celiaxyl的个人专页

佐敦一帶有好多美食，今次就揀左佢作為晚餐，性價比都超出我預期！店內有多款主食及小食、飲品供客人選擇。店鋪有檸水提供，清香而不帶酸，客人毋須叫飲品亦有多個選擇👍🏻叫了兩個主食，分別是招牌的「火五火車頭牛肉粉」$68以及受歡迎的「火五生牛肉粉」$42。先講前者，用料新鮮及份量絕不手軟！簡單一碗粉已經有和牛牛丸、扎肉、生牛及厚重的熟牛，非常豐富！味道亦不錯，不像坊間的切得薄薄一片及使用味精調味，吃得出是用真材實料，本人較愛扎肉因為黑椒味較重👍🏻😋生牛亦是首選，肉質鮮嫩。👍🏻而另一碗的生牛河的生牛多得同行朋友說太多而吃不完，份量超誇張的。😂😂😂👍🏻亦叫了兩個小食，自覺冇叫錯野🤣🤣香矛雞翼(4隻) $22調味唔會過鹹，雞翼的火候控制的好好，不會時間太長而令肉質變乾身和燶，而是還吃得到雞肉味及有肉汁。手作大蝦米紙卷 $38健康首選，適合想吃清淡的人。紙卷內包滿餡料，米粉和蝦份量同大小都合理，又有清甜木瓜絲伴碟，好抵！吃前加點魚露，將米卷的香帶出。最後當然有叫野飲啦！凍越南三式冰 $19好耐未飲過入面有珍多！以往都係去東南亞國家先較普遍，想不到在這也找到！椰奶非常香，加上珍多，感覺像去了當地😂😂，可能太耐冇飲過吧！飲品整體不錯加上價錢相宜👍🏻白桃梳打 $19梳打不太甜，有果肉點綴，也值得一試👍🏻最後，叫左咁多野都只需～$200份量非常多，建議參考圖片才點餐😍👍🏻店內需小但整齊、衞生、員工有禮及出餐時間合理，已經可以覆桌，而食物質素亦不錯👍🏻…查看更多

週末跟朋友想搵地方hea 但又要舒服既，一定係黎呢到❤️，發覺真係可以坐一日都唔厭🙊到鋪的時候岩岩下午茶已經轉左menu,咁就試下啦反正又唔太餓🤣同朋友在食物分別揀左黑松露炒蛋多士($42)和日式叉燒豬骨湯烏冬($38)。先講多士，侍應遞餐的時候已經聞到濃香的黑松露，他們灑上大量松露於多士上，絕不吝嗇，而炒蛋更鋪滿整塊多士😍，非常大滿足！而麵包是香氣撲鼻以及口感軟熟，跟朋友爭相搶食🙊烏冬方面，乍看沒特別但味道也不錯👍🏻食材方面絕不手軟，份量已像午餐一樣多但以下午茶的價錢，划算得很😆烏冬加以蟹柳絲、粟米、鳴門卷及豬軟骨，超級豐富☺️，而豬軟骨肉質軟糯，不錯！飲品亦不錯～巨峰提子梳打($38)適合解暑飲用，飲品不太甜又能帶到生果的香味，推介呢🥰👍🏻紅豆鮮奶抹茶($42)朋友呢杯都ok, 唔算甜而內裡加左好多紅豆，抹茶加上鮮奶，細綿幼滑。另外一提，文青好適合黎呢到打卡同休息因為它裝修和擺設都舒服，加上店面有落地大玻璃，自然光線散落餐廳，可以懶洋洋咁過一日～侍應態度有禮貌，耐心跟我推介食物😊如果大家係附近冇咩做可以黎呢度慢活一天🤣…查看更多

行街見到有一間拉麵店，門口裝飾好日系所以就走咗入去，發覺有驚喜🤭門面裝修以簡潔明亮為主，入去看到不少日式裝修，幾得意的，店內衛生亦可接受。點了海老味僧沾麵（選擇了熱麵）$90本來以為係普通嘅蝦沾麵但發覺佢嘅湯比一般坊間嘅濃得多，外觀已經看到濃郁蝦油。食落口果然有讚👍🏻，蝦味濃郁，湯嘅濃度及熱度非常足夠，佢選擇了用蕎麥麵作麵底，麵餅非常大個，又健康👍🏻絕不欺場😍再者，附送的雞肉及溏心蛋😍😍，想不到也很好吃！另外，點了餃子為小食（3隻/$15）看似普通但餡料很足夠，豬肉的鮮及白菜的清甜，讓人停不下口吃😍😍飲品卻是意想不到的好飲雖然唔係佢製作，但入貨入得好👍🏻我要了支青森100%蘋果汁（$24），清甜得讓人感到像吃一個生果😋😍且價錢不貴👍🏻最後，係值得支持的小店，看到老闆的用心經營👍🏻服務員態度和藹，而且價錢和份量合理，不錯！😁…查看更多

呢排想食下素菜，經朋友介紹搵到呢間餐廳🙈，睇menu覺得同普通餐廳冇分別，但都好多款式所以決定一試。🙊環境地方雖小但佈置清幽且私隱較高，傾密計都可以, 服務態度良好，上菜時間只需10-15分鐘，環境衛生，餐具或座位亦無什麼大問題。揀左佢地既set dinner都只需要$258但份量同選擇都多😍👍🏻前菜分別有紅火龍果藜麥沙津伴無花果黑醋+涼拌日本黑豆亞塔子黑木耳。前者那黑醋、紅火龍果同藜麥原來幾夾！加上有黑醋點綴，食落好清新😻可以再食。後者以為普通木耳拌，但佢個醬甜甜地，食落好得意，又有日本黑豆，食落好「煙韌」🙈。小食：香芒牛油果苜蓿芽手卷首嘗苜蓿，味道唔錯喔，配上芒果牛油果，將清新感覺再次提升。😍湯品：黑松露准山桃膠忌廉濃湯湯端上枱時已洋溢著黑松露的味道，喝下全是松露的香氣😍👍🏻准山亦全溶化在湯裏，不錯！主菜：沙嗲金菇秀牛粉絲煲配羽衣甘藍菜飯沙嗲味帶甜，金菇食落同肥牛既感覺好似🙈👍🏻加上份量都多，兩個人都夠食。羽衣甘藍飯作為拌飯都不錯👍🏻😌甜品方面就加左$28試玫瑰荔枝千層班戟不錯喲～皮薄，cream既奶味足夠同滑且食到淡淡玫瑰荔枝，唔會過膩。😋飲品：香芋黑糖珍珠（+$20）重香芋味，將黑糖珍珠拌勻再飲令飲品的層次再提升。整體來講，可值一試既素食餐廳👍🏻Set dinner叫個已是二人份量。…查看更多

小清新風格的泰菜一早想去試試😍，今次終於去食到了😍果然沒令我失望！疫情關係只能光顧午市，亦只能選擇午市餐牌的餸菜，沒有想吃的金邊粉，有點失望。餐廳裝修成小清新風格，有別於傳統泰國餐廳風格，主要為綠色植物、燈光充足，座位舒適，適合打卡和chilling。小編點了較多食物因為太吸引。炭燒豬頸肉飯（$70）份量挺多，女仔食可能有點勉強。豬頸肉帶甜，算厚身，咬得斷且還有肉汁流出，兩旁有啲焦香，點上特製醬汁，會讓人想繼續吃白飯香和軟，不似街邊一般的外賣飯盒那種質素。海南雞飯（$70）吃這個必定要配油飯，份量又是很多，反而欣賞的是油雞多過雞😂，雞就一般和出面餐廳沒太大差別，但飯就很好吃😋用雞油而成的油飯，吃下不覺油膩，還有雞香味，黃薑粉味不重因我吃過有些會加很多黃薑粉煮製。串燒（$28）只有兩串，我全要了雞。吃下去還有肉汁流去及肉質仍嫩，那醬汁不太咸，重花生味👍🏻。凍泰式奶茶+蝶豆花蜂蜜茶（跟餐送）兩杯都偏甜，但勝在大杯。👍🏻芒果糯米飯（$25）這個飯用斑蘭加製，吃下去有它的香味同椰奶味，它口感較糯，似吃糯米糍，這個口感較特別，但不錯，可以一試👍🏻椰子雪糕（$25）兩球椰子味加杏仁，沒什麼特別。點了很多餸，埋單只需$233，非常抵食！這餐廳不用加一，很有良心👍🏻👏下一次也會再光顧！…查看更多

想試吓食台灣野所以晏晝揀咗呢間，環境幾大座位都闊落，而家疫情嚴重，比食客坐得安心👍🏻套餐加$18送野飲既選擇不算太吸引所以選擇散叫。紅燒牛肉麵（$68）首先講湯底，湯底有別一般在外的，不像濃濃黑色的湯，而是較淡味的中藥藥材熬製而成。而且味道帶甜，像喝湯，多也不覺油膩。牛肉鮮美，肉質糯甜，帶筋部分亦煮到淋口，小編本身不愛筋部位也吃了幾口。炸物拼盤（$48）拼盤有台灣腸、炸花枝丸及鹽酥雞。炸花枝丸味道不錯，炸粉薄，淡口👍🏻台灣腸較甜、鹽酥雞略為遜色，炸粉太厚且沒什麼調味，像吃麵粉，太多就油膩感重。加上整個拼盤份量不多。同行友人的蕃茄湯底也算普通，可不吃總結一下，人均消費$70，午餐來說較貴亦要加一，略為昂貴。食物質素一般，值得欣賞是味精不重，至少沒有吃後要不停飲水。…查看更多

有留意住fb元朗搵食page都對呢間店不陌生佢曾經有過訪問，大家亦對佢有好評，就令我更加想試，果然冇令我失望😍👍🏻店舖面積唔大，建議買外賣，等候時間大約10至15分鐘，食嘅時候已經有啲涼但味道冇失色。我點左$56花甲粉，米線底，再加紫菜、生根、帆立貝及皮蛋。大約（$9X),以呢個價錢絕對值得比呀！花甲粉（$9X)配料：芫茜、蔥、炸蒜湯底：bb辣麻度：bb麻以為同普通嘅米線一樣，外型睇佢已經比一般米線膠兜來得高，米線份量同外面一樣，但重點係在於佢本身味嘅配料，非常之唔留手！😍，作為配料的黃芽白同金菇可以當成兩道菜，多到我也覺得這老闆太慷慨了！也許下次就不用再加配😂。湯底有花甲嘅鮮味不是食落只有味精和老死的鹹，食落都有新口感，係另類嘅米線湯底，花甲亦非常多，照看也有10粒以上。配菜方面，山根入邊有厚實的「肉」，不只是吃空氣，山根吸收了湯底嘅精華，份外美味😋。至於皮蛋，給我認知嘅外型有所唔同，口感爽脆，味道不像黑色那款這麼濃，大家有興趣可以試試，我就一般。這個米線嘅份量令我撐了好幾個鐘嘅肚皮，如果細食嘅人加一個配料都足夠，而且越辣同越麻應該更加好食。😋…查看更多

小編約20年前食過至到今次，當然都要$25一碗細蓉，今次再試下佢睇吓有咩唔同咗，結果非常之失望，味道已不復當年的好味，如同街邊普通一碗雲吞麵一樣。用懷舊風格打做店面，重新呈現「一盅兩件、客人捧雀」那種情懷，樓底高，座位舒適。招牌世家雲吞麵（細) ($41)份量的確好少、三四啖已經食晒但幸好有四隻雲吞，當是下午茶也足夠。可惜食落完全冇任何驚喜，甚至覺得好普通，唔值$41。可以說嘅是其他一些用心嘅麵檔煮的味道同佢冇咩差別。首先，湯底。同當年一樣都係冇味精只係味道淡咗冇咗濃厚大地魚嘅味道，令人一飲而盡。現在嘅係一般的雲吞麵湯底，喝一兩口就罷了。麵的質感。麵條是彈牙爽口的口感，未能咬下即斷，小編喜愛那種口感彈牙但可咬得斷嘅麵條，不過還尚能中保持在以往嘅水平。不服當年的水準，很失望，記得當年一碗平凡細蓉但充滿嘅人情味同質素，這兩種東西都不見了。總括來說，剩下品牌和遊客光顧的麵店。…查看更多

終於試到呢間高質嘅良心食肆，每次見到都大排長龍，好彩係七點到達，過多10幾分鐘都已經排緊隊。餐廳環境衛生、光線充足，有做好限聚令嘅要求，令食客食得放心。由於款款都好吸引，所以嗌左佢哋其中一樣熱門菜式—滑蛋叉燒飯😋滑蛋叉燒飯（$48）+熱檸水（$free） 等餐時間5-10分鐘，上枱估唔到係咁大碟😂眼前嘅份量震懾到眼球，叉燒都5塊以上，滑蛋鋪滿整個飯面，係睇唔到啲飯😂😍食晒啲飯，蛋同叉燒都仲未食晒。第一次有呢個情況出現😂，呢個價錢簡直抵到爛。 味道方面亦唔錯，叉燒唔會太瘦，雖然食到係雪藏豬但係入得口嗰種。滑蛋炒得好靚，用全蛋去炒而唔係溝咗麵粉/水之類，用真材實料，食到雞蛋嘅香味😋😚。豉油提昇咗成個飯嘅層次，佢用咗甜豉油，淋上飯同雞蛋🥚，甜豉油唔會搶走本身食材嘅味道，反而令人想繼續食因為冇咁單調同乾身。份量太多我就食唔晒，對男士來講係足夠有餘。 仲附送免費熱飲，$50都唔洗嘅餐你仲想點？🤤🤤當我離開嘅時候，外面等侯的人已經排到隔離鋪，有機會會再食！…查看更多

上網想搵間有平有高質嘅日本嘢，最後比我搵到花居酒屋🏮，建議book枱先因為平日都比較多人。店內環境裝修到好似日本餐廳，燈光昏暗好適合約會😍可惜唔記得影相。居酒屋有鍋選擇，我同朋友以壽司同刺身為主，竹壽司盛合、散叫壽司同一碟牛脷。竹壽司盛合 （$198）佢係成盒來講算係最平但係都抵食。至少有五樣款式，玉子香滑甜口、帆立貝厚而鮮，size都偏大😚、熟蝦口感彈牙，有保留到鮮味，感覺到舖頭選用新鮮嘅食材，令人想繼續食😋散叫（$Forgot)散叫款式我哋就揀咗灸燒三文魚和帆立貝、吞拿魚蓉、三文魚同大蝦。同樣都係份量多，刺身大件，但價錢唔貴。食得出舖頭係用心做每一樣食物比客人。另外值得一讚嘅係舖面好忙，但店員會留意客人杯內的茶是否喝光，會一直的加水，好細心👍🏻埋單大約$500，食到撐住肚肚，有機會會再嚟食😋…查看更多

終於喺香港可以食到西班牙傳統小食churros😍，喺街見到心血來潮就買來試😍。排隊嘅時候都是夜晚10點幾，但舖頭都有滿滿的人在等侯，由於鋪面細小，好多人買完都會拎走食。Menu有好多款churros選擇，一個人食既話可以單買churros （$25）, 不需要加雪糕因為份量挺多的😋。至於小編有人陪食所以買咗Special Sundaes🤪。Cookies Monster ($58)即叫即炸嘅churros, 淋上朱古力醬及配上曲奇，朱古力脆波波同Oreo餅既雪糕，望落非常豐富呀😍！至於主角churros，味道不像中式油炸鬼及鬆軟，反而是像吃粗薯條那種外脆內軟感覺，令人一口接一口。Churros塗上藍色的糖霜，中和食物本身的鹹味。而外型設計得非常適合打卡👍🏻👍🏻。整體來講，可以因應熱潮而試的店舖。👍🏻…查看更多

美國人氣肉桂卷終於喺東涌開咗第二間分店啦😍，鐘意肉桂卷嘅我即刻買黎試吓😍店舖嘅座位唔多所以好多人都選擇外賣而且都排幾耐㗎！小編就試咗Cinnabon Minibon（$29）同Chocobon Minibon ($32)。小編雖然唔係即食，冇咗熱呼呼嘅感覺但凍左嘅味道一啲都唔差。Cinnabon入口非常香，濃郁嘅玉桂味再係表面灑上糖霜，原本以為好甜但原來味道啱啱好，要肉桂卷嘅質感亦有點煙韌識落感覺唔會覺得滯住，女仔食2-3粒都足夠😋。Chocobon更令我驚喜，卷面鋪上濃郁嘅朱古力醬，望到已經流口水🤤，咬下去個刻，肉桂卷同朱古力mix在一起，味道超配！而朱古力甜而不膩，個人較鍾意Chocobon，較特別。整體來講，Tiffany Blue嘅裝修令少女心大發🥰已經吸引好多人想試，而食物質素亦屬水準之作😋😋…查看更多

好少嚟呢區，因為有約會所以隨便揀咗呢間餐廳食，它的食物質素一般，但令我不滿意嘅係佢嘅等候時間太長。當時係晚飯時間但座位並未坐滿，我點了兩個餐但竟然足足等咗半粒鐘，但呢兩個餐做法並不複雜，後來聽返身邊朋友講呢間係要等咁耐，好多人都唔知點解。黑松露蟹籽帶子黃金意大利飯 （$112）醬同飯嘅比例剛好，帶子有三粒，反而黑松露略嫌不足，難嚐到它的味道。巴薩酒醋燻鴨胸意粉 （$92）用醋燴意粉較特別，加上有鴨胸，口感同層次有提升，但略嫌油分過多。而隨餐奉送的飲品真的不行🤢，其中一杯熱檸水卻沒有檸檬味，像喝清水。總括來說，整體有待提升，而且價錢都略貴本人認為價錢未適合在這水平，送餐時間亦要加快。…查看更多

最近喺IG發現呢間新開嘅日式西餐廳，睇相覺得幾吸引所以就決定試吓佢既晚餐。由於預先訂咗枱嘅關係，所以係唔需要等，舖頭裝修用暗黑風格來做主調，最吸睛嘅一定係吧枱設計，非常之靚，好適合打卡😍。見到冇咩人就要求店員調位到吧枱坐，店員態度都挺友善☺️☺️，餐廳環境寧靜，好適合同三五知己飯聚嘅一個好地方👍🏻，不過環境就細啲所以最好book枱。我地叫左signature的明太子意粉（$118）份量略嫌太少，但大量明太子撈滿整碟意粉，整個口腔都充滿着明太子嘅味道😍另外，點了莓莓法式西多士（$88），呢個一定要試，暫時來講覺得呢個西多士比其他餐廳做得出色，西多士嘅鬆軟感，配上濃郁嘅牛油，甜而不膩，令人會有想再食嘅感覺。最後點了兩杯Cocktail，味道偏甜適合女仔飲，個人會比較推介玫瑰花嗰杯。整體來講呢間餐廳食物質素不錯，可以一試！😋…查看更多