的環境擺設行西式復古設計帶出一種優雅感覺，加上淡淡的燈光下，浪漫氣氛十足😍我男友話早知咁好環境就係到求婚wo🤣個衰仔真係鬼馬🤭前菜我地點左個西班牙辣肉腸沙律配柚子蜜醋柚子的甘香清甜配搭蜜醋的酸甜味，加上味道新鮮的蕃茄，令沙律菜食落好開胃❤辣肉腸切粒，口感煙韌有趙口而且肉香味十足，我男友叫我唔好咁快吞，因為越係咀嚼個肉味越出😋可以慢慢品嚐。另外仲有麵包加上黑醋，麵包外脆肉軟，唔會好似一般法包咁咬落好靭，好岩香港人的口味。法式龍蝦湯，味道香而不澀，我最怕係有d苦澀味，而佢只有龍蝦香味，而且杰度控制得相當好，小小黏口，唔會過稀，令湯係口入面浪吓浪吓可以充份地刺激味蕾，好正👍🏻😋餐廳好細心，飲完湯之很會比個青蘋果雪葩比你闢味。之前係特度食過覺得太凍，裏面甚至有冰塊，但依間入唔溫度唔太凍，而且裏面淡淡肉㗎！我地仲叫左個白酒牛油汁煮紐西蘭托托蜆。蜆肉大大隻，啖啖肉，非常鮮味，白酒同牛油味唔會太重，再加上小小洋蔥粒，帶出不同的層次味道，推介大家黎到係必食之選👍🏻👍🏻Main course叫咗煎封法國油鴨脾配什莓汁，只可以用滋味無比黎形容。先講吓配料，香港早幾年食紫薯非常流行，但相信好多人都已經食厭咗， 主要原因係食完或食得多會覺得好膩，而我亦都係其中一個😁但佢個紫薯蓉令我又重新愛上紫薯😍薯香十分可口，好新鮮，食哂成個都唔覺得膩，仲有d想 encore的感覺，所以我男友果份都比我食左一大半🤣鴨脾食到我真係嘩左出黎😆皮脆肉嫩‼切開時索索聲就係最好的証明，我會分兩個部份去食，簡單講就係脂肪層同鴨肉層的分別，我係先食左鴨肉，熟成度處理相當出色，口感幼嫩，一啲都唔老，肉味香而且冇騷味😋😋另一部份係脂肪層，亦係令我嘩出聲的主要部份，感覺就好似食日本新鮮拖羅一樣，香味比鴨肉多好幾倍，食落口味道好有溶化感，味道漸漸充斥住整個口腔內🤤鍾意食鴨的一定不可錯過，我比💯分‼甜品叫左朱古力心太軟伴🍦朱古力醬多到呢😋而且唔會太甜，心太軟鍾意食的話真係食幾多次都唔會厭🤭🤭另外我好欣賞嘅係上餐時間控制得好好，菜色一款款分開上菜之餘，每樣之間都唔會即卡上菜，比我有足夠時間品嚐，亦唔會好似係出面食野好似趕住要你食完就走的感覺。上菜時的菜色都係岩岩出爐， 熱辣辣香噴噴的😍令我相當滿意，一定會帶埋朋友家人再黎❤…查看更多

剛剛去完台北，但番到香港冇幾耐就掛住台灣美食，尤其係台灣牛肉麵同滷肉。上OP望下，發現原來香港都唔少台灣菜，就趁假日出黎覓食啦~六両三，小店位置超方便，近Isquare同新港中心，食飽飽就有氣力去shopping。小店由門面設計到室內裝潢都充滿台灣味道。門外有2張木長凳，可以俾大家打咭影下文青相😁聽店員介紹，老闆係係陽明山學師架~同行男朋友鍾情台灣紅燒牛肉麵，於是揀左川味紅燒三寶牛肉麵。個細麵幾彈牙，紅燒湯底同平時食開嘅唔同，充滿濃郁嘅牛肉味，湯底特別清，無任何味精。小店牛肉麵嘅髓係D牛度，三寶有牛腱、牛筋和牛肋條。牛腱厚身啖啖肉，完全冇鞋口，肉質淋身而肉味濃郁。牛肋條口感超豐富，肉質好juicy，男朋友推介！而我就大愛牛筋，淋身得黎有咬口，超入味😋滷肉飯就食得多，滷肉伴麵就未食過，一於試下先。滷肉粒肥瘦平均，燘得夠入味，肥而不膩。必須要推介嘅係佢個粗麵，配上滷肉汁係超夾，麵質硬度剛剛好，麵香得黎超彈牙。原來滷肉伴麵可以咁好食😝我以為自己係台灣食緊野呀~我配埋個滷豬腳一齊食，完美組合呀！豬腳充滿⻣膠原，豬皮爽口。而滷水溏心蛋個溏心凍凍的，個蛋有酒香，食落去有驚喜呀🐣以小店嘅食物質素同價錢黎講，性價比超高呀~大家如果鍾情台灣牛肉麵、滷肉，唔洗飛過台灣啦，尖沙咀就有得食啦！…查看更多

又到左獵羊暴食軍團出動的日子，有羊出沒的地方就會有我地嘅出現🤣比我地發現旺角開左間羊邊爐，開左短短一段時間就咁好評，點都要去試一試‼醒目的我地晨早就book左位，入到去環境都幾舒服，樓上有二層，間隔好寬敞，環境令人感覺好舒適👍🏻👍🏻最神奇嘅係，間野完全聞唔到羊騷味的，忍唔住問吓個店員，原來佢個抽氣做係個爐邊圍住吸，吸力又夠強，仲話食完我地個身係唔會有味，初時都有d懷疑。🤔🤔但食完之後，堅係冇味湯底我地揀左光陰鍋，味道夠香濃👍🏻👍🏻先黎一個快樂羊拼盤，擺得相當吸引，羊肉的肉質十分幼嫩，而且羊騷味鮮香，再配上湯底，真係可以令肉味提升一個層次，不得不讚👍🏻👍🏻再黎一個魚滑拼盤，賣相夠哂別緻，係香港未食過咁好味旳羊滑，出面食果啲羊滑一般都偏淋身而只有羊味，依間的羊滑味道好有層次，口感都可以出奇的彈牙，裏面帶有小小肉汁，雖然蝦滑、墨魚滑等等的都好好味，但個羊滑真係冇得輸！！😋😋另外叫左個海鮮拼盤，雖然主題係食羊，但海鮮一啲都唔遜色！夠哂新鮮👍🏻👍🏻蔬菜拼盤，唔洗多講，相信你睇幅圖就知正🤣款式多之餘，份量夠2-3人食。另外，要講吓其他的配菜，款式多，而且價錢非常抵食，半份一定夠2個人食，人小啲都可以食多幾款，非常欣賞👍👍整體黎講，今餐我地都非常滿意，服務態度好周到，店員與食客溝通都會笑容滿面，係香港已經好小見得到，下次再黎會挑戰佢個蒙式烤肉同和牛拼盤🤭🤭…查看更多

平日下午放假，想揾間環境舒服、清靜的cafe放空下由天后慢慢踱步到大坑，周圍遊下，見到呢間白色外牆，半開放式水吧設計嘅小店，感覺幾舒服，我就停落黎啦~小店內有D植物、小擺設，幾relaxing一向鍾意試新野嘅我，點左杯粉紅色嘅飲品就咁睇落去，會以為係草莓系列。。。。但其實，係一杯"紅菜頭拿鐵"真係估佢唔到！？竟然會有呢個配搭嘅飲品~味道係幾fresh同有特色架！健康店員推薦佢地最受歡迎嘅食物係All Day breakfast 同Pancake~~ 但我想試D特別嘅野，於是點左"飛驒和牛漢堡"當我一望到飛驒牛三個字，我已經講得非試不可！小店都用飛驒牛咼，點可以錯過呢！嘩！要大讚個漢堡包呀~~ 包身香脆，牛肉香味十足，嫩滑、多汁厚度剛剛好配上非常健康嘅羽衣甘藍、新鮮蕃茄，有咬口得黎好惹味完全係意料之外嘅美味慢慢嘆完美食，靜靜看看書，真係寫意…查看更多

好耐冇食過車仔麵，放假咁岩路過，俾門口2個單車轆吸引，於是試下。店主應該係愛單車之人，店入面掛住2部單車做擺設幾特別~真係好少見車仔麵店咁有主題下午茶時段，我地一行兩人各自叫左個四餸麵呢度嘅湯底唔只係一般嘅豬⻣湯底，仲有好養生嘅海南胡椒豬肚湯、金蟲草野菌養生湯。真係唔係講笑~湯底真係好有驚喜呀我揀左海南胡椒豬肚河，配酸齋、南乳豬手、醬爆福州丸同生菜豬肚湯好正~~配上魚丸生菜，清清地。我好鍾情酸齋，車仔麵店有酸齋食都係第一次見。南乳豬手醬汁濃郁，充實⻣膠原。同行朋友仔就叫左金蟲草野菌養生幼麵，配墨魚丸、手打牛丸、豬紅同柱侯牛腩。藥材湯底嘅湯好甜，朋友仔話飲落去感覺好滋補大讚呀柱侯牛腩勁入味，入口即化，必食平時少食車仔麵，但呢間真係唔錯，近近地，一定會再番黎~…查看更多

我地叫左2人Set dinner，前菜選了焗法式田螺、餐湯各一款、黑松露芝士煙肉菠菜馬鈴薯丸、烤燒美國牛腹膜、仲有香蕉朱古力班戟。牛角包外脆內軟，牛油味夠香濃，唔錯😋是日餐湯-南瓜湯忌廉同南瓜味道都好出，入口都幾滑。西洋湯菜凍湯個菜味好清新，凍凍的入口感覺幾特別。田螺熱辣辣，香噴噴，將個殼內的汁倒入薯蓉再加埋田螺肉一齊食真係好正。馬鈴薯波第一次食，一開始感覺是怪怪的，但之後再撈埋d汁同配料食都ok😉牛腹膜都係第一次食，牛味唔會太濃，亦都唔會油份高而有油膩感覺。甜品都整得幾花巧~…查看更多