alanfong10的个人专页

喺觀塘APM附近如果你行遠少少嘅話，呢間冰室真係又平又抵食，最有驚喜嘅就係叫咗個牛肝菌帶子意粉$69，份量好大而且個味道真係好好食，估唔到冰室水準都會煮到咁好食嘅意粉，下次一定要encore。仲有叫咗個西餐牛扒配意粉，都只係$89, 牛扒好大件好吸引肉質好林，但係個意粉對個帶子意粉就真係餐好遠啦。最後叫咗個常餐比我個女食，有茄樓通粉，炒滑蛋配奶油豬，都只係$45非常之豐富，我個女食到舔舔脷。總括嚟講呢間冰室食物水準幾好大件又抵食，侍應服務都算係可以，原來我哋手腳都好快，只係APM行過去5分鐘嘅路程，Menu上面仲有好多嘢都想試，但係我哋得兩大一細單債，下次都會一定嚟幫襯。…查看更多

朋友話想食和牛喎,於是帶左我黎九龍城呢間餐廳食，個餐牌都好多種類，我哋叫咗個牛石盒盛，成為$548, 黎到係一半牛，一半豬，吓！呢d就係日本A5和牛呀？得幾塊仲要甘既質數，你當我未食過和牛咩。另外叫左刺身食吓，刺身反而對板d, 三文魚腩同白肉x都幾肥味，最正就係個原殼海膽，一人一個好鮮味，又唔洗爭食。由於唔夠胞既關系，叫左一鍋蟹粥填下個肚，蟹粥個味道都ok幾好既。係甘二食下都過千蚊落樓，我諗唔叫個牛會無甘嬲羅！…查看更多

無幾耐之前黎食過，而家補番篇食評先，呢間我之前嚟過一次，係朋友帶我地食既，今次心思思想食椰子雞煲就嚟返嚟間幫襯。叫咗半隻雞，個椰子湯真係好清甜,落啲雞落去，再用個沙漏計時，啲雞啱唔好熟，好滑好香好味。另外叫左必點既響令,落啲湯到過一過,非常好味，仲有叫左d雜菇雜菜，丸同我至愛既生蠔，全部都新鮮好味，有一點比較可惜既係，如果要加湯既，唔會加椰子湯，如要加椰子湯，要另外俾錢。如果改一改呢點，我會成日黎幫襯。…查看更多

又有朋友生日，又到食好嘢嘅時候啦，今次都係食西餐嚟到呢間餐廳個裝修都唔錯，個Menu亦都簡單唔複雜，好快我哋就諗到要食咩啦。叫咗個炭燒美國10安士嘅牛扒，一客兩塊嘅西班牙豬胺，另外頭盤有叫咗個沙律，海膽蒜蓉多士，仲有個卡幫你意粉。首先送既麥包都幾好味，但我都係鐘意out back既包，牛扒同埋豬胺都好好味，牛扒食得出係原汁原味，帶骨嘅西班牙豬胺好juicy，海膽配蒜蓉多士都幾創新但價錢都唔平，他幫你意粉亦都係水準之作，沙律亦都好清新，最後叫埋個生日甜品櫃呢個晚餐畫上圓滿嘅句號。價錢唔平，有openrice75折就好dd…查看更多

今日去青衣經過呢間餐廳，見到佢生蠔做特價俾佢吸引左入去，叫咗$120半打嘅生蠔，即係平均二$20一隻，係海水味重小小，又唔係死鹹甘隻，係好食過$10一隻嗰啲生蠔少少嘅，但係$10一隻生蠔都抵食，除時照一兩打都無問題。另外叫咗一版海膽配埋紫菜食都好美味，煮主食就叫咗一塊牛扒，同埋一碟卡幫尼意粉，牛扒見到佢係扒爐上燒嘅格仔紋，即刻流晒口水，碟意粉亦都好正宗有隻生雞蛋分開上，你哋自己加落去撈埋一齊。今餐好滿足，生蠔海膽牛扒全部都係我嘅至愛，用OpenRice定位仲有七五折，所以都幾抵食下次可以再嚟！…查看更多

今日朋友生日，我哋三個人就上咗嚟呢間北角嘅火鍋慶生，呢間火鍋店嘅裝修好特別好有特色，宮廷中國風一入到去已經已經有種高級嘅感覺，已經知道價錢都係宮廷既收費，我地點左一個康熙花膠雞煲，要三舊水，個煲好得意有隻龍頭係個煲上面，又點多個本地手切牛頸脊，上到黎份量唔係好多咋喎但味道係唔錯嘅，值唔值四舊水呢個價錢就真係見仁見智啦。佢仲叫咗丸呀，珊瑚蚌呀，集菇菜，響鈴魚皮呀等等，竹蔗茅根成$60渣都叫咗兩集渣最勁就係佢嘅宮廷醬介成$28位，我就唔覺得啲將有咩咁特別啦。…查看更多

今日朋友帶我嚟呢間食和牛，和牛既色菜式有好多選擇，花多眼亂，我地點左個薄燒和牛壽司，一個和牛火鍋，一個豚肉泡菜卷，一個和牛他他，再加一個飯。菜式擺碟都幾好嘅，泡菜卷味道可以，但唔係一定要試，薄燒和牛好大塊，入面蓋住一舊飯仔，和牛火鍋和牛嘅花紋的都好平均,放喺鍋入邊六一六就食，得食得出和牛既原味,和牛他他都好味，點埋個汁仲嘢味 ,但係他他人哋出邊多數係剁碎咗個牛肉，呢度就唔係咁樣。我食嗰陣時OpenRice做緊七折都叫做幾抵食，但係而家寫食評嘅時候就冇咗七折喎，如果冇七折嘅話我會淨係比OK佢，有七折嘅話就肯定好評。…查看更多

餐廳嘅位置幾方便喺油麻地旺區，上到去裝修得幾精緻，座位唔會太迫，有落地玻璃可以睇到出邊成個景觀，所以訂位之前最好訂到有窗口位，如果早少少去到嘅話可以睇埋日落。個set Menu大約四百幾蚊連埋加一 $500到一個人，嘢食都幾好味，有頭盤湯主菜同甜品都算係咁啦，湯同厚切薯條都好味，想再encore。主菜揀咗牛扒食落去個肉質都好林味道可以，如果食晚餐數埋杯餐酒咁就一流啦。仲要一讚嘅就係佢嘅擺碟，啲碟菜嘅擺碟都好有心思，令到你睇落舒服食得享受。…查看更多

今時今日$雞可以買到啲咩呢，都要花一段時間諗下先可能數得出寥寥幾樣可以買到嘅嘢。但係住喺荃灣嘅街坊一定會諗到$3原來可以食一碗豆腐花仲要好味既，喺路德圍有兩間豆腐花競爭都好激烈，兩間都買$3一碗，我比較鍾意食阿玉豆腐花因為佢有涼粉，隔離嗰間冇，咁我就整碗涼粉豆腐花兩拼。好滑有豆味加啲涼粉可以係雙重享受。通常喺附近食飯或者食碗米線之後就嚟呢度嘆一碗豆腐花，九成嘅時間都要排隊㗎啦但係都唔會排好耐因為有兩間你選擇兩間都要排。支持佢哋希望兩間都一直競爭落去唔好是但有一間執笠。…查看更多

今日個女上完堂話要食點心喎，咁我係OpenRice睇吓葵芳附近有咩好選擇，見到呢間龍寶好似唔錯就上去試吓啦。平日下午茶係低既，佢所有啲孖寶啊點心拼盤啊到咗週末每款要再加$3 ，變咗唔係咁抵啦，仲有人哋只係收加一服務費，佢要加13%嘅服務費變相又貴咗啲啦。有d點心嘢嘅賣相同埋味道都OK嘅，例如春卷同雞扎都可以，佢藥膳雞腳就睇落寒酸咗啲，好似都係得三四隻到。最後我哋叫咗兩個孖寶+1個點心拼盤，我哋兩大一細買單$110,最慘係我四歲嘅女佢都想去茶錢，無話可說。…查看更多

今日同一班波友gathering，朋友提議嚟呢間食火鍋放題，再訂一間房，我哋都有成八九個人，訂房嘅話要加$300 total，咁多個人除翻都冇乜所謂嘅。我哋九個人好似包兩個湯底,但張枱有三過爐喎，第三個湯底要自己價錢,冇所謂啦我哋照加，咁樣唔使坐得甘迫，火鍋料都OK嘅，都有幾多海鮮嘅,有鱔片有脆肉鯇有蝦,牛肉都幾好過得去嘢，飲櫃任飲都有竹蔗茅根之類，但好似唔見有啤酒喎。唯一少少投訴嘅就係佢調味架，辣椒粒唔係用新鮮辣椒所以唔夠辣。埋單大約每人$200倒都算係幾抵玩啊。…查看更多

朋友生日，話要黎海港食蟹，原來最近做返$188一斤長腳太，咁我哋就揀咗一隻六斤嘅蟹食，的確係好大隻味道鮮甜，同之前你食過嘅差唔多，跟住仲叫咗其他餸，象拔蚌268但係極之細隻好細盤，睇教殼就知但係，味道可以既，扇貝$88有4隻，但係你都見到啲扇貝係呃人嘅，埔咗盡粉絲係底，跟住上面放幾塊冰鮮帶子上去，就學人扮扇貝，我都冇嘢好講啦，冬瓜盅都算OK嘅比較正路好似188燒鵝半隻二百幾蚊，我覺得啊一般啦唔係十分大碟，好似以前大隻d，味道都無以前甘好，咕嚕肉都算正路，都好似百幾蚊，碟蒜蓉炒菜心呢碟菜都要成$98 ，基本上其他啲餸太貴又唔係十分好食剩係得牆腳蟹最抵食下次你都淨係食隻蟹算啦。八個大人兩個細佬，食左$2800.…查看更多

之前見到電視賣廣告，不惜工本請咗兩大歌星，超長嘅廣告有歌聽有舞跳，值回票價，原來係買緊新推出嘅飲品。用手機app原來仲有推廣，免費送你一杯飲品試飲，分別係四季同埋咖啡，四季應該茶味，加埋奶蓋喺上邊甜甜地，咖啡就係齋啡再加個奶蓋係上面，鍾意飲咖啡嘅人可以推介但係在乎係偏苦嘅一個人唔關咖啡嘅都係四季穩陣啲，一部機一個app送你一杯，所以我同老婆就一人攞咗一杯試飲過都算係唔錯啦，唔使錢就有得飲正，希望佢得閒俾多啲試飲等我可以試晒所有嘅味道。…查看更多

今晚無訂位既情況下，係尖沙咀呢間食泰國嘢，我哋三大一細，老闆娘好好人比一張大枱我哋，我哋都冇所謂坐住先啦，餐廳唔係好大，環境裝修得好好泰式嘅風味，差唔多坐滿哂，餐具擺設都好靚，首先我哋叫咗個椰青，椰青入邊嘅水滿寫咁滯，一嚟到即刻飲返啖先好清甜，之後就叫其他嘢食，叫咗原個菠蘿炒飯，一個大拼盤，仲有條鹽燒魚。拼盤有四件蝦餅四件魚餅四條春卷仲有個生菜肉鬆包係中間，全部都幾好味，肉鬆生菜包有少少辣，食得辣嘅會覺得好野味，串燒有六條，豬牛雞各有兩條，我覺得好好味點埋個沙嗲汁一流，燒魚亦都唔錯，打開個皮入邊有好多肉又少骨，我最鍾意就係嗰個泰式辣汁，菠蘿炒飯都係水準之作，個菠蘿應該係新鮮嘅唔係番用果啲。最後食得太飽我哋冇叫甜品就埋單啦，價錢應都好合理。…查看更多

以前用里數換機票話飛台灣就飛台灣，由於上年航空公司要加燃油附加費，明屈我哋呢班換里數機票嘅乘客，而家換張台灣機票都要額外俾多四，五舊水真係好唔抵玩，所以都冇飛台灣好耐啦。為咗解下台灣嘅資料，今晚再嚟呢間食台灣。黎到發覺佢轉左Menu喎，以前有晚餐好抵食，一個主食加杯嘢飲仲可以另外再加啲小食，而家再冇呢支歌仔唱，睇嚟都同航空公司一樣境況，無得再so!!小食叫咗鹽酥雞同埋滷水拼盤，鹽酥雞幾野味但係分量少咗啲，滷水拼盤嘅味道幾好，煮食就叫咗番茄牛肉麵同埋炸雞扒滷肉飯，牛肉麵我最鍾意味道亦都唔錯，炸雞扒都好脆，甜品我哋叫咗三個，我最鍾意食嘅芋圓，味道好正宗好好味我覺得唔夠食，草莓窩芙雪糕我個女就最鍾意，一見到超級興奮，仲有脆皮泡芙盼盼都唔錯可以一試。由於冇晚餐嘅情況下，我哋冇叫到任何飲品，兩大一細埋單成為$400, 相信獎前黎會平dd.…查看更多