kelvin_yan的個人專頁

今次跟朋友一齊去左係佐敦嘅蝦蝦燒，試吓流水蝦，意思似用長魚缸模仿一條小河道，比客人捉蝦食。今次四人行跟著識食嘅朋友，佢哋一早安排好晒要主攻啲咩。兩個人就留係座位夾大頭蝦，同燒住先。99.9%蝦都係好生猛，新鮮嘅蝦就係好食囉。其餘負責出去拎嘢食同飲品。有小小熟食同埋冷盤，麻辣魚皮好友驚喜，魚皮爽又夠麻夠辣，好正。大家都鍾意食生蠔🦪，一開始就拎左蠔返黎燒。蠔仔細細，雖然唔夠肥美但烤完蠔肉都好香無異味。肉串有羊肉串牛肉串仲有豬髀仔燒完都唔錯，肉唔會韌或輆，都幾軟熟，加孜然粉辣椒粉同鹽就成為一串好味嘅串燒。所有貝殼類都幾新鮮，無沙鮮甜可口。除咗任食嘅嘢食每人仲會附送限量貴妃蚌同鱔肉。嘢食又好食，又可以玩下串燒，物超所值，大家都食得好開心。…查看更多

想食流水蝦好耐啦😍😍😍終於食到。啲海鮮同蝦出乎意料之外咁新鮮。大頭蝦街市都賣百幾一斤，有得任食真係大滿足。一開始就已經有人幫你準備咗一批蝦放左係爐度燒，仲調好咗味。仲有一大包濕紙巾，俾你抹手唔怕落手後污糟。除左主角大頭蝦，原來仲有好多其他海鮮同食物。除咗燒之外仲可以拎去就淥熟佢。元貝、鮑魚、生蠔🦪我都食左好多。元貝大粒鮮甜好食。每人會附送一大串鰻魚肉，燒完之後好香，好好食。今次掛住食海鮮，肉類試得比較少，牛肉粒串，雞軟骨都食食完又會想食。…查看更多

我最喜歡的韓國餐廳outdark。一嚟環境氣氛好好，掛滿左星星燈飾，環境昏暗，好友韓國特色。二嚟嘢食正宗好好食。 芝士王國係每一次都要食，已經試過芝士炒雞同辣炒豬肉，今次試埋芝士豬肋骨，揀咗辛辣味，芝士mix左啲辣汁，奶香得黎辣辣地，好惹味。自行用芝士包住一條條肉骨💯，大滿足。唔好睇咁多芝士，但食落係滿足而不膩。仲有紫菜飯、泡菜、菠蘿、鍋邊蛋，超豐富。芝士王國份量好大，兩個人食都夠晒飽。一向大食嘅我哋，要多半份炸雞，除咗雞會有埋加左芝士粉嘅薯條、薯格同薯角，都炸到外脆內軟。相比起芝士王國，炸雞就無太大驚喜。原味炸雞要點醬，醬有四款，任君選擇。飲品要左rita, 即係大杯加倒轉玻璃樽。西柚味幾Fresh.…查看更多

成日晚市經過都好多人係門口，想必一定有過人之處。餐廳雖小但食物種類都幾多貼齊全。主打潮洲菜，亦都有牛腩粉麵。細滷水拼盤 $128鵝腸大大條爽口唔肥膩，正！墨魚有咬口，正。大腸夠腍無異味又入味，正！仲有紅腸、蛋、豬頸肉片、生腸、鴨腎、鴨肝。大堆頭，好豐富。韭菜鵝紅 $58不得了，好新鮮。第一次喺潮州舖頭，叫鵝紅，平時只係食台式火鍋會食。🤩原來都好好食，鵝紅口感嫩滑。底下鋪滿韭菜，清清地幾好食。牛四寶 $128有牛腩牛肚金錢肚牛筋，大大碟，全部都炆得好腍好入味。特別係牛筋腍得黎膠質充滿係個口度。好香。就咁食會鹹咗少少🤏配返飯或者粉面會啱啱好。蘿蔔都好清甜。就算辣椒醬都會有三款係枱面，任君選擇。麻辣，香辣，蒜辣。麻辣最辣， 蒜辣最惹味。…查看更多

皇室冰廳#醬爆茄子脆魚柳煲 🍆 🐟 $62上菜時個煲好有鑊氣，熱辣辣，茄子和魚柳的份量都好多，而且魚柳非常大塊。茄子煮到好香，而且仲係一條條好完整👍🏻茄子仲吸哂醬汁既味道，配埋個大碗白飯，加埋醬汁撈，好惹味，好快食完，係非常岩撈飯既小菜 😙因為佢係用鐵鍋上菜，所以食到尾都仲係熱辣辣👍🏻茶餐廳竟然可以整到大排檔嘅水準，真係無話可說🤤但唯一可以改善既地方就係比較油膩，一定要送白飯食先得🥰#Oreo特濃阿華田🍫本身以為會好甜， 但飲落好香阿華田味，配埋Oreo一齊飲好有口感，oreo餅好有咬口…查看更多

今日同媽咪慶祝生日，一入門口度完體溫就送兩個口罩，真係窩心。本身怕唔飽仲嗌左個小食，椒鹽鮮魷大大碟，香口惹味，如果飲酒嘅你送酒一流。套餐。所有海鮮刺身蔬菜都好新鮮。刺身有幾款，都係平時常見嘅但相比起放題，我覺得佢係新鮮啲。蒸海鮮方面最鍾意佢勁長斑馬賴尿蝦。啖啖肉彈牙又爽甜。呢個價錢可以食到咁大隻賴尿蝦已經超值。仲有佢啲貝殼類都好新鮮，無沙又鮮甜。其實食晒啲海鮮已經好飽。但係仲有個好好食嘅蟲草花蒸雞撈烏冬同埋吸收晒所有精華嘅粥。雞肉唔算滑但係好夠味同埋都幾多汁，烏冬吸收晒雞同埋蟲草嘅味道，好中式既烏冬，出乎意料地好食。結果粥食咗兩啖就食唔晒，打包返屋企聽日慢慢食。媽咪話今餐係大滿足。我覺得長輩一定好鍾意食呢間野因為真係大件又抵食仲要咁新鮮添。…查看更多

冇得去日本又使乜驚，今日去咗間同日本餐廳無疑既鍋物酒場。無論氣氛同埋環境都係一絕。仲加咗好多本地嘅元素，牆壁有好多鼓舞嘅字句。酒係同朋友相聚嘅時候必定會叫嘅飲品。竟然有半價⋯實在係太開心飲多幾支都唔怕。一嚟到會送上日本嘅生菜， 爽口清甜。叫咗一盤串燒拼盤 有8串 $138 有大蔥豚肉卷 手羽 燒雞皮 雞軟骨 秋葵金菇肥牛卷 大蔥 煙肉車厘茄。燒蜜整體係正常質素。另外叫咗一串燒牛舌，牛舌彈牙厚身，如果調味再香口啲會更佳。日本和牛野菜豆腐鍋 $258一上枱嘅時候對於牛肉嘅質素有點兒震驚。花紋好靚，果然係和牛。分量亦都比想像之中多，幾個人食都夠share。牛肉味香濃。蔬菜煲入邊有粉絲，吸晒湯底嘅精華之後彈牙又好食。作為牛魔王當然唔會放過佢嘅石版牛。150g有六塊。好適合鍾意食重油脂牛既朋友。食完之後會有少少濟嘅感覺。呢個時候，我會食返幾塊一開始嘅前菜日式生菜。朋友另外在叫咗飲品。碟豆花嘅飲品真係好靚，酸酸地檸檬香味為主，一啲都唔甜，好鍾意。提子乳酸，整體都唔算甜，都幾好飲。…查看更多

日本鬼怪風地獄拉麵。湯底即叫即煮，可以見到廚師係個穫度煮湯底，氣勢十足。呢度主打辣味味增湯，亦有分唔辣同唔同程度嘅辣度。麻度都有得選擇。因為睇完網上評論話中辣都唔辣。所以我哋叫咗大辣大麻同大辣小麻。#芫荽辣麻味增拉麵 $110大辣湯底對於平時食開中小辣既我，岩岩好，夠辣又唔會over左。大量芫荽係面，夾埋湯底一齊食好清香。鐘意麵條既彈牙同質感。大大舊肉，但肥肉比例好多，雖然香口但係對女仔來講比較抗拒，只係食咗瘦嘅部份。#味肉辣麻味增拉麵 $100日本糖心蛋真係好好食，蛋味香濃又滑。叫親拉麵都一定會要。湯底都係一樣只係大麻大辣，但感覺上大麻同小麻唔會差太遠。食完之後嘴邊都會有少少麻痹嘅感覺，好正。…查看更多

陳儀興玫瑰餐廳 (新蒲崗)胡椒豬肚雞煲（半隻） $138雖然平常但係唔係間間打邊爐都有呢個湯底。一上枱即刻試吓個湯。胡椒味好足夠，湯底清甜，加埋鹹菜同豬肚，好豐富。雞比足大半隻，一上枱就覺得雞肉好靚，有光澤雞皮有黃。加埋雞落湯底，煮多陣會更加香濃。鍾意食辣嘅我就會覺得如果胡椒味再辣啲，會更加惹味同滿足。#凍檸樂 $18 鹹檸七 $18 一大杯冰底，打邊爐必備。#菜肉餃拼芥末西芹餃 $50 好大粒又足料。鍾意刺激試新口味嘅，一定要試吓芥末西芹餃🤣真係會辣到喊，芥末味好重，好刺激。#安格斯牛肉細碟 $138牛肉味好香濃。見到肉嘅花紋都知道係靚嘅牛肉。#滑牛肉拼竹笙$50 都唔錯。鍾意竹笙夠大舊，可以吸晒嘅湯底。Like 社交平台和牛牛柳粒 $1最抵食莫過於讚好社交平台可以用一蚊加購和牛牛柳粒。數過仲要有8大粒，一係唔惹小。食落係喺美食展可以買到嘅和牛粒。肉味香濃肉質腍又香油脂。…查看更多

我地揀左12道菜每人$1180廚師發板最驚喜嘅地方係你唔會知道你自己嚟緊食啲咩，啱晒無主見嘅朋水。加上呢間係食創意料理，就會係驚喜之中嘅再驚喜。前菜係牛油果🥑慕思沙律🥗整體好Fresh. 第一次食呢個菜，超級爽脆。主菜方面。我最鍾意海魚刺身。有唔同嘅魚片刺身。點黃綠芥末同佢地個特製蝦頭蝦腦蝦膏汁。濃郁但又冇搶去魚嘅鮮味，反而有種相互相承嘅感覺。橡木果煙燻鴨胸。揭開個蓋嗰陣時已經好有氣勢。係視覺嘅一種享受。鴨胸燻得岩岩，嫩身帶鴨香又有少少煙燻味。兩隻鵪鶉蛋滷得相當唔錯。蜆肉鰹魚清湯係用咖啡壺蒸餾鰹魚汁再倒入蜆肉啫喱。好特別，清清地都幾好飲。麻辣三文魚粒配米通，三文魚砌成粒狀撈四川麻辣醬再夾米通，成件事中式得來又好夾。米通超級脆。甜品都會有三款；用蒟蒻做嘅冷麵條檸檬雪芭Lego啫喱…查看更多

餃子舖出名既有幾間。豐信係係我list裏面其中一間。佢餃子🥟有好多花款。我最鍾意❤食佢既芫茜鮮肉餃、紫菜鮮肉餃、西洋菜鮮肉餃。餃子大隻，一定要分2-3口食。價錢方面$34～$36 有7隻。$40～$45 有10隻。雙拼可以+$2。使用椰子海帶鮮雞豬骨做湯底，無味精飲哂一碗都得。餃子🥟皮夠薄而且貼肉，唔會皮肉分離。菜肉類既餃子🥟菜處理得好好，新鮮爽口。同肉既比例都係7:3黃金比例。食哂會飽而不濟。紫菜鮮肉餃比較特別。大比例上係紫菜。咬落實淨又香紫菜味。鐘意紫菜既一定鐘意。今次試埋香菇鮮肉，菇🍄味清香，對比其他餃會清淡啲。加埋辣菜莆食會更惹味。…查看更多

頑固壽司係日本有好多間分店。終於開到黎香港。今次同同事lunch時間試左佢既套餐。#壽司拼盤12貫定食 有12件。當中有......吞拿魚大拖羅、中拖羅、平目魚、鰻魚、帶子 、金目鯛 、松葉蟹柳、甜蝦海膽軍艦 、三文魚子軍艦同玉子燒。仲配有熱食茶碗蒸、味增湯同前菜！#壽司拼盤10貫定食 大部分都同12貫定食一樣。有吞拿魚中拖羅、平目魚、鰻魚、帶子 、松葉蟹柳、甜蝦海膽軍艦 、三文魚子軍艦同玉子燒。同樣係配有茶碗蒸、味增湯同小前菜！識食一定係由味淡既白身魚食到赤身魚。咁先唔會影響到食淡味魚果時既味道。雖然係Lunch，但賣相精緻有心機，同晚飯有的揮。食材唔係廉價因為壽司刺身都新鮮，整體質素同性價比都十分高。食完成個set係男仔都覺得飽。…查看更多

今日同朋友去咗荃灣荃新天地行街，經過一間西餐廳，見到好多人食漢堡包，門口有meun提供，都係$100以內仲要唔收一服務費！所以就即刻入咗去試吓個牛肉漢堡包🍔#澳洲草飼牛肉漢堡配炸薯格漢堡包份量適中，麵包有用牛油烘過，食落好香牛油味同埋熱辣辣好香脆！配料有生菜🥬，蕃茄🍅、脆脆嘅煙肉🥓配埋芝士同埋牛肉好夾好清新！澳洲草飼牛肉漢堡扒好大塊，牛肉好多汁，牛味好香濃、好Juicy，芝士半溶既狀態鋪上漢堡，好邪惡！加埋炸到熱辣辣既薯格🍟 ，好惹味！男仔一定食得飽，而且價錢唔貴值得一試！…查看更多

#稻八日式火鍋炸物放題 (大埔)依家防疫時間，出去食飯都人心惶惶。想打邊爐又唔想堂食。好多火鍋店都出咗外賣。去到用點餐紙揀，特級美國穀飼牛火鍋外賣套餐。揀咗4人份/$688。有齊晒牛肉、豚肉、雞肉同埋羊肉。我哋唔食羊肉，都可以揀其中一款肉代替。牛肉同豚肉切到一卷卷，尤其係牛肉好大一卷，而且都幾厚，似係厚版肥牛。跟住可以揀24件丸類。6款蔬菜或者麵食。3款餃子或者滑類。鍾意佢嘅蔬菜好新鮮生菜好爽口。雖然話只可以揀24件類，但其實為咗填滿食物盒，佢地有多比到。原來都好正常。最後揀埋湯底，湯底會用兩大樽膠樽裝住，如果係用一個大煲既話，應該勉強夠用，我哋用鴛鴦煲，淨係放落一邊就有半枝多左。我哋揀咗牛乳牛骨湯，味道唔算唔係濃郁嘅湯底，清清地打邊爐都幾好。鍾意嘅話可以加$5/份打邊爐。分量方面好夠食，兩個男仔兩個女仔食，但都食淨左唔少野。整體來講，其實咁樣外賣火鍋材料都係好方便，每人淨係拎隻碗同筷子，免卻左好多買材料處理材料洗碗嘅時間。…查看更多

鐘意餐廳樓底高，感覺上空間好大，坐得闊落，都幾舒服。牆上畫上春夏秋冬四季做主題既手繪圖畫，藝術氣息都幾加分。有一缸肥嘟嘟金魚，好得意。整體比到我寧靜既感覺。部分食物係劃紙。但大多數食物都可以係自肋區拎。種類都好多，有沙律、冷盤、炸物、熱湯、生果果同甜品等等。真係咩都齊哂。食物整齊餐具整潔。呢個環境，最緊要食得安心。經理好友善，仲推介左幾款菜式比我地。#燉湯每人都送一客燉湯。以無加肉既湯黎講，佢煲得清甜。裏面有龍眼肉、姬松茸、粟米同南北杏！鐘意佢清澈無油份(因為無肉)。#素食壽司壽司嘅種類真係多到好似去左食日本餐廳咁😂有三文魚🍣、鰻魚、甜蝦、吞拿魚、墨魚、卷物等。仲有手卷添。全部賣相都好似平常食既壽司。好有驚喜。壽司飯同平時食既無分別！無拿拿好似食緊日本野咁。#Pizza我都幾鐘意Pizza！餅底脆又薄，雖然無肉，但好似食緊夏威夷風情一樣，配左菠蘿🍍千島醬同芝士。…查看更多