Angel Pong的个人专页

朋友一直催我去千海水產😂 話唔去就唔係真海鮮控！終於趁最近天氣涼涼地，約埋朋友去試啦～當然要揀佢最大嗰間旺角分店啦😋 一入到去撈海鮮個位，真係震撼到講唔出聲😳！蜆、蝦、蟹、鮑魚成堆堆～仲可以自己撈海鮮，好似出咗西貢食海鮮咁😂 揀好交俾店員清洗，5分鐘就可以返嚟攞，夠晒方便～ 海鮮每樣都超新鮮🦐🦀 跟住舖頭建議嘅時間去煮，煮完個湯即刻變得好甜，成個火鍋層次升晒級～仲有我最鍾意嘅白鱔同埋蠔，真係食不停口🤤 除咗海鮮，仲有M5和牛😍 食肉獸一定開心到飛起！自助區嘅選擇又多又靚，有玫瑰花形龍蝦丸🦞、蝦腸、冰菜（唔係間間打邊爐嘅食店都會有）炸魚皮、炸午餐肉等等～樣樣都想拎！ 外邊仲有熱食區🔥，有點心、小龍蝦、焗榴槤記～掃code仲有乳鴿、鰻魚、烤羊架、糍粑！飲品區都有驚喜，紅白酒、啤酒、果汁、熱茶、珍珠奶茶同冷泡茶任你揀🍷🧋 最後甜品區都唔可以錯過🍰～有Haagen-Dazs雪糕、雪條、布甸、木糠布甸、乳酪、生果🍓🍍，仲有部雪糕機🍦 小朋友玩到超開心❤️ 食到最後一啖都好滿足🫶 呢度真係實在太多嘢食，我覺得起碼要再encore多兩三次先至真係完全可以試晒咁多好味嘅嘢 😋…查看更多

前排嚟咗呢間九龍城開業好多年嘅日本菜浜滝，呢間餐廳好厲害㗎，隔離就係食炸串嘅北斗，隔幾條街有食壽司嘅渡邊屋（最近渡邊屋都喺尖沙咀開分店），呢啲都係 under 佢地架～ 名副其實歷史悠久品牌又豐富～舖頭人都超親切，有疑問關於食材菜式都好耐心解答😌👏🏻上層靜靜地食，配埋有氣氛裝修好舒服🪞🥢，下層似居酒屋仲有啲房間適合多人聚會 😉🍅日本水果蕃茄 味道清甜，非常開胃嘅前菜😋💕🦐炸富山灣白海老 蝦殼炸到香脆，入邊食到蝦肉好鮮甜，入口好有驚喜，好味到簡直可以一人食一兜🙈🤤🐟空運魚箱 - 魴鮄魚刺身 白身魚，味道比較甜，口感比較軟～食完魚生之後，餐廳仲好好咁將魚骨同魚頭整咗個非常之鮮甜嘅麵豉湯俾我哋🍶🥰🔥串燒：日本肥豚肉串燒及阿波美雞腿肉 前者好似食緊煙肉咁香口，後者肉質鮮嫩彈牙，配埋柚子汁，一啲都唔漏✨😍🍚櫻花蝦牛肉泡菜石鍋飯 石鍋飯超足料，幾乎每一啖都有泡菜同埋牛肉，微辣嘅泡菜配上淡淡牛肉，加埋鮮甜嘅櫻花蝦，好滿足嘅煮食💯🙌🏻整體好有誠意又人情味，下次想食高質日本菜就嚟呢度啦～💡🥳…查看更多

早幾日放假去旺角中心諗住掃街，見到呢間細細小小嘅泰國菜小店，心諗轉下口味掃街食泰國菜都好，又真係估唔到呢度食物質素真係幾高，完全覺得好似去咗正式餐廳咁，正宗到讓人一食即愛上！😍✨必試脆炸雞球配紅咖喱汁！雞球即叫即炸，外皮超酥脆熱辣辣，沾咗香濃嘅紅咖喱汁，惹味到停唔到口！🍗🔥 ✨泰式炸蝦餅真係超正！炸得超級香脆，咬落去仲有聲，蝦肉彈牙帶香，配埋泰式甜辣醬簡直完美組合～🦐💥 ✨肉碎生菜包驚喜到爆！雖然係掃街，但肉碎調味剛好，微辣口感好開胃，份量十足，生菜新鮮有包料感，夾埋一齊食每啖都係肉，強烈推介啊！🥬💚 ✨冬陰功炒飯帶酸辣過癮感，蝦隻份量十足，香味濃郁，微辣同酸辣完美平衡，份量超足，食嘢都好飽足！🍤🌶️ ✨最後用杯凍冷龍眼冰收結，冰涼清甜，仲有啖啖龍眼肉，完美ending！🍹🍈旺角中心掃街都可以食到咁高質、地道嘅泰國味，真係有驚喜！正宗行過路過唔好錯過呀 😂…查看更多

最近同朋友聚會成日揀放題，覺得以前放題淨係得日本菜，依家嘅放題真係升級成為自助餐咁多款式，咩都有，咁啱大家都可以食到啱自己嘅心水啦～今次就嚟咗旺角嘅殿·大喜屋食放題，真係畀我哋驚喜滿滿🥰呢度係全香港唯一任食波士頓龍蝦嘅地方，每隻都靚大隻，啖啖肉彈牙爽口，叫一次上枱就震撼一次！仲有鱘魚子醬任食，感覺超豪華，睇住成盒咁大份嘅魚子醬緩緩上，真係奢華感爆燈✨海鮮方面，靚靚嘅魚生一定係必點，避風塘炒蟹用嘅係新鮮蟹，肉香甜到爆燈；蒜蓉粉絲蒸蟶子王、香濃嘅花膠海參瑤柱翅羹、超入味濃郁嘅金湯燴花膠、燒乳鴿同埋勁有驚喜嘅瑤柱扒豆苗，啲味道高質到直頭可以媲美大酒樓㗎。而牛油果蟹肉最中餅更係創意菜，清新嘅牛油果配埋鮮甜蟹肉，食到每啖都係驚喜！食海鮮控一定要試花雕醉鮑魚，味道超級吸引😋唔好以為放題淨係海鮮，食肉嘅人都超開心！黑椒蜜汁一口牛肉超嫩滑，唔韌調味啱啱好；羊架超曬斑，香氣四溢，調味亦好正，咬開口即刻散晒，忍唔住狂點返翻嚟食❤️甜品就更加唔可以錯過，燉木瓜軟甜滋潤，喺呢個天氣食最啱，甜品櫃有靚靚馬卡龍、可愛柿子麻糬、Häagen-Dazs雪糕同凍芒果。榴槤控必試燒榴槤，香味特別濃烈，超級正👍飲品選擇豐富，包括汽水、啤酒、紅白酒，竟然仲有花茶，配埋出邊嘅冷盤同生果，真係超出我對放題嘅認知！呢度寬敞舒適，坐得舒服，啲菜式款式多，唔論海鮮定肉類都食到盡興。旺角嘅放題控，殿·大喜屋真係一個唔可以錯過嘅好地方～大家要嚟試下啦😊🍣🦞✨…查看更多

最近天氣開始轉涼，最好食碗熱辣辣嘅米線暖暖身，灣仔呢間小店絕對值得推介！食完一碗真係有種暖入心嘅感覺🥰🍘 金磚炸豆卜 豆卜炸得香脆得嚟似零食，秘製豆瓣醬微辣帶酸，配埋豆卜食一啖超惹味！😋🍗 淄博脆炸雞翼 雞翼即叫即炸，熱辣辣上枱，外皮脆口不油膩，肉質嫩滑爆汁，多吃都唔滯。🤩🥟 雞皮餃子 雞皮炸到香脆帶煙韌，好似食緊炸雞皮咁，內裡肉汁飽滿，每一口都啱味又滿足。🤤🐟 招牌花膠滑雞絲米線 湯頭香濃鮮甜，花膠大塊又彈牙，雞絲份量十足，冬天食再適合不過，暖胃又飽肚。😍🔥 冬陰功小窩米線 好難得係米線店可以試到冬陰功湯底，帶酸辣又清新，好有層次。手工餃子、魚肉、青口配料好豐富，食落真係超滿足。🤤🍖 鬼馬午餐肉+自家製手打雞肉丸+豚角主豬肉 午餐肉夾住糯米糍，口感特別嫩滑，重點唔係度度有得食 😍 雞肉丸紮實入味，豚角煮嘅豬肉肥瘦相間，啲汁煮到入晒味，肉質夠腍夠香，推介 🫶🏻🍜 免費追加米線服務真貼心，唔係淨係加底咁簡單，額外多一碗，仲要分開上，份量十足，完全唔怕米線喺湯度浸得太耐會好腍 👍🏻 麵條仲係即叫即煮，唔怕食唔夠。…查看更多

成日一放工就想食啲熱辣辣嘅串燒，尤其係秋風起嘅時候，呢排仲成日掛住食啲暖身嘅小食。今次發現咗觀塘成業街嘅「堅豐廚房X聰明燒」，真係驚喜連連！🍤 海蝦 成隻蝦用心燒到香脆，除咗頭尾之外，中間連殼都食得 😆 蝦殼脆口，蝦肉軟身又惹味，點埋酸酸辣辣嘅泰式汁，味道層次感即刻升級！重點係價錢超親民，$10一串一串咁食，CP值爆燈 👍🏻🍆 蒜蓉燒原條茄子 堅豐嘅茄子絕對係麻辣煙韌嘅代表，鋪滿滿滿嘅蒜蓉加香料，燒得剛剛好入口滑溜。最正係配合店內多款調味粉同辣粉，唔同食法可以食到唔同口味，完全滿足我呢啲重口味控 😍🐟 金湯酸菜魚 湯底胡椒味突出，但唔辣過火，酸酸啲十分醒胃。魚肉片厚身保持嫩滑多汁，夠晒鮮甜，配料豐富有腐竹同大量青菜，真係一次過食到飽肚又暖胃 🫶🏻配埋杯鹹檸七同埋青檸梳打，鹹檸七簡直一流，每一啖都飲到粒粒鹹檸，青檸梳打又唔會太甜，配串燒同酸菜魚食，簡直一流 😋「堅豐廚房X聰明燒」不只係串燒質素高，配合多樣又特色嘅菜式，放工同朋友嚟chill，食下熱辣辣嘢，真係一流！…查看更多

泰國菜真係好適合一年四季食，夏天嚟可以歎返啲冰品、沙律，清清熱爽爽口；秋冬就最啱叫咖喱、火山排骨等暖笠笠嘅滋味，成個人都暖晒。甜品類就一年四季都啱食，每次嚟「阿來泰式地道風味」都俾到新驚喜，四季都有好選擇！🦀 泰皇咖哩火山軟殼蟹法包一上枱已經feel到蟹份量十足！咖喱汁香氣濃郁但唔會好油，炸蟹外脆內嫩、啖啖肉，配埋法包一齊點汁勁邪惡，啲汁辣中帶椰奶香，真係送飯送包都一流，嗱嗱聲叫多個薄餅點汁食，完全無留上一滴！🥓 泰式火山排骨 成座山咁堆起啲骨，一咬落全部都係啖啖肉，肉質嫩滑唔會柴，細細舊又酸酸辣辣好醒胃，食落仲隱約有香料感，perfect！🍮 椰汁西米糕甜品一定要試！每啖都食到軟糯西米加芋頭粒，椰味十足好清甜，完全唔會膩口，食完鹹嘢嚟一件超滿足。整體服務都幾貼心，環境唔算大但坐得舒服，性價比高，無論朋友飯聚定想食返啖地道泰菜都好適合，下次會約埋多啲人再encore！…查看更多

掃街原來都可以食到居酒屋級嘅和牛鐵板燒！旺角「和牛波士」真係食過返唔到轉頭，每款小食都好有驚喜～🍳 和牛關西燒（明太子風味） 大廚自家研發菜式，有 6 種味道，我揀左我最愛嘅明太子 😍 一出場已經聞到蛋香，啖啖牛肉同明太子醬汁融合得好好。每啖都充滿牛油香同醬汁鹹香，明太子味帶微辣，食落勁惹味兼滿足，唔止小食咁簡單，簡直可以當正餐！🥟 御好燒燒餅（加和牛） 燒餅外層微脆，內裏餡料堆滿和牛，肉汁juicy又唔油膩，牛肉香同燒餅香結合，每啖都好香口，掃街小食都可以做到高質感～🦐 酥脆和牛鮮蝦雲吞 外皮夠脆身，一咬爆汁，牛肉餡濃香，蝦肉彈牙鮮甜，幾款食材冇互搶味反而好夾。🥩 蒜片牛柳粒 牛柳粒煎得啱啱好，外層輕輕焦香，咬落軟稔唔鞋口，蒜片帶點微辛提升層次，整體超惹味，簡單但每粒都好滿足。呢間掃街黎講推介真心高質，價錢合理、款式多選擇，旺角必試小店！ …查看更多

Weekend 去旺角行街，去左食「劉興記生煎包專門店」，成日都見排長龍，今次終於入到去開心試新嘢！👍🏻🥟 生煎包（海鮮控推薦必食） 瀨尿蝦生煎包——皮脆帶焦香，啖啖湯汁爆晒出嚟，蝦味非常鮮甜，咁特別嘅口味真係好少地方有！ 蟹黃生煎包——一咬開就見到濃郁蟹黃湯，香氣勁重，湯汁超多，蟹迷一定要試！ 鮮蝦生煎包——食到粒粒蝦肉，咬落爽彈，海鮮控千祈唔好錯過！🍖 糖醋炸排骨 排骨外脆內嫩，酸酸甜甜超開胃，配埋上海菜飯就最一流！菜飯唔會油膩，仲有足料菜香，又好食又健康。🥒 麻醬青瓜絲粉皮 粉皮煙韌，配上香濃麻醬，每一啖都食到芝麻香，青瓜絲夠爽口，配料仲要比得夠慷慨，大滿足。🍘 手工豆沙窩餅 皮薄蛋香重，豆沙餡清甜幼滑，當甜品食剛剛好，唔會膩。🥛 任飲豆漿 豆漿唔會太甜，豆香濃得嚟又好順喉，阿姐一坐低就奉上一大壺，豆漿控表示極度幸福！整體店員好親切，笑容又好有問必答，價錢合理、氣氛舒服，係旺角醫飽肚嘅好選擇。下次一定會再嚟encore！ …查看更多

同朋友放工小聚，今次揀咗The Prime House晚市套餐，感受到餐廳氣氛超有情調，環境舒服，座位闊落，侍應仲好細心，主動解釋菜式同推薦食法。🥗 前菜—沙律、自製百里香蒜蓉牛油餐包、蘑菇湯 餐包外脆內軟、香氣十足，配埋自家製蘑菇湯真係一流。蘑菇湯超多蘑菇蓉，每啖都鮮香濃郁，侍應話日日新鮮煲，日日都會清晒！沙律爽口清新，剛好平衡膩感。🥩 主菜—安格斯風門柳牛扒 & 安格斯牛頸脊牛扒主菜時間一上枱就已經香氣撲鼻，兩款安格斯牛扒以五成熟出場，外層帶微焦，切開依然粉嫩多汁。 首先試安格斯風門柳牛扒，油花分佈得勻稱，每一啖都帶著牛脂香濃厚感，肉質非常軟腍，入口即融，啖啖肉汁滲出。最啱鐘意滑順、牛味濃而不柴嘅朋友。 另一款安格斯牛頸脊牛扒，咬落有紮實彈牙的咬口，肉味較濃厚，纖維感明顯，每一刀都帶小小嚼勁，吃得出牛香原味。 兩款牛扒都有自己特色，配上黑椒汁或者海鹽都各有風味，肉香被進一步提升，複雜層次一次過享受到。配菜嘅薯條亦都非常出色，條條都炸得香脆而唔油膩，讓人食慾大增，每一啖都食得開心！🍨 甜品—雪櫃任拎雪糕/雪米糍 最大驚喜係食完侍應主動介紹甜品櫃，可以自選雪糕或者雪米糍，夠貼心又有心思，為晚餐劃下開心句號！💡 整體感受： 燈光暖暖好舒服，無論約會、周年、閨蜜聚會都好啱，職員解釋詳細、態度細心，整體食物水準穩定、份量夠，無論牛扒、湯包定甜品都好有驚喜！好適合慢慢傾偈，不用怕被催單，儀式感同誠意都齊。…查看更多

行咗咁多次終於入到氷舍，門面木系有文青feel，坐低即刻被滿滿麻糬香氣包圍（甜品控一定會俾選擇困難症攻陷XD）🥭 D24榴槤飄香刨冰 榴槤迷必食！冰底滑溜，榴槤味夠濃，配上煙靭麻糬、香滑忌廉，每啖Creamy又爆榴槤香。小丸子可以轉芋圓，額外多份彈牙口感，撈埋麻糬食勁正🥭 楊枝甘露麻糬 最愛港式甜品楊枝甘露，香甜芒果粒加碌柚清新，椰奶味濃，麻糬煙韌軟糯口感有驚喜，層次豐富又唔會太甜。🥭 D24榴槤麻糬飲 麻糬飲品絕對推薦！頂層厚厚忌廉帶嚟滑順感，中層榴槤清香，底層麻糬粒粒入口煙韌，每一啖都Creamy＋榴槤＋麻糬三重享受。平時唔太飲甜品都覺得唔膩。📸甜品賣相打卡度高，冰品上枱好足料，麻糬控一定要試！小店靜靜地，地方唔算大但坐得舒服，係街坊+打工仔放鬆小天堂！性價比ok，想食個港式+創新甜品都唔怕失望～…查看更多

OT完同同事去咗九運來粉麵世家食餐暖笠笠，發現幾款菜式都相當出色，價錢又親民，忍唔住要分享一下～🐤 秘製鴨腿煎蛋豉油撈粗 鴨腿份量十足，色澤紅潤，肉質夠腍又入味，啖啖肉唔鞋口，煎蛋同粗麵撈埋一齊最正。麵條爽口彈牙，每啖都滲出豉油香，真係好想狂加料落去大食 😋🍥 雲吞拼牛肚麵（轉魚麵） 牛肚夠厚身又大大塊，每塊都炆得好入味，咬落軟腍有層次。雲吞大粒，蝦肉又彈牙又鮮甜。魚麵質感特別，煙韌香口，食落魚香淡淡，主打一個唔係度度有得食嘅新鮮感～🍗 小食拼盤：炸雞翼、炸雲吞、炸魚角、炸墨魚丸 全部都炸得夠脆，外層香口但唔油膩，雞翼外脆內嫩，炸雲吞包住肉餡炸得香（個皮超級脆！），魚角墨魚丸更有彈性，一份幾個人share最啱，直逼啤酒小食level～成日OT或返工唔想煮嘢，呢度仲有$29外賣，方便快捷，性價比高到爆燈，平時買番公司一樣正。整體用料足，環境乾淨，係銅鑼灣區粉麵懶人恩物！…查看更多

上星期同朋友聚會，專登嚟荔枝角銀座炎蔵試燒肉，坐位悠閒，慢慢傾偈都唔會趕人～🥩 炎蔵和牛「極致」6點拼盤 店員建議由較厚身嘅肉類開始燒，逐件慢慢烤，享受和牛油花融化嘅畫面。六款日本和牛包括鞍下、上肋、龜之甲、芯芯、肩三角等，每種肉類口感都好唔同，有啲入口即溶、亦有啖啖肉香同彈性，牛香超濃郁，肉汁豐富。燒完一塊又想燒第二塊！🍚 石鍋和牛牛肉拌飯 熱辣辣石鍋係上枱尖叫位，飯焦脆卜卜，啖啖牛肉同蛋黃撈勻，每口都香噴噴，食完好滿足。🍺 朝日咖啡生啤酒（期間限定） 第一次飲呢款生啤！入口係迷人咖啡香，融合啤酒嘅回甘同淡淡麥香，飲落好match，推介配燒肉一齊歎，特別又易入口。🦑 魷魚 燒起幾乎即刻熟，魷魚啖啖彈牙，咬落新鮮鮮甜，送酒一流。呢度食材新鮮烤得好，加上舒適環境、燈光氣氛適中，超啱朋友聚餐！食完已經諗緊下次帶邊個再嚟～…查看更多

同閨蜜嚟中環La Parrilla Steakhouse，要歎一晚溫馨阿根廷料理！環境暗暗暖暖好舒適，啱晒傾偈慢慢食 😊🍸 開餐雞尾酒Buenos Aires Spritz & Cinzano Soda 前者微甜果香、後者就滿滿香草味配梳打，飲落refresh又唔搶味，開始餐前已經好有阿根廷chill vibe～🫘 Black Beans Hummus 黑豆泥配粟米片用黑豆同鷹嘴豆混合，味道香濃又細滑，酸酸鹹鹹配埋玉米片，超級開胃！🥟 Beef Empanada 碎牛肉阿根廷鹹味餡餃阿根廷小食代表！餡料牛肉香料混合，外皮焗到微焦，咬落爆汁完全唔dry，微辣嘅口味，同閨蜜夾住食幸福感max 🙌🏻🧀 Provoleta 烤焗波芙隆芝士阿根廷芝士焗到拉絲，奶香濃甜又唔膩，芝士控必食；點埋麵包口感層次超豐富 😋🍤 Langostino 阿根廷紅蝦意大利粉阿根廷紅蝦蝦肉爽彈，蝦味重兼夠晒鮮甜，細細嚼每啖海味先夠哂享受 😍🍟 Fries 香蒜炸薯條薯條外脆內綿，唔會油膩，呢個係特登點嚟蘸hummus同埋個芝士，兩種食法都咁好食，拉絲芝士同脆薯條完美Combo 🙌🏻 燈光柔和，音樂偏靜，職員服務好有善，慢慢坐到夜晚都唔趕人。坐低已經聞到炭燒香氣，成晚每款前菜都好有驚喜，適合聚會傾偈慢慢歎 😉…查看更多

真係好耐無食過放題，最近朋友撩起，話而家食放題唔止係日本嘢咁簡單，多咗好多嘢食，於是搵日收工就一齊去咗觀塘嘅極尚大喜屋食放題，環境開揚舒服，位置闊落，氣氛夠晒熱鬧，啱晒一班朋友或家庭開餐😋🥢 海鮮必食避風塘炒蟹用新鮮蟹，蟹鉗厚肉，外面炸得香脆、內裏鮮甜，蒜香辣椒夠惹味，encore幾次都唔夠🦀！鹽焗大頭蝦同樣新鮮，蝦殼脆身、蝦肉爽甜，大頭蝦爆膏有驚喜！同場仲醉鮑魚、凍海鮮、涼拌魚皮，海鮮控必瘋狂 😍🍣 刺身壽司陣容三文魚、油甘魚、赤蝦、帶子等全新鮮厚切，仲有創作壽司（推介左口魚同火炙三文魚腩），味道口感都有驚喜，壽司件細細唔怕叫太多 😋🔥 熟食、串燒、炸物燒羊架孜然粉香口唔過火，牛舌超彈牙，蒲燒鰻魚肥美多汁，仲有鮮甜嘅清酒煮蜆，魚翅同埋花膠都夠晒香濃，另外蒜片牛柳粒、燒菠蘿都值得encore。炸物、天婦羅、乳鴿都高水準，每款一小份，好容易share！🥗 自助區＋飲品＋甜品自助燒味區有燒鴨、蜜汁叉燒同埋燒肉，另有老火湯同麻辣小龍蝦做主打。飲品有汽水、茶、清酒、生啤機（勁正 😍 有埋啤酒杯勁好feel）任斟，仲有好多自家飲品，珍珠奶茶味道真心唔錯；甜品方面Haagen-Dazs雪糕、榴槤大福、日式蛋糕等齊晒，榴槤控一定要試燒金枕頭 😍另外個椰汁燉鮮奶超香濃，飲完之後勁滋潤 😋✨ 食物出菜快，QR code落單好方便，份量控制易；價錢合理，性價比高，唔少網民推介生日、學界飯聚同家庭 gathering搵埋朋友一齊食，真心推介！…查看更多